Al-lulu vəl-mərcan
Şəfaətin İsbatı Və Tövhid Əhlinin Oddan Çıxması
Yüklə 5,61 Mb. Pdf görüntüsü
|
- Bu səhifədəki naviqasiya:
- Lə Ilahə Illəllah!
- “Ən yaxın qohumlarını qorxut!”. (əş-Şuəra 214).
- “Ən yaxın qohumlarını
- “Əbu Ləhəbin əlləri qurusun, artıq qurudu da!”. (əl-Məsəd).
|
116. Əbu Səid əl-Xudri rəvayət edir ki, Peyğəmbər buyurdu: “Cənnət əhli Cənnətə, Cəhənnəm əhli də Cəhənnəmə daxil olduqdan sonra Uca Allah buyuracaq: “Qəlbində xardal dənəsi ağırlığında imanı olan hər kəsi (Cəhənnəmdən) çıxarın!” Beləcə, onlar oradan qapqara qaralmış halda çıxarılıb yağışdan əmələ gələn çaya (və ya Həyat çayına) atılacaq və selin kənarında qalan toxumlar necə cücərirsə, onlar da eləcə cücərəcəklər. Məgər (torpağın üstünə) çıxan sapsarı, əyilmiş cücərtiləri görmədinmi?” (Buxari 22, Muslim 270, 475)
117. Abdullah İbn Məsud rəvayət edir ki, Peyğəmbər buyurdu: “Mən cəhənnəmliklərdən Cəhənnəmdən son çıxacaq və cənnətliklərdən Cənnətə son
66 girəcək kimsəni tanıyıram. O kimsə ki, iməkləyə-iməkləyə Cəhənnəmdən çıxacaq və Allah Təbarəkə və Təalə ona: “Get, Cənnətə gir!” deyə buyuracaq. O kimsə Cənnətə yaxınlaşacaq və ona elə gələcək ki, Cənnət dopdoludur. Onda o, geri qayıdıb deyəcək: “Ey Rəbbim! Mən Cənnəti dopdolu gördüm”. Allah Təbarəkə və Təalə yenə ona: “Get, Cənnətə gir!” deyə buyuracaq. O kimsə Cənnətə yaxınlaşacaq və yenə ona elə gələcək ki, Cənnət dopdoludur. O geri dönüb deyəcək: “Ey Rəbbim! Mən Cənnəti dopdolu gördüm”. Onda Allah ona belə buyuracaq: “Get, Cənnətə gir! Dünya və onun on misli qədər (yer) sənindir, (yaxud dünyanın on misli qədər (yer) sənindir)”. Onda bu adam deyəcək: “Sən Hökmdar olduğun halda mənə lağ edirsən, (yaxud mənə gülürsən)?”. (Abdullah): Mən Peyğəmbərin arxa dişləri görünənədək güldüyünü gördüm. (Səhabələr): “Cənnət əhlinin ən aşağı dərəcə sahibi bu kimsədir” deyərdilər. (Buxari 6571, Muslim 272, 479)
118. Ənəs İbn Malik rəvayət edir ki, Peyğəmbər buyurdu: “Qiyamət günü Allah insanları (məhşərə) toplayacaq. (O zaman) onlar deyəcəklər: “Gəlin Rəbbimizin yanında bizə şəfaət (edəcək bir adam) tapaq, bizi bu (acınacaqlı) vəziyyətdən qurtarsın”. Bundan sonra onlar Adəmin yanına gəlib deyəcəklər: “(Sən bəşəriyyətin atası Adəmsən!) Allah səni Öz Əli ilə yaratmış və sənə Öz ruhundan üfürmüşdür. Sonra mələklərə əmr etmiş və onlar sənə səcdə etmişlər. (Elə isə) Rəbbinin yanında bizdən ötrü şəfaət et, bizi bu (acınacaqlı) vəziyyətdən qurtarsın”. Adəm: “Mən bu (məqama) layiq deyiləm” deyə cavab verəcək, sonra etdiyi xətanı xatırlayacaq, (buna görə Rəbbindən utanacaq və onlara): “Lakin siz Uca Allahın göndərdiyi ilk rəsulun – Nuhun yanına gedin!” deyəcək. Onda onlar Nuhun yanına gələcəklər. Nuh: “Mən bu
67 (məqama) layiq deyiləm” deyə cavab verəcək, sonra etdiyi xətanı xatırlayacaq, (buna görə Rəbbindən utanacaq və onlara): “Lakin siz Allahın Özünə ən sevimli dost tutduğu İbrahimin yanına gedin!” deyəcək. Onda onlar İbrahimin
