Al-lulu vəl-mərcan
Yüklə 5,61 Mb. Pdf görüntüsü
|
- Bu səhifədəki naviqasiya:
- “Su tapmasanız, təmiz torpaqla təyəmmüm edin”. (əl-Maidə 6).
|
175. Əli İbn Əbu Talib rəvayət edir ki, məndən tez-tez məzi axırdı. Utandı- ğımdan Miqdadı Peyğəmbərin yanına göndərdim ki, (bunun hökmünü) on- dan soruşsun. O, (bunun hökmünü) Peyğəmbərdən soruşduqda o: “(Belə
93 olduqda) dəstəmaz alsın!” deyə buyurdu. (Buxari 132, 178, Muslim 303, 456, 721)
Yatmağın Müstəhəbliyi
176. Aişə demişdir: “Peyğəmbər cunub ikən yatmaq istədikdə, yatmazdan əvvəl övrət hissəsini yuyar, sonra namaz üçün dəstəmaz aldığı kimi dəstəmaz alardı”. (Buxari 288, Muslim 305, 460, 725, 726)
177. Ömər İbn Xəttab Peyğəmbərdən: “Bizdən birimiz cunub olduğu halda yata bilərmi?” deyə soruşdu. O dedi: “Bəli! Əgər sizdən biriniz cunub olduğu halda dəstəmaz alsa, yata bilər.” (Buxari 287, Muslim 306, 462, 728)
178. İbn Ömər rəvayət edir ki, (bir dəfə) Ömər İbn Xəttab gecə cunub olduğunu Peyğəmbərə xəbər verdi. Peyğəmbər ona belə buyurdu: “Dəstəmaz al, cinsiyyət orqanını yu, sonra da (uzan) yat!” (Buxari 290, Muslim 306, 464, 730)
179. Ənəs demişdir: “Peyğəmbər bir gecədə bütün zövcələrini dolaşardı (yaxınlıq edərdi). Bu zaman onun doqquz zövcəsi vardı”. (Buxari 284, 5215, Muslim 708, 734)
94 Qadından Məni Çıxdığı Halda Qüsl Almağın Vacibliyi
180. Ummu Sələmə rəvayət edir ki, Ummu Süleym Peyğəmbərin yanına gəlib dedi: “Ya Rəsulullah! Allah haqqı deməkdən həya etməz. Qadın pollyusiya 31 halına düşdükdə qüsl etməlidirmi?” Peyğəmbər: “Bəli, əgər su görübsə (məni axıdıbsa,) etməlidir!” Ummu Sələmə (utandığından) üzünü yaşmaqla örtdü və: “Ya Rəsulullah! Heç qadın da pollyusiya halına düşə bilərmi?” deyə soruşdu. Peyğəmbər: “Əlbəttə, (düşə bilər). Ay yazıq! Belə olmasa, övladı ona necə oxşaya bilər?” (Buxari 130, Muslim 313, 471, 738)
181. Aişə rəvayət edir ki, Peyğəmbər cunub olduqdan sonra qüsl etdikdə əvvəlcə əllərini yuyardı. Sonra namaz üçün dəstəmaz aldığı kimi dəstəmaz alardı. Sonra barmaqlarını suyun içinə salar və onlarla saçlarının dibini isladardı. Sonra əlləri ilə başına üç ovuc su tökər, sonra da bütün bədəninə su əndərərdi. (Buxari 248, Muslim 316, 475, 744, 747)
182. Məymunə mənə belə rəvayət etmişdir: “Peyğəmbər cənabət 32
qüslünü alsın deyə mən ona su gətirdim. (Peyğəmbər) sağ əli ilə sol əlinin üzərinə su tökərək əllərini yudu. Sonra cinsiyyət orqanının (sol əli ilə) yudu. Sonra (sol əlini) torpağa sürtdü və onu yudu (müstəhəbdir). Sonra ağzını yudu
31 Pollyusiya – yuxuda ikən sperma axıtmaqdır. 32 Qadınla yaxınlıq etdikdən, habelə şəhvət nəticəsində məni ifraz etdikdən sonrakı hal.
