Haiti adalarını kəşf etdi.
Lakin nə qızıl, nə də başqa qiymətli sərvət tapmadı. Salamat qalmış bir
gəmi ilə İspaniyaya qayıtdı. Kolumb həmin yolla daha üç dəfə səfərə çıxdı. Kolumbun sərvət
axtarışları nəticəsiz qaldı.
Buna görə də bütün var-dövlətini sataraq səfərə çıxdıqları gəmilərin
xərcini ödədi. Kolumb kəşf etdiyi əraziləri Hindistan hesab edirdi. Ona görə buranı “Hindistan”,
əhalisini isə “hindular” adlandırdı. Əslində isə onun kəşf etdiyi yeni qitə Amerika idi. Lakin,
Kolumb ömrünün sonunadək yeni qitə kəşf etdiyini bilməmişdir. Az sonra İtaliya səyyahı Ameriqo
Vespuçi Kolumbun kəşf etdiyi torpaqların yeni qitə olduğunu sübut etdi (1499-1504-cü illərdə).
Buna görə də yeni qitə onun adı ilə Amerika adlandı.
Vasko da Qamanın Hindistana gedən dəniz yolunu kəşf etməsi (1498)
Portuqaliya kralı Hindistana dəniz yolunu kəşf etmək üçün Vasko da Qamanın başçılığı ilə
ekspedisiya göndərdi. Vasko da Qama 1498-ci ilin mayında ərəb İbn Məcidin köməyi ilə
Hindistanın Kəlküttə (Kalikut) şəhərinə gəlib çıxdı.
Beləliklə, Hindistana dəniz yolu kəşf olundu.
Daha sonra
Vasko da Qama Hindistandan çoxlu ədviyyat aldı və Avropaya qayıtdı. Bununla da
portuqaliyalılar ekspedisiyaya çəkilən xərcdən 60 dəfə çox qazanc əldə etdilər.
Fernando Magellanın dünya səyahəti (1519-1522)
1519-cu ildə Fernando Magellanın başçılığı ilə ispan gəmiləri dünya səyahətinə başladılar.
Magellanın ekspedisiyası Cənubi Amerika sahilləri boyu üzüb qərbə doğru gedən bir boğaza çatdılar
və oradan keçib okeana çıxdılar. Bu okeanda 4 ay üzdükləri müddət ərzində heç bir hadisə baş
vermədiyinə görə ona “Sakit okean”, keçdikləri boğaza isə “Magellan boğazı” adı verildi. Səyahət
zamanı
Magellan Filippin adalarında yerli əhali ilə toqquşmada öldürüldü (1521-ci ildə). Lakin
səyahət Del Kano tərəfindən davam etdirildi və
1522-ci ildə başa çatdırıldı
. Dənizçilər İspaniyadan
qərbə doğru üzərək yenidən İspaniyaya qayıtdılar.
Magellanın ilk dünya səyahəti yerin kürə şəklində olduğunu və vahid dünya okeanının
mövcudluğunu sübut etdi. Magellandan sonra dünya səyahətini dəniz qulduru ingilis Frensis Dreyk
təkrar etmişdir.
Bartalomey Diaş
Xristofor Kolumb
Ameriqo Vespuçi
Vasko da Qama
Fernando Magellan
148
İlk müstəmləkə işğalları. Portuqaliya və İspaniyanın Asiya, Afrika və Amerikadakı mülkləri
İşğala məruz qalmış və müstəqilliyini itirmiş ərazilər müstəmləkələr adlanırdı.
Böyük coğrafi kəşflər nəticəsində ilk
müstəmləkələri Portuqaliyaya və İspaniya ələ keçirdi.
Portuqaliyalılar donanma və odlu silahdan istifadə edərək, Ərəbistan və Hindistan yarımadasını, Şərqi Afrikanın
Hind okeanı sahillərini müstəmləkəyə çevirdilər. Bununla kifayətlənməyən portuqaliyalılar Şərqə doğru irəliləyərək daha çox
ədviyyat növləri becərilən Zond və Molukk adalarını tutdular. Onlar daha sonra Çinə və Yaponiyaya gedib çıxdılar. Cənubi
Amerikada isə yalnız Braziliya müstəmləkəsi portuqaliyalılara məxus idi.
