Aka-uka grim ertaklari kitobini to‘liq holida olish uchun murojaat qiling

Guruh
O’rta guruh
Mavzu		Kattalarga quloq tut
Muddati		Avgust 2-hafta
Rivojlantir ish sohalariga oid maqsadlar	Jismoniy rivojlantirish va soglom turmush tarzini shakllanishi	Svetoforning chiroqlariga ko’ra xarakatlanishni o’rgatishda davom etish. Buyruq asosida qatorga turish, juft bo’lib yurish, doira shaklida yurish malakalarini mustahkamlash. Ovqatlanishdan oldin, hojatxonaga borgandan so’ng va biron bir ishni bajargandan so’ng kattalarni eslatishisiz qo’lni yuvishga o’rgatishda davom etish.
	Ijtimoiy-hissiy rivojlanish	Bolalarni kattalarning nasihatlariga quloq tutishga chaqirish. Buyuk bobokalonlarimizning pand nasihatlaridan misollar keltirish oqali kattalarni hurmat qilishga o’rgatish.
	Nutq, muloqot, o’qish va yozish malakalari	Ta’limiy o’yinlar orqali bolalarda nima yaxshi-yu, nima yomon haqidagi tushunchalarni mustahkamlash. Berilgan rasmlar asosida qisqacha hikoya tuzishni tanish rasmlarni ko’rganda ular haqida ma’lumotlar berish va o’z fikrlarini bayon qilishga o’rgatishda davom etish
	Bilish jarayonining rivojlanishi	Bolalarga pazl, mozaikalarni mustaqil yig’ishga imkoniyat yaratish orqali o’z rejalarini ro’yobga chiqarishga o’rgatish. Uy ro’zg’or buyumlaridan foydalanishda kattalarga quloq solishni o’rgatish. Kattalar mehnati bilan tanishtirishda davom etish.
	Ijodiy rivojlanish	Milliy usuldagi chizilgan rasmlarni tomosha qilish orqali ularga qiziqishni orttirish. Mo’yqalam bilan ishlashni mustahkamlash. 2 xil rangdan yangi rang hosil bo’lishini tushuntirish.
Rivojlantirish markazlari		Talimiy-tarbiyaviy faoliyat
		Dushanba	Seshanba	Chorshanba	Payshanba	Juma	Resurslar
Erkin faoliyat	Qurish-yasash va matematika		Buvijonimniki ga boradigan yo’l				Qurilish materiallari, lego konstruktor, pazllar, turli kattalikdagi g’ishtlar
	Syujetli rolli o’yinlar va sahnalashtirish	“Mehmon-mehmon” o’yini			“Yaxshi va yomon”. “Zumrad va Qimmat ” ertagini sahnalashtirish		Niqoblar, jihozlar, AKT, kostyumlar, sahna dekoratsiyalari
	Til va nutq	“Telefon o’yinchoq emas” mavzusida suhbat	“Nima yaxshi-yu, nima yomon” Rasmlar asosida suhbat		“Bir bola bor ismi Salom” she’rini audio tinglash		Mavzu asosida suratlar, AKT
	Fan va tabiat	Mehnat, mehnatning tagi rohat. Tabiat burchagida mehnat	“Oshqozon” o’yini				Suv, maxsus idishcha, naychalar , 2 litrli banka, turli eguliklar.
	Sanat		Toza va kir qo’llarni rasmlarda tasvirlaymiz		Qog’oz supurgi yasash		Oq va rangli qog’ozlar, rangli bo’yoq, rangli qalamlar, loy.
	Umumiy guruh bo’lib ishlash			Nutq o’stirish: “Halollik” o’zbek halq ertagini o’qib berish		“Xazinani izlaymiz” harakatli ko’ngil ochish soati	Kerakli jihoz va anjomlar

