25. İş yerlərinin attestasiyası neçə ildən bir keçirilməlidir ?
İş yerlərinin attestasiyasının keçirilmə müddəti 5 ildə bir dəfədən az
olmamaq şərti ilə müəssisənin özü tərəfindən müəyyən edilir və AR NK-
nin 06.03.2000-ci il tarixli 38 nömrəli qərarı ilə təsdiq edilmiş “İş
yerlərinin attestasiyasının keirilməsi Qaydaları”na əsasən aparılır.
Attestasiyanın keçirilməsində əsas məqsəd instrumental ölçmələr
nəticəsində iş yerlərində təhlükəli və zərərli istehsalat amillərinin faktiki
göstəricilərinin müəyyən etməklə əməyin ağırlıq və gərginliyinin
qiymətləndirilməsidir.
26. İş
yerlərinin
attestasiyası
və
sahələrin
sanitar–texniki
pasportlaşdırılması
əmək
şəraitinin
yaxşılaşdırılması
istiqamətində hansı imkanları yaradır?
İş yerlərinin attestasiyası, sahələrin sanitar–texniki pasportlaşdırılması,
əmək şəraitinin vəziyyətinin dərindən və hərtərəfli təhlili aşağıdakılara
imkan verir:
normalara, qaydalara və standartlara uyğun olmayan istehsalat
sahələrinin, avadanlıqların aşkar edilməsinə;
əmək şəraitinin və görülən tədbirlərin səmərəli olmasının obyektiv
qiymətləndirilməsinə;
əlverişli əmək şəraitinin yaradılmasına, istehsalatda bədbəxt
hadisələrin və peşə xəstəliklərinin azaldılması və qarşısının alınması
üzrə ardıcıl tədbirlər planlarının işlənib hazırlanmasına və həyata
keçirilməsinə.
27. Yaşı 18-dən aşağı olan yeniyetmələrin əməyi necə mühafizə
olunur?
AR-nın Əmək məcəlləsinə görə yaşı 15-dən az olan şəxslərin işə
götürülməsinə yol verilmir. Yaşı 18-dən az olan işçilərin ağır, zərərli olan
iş yerlərində, yeraltı işlərdə, habelə əxlaqi kamilliyə mənfi təsir göstərən
işlərdə işləməsi qadağandır. Bu şəxslər üçün qısaldılmış iş rejimi tətbiq
edilməlidir. Onların iş vaxtından artıq işlərə, istirahət günlərində və gecə
işlərinə cəlb olunması, habelə ezamiyyətə göndərilməsi qadağandır. Yaşı
18-dən aşağı olan işçilər yalnız tibbi müayinədən keçirildikdən sonra işə
buraxılırlar və 18 yaşına çatana qədər hər il işəgötürənin vəsaiti ilə
müayinədən keçirilirlər;
28. Yaşı 18-dən az olan işçi tərəfindən ağırlığın qaldırılmasında
məhdudiyyət qoyulan işlər hansılardır?
Yaşı 18-dən az olan işçilərin Əmək Məcəlləsinin 251-ci maddəsi ilə
müəyyən edilmiş normalardan artıq ağır əşyaların qaldırılması və bir
yerdən başqa yerə daşınması işlərinə cəlb edilməsi qadağandır. 16
yaşından 18 yaşadək olan işçilərin əmək funksiyasına yalnız aşağıdakı
normalar həddində ümumi çəkisi olan ağır əşyaların əl ilə qaldırılması və
daşınması işlərinin görülməsi (xidmətlərin göstərilməsi) daxil edilə bilər:
kişilərin başqa işləri görməklə yanaşı, eyni zamanda ümumi çəkisi
15 kiloqramdan çox olmayan əşyaların əl ilə qaldırılaraq başqa yerə
daşınması, habelə ümumi çəkisi 10 kiloqramdan çox olmayan
əşyanın bir metr yarımdan artıq olmayan hündürlüyə qaldırılması;
qadınların başqa işləri görməklə yanaşı, eyni zamanda ümumi çəkisi
10 kiloqramdan çox olmayan əşyaların əl ilə qaldırılaraq başqa yerə
daşınması, habelə ümumi çəkisi 5 kiloqramdan çox olmayan əşyanın
bir metr yarımdan artıq olmayan hündürlüyə qaldırılması;
bütün iş günü (iş növbəsi) ərzində müntəzəm olaraq ümumi çəkisi 10
kiloqramdan çox olmayan əşyanın əl ilə qaldırılıb başqa yerə
daşınması;
15 kiloqramdan artıq gücün sərf edilməsi tələb olunan yüklənmiş
təkərli araba və ya hərəkət edən digər vasitələrlə əşyaların daşınması.