95 və burnuna su çəkdi. Sonra üzünü yudu və başı üzərindən su axıtdı. Daha sonra dayandığı yerdən (azacıq) kənara çəkildi və ayaqlarını yudu. Sonra mən ona qətfə gətirdim, lakin o, qətfə ilə silinmədi”. (Buxari 259, Muslim 317, 472, 748)
183. Aişə rəvayət edir ki, Peyğəmbər cunub olduğu zaman qüsl etmək istədikdə badya boyda bir qabda (su) gətizdirər, əli ilə (su) götürüb əvvəlcə başının sağ tərəfini, sonra da sol tərəfini yuyardı. Sonra iki əli ilə (su götürüb) başına tökərdi. (Buxari 258,Muslim 318, 478, 751)
184. Aişə rəvayət edir ki, mən Peyğəmbərlə birlikdə bir qabdan "fərəq" deyilən bir qədəhdən su götürüb qüsl edərdik. (Buxari 250, Muslim 319, 479, 480, 752, 753)
185. Aişədən Peyğəmbərin qüslü barədə soruşdular. Aişə bir qab – təx- minən bir saa (miqdarında su) gətizdirdi. Qüsl etdi və başına su əndərdi. (Bu əsnada) bizimlə onun arasında pərdə tutulmuşdu. (Buxari 251, Muslim 320, 481, 754)
96 186. Ənəs rəvayət edir ki, Peyğəmbər bir saadan 33 beş mudda qədər su ilə qüsl edər, bir mudla dəstəmaz alardı. (Buxari 201, Muslim 325, 490, 763)
187. Cubeyr İbn Mutim rəvayət edir ki, Peyğəmbər buyurdu: “Mənə gəldikdə isə, mən başıma üç dəfə su tökürəm” dedi və (bunu başa salmaq üçün) iki əli ilə işarə etdi. (Buxari 254, Muslim 327, 494, 495, 766, 767)
188. Bir adam Cabir İbn Abdullahdan qüsl barəsində soruşdu. Cabir: “Sənə bir saa (su) kifayət edər” deyə cavab verdi. (Oradakılardan) birisi: “Mənə bəs eləmir” dedikdə Cabir: “Saçı sənin (saçından) daha gur, özü də səndən daha xeyirli olan birisinə bəs edərdi” dedi, sonra əynində bir paltar olduğu halda bizə imamlıq edib (namaz qıldırdı). (Buxari 252, Muslim 329, 496, 769)
Sürməsinin Müstəhəb Olması
189. Aişə rəvayət edir ki, bir qadın Peyğəmbərdən heyzdən sonra yu- yunması ba ını (başa salıb)
33 Saa – ölçü vahididir və dörd mudda bərabərdir. Bir mudd isə insanın iki ovucuna bərabərdir ki, bu da yeddi yüz qrama bərabərdir. Səmərul-Müstətab 1/28.