yanına gələcəklər. İbrahim: “Mən bu (məqama) layiq deyiləm” deyə cavab verəcək, sonra etdiyi xətanı xatırlayacaq, (buna görə Rəbbindən utanacaq və onlara): “Lakin siz Allahın (bilavasitə) danışdığı, (özünə də Tövrat bəxş etdiyi) Musanın yanına gedin!” deyəcək. Onda onlar Musanın yanına gələcəklər. Musa: “Mən bu (məqama) layiq deyiləm” deyə cavab verəcək, sonra etdiyi xətanı xatırlayacaq, (buna görə Rəbbindən utanacaq və onlara): “Lakin siz (Allahın Ruhu 28 və Kəlməsi olan) İsanın yanına gedin!” deyəcək. Onda onlar (Allahın Ruhu və Kəlməsi olan) İsanın yanına gələcəklər. İsa (onlara): “Mən bu (məqama) layiq deyiləm. Lakin siz bütün keçmiş və gələcək xətaları bağışlanmış bir qulun – Muhəmmədin yanına gedin!” deyəcək. Peyğəmbər buyurdu: “Sonra onlar mənim yanıma gələcəklər. Mən Uca Rəbbimdən izin istəyəcəyəm və mənə izin veriləcəkdir. Mən Onu gördüyüm an səcdəyə qapanacağam. Allah istədiyi qədər məni bu vəziyyətdə saxlayacaq. Sonra (mənə belə) buyurulacaq: “Ey Muhəmməd! Başını qaldır, söylə, sözün dinlənəcək, istə, sənə (istədiyin) veriləcək, şəfaət et, şəfaətin qəbul olunacaq”. Mən başımı (səcdədən) qaldırıb Uca Rəbbimin mənə öyrətdiyi həmd-sənalarla Rəbbimi tərifləyəcəyəm. Sonra şəfaət edəcəyəm. Mənim üçün hədd qoyulacaq və mən (bir çoxlarını) atəşdən çıxardıb Cənnətə daxil edəcəyəm. Sonra qayıdıb səcdəyə qapanacağam. Allah məni saxlamaq istədiyi qədər bu vəziyyətdə saxlayacaq. Sonra (mənə belə) buyurulacaq: “Başını qaldır, ey Muhəmməd! Söylə, sözün dinlənəcək, istə, sənə (istədiyin) veriləcək, şəfaət et, şəfaətin qəbul olunacaq”. Mən başımı (səcdədən) qaldırıb Uca Rəbbimin mənə öyrətdiyi həmd-sənalarla Rəbbimi tərifləyəcəyəm. Sonra şəfaət edəcəyəm. Mənim üçün hədd qoyulacaq və mən (yenə bir çoxlarını) oddan çıxardıb Cənnətə daxil edəcəyəm”. (Ravi): “Mən bilmirəm, Peyğəmbər ya üçüncüsündə, ya dördüncüsündə belə buyurdu. “Nəhayət, mən deyəcəyəm: “Ey Rəbbim! Odda, Quranın tutub saxladıqlarından başqa, (yəni özlərinə əbədi olaraq odda
28 Muhəmməd Peyğəmbərin səhabələri və ilk müsəlman ilahiyyatçıları “Allah” sözünün təyin olduğu iki söz birləşməsi arasında fərq qoyardılar: 1). söz birləşməsində təyin edilən söz canlı şəxs olduqda və ya cansız əşya olduqda. Məsələn, Beytullah (Allahın Evi); Rəsulullah (Allahın Elçisi); Abdullah (Allahın qulu); Ruhullah (Allahın Ruhu). Bu və başqa belə ifadələrdə təyin olunan söz Uca Allah tərəfindən yaradılmışları bildirir. “Allahın Ruhu” ifadəsi onu Allahın yaratdığını və onun Ona məxsus olduğunu bildirir. Bu adla Allahın peyğəmbəri İsa çağırılır. Onu yaradan zaman Allah: “Ol!”- deyə buyurmuş və o peyğəmbər də qeybdən yaranmışdır. Eynilə bu qaydada Adəm peyğəmbərin də ruhu xəlq edilmişdir. 2). söz birləşməsində təyin olunan söz keyfiyyət bildirəndə. Məsələn: Elmullah (Allahın elmi); Kəlamullah (Allahın sözü); Zatullah (Allahın Özü). Bu və digər belə ifadələr Uca Allaha xas olan ilahi keyfiyyətləri əks etdirir. “İsmətini qoruyan Məryəmi də yada sal! Biz ona Öz ruhumuzdan Cəbrail vasitəsilə üfürdük, onu və onun oğlunu aləmlərə bir möcüzə etdik”. (əl-Ənbiya 91).