16 yaşadək qızlar yalnız onların razılığı ilə bu maddənin ikinci
hissəsinin «a», «b» və «c» bəndlərində nəzərdə tutulan normaların
müvafiq olaraq 1/3 hissəsi həddində ağırlığı olan əşyaların
qaldırılması və daşınması işlərinə cəlb oluna bilərlər.
Yaşı 16-dan az olan qızların bütün iş günü ərzində müntəzəm olaraq
yük qaldırma və daşınma işlərinə cəlb edilməsi qadağandır.
Yaşı 18-dən az olan işçilərin əməyinin tətbiqi qadağan olunan əmək
şəraiti zərərli və ağır olan istehsalatların, peşələrin (vəzifələrin),
habelə yeraltı işlərin siyahısı müvafiq icra hakimiyyəti orqanı
tərəfindən təsdiq edilir.
29. Hansı iş yerlərində və işlərdə qadın əməyinin tətbiqi qadağan
olunur?
Əmək şəraiti ağır, zərərli olan iş yerlərində, habelə yeraltı tunellərdə,
şaxtalarda və digər yeraltı işlərdə qadın əməyinin tətbiqi qadağandır. Qadın
əməyinin tətbiqi qadağan olunan əmək şəraiti zərərli və ağır olan
istehsalatların, peşələrin (vəzifələrin), habelə yeraltı işlərin siyahısı
müvafiq icra hakimiyyəti orqanı tərəfindən təsdiq edilir.
30. Qadınların hansı hallarda gecə işlərinə, iş vaxtından artıq işlərə və
istirahət günlərində işə cəlb olunması, habelə ezamiyyətə
göndərilməsi məhdudlaşdırılır?
Hamilə qadınların və 3 yaşına çatmamış uşağı olan qadınların gecə
işlərinə, iş vaxtından artıq işlərə, istirahət, iş günü hesab edilməyən bayram
və digər günlərdə işə cəlb edilməsinə, habelə onların ezamiyyətə
göndərilməsinə yol verilmir. 3 yaşından 14 yaşınadək uşağı olan, həmçinin
sağlamlıq imkanları məhdud uşağı olan qadınların iş vaxtından artıq işlərə,
istirahət, bayram və iş günü hesab olunmayan digər günlərdə işə cəlb
edilməsinə və ezamiyyətə göndərilməsinə yalnız onların razılığı ilə yol
verilir.
31. Qadınlar üçün natamam iş vaxtı müəyyən edilən hallar və həkim
müayinəsi zamanı əmək haqqının saxlanılması necə təmin edilir?
Əmək Məcəlləsinin 245-ci maddəsinə əsasən hamilə, 14 yaşına çatmamış
uşağı, yaxud sağlamlıq imkanları məhdud uşağı olan, habelə tibbi rəy
əsasında xəstə ailə üzvünə qulluq edən qadınların xahişi ilə işəgötürən
onlara işlənmiş vaxta mütənasib əmək haqqı ödənilən natamam iş günü və
ya natamam iş həftəsi müəyyən etməlidir. Bu halda qadının gündəlik və ya
həftəlik iş vaxtının müddəti tərəflərin razılığı ilə müəyyən edilir.
Hamilə və 3 yaşınadək uşağı olan qadınların həm özünün, həm də uşağının
tibb müəssisələrində dispanser və ambulator müayinələrinin keçirildiyi,
həkim məsləhətləri aparıldığı günlərdə orta əmək haqqı saxlanılır. Belə
müayinələrin keçirilməsi üçün işəgötürən hökmən hamilə qadınlara zəruri
şərait yaratmalıdır.
