Zbekiston respublikasi milliy gvardiyasi harbiy-texnik instituti

Jinoiy qasdni qisman bajarish jinoyatning obyektiv tomonini tashkil 
etib, shaxsga bog‘liq bo‘lmagan holda tugallanmay qolgan yoki modda 
dispozitsiyasida (jinoyatlarning moddiy tarkiblarida) ko‘zda tutilgan jinoiy 
oqibatni yuzaga keltirmagan qilmishni sodir etishda ifodalanadi. 
Jinoyatni bevosita sodir etish shuni bildiradiki, shaxs muayyan 
jinoyat tarkibining obyektiv belgilarini qamrab oladigan qilmishni amalda 
sodir etadi. Bunda bajaruvchi yakka tartibda hamda boshqa shaxslar 
(birgalikda bajaruvchilar) bilan birga harakat qilishi mumkin. Keyingi 
297 

---

holatda birgalikda bajaruvchilar o‘rtasida rollar taqsimlangan bo‘lib, 
ularning har biri jinoiy qilmishning obyektiv tomonini qisman bajaradi. 
Masalan, bosqinchilik hujumini sodir etishda bir bajaruvchi jabrlanuvchi 
hayot yoki sog‘lig‘i uchun xavfli zo‘rlikni qo‘llaydi yoki shunday zo‘rlikni 
qo‘llash bilan tahdid qiladi, boshqasi esa jabrlanuvchining mol-mulkini 
egallaydi, bunda ikki subyekt ham jabrlanuvchi mol-mulkini talon-toroj 
qilish maqsadida harakat qilishadi. 
Birgalikda bajaruvchilik tushunchasi jinoiy qonunchilikda mavjud 
emas. Biroq jinoyatda shunday ishtirokchilik mavjudligi Oliy sud Plenumi 
tushuntirishlarida ishtirokchilik shakli
1
hamda ishtirokchilik turi
2
sifatida 
nazarda tutiladi. 
Jinoyatni bilvosita sodir etish shundan iboratki, bajaruvchi jinoyatni 
sodir etish uchun boshqa shaxsning jismoniy harakatlaridan foydalanadi. 
Tergov va sud jinoyatning obyektiv tomoni aqli norasoligi yoki 
tegishli 
yoshga yetmaganligi sababi bo‘yicha jinoiy javobgar 
bo‘lmaydigan shaxslar tomonidan bevosita amalga oshiriladigan holatlarga 
alohida e’tibor qaratishi lozim. Masalan, agar jinoyat muayyan qilmishi 
uchun jinoiy javobgarlik yoshiga yetmagan shaxs tomonidan sodir etilsa, 
uni jinoyat sodir etishga og‘dirgan shaxs mazkur jinoyat bajaruvchisi 
hisoblanadi, uning voyaga yetmaganga nisbatan harakatlari esa 
qo‘shimcha tarzda JK 127-moddasi 3-qismi bo‘yicha voyaga yetmagan 
shaxsni jinoyat sodir etishga jalb qilish sifatida kvalifikatsiya qilinishi 
shart. 
«Voyaga yetmaganlarning katta yoshdagilar ishtirokida sodir etgan 
jinoyatlari haqidagi ish ko‘rib chiqilayotganda katta yoshdagi shaxs va 
o‘smir o‘rtasidagi o‘zaro munosabatlarning xususiyatini sinchiklab 
aniqlash lozim, chunki ana shu ma’lumotlar katta kishining voyaga 
yetmagan shaxsni jinoyat yoki g‘ayriijtimoiy harakat sodir etishga jalb 
qilishdagi rolini aniqlashda muhim ahamiyatga ega bo‘lishi mumkin. 
1
«Действия лиц, совершивших угон транспортных средств в составе организованной группы, независимо от 
роли каждого участника, должно рассматриваться как соисполнительство» (см.: Постановление Пленума 
Верховного суда Республики Узбекистан от 20 декабря 1996 г. № 37 «О судебной практике об угоне 
транспортных средств» // Сборник. Т. I. – С. 321). 
2
См.: Постановление Пленума Верховного суда Республики Узбекистан от 3 февраля 2006 г. № 1 «О 
практике назначения судами уголовного наказания» // Сборник. Т. 2. – С. 493. 
298 

---

Sudlarga 18 yoshga to‘lgan va jinoyatni qasddan sodir etgan shaxs-
largina voyaga yetmagan shaxsni g‘ayriijtimoiy xatti-harakatlarga jalb 
qilgani uchun jinoiy javobgarlikka tortilishi mumkin ekanligi 
tushuntirilsin. Shuningdek, katta yoshdagi kishi o‘z harakatlari bilan 
voyaga yetmagan shaxsni g‘ayriijtimoiy xatti-harakatlarga jalb 
qilayotganini bilgani holda yoki shunday fikrga yo‘l qo‘yganini ham 
aniqlash lozim. Agarda katta yoshdagi kishi shaxsni g‘ayriijtimoiy xatti-
harakatlarga jalb qilsa-yu, uning voyaga yetmaganligini bilmasa yoki 
bilishi mumkin bo‘lmasa, bu holda JKning 127-moddasi bilan jinoiy 
javobgarlikka tortish mumkin emas»
1
. 
Mazkur holatda, aqli noraso shaxs tomonidan boshqa shaxs 
ko‘rsatmalari asosida jinoyat sodir etilgani kabi, ko‘rsatma bergan shaxs 
harakatlari bajaruvchilik sifatida, amalda jinoyatni sodir etgan shaxs 
harakatlari esa, jinoyat quroli sifatida tavsiflanishi shart. 
Oxirgi zarurat holatida turgan boshqa shaxslarni majbur qilgan holda 
o‘z jinoiy maqsadiga erishgan shaxslarni ham jinoyatning bilvosita 
bajaruvchilari sifatida tan olish lozim. Boshqacha so‘zlar bilan aytganda, 
bayon etilgan vaziyatda bevosita «bajaruvchi»ga nisbatan uni o‘z irodasiga 
qarshi harakat qilishga majburlash maqsadida ruhiy yoki jismoniy majbur 
qilishdan foydalaniladi. Masalan, do‘kon kassiri to‘pponcha qaratilgani 
bois pullarni kassadan oladi va ularni jinoyatchiga beradi. 
Nihoyat, bilvosita jinoyat sodir etilishi aybsiz holda harakat qiladigan 
bevosita «bajaruvchi»da jinoyat tarkibining asosiy obyektiv alomatlariga 
nisbatan xato mavjud bo‘lgan hamda bilvosita bajaruvchi shunday xatoni 
yuzaga keltirgan yoki atayin foydalangan hollarda ham uchraydi. Misol 
uchun, kontrabanda jinoyatchi samolyotda hech nimadan 
shubhalanmayotgan yo‘lovchidan boshqa shahardagi 
tanishiga 
«jo‘natma»ni yetkazishni iltimos qiladi, yoki, firibgar mashina o‘g‘risi o‘z 
avtomobili kalitini yo‘qotganligi bahonasida tasodifiy o‘tkinchidan 
transport vositasini harakatlantirishga yordam berishini so‘raydi. 
1
См.: Постановление Пленума Верховного суда Республики Узбекистан от 15 сентября 2000 г. № 21 «О 
судебной практике по делам о преступлениях несовершеннолетних» (с изменениями и дополнениями, 
внесенными постановлением Пленума Верховного суда Республики Узбекистан от 14 июня 2002 г. № 10 и 3 
февраля 2006 г. № 5) // Сборник, Т.2. – С. 301. 
299 

---