97 buyurdu: “Müşkə batırılmış yun (və ya pambıq) parça götür və onunla təmizlən.” (Qadın): “Necə təmizlənim?” deyə soruşdu. (Peyğəmbər): “Onunla təmizlən” deyə buyurdu. (Qadın yenə): “Axı necə?” deyə soruşduqda o: “Subhanəllah! Onunla təmizlən” deyə buyurdu. Mən o qadını özümə tərəf çəkib: “Onunla qan ləkələri qalmış yerləri silib təmizlə” dedim. (Buxari 314, Muslim 332, 449, 774)
190. Aişə rəvayət edir ki, Fatimə Bint Əbu Hubeyş Peyğəmbərin yanına gəlib dedi: “Ya Rəsulullah! Məndən davamlı olaraq qan gəlir deyə mən heç cür təmiz ola bilmirəm. (Bu səbəbdən) namazı buraxa bilərəmmi?” Peyğəmbər: “Xeyr, bu heyz deyildir, sadəcə damar qanıdır. Heyz qanı gəldikdə namazı burax. Heyz (vaxtı) başa çatdıqda isə qüsl et, sonra namaz qıl”. Peyğəmbər: “(Növbəti heyz) vaxtı gəlincəyə qədər hər bir namaz üçün dəstəmaz al.” (Buxari 228, Muslim 333, 501, 783)
191. Peyğəmbərin zövcəsi Aişə demişdir: “(Peyğəmbərin baldızı, həm də AbdurRəhman İbn Aufun həyat yoldaşı) Ummu Həbibə bint Cəhş yeddi il istihazə gördü. O, bu haqda Peyğəmbərdən soruşdu. Peyğəmbər: “Bu damardan gələn qanıdır və ona hər namaz üçün qüsl etməyi əmr etdi”. (Buxari 327, Muslim 334, 505, 786;)
98
192. Aişədən rəvayət edilir ki, bir qadın (ondan): “Bizdən birimiz heyzdən təmizləndikdən sonra (heyz vaxtı buraxdığı namazları) qılmalıdırmı?” deyə soruşdu. Aişə: “Sən hərurilərdənsən?! 34 Biz Peyğəmbərin vaxtında heyz olurduq, lakin o bizə (buraxdığımız namazları) qılmağı əmr etməzdi, yaxud biz (o namazları) qılmazdıq.” (Buxari 321, Muslim 335, 506, 787)
193. Ummu Hani bint Əbu Talib rəvayət edir ki, Məkkənin fəthi ilində mən Peyğəmbərin yanına getdim və onun qüsl etdiyini, Fatimənin də (ona) pərdə tutduğunu gördüm. Mən Peyğəmbərə salam verdim. O: “Bu (qadın) kimdir?” deyə soruşdu. “Mənəm, Əbu Talibin qızı Ummu Hani” deyə cavab verdim. Peyğəmbər: “Xoş gəlibsən, Ummu Hani!” dedi və qüsl edib qurtardıqdan sonra tək bir örtüyə bürünüb səkkiz rükət namaz qıldı. Nama- zını qılıb qurtardıqdan sonra mən dedim: “Ya Rəsulallah! Qardaşım himayəmə götürdüyüm Hubeyranın oğlu filankəsi öldürəcəyini söyləyir.” Peyğəmbər: “Sənin himayəyə götürdüyün kimsəni biz də himayəmiz altına götürürük, ey Ummu Hani!”. Ummu Hani: “O vaxt səhər açılmışdı (Duha namazının vaxtı idi).” (Buxari 357, 6158, Muslim 336, 509, 790, 1179, 1702)
34 Hərura – Kufə şəhərinin yaxınlığında yerləşən kənddir. Əli İbn Əbu Talibdən üz döndərib camaatdan ayrılmış on iki min xəvaric də məhz bu kənddə toplaşmış və camaata qarşı çıxmışlar. Onlar belə hesab edirdilər ki, heyzdən təmizlənmiş qadın heyz əsnasında buraxdığı namazlarını yenidən qılmalıdır.