32. Qanunvericilikdə işçilərin istehsalatda bədbəxt hadisələrdən və
peşə xəstəliklərindən sığorta olunması nəzərdə tutulubmu?
Qanunvericilikdə müəyyən edilmiş qaydada və şərtlə həyat üçün yüksək
təhlükə mənbəyi olan işlərdə çalışan işçilər istehsalatda bədbəxt
hadisələrdən və peşə xəstəliklərindən işəgötürən tərəfindən mütləq icbari
sığorta edilməlidirlər. Bədbəxt hadisələrdən və peşə xəstəliklərindən icbari
sığorta edilməli olan işçilərin siyahısı, sığorta haqqının məbləği kollektiv
müqavilələrdə, əmək müqavilələrində sığorta təşkilatları ilə bağlanmış
müqavilələr əsasında müəyyən edilir.
33. Peşə xəstəliyi deyiləndə nə nəzərdə tutulur?
İstehsalat prosesi zamanı hər hansı zərərli istehsalat amillərinin təsiri
nəticəsində qazanılmış xəstəliyə peşə xəstəliyi deyilir.
34. İşçilərin istehsalatda bədbəxt hadisələr və peşə xəstəlikləri
nəticəsində əmək qabiliyyətinin itirilməsi halları ilə bağlı
işəgötürən hansı tədbir görməlidir?
İşəgötürən qanunvericiliklə müəyyən olunmuş qaydada hər bir işçinin
istehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığortalanmasını təmin
etməlidir. Əmək müqaviləsində işçinin sığortalanması barədə müvafiq
məlumatların göstərilməsi mütləqdir. İstehsalatda bədbəxt hadisələr və
peşə xəstəlikləri nəticəsində peşə əmək qabiliyyətinin itirilməsi
hallarından icbari sığorta sahəsində münasibətlər müvafiq qanunvericiliklə
tənzimlənir.
35. İstehsalatda baş vermiş bədbəxt hadisələrin təhqiqi və uçota
alınması necə aparılır ?
AR NK 28 fevral 2000-ci il tarixli 27 saylı qərarı ilə təsdiq edilmiş (AR
NK-nin 31 iyul 2015-ci il tarixli 270 saylı qərarı ilə dəyişiklik edilmişdir.)
“İstehsalatda baş verən bədbəxt hadisələrin təhqiqi və uçota alınması”
qaydalarına əsasən ağırlıq dərəcəsindən asılı olmayaraq istehsalatda baş
vermiş bədbəxt hadisə barədə müəssisə rəhbərliyi dərhal Dövlət Əmək
Müfəttişliyi Xidmətinə və yuxarı təşkilata məlumat verməlidir. Bədbəxt
hadisənin təhqiqatı Dövlət Əmək Müfəttişliyinin yaratdığı komissiya
tərəfindən aparılır. İki-dörd işçinin ölümü və əlahiddə ağır nəticəli (beş və
daha artıq işçinin həlak olduğu) bədbəxt hadisələrin təhqiqatı AR Əmək və
Əhalinin Sosial Müdafiəsi nazirinin əmri ilə yaradılan komissiya
tərəfindən aparılır.
İşçinin əmək qabiliyyətinin bir gündən artıq müddətə itirilməsinə və ya
tibbi rəy əsasında gündən artıq müddətə başqa işə keçirilməsinə səbəb
olmuş bədbəxt hadisə İZ formalı aktla rəsmiləşdirilir.
Təhqiqat başa çatdıqdan sonra işəgötürən tərəfindən bir gündən gec
olmayaraq İZ formalı akt tərtib edilməlidir və aktın bir nüsxəsi zərərçəkmiş
işçiyə təqdim olunmalıdır. İstehsalatda baş vermiş bədbəxt hadisə
müəssisə tərəfindən müvafiq qaydada uçota alınmalıdır.
36. Baş vermiş bədbəxt hadisə komissiya tərəfindən hansı müddətə
təhqiq olunmalıdır?
Baş vermiş bədbəxt hadisələrin təhqiqatı komissiya tərəfindən 20 gün
müddətinə başa çatdırılmalıdır. Zəruri hallarda Təhqiqat komissiyası
sədrinin əsaslandırılmış müraciətinə əsasən bu müddət komissiyanın
yaradılması barədə sərancam verən orqan tərəfindən artırıla bilər.
