Az ə rbaycanda Pe şə

Paltarın aşağı kəsiyinin hazırlanması. Paltarın aşağı kəsiyini qatlamazdan əvvəl onun 
aşağı kəsiyini dəqiqləşdirmək lazımdır. Bunun üçün paltarı üst tərəfə çevirib onun qabaq və arxa 
hissələrini 2 qat qatlayıb yan tikişlərini, klin tikişlərini bərabərləşdirirlər. Sonra paltarın aşağısını ülgü 
üzrə qeyd edib qatlayırlar. Paltarın aşağısını xüsusi maşınlar (85s. PO, SM-2 və s.) və gizli əl ilmələri 
vasitəsilə qatlayırlar. Nazik parçadan və kənarı sökülən parçalardan hazırlanan geyimlərdə kəsiyin 
kənarını əvvəlcə hörmələyir, sonra isə qatlayıb gizli basdırma ilmələri vasitəsilə tikirlər. Paltarın aşağısını 
qatlayarkən parçanın öz rəngində olan ipək saplardan istifadə etmək lazımdır. Çalışmaq lazımdır ki, 
ilmələr üst tərəfdən görünməsin. Əgər paltarın aşağısı klyoş formada hazırlanarsa onda onu işarə 
olunmuş xətt üzrə qatlayır, kökləyir və tikirlər. Sonra qatlanmış hissəni nəm əski vasitəsilə ütüləyirlər. 
Əgər parça nazik və söküləndirsə, onu 0,8-1 sm enində tərs üzə qatlayıb gizli tikişlə basdırırlar. Paltarın 
aşağısı hazır olduqdan sonra onu yenidən həm tərs, həm də üz tərəfdən nəm əski ilə ütüləyirlər. 

Paltarın son tamamlama işləri. Paltarları sifarişçinin bədən quruluşundan və 
fasonundan asılı olaraq bir və iki yoxlama (paltarın əyinə ölçülməsi) ilə tikirlər. Axırıncı yoxlamadan sonra 
məmulat tamamlama və bəzək işlərindən keçirilir. Kökləmə sapları, tabaşir xətləri təmizlənir. Əgər 
məmulat bağlama ilə hazırlanarsa, onda bortda,manjetdə və s. hissələrdə ilgək yerlərini işarə edib, sonra 
kəsib kənarlarını hörmələyirlər. Hörmələdikdən sonra hazır məmulatı ütüləyirlər. Paltarın əvvəlcə qabaq 
və arxasını, sonra qollarını ütüləmək lazımdır. Ümumiyyətlə paltarı axırıncı dəfə ütüləyərkən əvvəlcə iri 
hissələr sonra isə kiçik hissələri, məs: cib, cib qapağı, kəmərlər və s. ütülənir. Paltarı ütüləməmişdən 
qabaq parçanın hansı temperaturda ütülənməyini yoxlamaq lazımdır. Bunun üçün parçanın balaca 
tikəsini ütüləyirlər. Qatlamaların yaxşı forma alması üçün (yun və sintetik materiallardan hazırlanan 
geyimlərdə) onları sirkəli məhlulda isladılmış nəm əski vasitəsi ilə ütüləmək əlverişlidir. Qatlamaları 
ütüləməmişdən qabaq onları aşağı hissədən xaçvari tikişlə əsas hissəyə kökləyirlər. Qatlamaları həm 
tərs, həm də düz tərəfdən ütüləmək lazımdır. Kəmərləri, geyimin aşağısını nəm əski ilə tərs tərəfdən 
ütüləyirlər. İsti-nəmləndirmə əməliyyatlarının düzgün yerinə yetirilməsi geyimə gözəl görünüş verir. 
Paltar tam ütüləndikdən sonra düymələrin yerini ilgəklərə görə işarə edib tikirlər. Geyimə verilən bəzək 
onu daha da gözəlləşdirir və yaraşıqlı edir. Bəzək geyimin fasonu, sifarişçinin bədən quruluşu və yaşı ilə 
əlaqədar olmalıdır. Bəzəklər, yaxalıqlar, manjetlər, şarflar və s. ilə verilə bilər ki, bu cür bəzəklər çıxarıla 
bilən bəzəklər adlanır. Daimi bəzəklər isə paltarın müəyyən hissələrində yerinə yetirilir. Bunlara bütün 
bəzək tikişlərini, tesmaları, aborkaları, merişkaları, volanları, kantları və s. göstərmək olar. 

---

61 
4.2.2. Tələbələr üçün fəaliyyətlər 

Əlavə mənbələrdən istifadə edərək müxtəlif don modelləri haqqında təqdimat 
hazırlayın.

Dörd nəfərlik beş qrupa bölünün. Hər qrupdan iki nömrə altında əyləşən tələbələrdən 
yeni qrup yaradılır. Bu ekspert qrupudur. Mətn beş hissəyə bölünür və ekspert qrup 
iştirakçılarına paylanır. Onlar verilən hissələri oxuyub qavramalı və əvvəlki qruplarına 
qayıdıb həmin qrup iştirakçılarına danışırlar. Mətnin tələbələr tərəfindən mənimsəmə 
dərəcəsini təyin etmək üçün müəllim sual-cavab edir. 

Tələbə axını prosesində paltarın ayrı-ayrı hissələri hazırlanır. 

Tələbələr tərəfindən tikilmiş paltarın son tamamlama əməliyyatı aparılır. 
4.2.3. Qiymətləndirmə 
Aşağıdakı qiymətləndirmə meyarına əsasən qiymətləndirəcəksiniz: