1. Riyaziyyat tədrisi metodikasının məqsəd və vəzifələri

1-dən 10-a qədər nömrələməni öyrənmək üçün əsas vəzifələr vardır:

1. 
   1-10 ardıcıllığında hər bir ədədin yeri bilinməlidir;
   
2. 
   Əşyaları saymağı, onların sırasını müəyyən etməyi bacarmalıdır;
   
3. 
   1-dən 10-a qədər ədədlərin hər birinin necə alınmasını bilməlidir;
   
4. 
   Rəqəmləri oxumağı bacarmalıdır və s.
   

10 dairəsində toplama və çıxma əməllərinin öyrədilməsi vəzifələri aşağıdakılardır:

• 
  1-dən 10-a qədər ədədlərin tərkibi ilə;
  
• 
  1-dən 10-a qədər ədədlərin oxunması və yazılması ilə;
  
• 
  Toplama və çıxma əməllərinin mənası ilə;
  
• 
  Toplama və çıxmaya dair hesablama üsulları ilə;
  
• 
  Toplama və çıxmada komponentlərin adları, əməlin nəticəsi ilə tanış olurlar;
  
• 
  Cəmi və fərqin ikili mənasını, toplama və çıxma arasında əlaqəni öyrənir, hesablamalarda tətbiq edirlər;
  
• 
  10 dairəsində toplama və çıxma cədvəlini öyrənirlər.
  

±1; ±2 halları:
Şagirdlər 1-i üstə gəlmə və çıxma, 2-ni üstə gəlmə və çıxma hallarını öyrənməklə, 1 və 2 ədədləri ilə toplama və çıxma cədvəllərini, həmçinin ədədlərin tərkibini öyrənirlər (7 ədədi 1 və 6, 7 ədədi 2 və 5-in cəmidir). “1-i üstə gəlmə və çıxma” mövzusuna bir dərs həsr olunur. İlk üç dərsdə 1-i üstə gəlmə və 1-i çıxma şifahi aparılır. Ədədin hissə-hissə (1-1 və ya 2-2) əlavə edilməsi və çıxılması 10 və 20 dairəsində tez-tez tətbiq olunur. Göstərmək lazımdır ki, 3-ün üstünə 2 gəlmə o deməkdir ki, ədədlər sırasında 3-dən sonra gələn 2-ci ədəd, yəni 5-i alırıq.
±3; ±4 halları:
±2 hallarını təkrar etdikdən sonra, o biri ədədlərə keçmək olar. Burada hazırlıq işi, tək və cüt ədədlər sırasının oxunmasıdır (düzünə və tərsinə): 1,3,5,7,9 və 2,4,6,8,10. Bundan sonra 3+1+2, 4+2+1 şəklində misallar həll edilir. ±3 və ±4 halları hissə-hissə toplama və çıxmaya əsaslanmaqla (±2 əsaslanmaqla) yerinə yetirilir. 5+3 halı 5+2+1, 6+4 halı 6+2+2 kimi göstərilərək hesablanır.