37. İstehslatda baş vermiş bədbəxt hadisəni gizlətmiş və ya müvafiq
akt tərtib etməkdən boyun qaçırmış vəzifəli şəxslər barədə hansı
məsuliyyət nəzərdə tutulur ?
AR-nın Əmək məcəlləsinin 217-ci maddəsinə görə bədbəxt hadisənin baş
vermə faktını gizlədən, aparılan təhqiqat barədə müvafiq akt tərtib
etməkdən boyun qaçıran işəgötürən, onun səlahiyyətli vəzifəli şəxsi
qanunvericilikdə nəzərdə tutulan qaydada məsuliyyət daşıyır.
38. İstehsalatda baş vermiş bədbəxt hadisə hansıı hallarda
rəsmiləşdirilmir və qeydiyyata alınmır ?
Təbii ölüm, özünə qəsd, intihar hadisələri, cinayət törədilərkən, şəxsi
məqsədlər üçün hər hansı işlə məşğul olarkən, çimərkən, balıq
ovlayarkən, işçinin öz təşəbbüsü ilə nahar fasiləsində və ya işdən
sonra idman tədbirləri zamanı xəsarət və ya ölüm baş verərsə;
texniki spirtlərin, aromatik, narkotik vasitələrin, psixiatrop
maddələrin istehsalat prosesində istifadəsi ilə bağlı olmayan alkoğol
zəhərlənməsi və onunla bağlı ürək dayanması, insult və s.
39. Başqa təşkilata göndərilmiş və ya əvəzçiliklə çalışan işçi ilə baş
vermiş bədbəxt hadisənin təhqiqatı necə aparılır?
İşəgötürən tərəfindən müvəqqəti olaraq işləmək üçün başqa təşkilata
göndərilmiş və ya əvəzçilik üzrə çalışan işçi ilə baş vermiş bədbəxt
hadisənin təhqiqatı, bu işçinin müvəqqəti işlədiyi, yaxud əvəzçilik üzrə
çalışdığı təşkilatın və əsas iş yerinin nümayəndələrinin iştirakı ilə aparılır
və hadisə baş vermiş müəssisə tərəfindən uçota alınır.
40. İstehsalat zədələnmələrinin tezlik və ağırlıq əmsallarının
hesablanma düsturları hansılardır?
Tezlik əmsalı (K
t
):
K
t
= Bx1000 /S
B – hesabat dövründə qeydə alınan bədbəxt hadisələrin sayı;
S – müəssisənin işçilərinin ümumi sayı.
Ağırlıq əmsalı (K
a
):
K
a
= G /B-B
ö
G – bədbəxt hadisələr nəticəsində itirilmiş əmək qabiliyyətli günlərin
ümumi sayı;
B
ö
– hesabat dövründə ölümlə nəticələnmiş bədbəxt hadisələrin sayı.
41. Qanunvericiliyə görə zərərli əmək şəraitində işlyən işçilərə hansı
güzəştlər tətbiq olunur?
Əmək şəraitinin zərərliliyinə görə aşağıdakı güzəştlər tətbiq olunur:
1. Əmək haqqına əlavələr, əmsallar aşağıda göstərilir.
Zərərliliyin aşağı səviyyəsində: Xüsusi ağır və zərərli işlərdə:
əmsal - 1.04 əmsal - 1.16
əmsal - 1.08 əmsal - 1.20
əmsal - 1.12 əmsal - 1.24
2. Qısaldılmış iş vaxtının müəyyən edilməsi;
3. İşçilərə əlavə məzuniyyətlərin verilməsi;
4. Güzəştli pensiyaların verilməsi.
42. İşçilərə xüsusi geyim və fərdi mühafizə vasitələri hansı sənədlər
əsasında verilir?