99
194. Əbu Hureyra rəvayət edir ki, Peyğəmbər buyurdu: “İsrail oğulları çılpaq olaraq, bir-birilərinə baxa-baxa çimirdilər. Musa isə təklikdə çimərdi. (İsrail oğulları): “Musaya bizimlə birlikdə çimməyə mane olan, ancaq onun dəbə (Qrija xəstəliyi) olmasıdır” dedilər. Bir dəfə Musa çimməyə getdi və paltarını daşın üstünə qoydu. Birdən daş onun paltarını götürüb qaçdı. Musa: “Paltarımı (qaytar), ey daş!” deyə-deyə daşın arxasınca qaçdı. Nəhayət, İsrail oğulları Musanı çılpaq gördülər və: “Allaha and olsun ki, Musada heç bir
qüsur yox imiş” dedilər. Musa paltarını götürdü və daşı vurmağa başladı. Əbu Hureyra dedi: “Vallahi, Musa daşa altı yaxud yeddi zərbə vurmaqla daşı tənbeh etdi.” (Buxari 278, Muslim 339, 513, 796, 4372, 6296)
195. Cabir İbn Abdullah rəvayət edir ki, Peyğəmbər izarını 35 belinə
bağlayıb qureyşlilərlə birlikdə Kəbə (evinin yenidən tikilməsi) üçün daş daşıdığı zaman əmisi Abbas ona dedi: “Ey qardaşoğlu! Bəlkə izarını açıb çiyninə, (daşıdığın) daşların altına qoyasan.” (Cabir) dedi: “O, izarını açıb çiyninə qoyan kimi özündən getdi və bundan sonra onu bir daha heç kim izarsız görmədi.” (Buxari 364, Muslim 340, 515, 798)
35 İzar – qurşaqdan aşağı bədən əzalarını örtmək üçün belə bağlanılan örtük.
100
196. Əbu Səid əl-Xudri rəvayət edir ki, Peyğəmbər ənsardan olan bir nəfərə xəbər göndərib yanına çağırtdırdı. O adam gəldikdə (biz onun) başından damcı-damcı su töküldüyünü (gördük). Peyğəmbər: “Deyəsən, səni tələsdirdik?” deyə soruşdu. O: “Bəli!” deyə cavab verdikdə, Peyğəmbər buyurdu: “Səni tələsdirsələr və ya yaxınlıq edib məni axıtmasan, dəstəmaz almaq sənə yetər.” (Buxari 180, Muslim 345, 521, 804)
197. Ubey İbn Kəb demişdir: “Yə Rəsulullah! Zövcəsi ilə cinsi əlaqəyə girən, sonra da məni ifraz etməyən kişinin hökmünü soruşdum. Peyğəmbər: “Qadından ona bulaşmış şeyi yusun, sonra dəstəmaz alsın və namazını qılsın”. (Buxari 293, Muslim 346, 522, 805)
198. Zeyd İbn Xalid rəvayət edir ki, mən Osman İbn Əffandan : “Necə bilirsən, cinsi əlaqədə olub məni axıtmayan kəs nə etməlidir?” deyə soruşdum. Osman: “Namaz üçün dəstəmaz aldığı kimi dəstəmaz almalı və cinsiyyət üzvünü yumalıdır” deyə cavab verdi, sonra da: “Bunu Peyğəmbərdən eşitdim” deyə əlavə etdi. (Buxari 179, 292, Muslim 347, 524, 807)
Olunmuşun Birləşməsi Zamanı Qüslun Vacib Olması
199. Əbu Hureyra rəvayət edir ki, Peyğəmbər buyurdu: “(Kişi) qadının dörd əzası arasında oturub onunla cinsi əlaqəyə girərsə, (hər ikisinə) qüsl etmək vacib olar.” (Buxari 291, Muslim 348, 525, 809)
101
Olunması
200. İbn Abbas demişdir: “Peyğəmbər (bişmiş) qoyunun kürəyindən yemiş, sonra dəstəmaz almadan namaz qılmışdır”. (Buxari 207, Muslim 354, 531, 817)
