|
II. Zamonaviy oilani mustahkamlash va rivojlantirish masalalari bo‘yicha fundamental, amaliy va innovatsion tadqiqotlar olib borish. Mazkur yo‘nalishda an’anaviy oilaviy qadriyatlarni saqlab qolgan holda zamonaviy oila modelini shakllantirish uchun tarixiy-madaniy shart-sharoitlarni kompleks tadqiq etish, ularni keng targ‘ib qilish va hayotga joriy etish bo‘yicha ilmiy asoslangan takliflarni ishlab chiqish, huquqbuzarliklar, jinoyatchilik, oiladagi mojaro va zo‘ravonliklar, oilalar ajrashishi hamda ularning ijtimoiy oqibatlarini kompleks tadqiq etish asosida ularning oldini olish bo‘yicha chora-tadbirlar belgilanadi. Axborot-kommunikatsiya texnologiyalari va Internet tarmog‘ining oila mustahkamligiga va rivojiga ta’sirini o‘rganish, oilaviy turmush tarzi qadriyatlarini oshirishni targ‘ib qilishda, oilalardagi salbiy ijtimoiy holatlarni profilaktika qilishda axborot-kommunikatsiya texnologiyalaridan foydalanish imkoniyatlarini kengaytirish vazifalari yuklanadi.
Bunda muqobil oilaviy vasiylikni tanlash, qo‘llab-quvvatlash tizimini takomillashtirish (bola asrab oluvchi ota-onalarni topish va tayyorlashni yo‘lga qo‘yish, farzand asrab olgan oilalarni professional qo‘llab-quvvatlash va vasiylik sifatini monitoring qilish tizimini yaratish) hamda xorij amaliyotini O‘zbekiston sharoitiga moslashtirish bo‘yicha takliflar ishlab chiqish, xayriya faoliyati holatini o‘rganish, tadbirkorlik sub’ektlari va jismoniy shaxslarni og‘ir turmush sharoitida qolgan oilalarni qo‘llab-quvvatlashga rag‘batlantirishni nazarda tutadigan amaliy tavsiyalar ishlab chiqish masalasi belgilanadi.
Dostları ilə paylaş: |