68 qalmaq vacib buyurulanlardan başqa) bir kimsə qalmamışdır”. İbn Ubeyd öz rəvayətində demişdir: “Qətadə demişdir: “Yəni özlərinə əbədi olaraq (Cəhən- nəmdə) qalmaq vacib buyurulanlar”. (Buxari 6565, 7440, Muslim 284, 495)
119. Ənəs demişdir: “Muhəmməd bizə belə rəvayət etmişdir: “Qiyamət günü insanların arasına çaxnaşma düşəcək. (Nəhayət,) onlar Adəmin yanına gəlib deyəcəklər: “(Ey Adəm!) Rəbbinin yanında bizdən ötrü havadarlıq et (şəfaətçi ol)!” (Adəm) deyəcək: “Mən buna layiq deyiləm. Lakin siz İbrahimin yanına gedin. Həqiqətən, o, Mərhəmətli Allahın ən sevimli dostudur.” Sonra onlar İbrahimin yanına gələcəklər. İbrahim: “Mən buna layiq deyiləm. Lakin siz Musanın yanına gedin. Həqiqətən, o, Allahın (bilavasitə) danışdığı (bir adamdır).” Sonra onlar Musanın yanına gələcəklər. Musa: “Mən buna layiq deyiləm. Lakin siz İsanın yanına gedin. Həqiqətən, o, Allahın ruhudur və Onun Kəlməsidir”. Bundan sonra onlar İsanın yanına gələcəklər. İsa deyəcək: “Mən buna layiq deyiləm. Lakin siz Muhəmmədin yanına gedin.” Beləliklə, onlar mənim yanıma gələcəklər. Onda mən deyəcəyəm: “Mən buna layiqəm!” Sonra mən Rəbbimdən izn istəyəcəyəm və mənə izn veriləcəkdir. Sonra Allah mənə indi bilmədiyim həmd-sənaları təlqin edəcək və mən o həmd-sənalarla Ona təriflər deyəcəyəm və səcdəyə qapanacağam. Onda Allah buyuracaq: “Ey Muhəmməd! Başını qaldır, danış, sənə qulaq asılacaq, istə, sənə istədiyin veriləcək, havadarlıq et, havadarlığın qəbul olunacaq.” Mən deyəcəyəm: “Ey Rəbbim! Ümmətim, ümmətim!” Allah buyuracaq: “Get, qəlbində arpa dənəsi ağırlığında imanı olan kimsələri atəşdən çıxart!” Mən gedib onları (oradan) çıxardacağam. Sonra geri dönüb həmin həmd-sənalarla Allaha təriflər deyəcəyəm və Onun qarşısında səcdəyə qapanacağam. Onda mənə deyiləcək: “Ey Muhəmməd! Başını qaldır, danış, sənə qulaq asılacaq, istə, sənə istədiyin
69 veriləcək, havadarlıq et, havadarlığın qəbul olunacaq.” Mən deyəcəyəm: “Ey Rəbbim! Ümmətim, ümmətim!” Allah buyuracaq: “Get, qəlbində zərrə qədər və ya xardal dənəsi ağırlığında imanı olan kimsələri atəşdən çıxart!” Mən gedib onları (oradan) çıxardacağam. Sonra geri qayıdıb həmin həmd-sənalarla Allaha təriflər deyəcəyəm və Onun qarşısında səcdəyə qapanacağam. Onda mənə deyiləcək: “Ey Muhəmməd! Başını qaldır, danış, sənə qulaq asılacaq, istə, sənə istədiyin veriləcək, havadarlıq et, havadarlığın qəbul olunacaq.” Mən deyəcəyəm: “Ey Rəbbim! Ümmətim, ümmətim!” Allah buyuracaq: “Get, qəlbində xardal dənəsi ağırlığından daha az, daha az, daha az imanı olan kimsələri atəşdən çıxart!” Mən gedib onları (oradan) çıxardacağam.” Digər rəvayətdə Peyğəmbər demişdir: “Mən dördüncü dəfə qayıdıb həmin həmd- sənalarla Allaha təriflər deyəcəyəm və Onun qarşısında səcdəyə qapanacağam. Onda mənə deyiləcək: “Ey Muhəmməd! Başını qaldır, danış, sənə qulaq asılacaq, istə, sənə istədiyin veriləcək, havadarlıq et, havadarlığın qəbul olu- nacaq.” Mən deyəcəyəm: “Ey Rəbbim! Mənə izn ver: “Lə Ilahə Illəllah!”– deyən kimsələrə (şəfaətçi) olum.” Allah buyuracaq: “Mənim izzətimə, əzəmətimə, böyüklüyümə və ululuğuma and olsun ki, Mən: “Lə Ilahə
70 120. Əbu Hureyra rəvayət edir ki, (bir dəfə) Peyğəmbərə cəmdək gətirdilər. Sonra bu cəmdəyin qol tərəfini (bişirib) ona verdilər. Ətin bu yeri onun xoşuna gəlirdi. O, ətdən bir tikə dişlədikdən sonra dedi: “Qiyamət günü mən insanların ən hörmətlisi olacağam. Bunun nə səbəbdən belə olduğunu bilirsinizmi? Allah əvvəlkiləri və sonrakıları, – (insanların hamısını) – elə bir yerə yığacaq ki, carçı onları çağıra bilsin, gözlər də onları əhatə etsin. Günəş insanlara yaxınlaşdıqdan sonra onları elə bir dərd və kədər bürüyəcək ki, onlar buna nə tab gətirəcək, nə də dözə biləcəklər. Onda onlar (bir-birilərinə) deyəcəklər: “Başınıza gələnləri görmürsünüzmü? Bəlkə, Rəbbiniz yanında sizin tərəfinizi saxlayan bir adam tapasınız?” İnsanların bəzisi digərlərinə de- yəcək: “Gərək Adəmdən xahiş edəsiniz!” Onlar Adəmin yanına gəlib deyəcəklər: “Sən bəşəriyyətin atasısan! Özünü də Allah Öz Əlləri ilə yaratmış, Öz ruhundan sənə üfürmüş və mələklər Onun əmri ilə sənə səcdə etmişlər. (Elə isə) Rəbbinin yanında bizdən ötrü havadarlıq et (şəfaətçi ol)! Məgər sən bizim nə vəziyyətdə olduğumuzu, başımıza nələr gəldiyini görmürsənmi?!”. Adəm: “Bu gün Rəbbim elə qəzəblənmişdir ki, O, bundan əvvəl heç vaxt belə qəzəblənməmiş və bundan sonra əsla belə qəzəblənməyəcəkdir. Çünki O mənə (bəlli) bir ağaca yaxınlaşmağı qadağan etdi, lakin mən Ona asi oldum. Ah nəfsim, nəfsim, nəfsim! Gedin başqasının yanına. Gedin Nuhun yanına!” Onda onlar Nuhun yanına gəlib deyəcəklər: “Ey Nuh! Sən yer üzünə göndərilmiş ilk elçisən. Özünü də Allah şükür edən bəndə adlandırmışdır. (Elə isə) Rəbbinin yanında bizdən ötrü havadarlıq et! Məgər sən bizim nə vəziyyətdə olduğumuzu görmürsənmi?!”