İspaniya Braziliyadan başqa bütün Cənubi Amerikanı müstəmləkəyə çevirdi. İspanlar Kuba və Karib dənizlərindəki
adalarda hindiləri tamamilə məhv etdilər.
Sağ qalmaq istəyən əhali dağlara və meşələrə çəkildi. Yerli əhalinin kütləvi şəkildə
məhv edilməsi Amerikada qula ehtiyacı artırdı. İşçi qüvvəsi çatışmadığına görə avropalılar Afrikadan zənci qullar gətirməyə
başladılar. Qul alveri ilə əvvəlcə portuqaliyalılar, sonra isə ispanlar, hollandlar və ingilislər məşğul oldular.
Beləliklə, Böyük coğrafi kəşflər ilk müstəmləkə işğallarının başlanmasına zəmin yaratdı. Müstəqilliyini itirmiş və
işğalçıların zülümü altına düşmüş ərazilər müstəmləkə adlanmağa başladı. Hindistandan gedən dəniz yolunun kəşfi,
müstəmləkələrin yaranmasına aparan yol oldu.
Portuqaliyalıların müstəmləkələri
İspaniyalıların müstəmləkələri
Ərəbistan və Hindistan yarımadası sahilləri
Şərqi Afrikanın Hind okeanı sahilləri
Zond və Molukk adaları
Braziliya
Braziliyadan başqa, bütün Cənubi Amerika
Kuba və Karib dənizinin adaları
Peru
İspaniya
Portuqaliya
İlk müstəmləkə dövlətləri
Xristafor Kolumbun Amerika torpaqlarına ilk dəfə
ayaq basması (1492)
Vasko da Qammanın Portuqaliyadan Hindistana yola
salinması (1497)
Vasko da Qammanın Hindistanın
Kəlküttə (Calikut) şəhərinə gəlib
çıxması (1498)
149
Portuqaliya və İspaniyanın müstəmləkələri (XVI əsrdə)
Böyük coğrafi kəşflərin nəticələri
Böyük coğrafi kəşflər nəticəsində:
Dünya ticarəti meydana gəldi, uzaq qitələr arasında ticarət əlaqələri genişləndi.
Əsas ticarət yolları Aralıq dənizindən okeanlara keçdi.
Amerika, Asiya və Afrikada müstəmləkə işğallarının əsası qoyuldu.
Müstəmləkələrlə ticarət İngiltərə, Niderland və Portuqaliyanın limanlarında cəmləşdi.
Hollandiyanın Antverpen şəhəri dünya ticarətinin başlıca mərkəzinə çevrildi.
Avropaya Asiyadan çay, qəhvə, Amerikadan kakao və tütün gətirilməyə başlandı.
Avropada əmtəə istehsalı artdı.
Niderland
İngiltərə
Portuqaliya
XVI əsrdə müstəmləkələrlə ticarətin cəmləşdiyi ölkələr
150
Avropa və Amerika xalqlarının mədəniyyəti
Karolinq oyanışı
Orta əsrlərin ilk dövründə Qərbi Avropada savadlı adamlar çox az idi. Hətta
kralların çoxu oxuyub-yazmağı bacarmırdı. Savadlı adamlar, əsasən, kilsə xadimləri idi.
Xristian kilsəsi antik dünya mədəniyyətindən ancaq özünə lazım olanları - məktəbi,
yazını və bəzi bilikləri qoruyub saxlamışdı.
Frank imperiyasını idarə etmək üçün Böyük Karla savadlı adamlar və məmurlar
lazım olduğu üçün kral təhsilə, elmə xüsusi diqqət yetirirdi. Böyük Karl hakimiyyəti
dövründə elm və təhsil sahəsində aşağıdakı mühüm tədbirləri həyata keçirdi:
Monastırların nəzdində məktəblər açdırdı. Kilsə məktəblərində uşaqlar yazı,
oxu və hesabı öyrənirdilər.
Latın əlifbası əsasında yeni xüsusi şrift - «Karolinq minuskulası» yaradıldı.