AR-nın Əmək məcəlləsinin 215-ci maddəsinə əsasən işəgötürən işçiləri
müəyyən edilmiş müddətlərdə və tələb olunan çeşidlərdə pulsuz xüsusi
geyim, xüsusi ayaqqabı və digər fərdi mühafizə vasitələri ilə təmin etməyə
borcludur. “Azəriqaz” İB-də bu məsələ “ARDNŞ-nin işcilərinə xüsusi
geyim və digər fərdi mühafizə vasitələrinin pulsuz verilməsi Normaları”
ilə tənzimlənir.
43. İstifadə olunmuş xüsusi geyim və digər FMV hansı hallarda
istifadə edilə bilər ?
İstifadə olunmuş xüsusi geyim və digər FMV işçilərə yalnız
yuyulduqdan, kimyəvi və digər profilaktik təmizlənmədən keçirildikdən
və təmir edildikdən sonra verilir.
44. İşçilərə verilmiş xüsusi geyim və digər FMV-in uçotu necə
aparılır?
İşçilərə verilmiş xüsusi geyim və digər FMV-in uçotu işçilər üçün açılmış
xüsusi kartoçkalar əsasında aparılır.
III FƏSİL
ƏMƏYİN TƏHLÜKƏSİZLİYİ ÜZRƏ İŞLƏRİN TƏŞKİLİ
HAQQINDA
1. Əməyin Mühafizəsi, yanğın və təhlükəsizlik texnikası qaydaları üzrə
təlimatlar necə il müddətinə qüvvədə olur?
Müasir texniki səviyyəyə uyğunlaşdırılması və lazımi düzəlişlər edilməsi
məqsədi ilə, təlimatlar 5 ildə bir dəfədən az olmayaraq, əgər xüsusi
qaydalarda başqa müddət nəzərdə tutulmayıbsa, yenidən baxılmalı və nəşr
edilməlidir.
2. İşçilərə təhlükəsiz iş üsulları necə öyrədilməlidir?
İşçilərə təhlükəsiz iş üsulları öyrədilməsi aşağıdakılardan ibarətdir:
bütün təlimat növlərinin (giriş, iş yerində, ilkin, vaxtaşırı,
növbədənkənar və birdəfəlik təlimatlar) keçirilməsindən;
biliklərin yoxlanılmasından (ilkin, vaxtaşırı, növbədənkənar)
işçilərə təhlükəsiz iş üsullarının öyrədilməsi, onların ixtisaslarının
artırılması zamanı (kurs, qrup və fərdi təhsil formalarında) həyata
keçirilir.
3. Hansı işçilərə təhlükəsizlik iş üsulları öyrədilməlidir?
İstehsalatın xüsusiyyətindən, mürəkkəbliyindən və təhlükəsizlik
dərəcəsindən asılı olmayaraq, bütün müəssisələrdə və istehsalat
birliklərində fəhlələrə, qulluqçulara və mühəndis-texniki işçilərə
təhlükəsiz iş üsulları öyrədilməlidir.
4. Təhlükəsiz iş üsullarının öyrədilməsinə kimlər məsuliyyət daşıyır?
Müəssisənin rəhbərliyi (baş mühəndis, baş mütəxəssislər, sex, xidmət və
şöbə rəisləri) fəhlələrə, qulluqçulara və mühəndis-texniki işçilərə
bilavasitə iş yerlərində və ya xüsusi kurslarda təhlükəsiz iş üsullarının
öyrədilməsini təmin etməyə borcludur. Bütövlükdə müəssisələr, birliklər
üzrə işçilərə təhlükəsiz iş üsullarının vaxtında və mükəmməl
öyrədilməsinin düzgün təşkilinə ümumi rəhbərlik müəssisə rəhbərlərinə,
struktur bölmələrində (sexlərdə, sahələrdə) isə həmin bölmələrin
rəhbərlərinə həvalə edilir. Onlar bu işlərə görə məsuliyyət daşıyırlar.
5. Təhlükəsiz iş üsullarının öyrədilməsinin təşkili və vaxtında
sənədləşdirilməsi kimə həvalə olunur?
İşçilərə təhlükəsiz iş üsullarının vaxtında və mükəmməl öyrədilməsinin,
sənədlərinin düzgün rəsmiləşdirilməsinin təşkilinə metodik rəhbərlik və
nəzarət müəssisənin və müvafiq yuxarı təşkilatların (birliyin, trestin və s.)