. Nuh: “Bu gün qüdrətli və əzəmətli Rəbbim elə qəzəblənmişdir ki, O, bundan əvvəl heç vaxt belə qəzəblənməmiş və bundan sonra əsla belə qəzəblənməyəcəkdir. Mənim dua etməyə imkanım var idi, lakin mən qövmümün əleyhinə bəddua etdim. Ah nəfsim, nəfsim, nəfsim! Gedin başqasının yanına. Gedin İbrahimin yanına!” Onda onlar İbrahimin yanına gəlib deyəcəklər: “Ey İbrahim! Sən həm Allahın peyğəmbəri, həm də yer əhli arasında Allahın ən sevimli dostusan. (Elə isə) Rəbbinin yanında bizdən ötrü havadarlıq et! Məgər sən bizim nə vəziyyətdə olduğumuzu görmürsənmi?!” İbrahim: “Bu gün Rəbbim elə qəzəblənmişdir ki, O, bundan əvvəl heç vaxt belə qəzəblənməmiş və bundan sonra əsla belə qəzəblənməyəcəkdir. Mən üç dəfə yalan danışmışam. Ah nəfsim, nəfsim, nəfsim! Gedin başqasının yanına. Gedin Musanın yanına!” Onda onlar Musanın yanına gəlib deyəcəklər: “Ey Musa! Sən, Allahın elçisisən, Allah Öz risaləti ilə, üstəlik səninlə bilavasitə danışmaqla səni digər insanlardan üstün
71 etmişdir. (Elə isə) Rəbbinin yanında bizdən ötrü havadarlıq et! Məgər sən bizim nə vəziyyətdə olduğumuzu görmürsənmi?!”. Musa: “Bu gün Rəbbim elə qəzəblənmişdir ki, O, bundan əvvəl heç vaxt belə qəzəblənməmiş və bundan sonra əsla belə qəzəblənməyəcəkdir. Mən adam öldürmüşəm. Halbuki, onu öldürmək mənə əmr edilməmişdi. Ah nəfsim, nəfsim, nəfsim! Gedin başqasının yanına. Gedin Məryəm oğlu İsanın yanına!” Onda onlar İsanın yanına gəlib deyəcəklər: “Ey İsa! Sən həm Allahın elçisi, həm Onun Məryəmə göndərdiyi Kəlməsi, həm də Onun ruhundansan. Sən hələ körpə ikən beşikdə insanlarla danışırdın. (Elə isə) Rəbbinin yanında bizdən ötrü havadarlıq et! Məgər sən bizim nə vəziyyətdə olduğumuzu görmürsənmi?!”. İsa: “Bu gün Rəbbim elə qəzəblənmişdir ki, O, bundan əvvəl heç vaxt belə qəzəblənməmiş və bundan sonra əsla belə qəzəblənməyəcəkdir.” İsa öz xətasını onlara bildirməyəcək, sadəcə belə deyəcək: “Ah nəfsim, nəfsim, nəfsim! Gedin başqa- sının yanına. Gedin Muhəmmədin yanına!” Onda onlar Muhəmmədin yanına gəlib deyəcəklər: “Ey Muhəmməd! Sən həm Allahın elçisi, həm də peyğəmbərlərin sonuncususan. Allah sənin keçmiş və gələcək günahlarını bağışlamışdır. (Elə isə) Rəbbinin yanında bizdən ötrü havadarlıq et! Məgər sən bizim nə vəziyyətdə olduğumuzu görmürsənmi?!” Onda mən Ərşin altına gəlib, qüdrətli və əzəmətli Rəbbimin qarşısında səcdə edəcəyəm. Sonra Allah mənə elə təriflər və alqışlar göndərəcək ki, məndən əvvəl heç kəsə belə təriflər və alqışlar göndərməmişdir. Sonra da belə deyiləcək: “Ey Muhəmməd! Başını qaldır və istə, sənə istədiyin veriləcəkdir, havadarlıq et, havadarlığın qəbul olunacaqdır.” Mən başımı qaldırıb deyəcəyəm: “Ümmətim, ey Rəbbim! Ümmətim, ey Rəbbim! Ümmətim, ey Rəbbim!” Onda belə deyiləcək: “Ey Muhəmməd, ümmətindən sorğu-suala çəkilməyəcək kimsələri Cənnətin sağ qapılarından içəri daxil et! Halbuki, onlar başqa insanlarla birlikdə (Cənnətin) digər qapılarından da keçə bilərlər”. Peyğəmbər: “Canım Əlində olan Allaha and olsun ki, Cənnət qapılarındakı laylardan hər iki lay arasındakı məsafə Məkkə ilə Himyər (yaxud Məkkə ilə Busra) arasındakı məsafə qədərdir.” (Buxari 4712, Muslim 287, 501)