Frank sarayına İngiltərə, İspaniya və İtaliyadan savadlı adamlar dəvət etdi.
«Saray akademiyası»nı yaratdı. Akademiyada antik dövr müəlliflərinin
əsərləri oxunur və müzakirə edilirdi.
Böyük Karlın gördüyü tədbirlər nəticəsində mədəniyyət yüksəliş dövrünə qədəm
qoydu. Həmin dövrü « Karolinq oyanışı» adlandırırlar.
Bizans mədəniyyəti
Yunan və Roma mədəniyyətindən bəhrələnmiş Bizans Orta əsrlər dövründə özünəməxsus mədəniyyət
yaratmışdı. Ölkənin geniş ticarət əlaqələri coğrafiyaya və tarixə aid biliklərin inkişafına səbəb olmuşdu.
Bizans
imperatoru
Yustinianın
532-537-ci
illərdə
Konstantinopolda tikdirdiyi Müqəddəs Sofiya məbədi Bizansın ən gözəl
memarlıq əsərlərindəndir. Osmanlı türkləri Konstantinopolu tutduqdan
sonra bu binanı məscidə çevirdilər.
Bizans şəhərləri təkcə sənətkarlıq və ticarət şəhərləri deyil, həmdə
elm mərkəzləri idi. Bunlardan biri də Konstantinopol şəhəri idi.
1045-ci ildə Konstantinopolda universitet açıldı. Onun hüquq və
fəlsəfə fakültələri var idi. Konstantinopolda ali tibb məktəbi də fəaliyyət
göstərirdi.
İlk universitetlərin meydana gəlməsi
Orta əsrlər dövründə Avropada getdikcə böyüyən şəhərlərdə savadlı, bilikli adamlara ehtiyac artırdı.
Şəhərləri, ticarətdən əldə olunan mənfəəti hesablamaq üçün savadlı adamlar lazım idi. Odur ki, Avropada ali
məktəblər olan universitetlər meydana gəldi. Avropada ilk universitet 1158-ci ildə İtaliyanın Bolonya şəhərində
açıldı. XIII əsrdə İngiltərədə Oksford Universiteti yaradıldı.
Məktəb və universitetlərin açılması kitaba olan tələbatı artırırdı. Alman alimi İohan Quttenberq 1445-ci ildə
Avropada kitab çap üsulunu kəşf etdi və çap dəzgahı ilə ilk kitabını buraxdı.
Dünyada ilk universitetlərdən biri kimi qəbul edilən
və hələ də fəaliyyətdə olan Boloniya Universiteti
İtaliyanın eyni adlı şəhərində yerləşir. Doqquz əsrlik
tarixi ərzində burada bir çox şəxsiyyətlər təhsil
almışdır. Hazırda universitetdə 80.000-dən çox
müxtəlif millətlərdən olan tələbə təhsil alır.
Oksford Universiteti İngiltərənin Oksford şəhərində
yerləşir. Universitet, 39 Kollecin bir növ federal
sistem içərisində bir araya gəlməsiylə yaranmışdı.
Universitet indiki dövrdə də dünyanın ən nüfuzlu
təhsil müəssisələrindən biridir. Universitetdə təxminən
130 ölkədən 18.000-dən çox tələbə təhsil almaqdadır.
Müqəddəs Sofiya məbədi
151
Avropa intibahı
Şərqin ardınca Avropada da mədəni oyanış baş verdi. Şəhərlərdə meydana gələn zehni əməklə məşğul olan
insanlar qrupunu - ziyalıları daha çox insan maraqlandırırdı. Buna görə onları humanistlər adlandırırdılar. Antik
mədəniyyətə maraq onu yenidən canlandırdı. Buna görə yeni mədəniyyətin yarandığı dövr « Renessans dövrü»
(İntibah dövrü) adlanır.
XIV əsrin əvvəlləri – XVI əsrin sonlarını əhatə edən
«Renessans dövrü»ndə Avropa
mədəniyyətində böyük yüksəliş baş verdi. Avropalılar bu mədəniyyəti Amerikaya da yaydılar.
