Müasir neft-qaz texnoloji yığım sisteminə qoyunlan qoyulan müasir tələblər: –quyuların məhsullarının tam seperasiyası, yəni neft, qaz və suyun maksimum ayrılması; –quyuların məhsulunun ayrı-ayrılıqda ölçülməsi; –hər sahə və mədən üzrə neft və qazın uçotunun aparılması; –quyuağzından təhvil məntəqəsinə qədər neft-qaz yığım sisteminin hermetikliyi; –emulsiyanın əmələ gəlməsinə yol verilməməsi; –neft, qaz və suyun normativ-texniki sənədlərin tələblərinə uyğun olaraq hazırlanması.
Yığım sistemləri və onların avadanlıqları. Bakı yığım sistemində məndən ərazisində sahə və mədən neft yığım məntəqələri tikilir və onları lazımı nasos stansiyaları, neft-qaz yığıcı boru kəmərləri və digər bir sıra qurğu və avadanlıqlarla təmin olunur. Bu yığım sistemi Azərbaycan və Türkmənistan neft mədənlərində tətbiq olunur və böyük əsaslı vəsait və istismar xərcləri tələb edir. Qiprovostotokneft institutunun basqılı neft-qaz yığım sistemi, qrup ölçü cihazı, birinci, ikinci və üçüncü pilləli seperatorlar, horizontal köçdürücülər, qazayırıcı, nasoslar, qaz xətləri, sıxıcı nasos stansiyaları və başqa bir sıra qurğu və avadanlıqlarla təmin olunur. Bu yığım sistemində çirkab sular tələb olunan keyfiyyətdə hazırlanıb lay təzyiqini saxlamaq sisteminə verilir. Təmiz və sulu neftləri ölçü qurğusuna istər ayrılıqda, istərsə də birgə nəql etmək olur.