AVGUST. IKKINChI HAFTA KATTALARGA QULOQ SOL

Qurish-yasash va matematika
Mavzu: Buvijonimnikiga boradigan yo’l
Maqsad: bolalar yo’l qurish kerakli ish ekanligi, qurilgan yo’lning insonlarga foydasi tegishini tushunadilar.
Kerakli jihozlar: lego, pazl, qurilish bloklari.
Faoliyatning borishi:
Namunalarni o’rganish orqali vazifani tushunish.
Kerakli jihozlarni tanlash
Ijodiy ish.
Yasalgan yo’ldan Qizil qalpoqcha bilan buvijonnikiga mehmonga borish Qo’shimcha: keng va tor yo’llarni mayda detallar bilan to’ldirish Alohida e’tibor qaratiladi: hayot xavfsizligi asoslari.
Til va nutq
Mavzu: Nima yaxshiyu, nima yomon
Maqsad: bolalar yaxshini yomondan ajrata olishga o’rganadilar, qisqa gaplardan hikoya tuza oladilar.
Kerakli jihozlar: mavzuga oid rasmli kitoblar, rasmlar, AKT Faoliyatning borishi:
Kitoblardagi mavzuga mos rasmlar va alohida suratlarni ko’rib chiqish.
Mavzuga mos videorolikni tomosha qilish.
Rasmlar asosida o’zaro suhbat
Mavzu yuzasidan sodda gaplar bilan hikoya tuzish
Muhokama, xulosa
Qo’shimcha: “Zumrad va Qimmat” ertagini tinglash.
Alohida e’tibor qaratiladi: ertakdan yaxshi va yomon xususiyatlaarni farqlash.
Syujetli-rolli o’yinlar va sahnalashtirish
Mavzu: “Mehmon- mehmon” syujetli o’yini (mehmonda bo’lish odobi)
Maqsad: bolalar mehmonga borganda o’zini tutishni, baland ovozda gapirmaslik, to’polon va xarxasha qilmaslik kerakligini biladilar.
Kerakli jihozlar: o’yin uchun kerakli bo’lgan kiyim kechaklar, uy ro’zg’or buyumlari, supacha, stol stullar, non va sabzavot va meva mulyajlari,idish-tovoqlar. Faoliyatning borishi:
O’yin maydoni va kerakli anjomlarni tayyorlash
O’yinni rejalashtirish
Rollarni taqsimlash
O’yin jarayoni
O’yinni yakunlash

Qo’shimcha: “Yaxshi va yomon odatlar” mavzusidagi rasmli kartochkalar bilan ishlashni taklif etish.

Alohida e’tibor qaratiladi: o’zaro munosabatlar, muomala madaniyati.
San’at
Mavzu: Toza va kir qo’llarni rasmlarda tasvirlaymiz.
Maqsad: bolalar kaftining rasmini qog’ozga tushirish orqali toza va kir qo’llarni ifodalaydilar, bo’yoqlar bilan ishlash malakalarini rivojlantiradilar.
Kerakli jihozlar: namuna, rangli bo’yoq yoki rangli qalam va akvarel, mo’yqalam, qog’ozlar.
Faoliyatning borishi:
Namuna bilan tanishish.
O’zi xohlagan usulda chizish uchun kerakli anjomlarni tanlash.
Ishni qanday boshlashni rejalashtirish.
Ijodiy ish.
Qo’shimcha: ko’rgazma tashkil qilish
Alohida e’tibor qaratiladi:bolaning ijodkorligi, ranglarni to’g’ri tanlash
Til va nutq
Mavzu: “Telefon o’yinchoq emas” .
Maqsad: bolalar telefon apparatining foyda va zarar tomonlari haqidagi ma’lumotlarni bilib oladilar, telefon o’yinchoq emasligini tushunadilar.
Kerakli jihozlar: AKT, mavzuga mos bo’lgan telefonning foyda va zarar tomonlari aks ettirilgan rasmli kartochkalar, turli telefon apparatlari.
Faoliyatning borishi:
Telefon apparatlarini kuzatish.
Telefonlar haqida suhbat.
Telefonlarning foyda va zarar tomonlarini rasmli kartochkalardan izlab topish va ularni izohlash.
Qo’shimcha: mavzu asosida rasm chizish.
Alohida e’tibor qaratiladi: bolalar tasavvurini kengaytirish.
Fan va tabiat
Mavzu: Mehnat, mehnatning tagi rohat (tabiat burchagida mehnat)
Maqsad: bolalar kattalar mehnati haqidagi tushunchalarini mustahkamlaydilar, xona gullarini tagini yumshatish, barglarini artish va ularni sug’orish orqali mehnat qilishga o’rganib boradilar.
Kerakli jihozlar: tabiat burchagida mehnat qilayotgan bolalar tasvirlangan rasm, tabiat burchagi, gullar, ish qurollari, suv, fartuklar.
Faoliyatning borishi:
Tabiat burchagida mehnat qilayotgan bolalar tasvirlangan rasmni kuzatish.
Ish turini rejalashtirish.
Kerakli ish qurollarini tanlash.