İtaliya intibahının görkəmli nümayəndələri
İtaliya intibahının ən görkəmli nümayəndələri
Leonardo da Vinçi, Mikelancelo və Rafael
idi.
Leonardo da Vinçin dünyaca məşhur olan «Mona Liza» («Cokonda») portretində gənc qadının daxili
aləmini, dəyişən əhvalruhiyyəsini onun zahiri görünüşündə ustalıqla vermişdir.
Rafael «Məryəm ana» əsərində övladını insanların səadəti naminə qurban verməyə hazır olan qadını
təsvir etmişdir.
Dahi heykəltəraş Mikelancelonun 5,5 metr hündürlüyündə olan «David» heykəlini böyüklüyünə görə
müasirləri «Nəhəng» adlandırırdılar. İtaliyanın Florensiya şəhərinin mərkəzi meydanında olan «David»
heykəli o vaxtdan bu şəhərin himayədarı və simvolu hesab olunur.
İntibah dövründə memarlıqda roma və qotik üslublu tikililər üstünlük təşkil edirdi. Orta əsr rus
memarlığının zirvəsi Moskvada Qızıl meydandakı Pokrov kilsəsidir. Bu kilsə Vasili Blajennı məbədi adı ilə
məşhurdur.
Ədəbiyyat
Qərbi Avropanın humanist yazıçıları feodal qaydalarına qarşı çıxır,
ədalətli quruluş arzulayırdılar. Bu dövrün böyük ingilis yazıçısı
Tomas Mor
(1477-1535)
çəpərləmələri, qanlı qanunları pisləyir və
özünün uydurduğu xoşbəxt ölkəni «Utopiya adası» adlandırırdı.
İngilis yazıçısı Vilyam Şekspir
(1564-1616)
«Hamlet», «Otello»,
«Kral Lir» və başqa əsərləri ilə dünya şöhrəti qazanmışdı.
İslam mədəniyyəti və Avropa
Orta Əsrlər dövründə Bizansın, eləcə də Avropa xalqlarında mədəniyyətin bəzi sahələrinin yaranmasında və
inkişafında İslam mədəniyyətinin təsiri olduqca böyükdür. İbn Sinanın, Əl-Biruninin və başqa müsəlman alimlərinin
əsərləri Avropada bəzi elm sahələrinin inkişafı üçün mənbə rolunu oynamışdı. Məsələn, İbn Sinanın «Tibbin
qanunları» əsəri altı əsr Avropanın bütün tibb fakültələrində öyrədilmişdi. Nəsirəddin Tusinin «Zic Elxani» əsəri
Kopernikin yeni nəzəriyyəsinin yaranmasına kömək göstərmişdi.
Polyak alimi Nikolay Kopernik
(1473-1543)
səma cisimlərini müşahidə edərək belə nəticəyə gəldi ki, Yer
həm öz oxu, həm də Günəş ətrafında fırlanır.
Böyük italiyan mütəfəkkiri
Cordano Bruno
(1548-1600)
kainatın
sonsuz olduğunu söylədiyinə görə kilsə məhkəməsinin qərarı ilə tonqalda yandırılmışdı.
Tomas Mor Vilyam Şekspir
Mikelancelo
«David» heykəli
152
Nikolay Kopernik
Cordano Bruno
Amerika xalqlarının mədəniyyəti
Amerika xalqları Avropa və Asiya mədəniyyəti ilə heç bir əlaqəsi olmayan orijinal bir mədəniyyət
yaratmışdılar. Mayya xalqı mədəni səviyyəsinə görə digər Amerika xalqlarından öndə idi. III əsrdən etibarən
mayyalıların yazısı olmuşdur. Bu yazı heroqliflərdən ibarət idi. Mayya təqvimi qədim xalqların ən dəqiq
təqvimlərindən sayılırdı. Mayyalılar hindlilərdən əvvəl sıfır rəqəmindən istifadə edirdilər. Mayya kahinləri
planetlərin Günəş ətrafında hərəkətini hesablamışdılar. Onlar Ay və Günəş tutulmasını əvvəlcədən xəbər verə
bilirdilər. Riyaziyyatın, astronomiyanın inkişafını onların tikdikləri əzəmətli məbədlər, saraylar, pilləli ehramlar və
rəsədxanalar da sübut edir. Çiçen-İtsada mayyalılara məxsus XII-XIII əsrlərə aid ehramlar vardır.