əməyin mühafizəsi və təhlükəsizlik texnikası xidmətinə həvalə olunur.
6. Fəhlə və qulluqçularla təlimatın keçirilməsində məqsəd nədir?
İşə qəbul olunan fəhlə və qulluqçularla, onları ümumi təhlükəsizlik
qaydaları və normaları, əmək qanunvericiliyinin əsas müddəaları, daxili
əmək intizamı qaydaları ilə, müəssisə ərazisində və bilavasitə iş yerlərində
davranış qaydaları ilə, təhlükəli və zərərli istehsalat amillərinin
xüsusiyyətləri ilə və digər məsələlərlə tanış etmək məqsədi ilə işlərin
təhlükəsiz aparılması üzrə təlimat keçirilir.
7. Fəhlə və qulluqçularala keçirilən təlimat xüsusiyyətinə görə neçə
yerə bölünür?
Fəhlə və qulluqçularla keçirilən təlimat xüsusiyyətinə və vaxtına görə iki
yerə, giriş və iş yerində təlimata ayrılır.
8. Müəssisələrdə keçirilən giriş təlimatlarının əsas məqsədi nədən
ibarətdir?
Giriş təlimatlarının əsas məqsədi müəssisəyə işə qəbul edilən bütün fəhlə
və qulluqçulara, müəssisəyə ezam olunmuş işçilərə, müvəqqəti işləyən
fəhlələrə, istehsalat təlimi və təcrübəsi keçmək üçün müəssisəyə gəlmiş
tələbə və şagirdlərə, habelə istehsalat sexlərinə işlərin aparılmasına
buraxılmış bütün şəxslərə müəssisə, iş rejimi, əməyin mühafizəsinin
hüquqi və normativ əsasları, yanğın və elektrik təhlükəsizliyi haqqında
qısa məlumat verməkdən ibarətdir. Giriş təlimatının keçirilmə müddəti 2
saatdan az olmamalıdır və müəssisənin əməyin təhlükəsizliyi xidməti
tərəfindən keçirilməlidir.
9. İş yerində keçirilən təlimatlar neçə yerə bölünür, bu təlimatlar
kimlər tərəfindən keçirilir və təlimatın məqsədi nədir?
İş yerində keçirilən təlimatlar aşağıda göstərilən 4 yerə bölünür:
ilkin təlimat
təkrar təlimat
növbədənkənar təlimat
birdəfəlik təlimat
İş yerində təlimatlar bir qayda olaraq iş rəhbəri tərəfindən iş yerində
keçirilməlidir. Elektrotexniki heyətə təlimat baş energetikin mühəndisi
tərəfindən keçirilir. Təlimatın keçirilməsində əsas məqsəd işçinin işlədiyi
sahədə yerinə yetirəcəyi işin xarekteri, işin icrası zamanı təhlükəsizlik
tədbirləri və ayrı-ayrı qurğu və avadanlıqların iş prinsipi haqqında işçiyə
məlumat verilməsindən və təhlükəsiz iş üsullarının öyrədilməsindən
ibarətdir.
10. İş yerində təlimatın keçirilməsində məqsəd nədir və təlimat
prosesində nələr izah olunmalıdır?
İş yerində təlimatın keçirilməsində əsas məqsəd hər bir fəhləni, qulluqçunu
təhlükəsiz iş üsullarının əsas qaydaları ilə tanış etmək, fəhlələrin
təhlükəsizlik tələbləri üzrə biliklərini artırmaq, təzələmək və
möhkəmləndirməkdir. Təlimat prosesində aşağıdakılar izah olunmalıdır.
İş yerində, müəssisə ərazisində davranış qaydalaı və peşələri üçün
əməyin təhlükəsizliyi üzrə təhlükəsizliyin məzmunu.
İstehsalat prosesində və iş vaxtında tətbiq olunan avadanlıqlar,
mexanizmlər və qurğular haqqında ümumi məlumat.
Avadanlıqlara, mexanizmlərə və maşınlara xidmət etdikləri zaman
təhlükəsizlik tələbləri.
