3-laboratoriYaliq jumis

18-súwret. Kollenxima:
A–kishi ob`ektivtegi kórinisi, B–úlken ob`ektivtegi kórinisi .
Sklerenxima. Bul toqıma kóbinshe paqalı epidermasınıń astında yamasa nay talshıq toplamı átirapında jaylasadı. Sklerenxima toqıması prozenxima kletkalarınan (Bunı kóbinshe «talshıq» dep ataydı) dúzilgen .Bul toqıma kletkalarınıń qabıǵı geyde qalıńlasıp ketedi, nátiyjede onıń orayında kletka kólemi kishireyip qaladı. Sklerenxima kletkalarınıń qabıǵı tsellyulazalasqan yamasa aǵashlanǵan boladı. Qabıqtıń Tsellyulozalasqan yamasa aǵashlanǵanlıǵın anıqlaw ushın hár qıylı mikroximiyalıq reaktsiyalardan paydalanıladı. Mısalı, flyuroglyutsin menen xlorid kislota aǵashlanǵan kletka qabıǵın qızıl túske, xlor-tsink-yod bolsa sarı túske boyaladı. Dáslepki sklerenxima dáslepki meristemadan, ekilemshi sklerenxima bolsa kambiyden payda boladı. Sklerenxima toqıması daraqlarda bolsa- libriform, talshıqlı ósimlikler de bolsa talshıq delinedi.
Mákke (Zea mays) paqalınıń sklerenxima toqımasın úyreniw
İslew tártibi: Mákke paqalınıń buwın aralıǵınan sırtına jaqın jayların alıp, bir neshe juqa kesindiler tayarlanadı. Soń tayarlanǵan kesindiler mikroskopta tekseriledi. Kesindiniń sırtqı tárepinde epiderma, bunnan ishkerisinde dáslepki qabıqlı, kletkaları hám de bir neshe tıǵız jaylasqan sklerenxima talshıqların kóriw múmkin . Bul talshıqlar kóp qırlı yamasa domalaq formalı, qalıń qabıqlı aǵashlanǵan kletkalardan ibarat. Mexanikalıq toqıma xalqasınıń astında kóp kletkalı, juqa qabıqlı parenxima jaylasadı.Parenxima kletkaları arasında mayda periferik ótkiziwshi toplamlar jaylasqan. Bul sklerenxima menen oralǵan boladı. Sklerenxima kletka qabıǵı xlor-tsink tásir inen qońır sarı túske , safranin tásir inen bolsa qızıl túske kiredi. (19 – súwret ).
19-súwret. Sklerenxima hám aǵashlı talshıq:
A, B-kese kesimi, V-uzınına kesimi, 1-kletka qabıǵı, 2-jalǵan tesikshe, plazmadesma, 3-kletka boslıǵı
Sklereid tas sıyaqlı kletkalar. Bul kletkalar hár qıylı formadaǵı júdá qalıń qabıqlı óli parenxima kletkaları boladı. Sklereidlar – tas sıyaqlı kletlardıń qabıq quramında qum topıraq bolıp, óz -ara tıǵız birikken. Bular ósimliktiń túrli organlarında: ósimlik paqalı hám japıraǵında; almurt hám behi miywesiniń etińde, shabdal, erik dáne sinde, badam, ǵoza qabıǵında ushıraydı