Amerika xalqları içərisində mayyalılardan başqa astek və iniklər də yüksək inkişaf səviyyəsinə malik xalqlar
idilər. Həmin xalqlarda müxtəlif elmlər, incəsənət, memarlıq, heykəltaraşlıq, sənətkarlıq yaxşı inkişaf etmişdi.
Mayya yazısı (əlifbası) və mayya rəqəmləri. Daş üzərində oyulmuş mayya təqvimi
153
YENİ DÖVR
Orta əsrlərin son mərhələsində feodal cəmiyyətinin böhranı ilə əlaqədar təsərrüfat həyatında yeni xüsusiyyətlər
yarandı. Qərbi Avropanın ictimai həyatında baş vermiş bu yenilikləri tarixçilər sonradan kapitalizm adlandırmağa
başladılar. Yeni dövrün başlıca xüsusiyyətini və əsas məzmununu kapitalizmin yaranması və inkişafı təşkil edir.
Ayrı-ayrı ölkələrdə tarixi inkişaf mərhələlərinin dəyişməsi prosesi müxtəlif vaxtlarda baş vermişdi. Məsələn, XVII-
XIX əsrlərdə kapitalizm ən çox Qərbi Avropada və Şimali Amerikada inkişaf etmişdir . Bu zaman isə Asiya
ölkələrində feodalizm qaydaları hökm sürürdü.
Kapitalizm quruluşunun özünəməxsus xüsusiyyətləri var idi. Həmin xüsusiyyətlər aşağıdakılardır:
Əmtəə-pul münasibətləri getdikcə gücləndi.
Əhalinin sosial tərkibində əhəmiyyətli dəyişikliklər baş verdi.
Cəmiyyətin əsas təbəqəsi olan burjuaziya və muzdlu işçilərin sayı artdı.
Azad bazar iqtisadiyyatına əslanan manufakturalar, fabrik və zavodlar yaranırdı.
Maşınlı iri istehsal yarandı.
Torpaq və zavodlar xüsusi mülkiyyətçilərin əlində idi.
Avropada yeni sivilizasiya formalaşdı, elm, mədəniyyət sürətlə inkişaf etdi.
Geniş tətil hərəkatları baş verdi, vətəndaş cəmiyyəti yarandı.
İnsan hüquqları, vətəndaş cəmiyyəti mühüm əhəmiyyət kəsb etməyə başladı.
154
TÜRK VƏ ŞƏRQ XALQLARI XVII-XVIII ƏSRLƏRDƏ
Səfəvilər imperiyası
Siyasi vəziyyət
XVI əsrin sonlarında Şərqin ən böyük imperiyalarından biri olan Səfəvi dövləti osmanlılarla müharibədə
məğlub oldu və ərazilərinin bir hissəsini itirdi. Şah I Abbas dövlətin tarixi sərhədlərini bərpa etmək üçün
müharibəyə başladı. 1603-1612-ci illərin Səfəvi-Osmanlı müharibəsi Azərbaycan ərazisinin tamamilə azad olunması
ilə başa çatdı. Beləliklə, XVII əsrin əvvəllərində Səfəvi imperiyasının keçmiş qüdrəti bərpa olundu.
İqtisadi vəziyyət
Şah I Abbasın ölümündən sonra taxta çıxan Şah Səfinin (1629-1642) dövründə Osmanlı dövləti ilə Qəsri-
Şirin sülhünün (1639) bağlaması tərəflər arasında müharibə dayandırıldı. Qəsri-Şirin sülhünü bağlanması
nəticəsində:
Kənd təsərrüfatının, sənətkarlığın və ticarətin inkişafına şərait yarandı.
Qonşu dövlətlərlə və Avropa ölkələri ilə iqtisadi və siyasi əlaqələr sürətlə inkişaf etdi.