201. Amr İbn Ümeyyə əd-Damri rəvayət edir ki, o, Peyğəmbərin (bişmiş) qoyunun kürəyindən kəsib (yediyini) görmüşdür. O vaxt Peyğəmbər namaza çağırıldıqda əlindəki bıçağı yerə atıb, dəstəmaz almadan namaz qılmışdır. (Buxari 208, 5408, 5422, 5462, Muslim 355, 534, 820)
202. Meymunə rəvayət edir ki, Peyğəmbər onun evində (qoyunun) kü- rəyindən yedikdən sonra dəstəmaz almadan namaz qıldı. (Buxari 210, Muslim 356, 535, 821)
203. İbn Abbas rəvayət edir ki, Peyğəmbər süd içdikdən sonra ağzını yaxaladı və: “Bu, yağlıdır” dedi. (Buxari 211, 5609, Muslim 358, 537, 824)
102
204. Abdullah İbn Zeyd əl-Ənsari rəvayət edir ki, bir nəfər namaz əsnasında özündən sanki yel çıxdığını hiss etdiyini Peyğəmbərə xəbər verdikdə Peyğəmbər buyurdu: “Bir səs eşitməyincə və ya bir iy duymayınca namazdan çıxmasın!” (Buxari 137, 177, 2056, Muslim 361, 540, 830, 831)
205. İbn Abbas demişdir: “Peyğəmbər Meymunənin kənizinə sədəqə olaraq verilmiş qoyunun öldüyünü görüb dedi: “Nə üçün bu qoyunun dərisini (aşılayıb ondan) istifadə etmirsiniz?” Onlar: “Axı o, murdar olub!” dedilər. Peyğəmbər: “Murdar olmuş heyvanın yalnız yeyilməsi haram edilmişdir.” (Buxari 1492, 5531, Muslim 363, 542, 832, 833)
206. Peyğəmbərin zövcəsi Aişə rəvayət edir ki, biz Peyğəmbərlə birlikdə səfərə çıxdıq. Nəhayət, Beyda və ya Zətul Ceyş deyilən yerə çatdıqda boyunbağım qırılıb yerə düşdü. Peyğəmbər dayanıb onu axtarmağa başladı.
103 Onun yanında olanlar da dayanmağa məcbur oldular. Ətrafda su olmadığından əshabələrdən bəziləri Əbu Bəkr əs-Siddiqin yanına gəlib dedilər: “Aişənin nə etdiyini görürsənmi? Allahın elçisi və bu qədər camaat ona görə dayanıb. Onlarda olan su ehtiyatı qurtarıb, özləri də su olmayan yerdə dayanıblar.” Əbu Bəkr (mənim yanıma) gəldi. Bu vaxt Peyğəmbər başını dizimin üstünə qoyub yatmışdı. Əbu Bəkr: “Allahın elçisini və bu qədər camaatı su olmayan bir yerdə, həm də su ehtiyatları olmadığı halda saxlamısan?” Sonra o, barmağı ilə böyrümdən vura-vura məni bir az da tənbeh etdi. Bu vaxt Peyğəmbərin başı dizimin üstündə olduğuna görə mən tərpən- mədim. Peyğəmbər ayıldıqda (paklanıb namaz qılmaq üçün) su tapmadı. (Elə bu səbəbdən də) Uca Allah təyəmmüm ayəsini nazil etdi və onlar da təyəmmüm etdilər. Useyd İbn Xudeyr dedi: “Ey Əbu Bəkrin ailəsi! Bu sizin ilk bərəkətiniz deyildir.” (Aişə) dedi: “Sonra üstündə oturduğum dəvəni qaldırdıq və boyunbağını onun altından tapdıq.” (Buxari 334, 3672, 4607, Muslim 367, 550, 842)