Fərdi mühafizə vasitələri. Onların tətbiqi və istifadə qaydaları;
Yanğın təhlükəsizliyi qaydalarını və bədbəxt hadisə zamanı ilkin
tibbi yardımın göstərilməsi qayda və üsullarını.
11. İş yerində təlimat kimə keçirilməlidir?
Yeni işə götürülən və ya bir bölmədən (sexdən) digərinə keçirilən
(keçirilmə müddətindən asılı olmayaraq), bir işdən digər işə və ya digər
xassəli iş sahəsinə göndərilən (istehsalat şəraiti dəyişən hallarda) bütün
fəhlə və qulluqçulara, yeni iş tapşırılmış, müəssisəyə ezam olunmuş,
istehsalat təlimi və ya təcrübəsi keçməyə gəlmiş, həmçinin müxtəlif işləri
yerinə yetirmək üçün müəssisə ərazisində və ya sexlərə buraxılmış digər
işçilərə iş yerində təlimat keçirilməlidir.
12. İş yerində təlimat kim tərəfindən keçirilməlidir?
Fəhlələrlə iş yerində təlimatın keçirilməsi bilavasitə ustaya (iş rəhbərinə)
tapşırılır, qulluqçularla keçirilməsi isə sex, bölmə, qurğu rəhbərlərinə
həvalə edilir. Təlimatı keçirən şəxs fəhlə və qulluqçulara iş yerində olan
bütün təhlükəli sahələri, qurğu və avadanlıqları göstərməli, onları iş
yerlərinin təhlükəsiz və düzgün təşkili, işlərin təhlükəsiz yerinə yerinə
yetirilməsi üsulları ilə tanış etməli, işçilərin diqqətini təhlükəli iş
üsullarının və işçilərin, ətrafdakı insanların xəsarət almasına səbəb ola
biləcək təhlükəli iş üsullarının tətbiqinə yol verilməməsinə yönəlməlidir.
13. İş yerində təlimatlar hansı sənədlər əsasında aparılır?
Eyni peşəli fəhlələr üçün və ya ayrı-ayrı iş növləri üzrə iş yerində təlimat
təhlükəsizlik qayda və normalarına, ƏTSS standartlarına əsasən, konkret
istehsalat şəraiti nəzərə alınmaqla, işlənib hazırlanmış proqramlar,
təlimatlar üzrə keçirilir. Proqramlar və təlimatlar sex işçiləri (rəis,
müavinləri) tərəfindən işlənib hazırlanır, əməyin mühafizəsi və
təhlükəsizlik texnikası xidməti ilə razılaşdırılır, müəssisənin baş
mühəndisi və Həmkarlar İttifaqı Komitəsi ilə birlikdə təsdiq edilir.
Fəhlələrlə təlimatın keçirilməsi proqramına 5 ildə bir dəfədən gec
olmayaraq yenidən baxılmalıdır.
14. İş yerində ilkin təlimatın keçirilməsi necə həyata keçirilir?
Fəhlələrə iş yerində ilkin təlimat onlar sərbəst işə buraxılmazdan əvvəl,
bir işdən başqa işə və ya digər xassəli iş sahəsinə keçirilən hallarda aparılır.
Fəhlələrlə ilkin təlimat konkret bölmənin iş xüsusiyyətləri və şəraiti nəzərə
alınmaqla təsdiq edilmiş proqramlar və təlimatlar üzrə keçirilir. İlkin
təlimat işin xüsusiyyətindən asılı olaraq bir neçə növbə ərzində keçirilir.
Onlar istehsalat prosesləri, təhlükəsiz iş üsulları ilə tanış olurlar və hər bir
fəhlə fərdi olaraq təlimatlandırılır. İlkin təlimat keçilib qurtardıqdan sonra
fəhlənin təhlükəsiz iş üsullarını mənimsəməsinə, onun konkret iş yerinə və
peşəsinə aid təhlükəsizlik tələblərini və təlimatı praktiki bilməsinə və başa
düşməsinə əmin olunmalıdır. İlkin təlimatın keçilməsi “İşçilərin iş yerində
təlimatlandırılmasının qeydiyyatı jurnalı”nda rəsmiləşdirilir.
Dostları ilə paylaş: |