3-laboratoriYaliq jumis

16- súwret. Periderma- eklemshi qaplawshı toqıma (buzina)
A - chechevichka, B - peridermanıń dúzilisi , 1 - probka-fellema,
2 - fellogen, 3 - felloderma, 4 - epiderma qaldıqları.
Tut (Morus alba) qabıqların úyreniw
İslew tártibi: Kekse tut daraqtınıń qabıǵınan az ǵana kóshirip alıp probirkadaǵı glitserin aralas spirtke bir neshe kún salıp qoyıladı yamasa bir neshe minut qaynatıladı, nátiyjede qabıq jumsaqlanadı. Soń onıń ústi lantsette tegislenedi hám onnan bir neshe juqa kesindiler tayarlanadı: Bul kesindilerden birewi buyım aynasındaǵı glitserin tamshısına jaylastırıladı hám ústi qaplaǵısh ayna menen jabıladı: sonnan keyin onı mikroskoptıń kishi ob`ektivinde kóriledi. Bunda sarı tústegi qabıqtıń izbe-iz jaylasqan probka kletkaları anıq kórinedi. Probka qabatları arasında ólip qalǵan parenxima kletkaları bolıp, olar ishinde lub toqıması ara-tura kórinip qaladı. Probka qabatınıń búgilgen jaylarında tas sıyaqlı kletkalar toparı boladı, bul kletkalar átirapın da geyde romb formada ápiwayı kristallar kórinedi.
Q abıqtıń kese-kesiminde óz -ara tutasqan probka hám kórinip turadı. Qabıqtıń jas bólimlerinde peridermanıń barlıq bólekleri, yaǵnıy probkadan tısqarı, fellogen hám felloderma toqımaları hám anıq kórinedi (17-súwret ).
Probkanıń sırtqı qabatı bir qansha mayda kletkalardan ibarat boladı, bul áste -aqırın qurǵap ólip ketedi. Probka toqımalarınıń ayırım kletkaları úzilip ketip chechevitsa payda etedi, sol chechevitsa arqalı hawa almasıp turadı.
17 - súwret. Tut qabıǵınıń eklemshi toqıması:
1 - probka, 2 - qabıq parenximası, 3 - taslı kletka, 4 - lub talshıǵı, 5 – druzlar


Qadaǵalaw ushın sorawlar

1. 
   Epidermistiń dúzilisi neden ibarat?
   
2. 
   Awızshanıń dúzilisi hám wazıypasın tusindirip beriń?
   
3. 
   Periderma degen ne?
   
4. 
   Ekilemshi qaplawshı toqımanıń dúzilisi qanday?
   
5. 
   Chechevichka degen ne?
   
6. 
   Fellogen hám fellodermanıń bir-birinen parqı nede?
   
7. 
   Tiykarǵı toqıma qanday xızmetti atqaradı ?