207. Şəqiq demişdir: “(Bir dəfə) mən Abdullah (İbn Məsud) və Əbu Musa əl- Əşariy ilə birlikdə oturmuşdum. Əbu Musa (Abdullahdan): “De görək, əgər adam cunub olsa və bir ay su tapa bilməsə, təyəmmüm etməyəcək və namazı necə qılmalıdır?”– deyə soruşdu. Əbu Musa: “Bəs onda “əl-Maidə” surəsindəki bu: “Su tapmasanız, təmiz torpaqla təyəmmüm edin”. (əl-Maidə 6). ayəsini (nə edək) necə izah edərsən?”. Abdullah: “Əgər insanlara bu ayəyə əsasən rüsxət verilərsə, onlar suyun soyuq olduğunu gördükdə, onu qoyub torpaqla təyəm- müm etməyə başlayacaqlar”. Aməş, Şəqiqdən: “Siz təyəmmümü su soyuq olduğu üçünmü pis qarşıladız?”. O: “Bəli” dedi. Əbu Musa, Abdullaha dedi: “Məgər sən Əmmarın Ömərə dediyi bu sözünü eşitməmisənmi? (O demişdir ki,) Peyğəmbər məni bir iş dalınca göndərmişdi. (Səfər əsnasında) mən cunub oldum və su tapa bilmədim. Bu səbəbdən də mən, heyvanın ağnadığı kimi, yerdə o üzə-bu üzə çevrilib bədənimi torpağa sürtməyə başladım. Sonra Peyğəmbərin yanına gəldim və bunu ona danışdım. Peyğəmbər: “Sadəcə iki əlinlə belə etməyin sənə kifayət edərdi” dedi, sonra əllərini bir kərə yerə vurdu və əlini silkələdi, sonra da sol əlinin ovcu ilə sağ
104 əlinin üstünü (sürtərək), sağ əlinin ovcu ilə sol əlinin üst tərəfinə və üzünə məsh etdi”. Abdullah (ona etirazını bildirib) dedi: “Məgər sən Ömərin, Əmmarın bu sözü ilə razılaşmadığını görmədinmi?!” (Buxari 347, Muslim 368, 542, 844)
208. Əmmar İbn Yasir Ömər İbn Xəttaba dedi: “Yadındadırmı? İkimiz səfərdə idik. Sən namaz qılmadın. Mən isə yerə uzanıb o üz-bu üzə çevrilərək bədənimi torpağa sürtdüm, sonra da namazımı qıldım. Mən bunu Peyğəmbərə xəbər verdikdə o: “Sənə belə etmək kifayət edərdi” deyib əllərini yerə vurdu, sonra əllərinin içinə üfürdü, sonra da ovuclarını üzünə və biləyə qədər (əllərinə) sürtdü. (Buxari 338, Muslim 368, 553, 846)
209. Əbu Cuheym İbn Haris əl-Ənsari rəvayət edir ki, Peyğəmbər Bir- Cəməldən (Mədinə yaxınlığında yer) gələrkən qarşısına çıxan bir nəfər ona salam verdi, lakin Peyğəmbər onun salamını almadı. Nəhayət, divara yaxınlaşdı, (əllərini divara vurub) üzünə və əllərinə sürtdükdən sonra o kimsənin salamını aldı. (Buxari 337, Muslim 369, 544, 848)
210. Əbu Hureyra rəvayət edir ki, bir gün o, cənabətli olduğu halda Mədi- nənin küçələrindən birində Peyğəmbərlə rastlaşdı. Peyğəmbərdən aralanıb getdi, sonra da qüsl alıb geri qayıtdı. Peyğəmbər: “Harada idin, ey Əbu Hureyra?” deyə soruşdu. (Əbu Hureyra): “Cənabətli idim. Odur ki, təmiz olmadığım halda sənin yanında oturmaq istəmədim” deyə cavab verdi.
105 Peyğəmbər: “Subhanəllah! Mömin murdar olmaz” dedi. (Buxari 283, 285, Muslim 824, 850)
211. Ənəs rəvayət edir ki, Peyğəmbər ayaqyoluna girərkən belə deyərdi: “Allahummə Inni Əuzu Bikə Minəl-Xubsi Vəl-Xəbais - Allahım, pislikdən və pis əməllərdən (erkək və dişi cinlərdən) Sənə sığınıram!”. (Buxari 142, 6322, Muslim 375, 563, 857)
Yüklə 5,61 Mb. Dostları ilə paylaş:
|