Tədqiqatın elmi yeniliyi. Türkoloji dilçilikdə oğuz qrupu türk dillərin-
də qrammatik şəkilçilər ilk dəfə olaraq müqayisəli şəkildə geniş formada
monoqrafik tədqiqata cəlb edilir. Haqqında bəhs edilən qrammatik kateqo-
riyalar və onların morfoloji göstəriciləri barədə deyilənlər mövcud elmi fik-
rin təkrarı olmayıb müstəqil təhlil və düşüncə tərzinin məhsuludur.
Qrammatik formalarla birbaşa və ya dolayısı ilə bağlı olan qrammatik
kateqoriya anlayışı, kök və şəkilçi münasibətləri və s. məsələlərə baxışda
da yeni fikir və mülahizələr öz əksini tapmışır.
Tədqiqatın nəzəri və praktik əhəmiyyəti.Oğuz qrupu türk dillərinə
aid normativ qrammatikaların, lüğətlərin hazırlanmasında tədqiqatın nəti-
cələrindən istifadə edilə bilər. Türk dillərində morfoloji kateqoriya, onun
kriteriyaları və göstəricilərinin dəqiqləşdirilməsində tədqiqat işinin nəzəri
müddəaları faydalı ola bilər. Müqayisə edilən dillərin və dil subyektlərinin
etnokulturoloji birliyinin üzə çıxarılması və inkişaf etdirilməsində, oğuz
birliyi ideyasının gerçəkləşməsində bu əsər səmərəli ola bilər. Ali məktəb-
lərdə tədris edilən «Dialektologiya», «Dilşünaslıq», «Qədim türk yazılı
abidələrinin dili», «Ədəbi dil tarixi», «Türk dillərinin müqayisəsi» və s.
fənlərin bakalavr və magistr səviyyəsində tədrisi zamanı dissertasiyadan
tədris materialı kimi faydalanmaq mümkündür.
Tədqiqatın mənbələri. Tədqiqatın əsas mənbələri müasir Azərbaycan,
türk, türkmən və qaqauz dilləri və onların dialektləridir. Bundan başqa,
qədim türk yazılı abidələri, brahmi mətnləri, «Kitabi-Dədə Qorqud»
dastanı, M.Kaşğarinin «Divanü lüğat-it-türk» əsəri, orta əsrlərə aid qram-
matika kitabları, türk dillərinin müqayisəli lüğətləri, dialektoloji lüğətlər,
tanınmış türkoloqların əsərləri, klassik ədəbiyyatın dili, müasir tədqiqat-
çıların müvafiq araşdırmaları və s. də tədqiqatın mənbələrinə daxildir.