Peyğəmbərin Ümməti Üçün Şəfaəti Saxlaması
121. Əbu Hureyra rəvayət edir ki, Peyğəmbər buyurdu: “Hər bir peyğəmbərin duası olmuşdur. Mən isə öz duamı İnşəAllah Qiyamət günü
72 ümmətimə şəfaət etmək üçün saxlamaq istəyirəm.” (Buxari 7474, Muslim 294, 509)
122. Ənəs İbn Məlik rəvayət edir ki, Peyğəmbər buyurdu: “Hər bir peyğəmbərin bir istək duası olmuşdur və ya hər bir Peyğəmbərin duası vardır, onunla dua etdi və duası qəbul olundu. Mən isə öz duamı Qiyamət günü ümmətimə şəfaət etmək üçün saxlamaq istəyirəm.” (Buxari 6305, Muslim 298, 513-519)
123. Əbu Hureyra rəvayət edir ki, qüdrətli və əzəmətli Allah: “Ən yaxın qohumlarını qorxut!”. (əş-Şuəra 214). ayəsini nazil etdikdə Peyğəmbər (qohum-əqrəbasını çağırıb) dedi: “Ey quyerşlilər, canınızı (Allahın əzabından) satın alın!”. Mən sizi Allahın (əzabından) qurtara bilməyəcəyəm. Ey Abdumənaf oğulları, mən sizi Allahın (əzabından) qurtara bilməyəcəyəm. Ey Abbas İbn Abdulmuttəlib, mən səni Allahın (əzabından) qurtara bilməyə- cəyəm. Ey Peyğəmbərin bibisi Səfiyyə, mən səni Allahın (əzabından) qurtara bilməyəcəyəm. Ey Muhəmmədin qızı Fatimə, malımdan nə istəyirsənsə, istə. Mən səni Allahın (əzabından) qurtara bilməyəcəyəm”. (Buxari 2753, 4771, Muslim 305, 525)
73 124. İbn Abbas demişdir: “Bu: “Ən yaxın qohumlarını – içərilərindən ən səmimi olanlarını – qorxut!” ayəsi nazil olduqda Peyğəmbər (evindən) çıxdı. Nəhayət, gəlib Səfa dağına qalxdı və: “Haydı, canınızı qurtarın!” deyə (qureyşliləri) səsləməyə başladı. (Bəziləri): “Bu qışqıran kimdir?” deyə soruşdular və (Muhəmədin) onun yanına toplanmağa başladılar. Peyğəmbər: “Deyin görək, əgər mən sizə bu dağın ətəyindən bir dəstə atlı çıxıb (üstünüzə hücum edəcəyini) xəbər versəm, mənə inanarsınızmı?”. Onlar: “Biz səndən yalan eşitməmişik” deyə cavab verdilər. Peyğəmbər: “Mən sizi gələcək şiddətli əzabla qorxudan bir peyğəmbərəm”. (Bunu eşidəndə) Əbu Ləhəb: “Ölüm olsun sənə! Bizi buna görəmi yığmısan?” (Elə bu səbəbdən də) bu surə nazil oldu: “Əbu Ləhəbin əlləri qurusun, artıq qurudu da!”. (əl-Məsəd). (Buxari 4971, Muslim 307, 529)
Peyğəmbərin Əbu Talibə Şəfaəti Və Onun Səbəbilə Əzabının Yüngülləşməsi
125. (Bir dəfə) Abbas İbn AbdulMuttəlib Peyğəmbərə buyurdu: “Əmin (Əbu Talibə) sənin nə köməyin dəyib? Axı, o, səni müdafiə edərdi, (kimsə) sənin (xətrinə dəyəndə) qəzəblənərdi.” Peyğəmbər: “O, Cəhənnəm odunun üst qatındadır. Əgər mən olmasaydım, o, Cəhənnəmin lap dibində olardı.” (Buxari 3883, Muslim 308, 531)
126. Əbu Səid əl-Xudri demişdir: “(Bir dəfə) Rəsulullahın yanında əmisi Əbu Talib zikr edildi. Onda o, belə buyurdu: “Ümidvaram ki, Qiyamət günü mənim şəfaətim ona fayda verəcək və o, Cəhənnəmin dayaz yerinə yerləşdiriləcək. (Orada) alov onun topuqlarına çatacaq və istisindən onun beyni qaynayacaq”. (Buxari 3885, 6564, Muslim 310, 535)
74 Cəhənnəmdə Ən Yüngül Əzab Çəkən Kimsə
127. Nomən İbn Bəşir xütbə verərkən demişdir: “Mən Peyğəmbərin belə dediyini eşitmişəm: “Qiyamət günü Cəhənnəm əhlinin ən yüngül əzab çəkəni o kimsə olacaq ki, ayağının altındakı çuxurlara köz qoyulacaq, bunların istisindən onun beyni qaynacaq”. (Buxari 6561, Muslim 313, 314, 538, 539)
128. Amr İbn As demişdir: “Mən Peyğəmbərin uca səslə heç nəyi gizlətmədən belə dediyini eşitmişəm: “Atamın qohum-əqrəbası mənim himayədarım sayıla bilməz. Mənim himayədarlarım ancaq Allah və əməlisaleh möminlərdir. Sadəcə məni onlara bağlayan qohumluq əlaqələridir və bu əlaqələri qoruyub saxlayacağam”. (Buxari 5990, Muslim 316, 541)
Girməsinə Dəlil
129. Əbu Hureyrə rəvayət edir ki, mən Peyğəmbərin belə dediyini eşitdim: “Ümmətimdən yetmiş min nəfərlik bir zümrə (Cənnətə) girəcək. Onların üzü bədrlənmiş ay kimi nur saçacaqdır”. Əbu Hureyrə: “(Bunu eşidəndə) Ukkaşə
75 İbn Mihsən əl-Əsədi əynində olan bəbir dərisinə bənzər bürüncəyinin ətəyini çəkərək ayağa qalxıb dedi: “Ya Rəsulullah! Allaha dua et, məni onlardan etsin!”. Peyğəmbər: “Allahım! Bunu o kəslərdən et!” deyə dua etdi. Sonra ənsardan olan başqa birisi qalxıb: “Ya Rəsulullah! Allaha dua et, məni də onlardan etsin!” dedi. Peyğəmbər: “Bu xüsusda Ukkaşə səni qabaqladı”. (Buxari 5811, 6542, Muslim 318, 544)
130. Səhl İbn Səd rəvayət edir ki, Peyğəmbər buyurdu: “Ümmətimdən yet- miş min, yaxud yeddi yüz min (Əbu Hazim bunlardan hansını söylədiyini bilmir) nəfər sorğu-sualsız, həm də əl-ələ verib bir-birilərindən (bərk-bərk) tutmuş halda Cənnətə daxil olacaqlar Axırıncıları içəri daxil olmayınca əvvəldəkilər daxil olmayacaq. Onların üzü on dörd gecəlik ay kimi (gözəl və parlaq) olacaq.” (Buxari 6543, 6554, Muslim 322, 548)
