mədəyə düşdükdə, qusmaq, aktivləşdirilmiş kömürün suda supenziyasını (25 q aktivləşdirilmiş kömür 100 ml suya hesablanmaqla) qəbul etmək.
İpritə qarşı antidot yoxdur.
Yayda ipritin yer səthində dayanıqlığı bir həftəyə, qışda isə bir neçə həftə və aya qədər olur.
Mühafizə vasitələri: əleyhqazlar, dərinin fərdi məhafizə vasitələri, süzücü-ventilyasiyaedici qurğu ilə təchiz olunmuş bağlı və hermetik texnikalar, sığınacaqlar.
Ümumzəhərli təsirli zəhərləyici maddələrin tipik nümayəndələri sianid turşusu və xlorsiandır.
Sianid turşusu rəngsiz, acı badam iyi verən yağtəhər mayedir. Qaynama temperaturu 26 0S, donma temperaturu (-13) 0S-dir. Yüksək uçuculuq qabiliyyətinə malikdir. Buxarları paltarda udulma qabiliyyətinə malikdir.
Yer səthində dayanıqlığı yayda 15-20 dəq, qışda isə 5 saata qədərdir.
Öldürücü toksodozası 0,7-1 mqdəq/l-dir.
Xlorsian rəngsiz, kəskin, xoşa gəlməyən iyli qazdır. Qaynama temperaturu 13 0S, donma temperaturu (-6,5) 0S-dir. Suda pis, üzvi həlledicilərdə yaxşı həll olur.
Xlorsian toksiki xassələrinə görə sianid turşusundan 3 dəfə, zarindən 25 dəfə, zomandan 100 dəfə zəifdir. LCt = 2,2-2, 5 mqdəq/l-dir.
Zəhərlənmə əlamətləri: əvvəlcə ağızda metal dadı, boğazın cızılması hissi, zəiflik, başgicəllənmə, ürəkbulanması, qusma, danışıq çətinliyi müşahidə olunur, sonra qorxu hissi yaranır, bəbəklər genişlənir, nəbzin tezliyi azalır, nəfəsalma ritmi pozulur, titrəmə baş verir, xəstəni iflic vurur. Ölüm nəfəsin dayanmasından baş verir.
İlk kömək:
- zəhərlənənə əleyhqaz geydirib antidotlu (amilpropilnitrit) ampulanı şlem-maskanın altına qoyub əzmək;
