O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI ANDIJON DAVLAT UNIVERSITETI MAKTABGACHA TA’LIM METODIKA KAFEDRASI “MAKTABGACHA TA'LIM TASHKILOTIDA MATEMATIK TUSHUNCHALARINI SHAKLLANTIRISHNING NAZARIY VA AMALIY MASALALARI” mavzusidagi MAGISTRLIK DISSERTATSIYASI BAJARDI: Ta’lim va tarbiya nazariyasi va metodikasi (maktabgacha ta’lim) mutaxassisligi 2 – kurs magistranti Ikromova.N.A. ILMIY RAHBAR: p.f.b.f.d dotsent T.Kaziyeva
Dissertatsiya mavzusining dolzarbligi va zarurati.
O‘zbekiston Respublikasi Prezidentining “2017-2021 yillarda maktabgacha ta’lim tizimini yanada takomillashtirish chora-tadbirlari to‘g‘risida”gi Qarori qabul qilindi. Shu qaror bilan tasdiqlangan “Maktabgacha ta’lim tizimini yanada takomillashtirish bo‘yicha 2017-2021 yillarga mo‘ljallangan dastur”ning asosiy maqsadli vazifalari va yo‘nalishlari qatorida ilg‘or xorijiy tajribani hisobga olgan holda bolalarni har tomonlama intellektual, axloqiy, estetik va jismoniy rivojlantirish sharoitlarini yaratish belgilangan. Shuningdek, O‘zbekiston Respublikasi Prezidentining “Maktabgacha ta’lim tizimini tubdan takomillashtirish chora-tadbirlari to‘g‘risida”gi Qarorida mavjud tizimli kamchiliklar, maktabgacha ta’lim sohasida davlat siyosatini to‘liq amalga oshirishga to‘sqinlik qilayotgan sabablar ko‘rsatilgan. Maktabgacha ta’lim yoshidagi bolalarga ta’lim berish jarayonini takomillashtirishda bo‘lajak pedagoglarning ilmiy va uslubiy ta’minlanganligi, ularning kasbiy tayyorgarligi asosiy masalalardan sanaladi.
Tadqiqot ishining maqsadi: Bo‘lajak maktabgacha ta’lim tashkiloti pedagog – tarbiyachilarini maktabgacha yoshdagi bolalarda ilk matematik tasavvurlarni shakllantirish va rivojlantirishning ilmiy hamda metodik asoslari bilan tanishtirish va tavsiyalar ishlab chiqish.
Tadqiqot obyekti: maktabgacha ta'lim tashkilotida matematik tushunchalarini shakllantirishning nazariy va amaliy masalalarining o’rni belgilanib, tajriba-sinov ishlarida Buloqboshi tumani 1 Maktabgacha ta’lim tashkiloti tayyorlov guruhlaridan 28 nafar tarbiyalanuvchilar va 2 nafar tarbiyachilar ishtirok etdi.