Volqa-Xəzər ticarət yolu xeyli canlandı.
Ümumi iqtisadi yüksəliş baş verdi.
Ümumi iqtisadi yüksəliş şəhərlərin inkişafında da özünü göstərdi.
Beynəlxalq tranzit ticarət yolları üzərində yerləşən şəhərlərdə böyük canlanma
baş verdi. Sənətkarlıq və ticarət mərkəzləri olan Təbriz, Ərdəbil, Şamaxı, Bakı,
Ərəş, İsfahan, Kaşan, Yəzd, Şiraz, Həmədan şəhərləri Avropanın və Asiyanın
bir çox ölkələri ilə ticarət edirdi.
Ölkədə toxuculuq, metalişləmə, gön-dəri emalı, dulusçuluq daha çox inkişaf
etmişdi. Xalça toxuculuğu özünün yüksək zirvəsinə çatmışdı. Toxunan xalçalar,
əsasən, Təbriz, Şamaxı və Bağdad bazarlarında Avropa tacirlərinə satılırdı.
Bu dövrdə Səfəvilər dövlətinin əsas xalçaçılıq mərkəzləri Kirman, Kaşan, Fars
və Xuzistan idi. Lakin XVII əsrin sonlarında ənənəvi ticarət yolları dəyişdiyi
üçün imperiyanın ərazisindən keçən tranzit yolları öz əhəmiyyətini itirdi.
XVII əsrin sonlarında ölkə iqtisadiyyatında aparıcı yerlərdən birini tutan
ipək ticarəti zəifləməyə başladı. Bu, iri şəhərlərin beynəlxalq ticarətdəki rolunu
zəiflətdi. Ölkənin iqtisadi vəziyyəti pisləşməyə başladı.
Səfəvi dövlətinin ümumi iqtisadi vəziyyətinin pisləşməsi ictimai həyatın
bütün sahələrinə mənfi təsir göstərdi. Ölkədə iqtisadi vəziyyətin gərginləşməsi
siyasi böhranın da dərinləşməsinə səbəb oldu.
Səfəvi dövlətinin zəifləməsi və süqutu
Şah I Abbasdan sonra hakimiyyətə gələn şahzadələrin dövlət işlərindən uzaq tutulması Səfəvi dövlətini
zəiflətdi, iri feodalların mərkəzi hakimiyyətə tabe olmamaq cəhdləri gücləndi. Sultan Hüseynin (1694-1722)
dövründə iqtisadi böhran, xəzinənin gəlirlərinin azalması şahı vergiləri artırmağa məcbur etdi. Lakin bu tədbirlər
dövlətin tənəzzülünün qarşısını ala bilmədi. XVIII əsrin əvvəllərində xalq kütlələrinin feodal zülmünə qarşı çıxışları
ölkəni bürüdü. Mərkəzi hakimiyyət zəiflədiyinə görə dövlətin əksər vilayətlərində eyni vaxtda baş verən üsyanları
yatırmaq mümkün olmadı. Bu zaman ölkədə baş verən üsyanlar əfqanların, Osmanlı və Rusiya dövlətlərinin
Səfəvi torpaqlarına müdaxiləsinə şərait yaratdı. 1722-ci ildə əfqanların yürüşü nəticəsində:
Mir Mahmudun başçılıq etdiyi əfqan qoşunları paytaxt İsfahanı ələ keçirdi.
Şah Sultan Hüseyn oğlu Təhmasibin xeyrinə hakimiyyətdən əl çəkdi.
Əfqanların qarətçi yürüşündən sonra Səfəvilər dövlətinin torpaqlarının bölüşdürülməsi uğrunda başlayan
Osmanlı-Rusiya mübarizəsi 1724-cü ilin iyununda İstanbul müqaviləsinin bağlanması ilə başa çatdı. Müqaviləyə
görə Azərbaycan Osmanlı və Rusiya imperiyaları arasında bölüşdürüldü. Beləliklə, XVIII əsrin əvvəllərində Səfəvi
dövlətinin ərazisi əfqanlar, osmanlılar və ruslar tərəfindən bölüşdürüldü.
Dostları ilə paylaş: |