Mehnat faoliyati.

Tabiat burchagining oldingi va mehnatdan keyingi holatini taqqoslash, xulosalash.
Qo’shimcha: “Mehnat, mehnatning tagi rohat” maqolining mazmunini izohlash. Alohida e’tibor qaratiladi: mehnat qilish ko’nikmasining shakllanishi.
San’at
Mavzu: Qog’oz supurgi yasash
Maqsad: bolalarda elim, qaychi bilan ishlash malakalari mustahkamlanadi. Kerakli jihozlar: namuna, rangli qog’oz, daraxt novdalaridan tayyorlangan dastaklar, salfetka, elim.
Faoliyatning borishi:
Namunalarni o’rganish, mavzuga mos topishmoqlarni aytish.
Ish uchun kerakli anjomni tanlash va ishni rejalashtirish.
Ijodiy ish.
Yakuniy suhbat.
Qo’shimcha: “Qaysi biri ortiqcha?” ta’limiy o’yinini taklif etish. Ota-onalar uchun ko’rgazma tayyorlash.
Alohida e’tibor qaratiladi: gigiena qoidalariga rioya qilish.
Syujetli-rolli o’yinlar va sahnalashtirish
Mavzu: Yaxshi va yomon. “Zumrad va Qimmat” ertagini sahnalashtirish.
Maqsad: bolalar ertak qahramonlarining ijobiy va salbiy xususiyatlarini ajrata oladilar, ijrochilik mahoratini takomillashtiradilar.
Kerakli jihozlar: o’yin uchun kerakli bo’lgan kiyim-kechaklar, idish-tovoqlar, ro’zg’or buyumlari.
Faoliyatning borishi:
O’yin uchun joy tanlash va kerakli anjomlarni tayyorlash.
Ertakni qanday sahnalashtirishni rejalashtirish.
Rollarni taqsimlash.
Sahna namoyishi.
Ijro etilgan obrazlarni tasniflash.
Qo’shimcha: “Yaxshi va yomon odatlar” mavzusidagi rasmli kartochkalar bilan ishlashni taklif etish.
Alohida e’tibor qaratiladi: o’zaro munosabatlar, muomala madaniyati.
Til va nutq
Mavzu: “Bir bola bor ismi Salom” R.Farhodiy.
Maqsad: bolalar salom bergan bola odobli bola ekanligini tushunadilar.
Kerakli jihozlar: mavzuga mos bo’lgan rasmlar, AKT, audio yozuv.
Faoliyatning borishi:
She’r yozilgan audio yozuvni tinglash.
She’r mazmuni haqida suhbat.

She’r mazmunini o’z so’zi bilan hikoyalash.

Bolalarni rag’batlantirish.
Qo’shimcha: mavzuga oid maqollarni aytish.
Alohida e’tibor qaratiladi: bolalar tasavvurini kengaytirish.


AVGUST
OY MAVZUSI: QUVNOQ VA SOG’LOM BOLALAR