11-sinf tarbiy

Darsdan ijobiy saboq chiqarib
122
?
Ma’lumot uchun
IV bob. Shaxsiy rivojlanish

---

123
Tarbiya, 11-sinf
?
Darsdan ijobiy saboq chiqarib
30-MAVZU: MEN TANLAGAN YO‘L
Faollashtiruvchi savol va topshiriqlar
?
1. Yuksak ma’naviyatli insonga xos bo‘lgan fazilatlarni sanab bering.
2. Sharq donishmandlarining “Eng katta boylik bu – aql-zakovat va ilm, 
eng katta meros bu – yaxshi tarbiya, eng katta qashshoqlik bu – bilimsizlikdir!”
degan hikmati sizning hayotingizda qanday ahamiyatga ega?
3. Orzularingizni amalga oshirishda oldingizga qanday maqsadlar 
qo‘ydingiz? Sizning maqsadlaringiz oilangiz farovonligi uchun qanchalik 
ahamiyatli?
Aziz o‘quvchi! 
Siz 11 yil davomida qalbida, yuragida jasorat hissi nihoyatda kuchli 
bo‘lgan, har qanday murakkab vaziyatda ham o‘zini ayamay Vatani uchun 
ibratli ishlarni amalga oshirgan insonlar hayoti bilan tanishdingiz. Aynan 
ana shunday odamlarning ma'naviy fazilatlari tufayli ezgu his-tuyg‘ular, 
muqaddas va ulug‘ tushunchalar dunyoda hanuz barqaror bo‘lib kelmoqda. 
Bugungi kunda turli g‘oyaviy xurujlarga qarshi turish, halol yashash, o‘z 
oilasi va shu orqali mamlakat rivojiga hissa qo‘shish, Vatan taqdiriga daxldor 
bo‘lishning o‘zi katta jasoratdir. Albatta, shiddat bilan o‘zgarayotgan dunyo-
da o‘zligini asrab qolib, “Hazrati inson” degan nomga sazovor bo‘lish oson 
emas. Buning uchun har daqiqada fidoyi bo‘lish, har bir boshlangan ishga 
mas’uliyat bilan yondashish, halol yashash, vijdon amrini hayot tamoyiliga 
aylantirishning o‘zi kifoya qiladi. Halollik shunday bir sehrli kalitdirki, aynan 
u taraqqiyot eshiklarini ochadi. U inson vijdonining posboni, ruhini poklay-
digan, kamolotga boshlaydigan, irodasini mustahkamlaydigan katta kuchdir.
Ana shundagina har qanday marralarni egallash qo‘lingizdan keladi.
?
Mulohaza uchun
Hayotingizda quyidagi kichik bo‘lsa-da, katta ahamiyatga ega bo‘lgan
qoidalarga amal qiling:
– Manmanlikka berilmang, doimo hurmatda bo‘lasiz.
– Hech kimga hasad qilmang, farovonlik va xotirjamlik topasiz.
– Birovning haqqiga xiyonat qilmang, baxt va saodatga erishasiz. 
Dovyurak va botir insonlar kelajakda sodir bo‘ladigan 
qiyinchiliklardan qo‘rqmaydi.
Abu Ali ibn Sino