Az eBook Archive
Yüklə 1,57 Mb. Pdf görüntüsü
|
|
həyatın doluluğuna minnətdar olmaqdır. O heç vaxt gələ-
cəkdə ola bilməz. Bu rifah və bolluq zaman keçdikcə özü müxtəlif yollarla üzə çıxacaq. Əgər əldə etdiklərin səni qane etmirsə, ya da müəy- yən məhdudiyyətlərə görə ruh düşkünlüyü yaşayıb və hirslisənsə, bu səni zəngin olmağa təşviq edə bilər, amma nəticədə böyük bir sərvət əldə etsən belə, yenə daxili ça- tışmazlıq hiss edəcək və haradasa qəlbinin dərinliklərin- də özünü tam reallaşmamış hiss edəcəksən. Pulla alınması mümkün olan çoxlu gözəl hisslər keçirə bilərsən, 121 ancaq onlar gələcək və səndə daim boşluq, yeni fiziki və psixoloji həzlərə tələbat qoyub gedəcəklər. Əgər Varlığa sadiq qalmasan, həyatın elə indicə baş verən və həqiqi rifah adlanan yeganə doluluğunu hiss edə bilməzsən. Odur ki, gözləməkdən bir durum olaraq imtina et. Elə ki yenə sürüşüb gözləmə vəziyyətinə düşdüyünü an- ladın, dərhal ondan azad ol və indiki ana gir. Sadəcə mövcud ol və bundan həzz al. Mövcud olanda səndə heç vaxt nəsə gözləməyə ehtiyac yaranmır. Ona görə, növbəti dəfə kimdənsə “bağışlayın, sizi gözləməyə məcbur et- dim” sözlərini eşidəndə, cavab verə bilərsən: “Hər şey qaydasındadır, mən gözləmirdim. Sadəcə burada daya- nıb, yaşadığım anın sevincini hiss edir, ondan həzz alır- dım”. Bunlar adi şüursuzluğun bir hissəsi olan, idrakın in- diki anı inkar strategiyalarının sadəcə bir neçəsidir. Onlar adi, adət olunmuş, normal həyatın bir parçası olduqların- dan, asanlıqla hiss olunmaya bilərlər: bu arxa planda hə- mişə narazılıq şəklində olan bir uğultudur. Ancaq zehni- emosional durmunu nə qədər diqqətlə müşahidə etsən, keçmişin və ya gələcəyin, yəni şüursuzluğun tələsinə düşdüyün anları daha asan dərk edəcəksən, onda zaman yuxusundan indiki ana oyanmaq daha asan olacaq. Möv- cudluğu özünü idrakınla eyniləşdirməyinə əsaslanan sax- ta və narazı mənliyin zaman daxilində yaşayır. İndiki anın onun üçün ölüm demək olduğunu bilir, odur ki, 122 özünü üzərində daim böyük təhlükə varmış kimi hiss edir. O səni indiki anın zirvəsindən itələyib yıxmaq üçün əlindən gələni edir. O səni zamanın tələsində tutub sax- lamağa çalışır. H əyat Yolunun Daxili Hədəfi Mən sizin danışdıqlarınzda həqiqəti hiss edirəm, ancaq bununla belə yenə də düşünürəm ki, həyatda məqsəd olmalıdır; əks halda biz sadəcə axınla üzəcəyik və məqsədin olması gələ- cəyin olması deməkdir. Məgər belə deyil? Bunu indiki anda yaşamaqla necə uyğunlaşdıra bilərik? Sən bir səfərə çıxdığında haralarla getdiyini, ən azı əsas istiqaməti bilməyində fayda var, ancaq unutma səfərinlə əlaqədar həqiqi olan tək şey məhz indiki anda atdığın addımdır. Var olan tək şey budur. Həyat səyahətinin xarici məqsədi olduğu kimi, daxili məqsədi də var. Xarici məqsəd sənə tapşırılan vəzifəni yerinə yetirmək, ya da nəyəsə nail olmaq üçün hədəfə çatmaqdır və bu, əlbəttə, gələcək deməkdir. Lakin ge- dəcəyiniz yer və ya gələcəkdə atacağınız addımlar diqqə- tinizin böyük bir hissəsini işğal edirsə, onlar sizin üçün indi atdığınız addımlardan daha əhəmiyyətlidirlərsə, on- da siz öz yolunuzun daxili məqsədini tamamilə nəzərdən qaçırmısınız ki, bu sizin haraya getməniz, ya da nə etmə- yinizlə heç bir əlaqəsi yoxdur, amma necə etdiyinizlə hər 123 cür əlaqəsi var. Onun gələcəklə heç bir bağlılığı yoxdur, amma şüurunuzun bu andakı xarakteri ilə hər cür əlaqəsi var. Xarici məqsəd zaman və məkanın üfüqi səthindədir; daxili məqsədin Varlığının dərinliyi ilə zamanxarici İndiki anın şaquli oxu vasitəsilə əlaqəsi var. Sənin xarici səyahətin milyon addımdan ibarət ola bilər, daxili səya- hətinin isə cəmi bir addımı var: bu addımı sən elə indicə atırsan. Elə ki bu yeganə addımını daha dərindən dərk etməyə başladın, digər bütün addımların da onun içində olduğunu anlayacaqsan. Onda həmin tək və yeganə ad- dım mükəmməlliyə, böyük gözəlliyə və yüksək keyfiy- yətə çevrilir. O səni Varlığa aparacaq və ondan Varlığın işığı yayılacaq. Bu daxilinə etdiyin səyahətin, öz da- xilindəki səyahətinin həm məqsədi, həm də reallaşma prosesidir. & Yüklə 1,57 Mb. Dostları ilə paylaş:
|