131. İbn Abbas rəvayət etmişdir ki, bir gün Peyğəmbər yanımıza çıxdı və buyurdu: “(Peyğəmbərlər göndərilmiş) Ümmətlər mənə göstərildi. Peyğəmbər yanından ötdüm ki, yanında bir və ya iki adam var idi. Peyğəmbər gördüm, yanında bir toplum adam var idi. Elə bir peyğəmbər də gördüm ki, yanında heç kəs yox idi. (Həmin vaxt) mənə çoxlu üfüqü örtən qaraltı göstərildi. Mən onların ümmətim olduğunu ümüd etdim. (Mənə): “Bu, Musa və onun qövmüdür. Sonra mənə deyildi: “Sən bu tərəfə bax” deyildi. Mən (dərhal ora) baxdım və orada üfüqü örtən çoxlu qaraltı gördüm. Mənə yenə: “O, tərəfə bax! O tərəfə bax!” deyildi. (Mən üfüqü örtən daha) çox qaraltı gördüm. Mənə: “Bu sənin ümmətindir. Onlardan yetmiş min nəfəri sorğu-sual olunmadan Cənnətə girəcəkdir” deyildi. (Bunu deyəndən sonra Peyğəmbər qalxıb evinə daxil oldu). Camaat sorğu-suala çəkilmədən və əzaba giriftar olmadan Cənnətə girəcək o kimsələr barədə ixtilafa düşdü. Bəziləri: “ Peyğəmbərin səhabələri öz aralarında müzakitəyə başladılar. Bizlərə gəlincə şirk vaxtı doğulmuşuq, lakin Allah və Rəsuluna imn etmişik (ümüd edilir Cənnətə girərik) dedilər.
76 Lakin (Cənnətə sorğu-sualsız girənlər) bizim İslamda doğulan övladlarımızdır. (Yəqin ki, bunlar Peyğəmbərə yoldaş olmuş kimsələrdir” dedilər. Bəziləri də: “Ola bilsin ki, bunlar İslam dini gəldikdən sonra doğulmuş və Allaha şərik qoşmamış kimsələrdir” dedilər. Beləcə, onlar bir çox şeylər zikr etdilər. Bu vaxt Peyğəmbər bayıra çıxdı və: “Nə haqda mübahisə edirsiniz?” deyə soruşdu. (Səhabələr mübahisə etdikləri məsələ barədə) ona xəbər verdilər). Bu müzakirə Peyğəmbərə çatdı və O buyurdu: “Bunlar ovsun oxumayan, 29 özlərinə ovsun oxunmasını tələb etməyən, (hər hansı bir hadisəni) uğursuzluq əlaməti hesab et- məyən və yalnız Rəbbinə təvəkkül edən kimsələrdir”. (Bu vaxt) Ukkaşə İbn Mihsən ayağa qalxıb dedi: “(Ya Rəsulullah! Allaha dua et), mən onlardanam!” Peyğəmbər: “Sən onlardansan!” dedi. Sonra başqa bir adam ayağa qalxıb: “(Ya Rəsulullah! Allaha dua et), məni onlardan etsin!” dedi. Peyğəmbər: “Bu xüsusda Ukkaşə səni qabaqladı”. (Buxari 5752, Muslim 323, 549)
132. Abdullah (İbn Məsud) demişdir: “(Bir dəfə) biz Peyğəmbərlə birlikdə bir çadırın içində idik. Bu vaxt Peyğəmbər buyurdu: “Cənnət əhlinin dörddə biri olmaq istəyirsinizmi?”. Biz: “Bəli!” deyə cavab verdik. Yenə soruşdu: “Cənnət əhlinin üçdə biri olmaq istəyirsinizmi?”. Biz (bu səfər də): “Bəli!” deyə cavab verdik. Yenə soruşdu: “Cənnət əhlinin yarısı olmaq istəyirsinizmi?”. Biz (bu səfər də): “Bəli!” deyə cavab verdik. Onda Peyğəmbər belə buyurdu: “Muhəmmədin canı Əlində olan (Allaha) and olsun ki, mən sizin Cənnət əhlinin yarısını təşkil edəcəyinizə ümid edirəm. (Agah olun ki,) Cənnətə yalnız müsəlman olan kəs girər. (Bilin ki,) siz, müşriklər arasında qara öküzün dərisindəki ağ tük və ya qırmızı öküzün dərisindəki qara tük kimisiniz”. (Buxari 6528, Muslim 325, 552)
Yüklə 5,61 Mb. Dostları ilə paylaş:
|