9. Əməyin mühafizəsi məsələləri üzrə dövlət siyasəti hansı təşkilat
tərəfindən həyata keçirilir?
Azərbaycan Respublikası Əmək məcəlləsinin 212-ci maddəsinə əsasən
Əməyin mühafizəsinə dair vahid dövlət siyasəti Azərbaycan Respublikası
Əmək və Əhalinin Sosial-Müdafiəsi Nazirliyi tərəfindən həyata keçirilir.
Əmək və Əhalinin Sosial-Müdafiəsi Nazirliyi tərəfindən müvafiq icra
orqanları (AR-nın nazirlikləri, dövlət komitələri, dövlət konsernləri,
şirkətləri, idarələr) tərəfindən qəbul edilmiş norma və qaydaların əməyin
mühafizəsi üzrə mövcud qanunvericiliyin tələblərinin uyğunluğuna
və işəgötürənlərin əməyin mühafizəsi sahəsində qanunvericiliyin
tələblərinə icra edilməsinə nəzarət edir, sağlam və təhlükəsiz əmək
şəraitinin təmin edilməsinə yönəldilmiş təkliflərlə çıxış edir.
10. Əməyin mühafizəsi sahəsində mülkiyyətçinin və işəgötürənlərin
vəzifələri nədir?
Müəssisənin mülkiyyətçisi və işəgötürəni işçilərin iş yerlərində əməyin
mühafizəsi normalarının və qaydalarının yerinə yetirilməsinə bilavasitə
cavabdehdirlər və aşağıdakı tədbirlərin həyata keçirilməsini təmin
etməlidirlər:
əməyin mühafizəsi üzrə standartların, normaların və qaydaların
bütün tələblərinə əməl edilməsini;
binaların, qurğuların, texnoloji proseslərin və avadanlığın
təhlükəsizliyinə riayət edilməsini;
bilavasitə iş yerlərinin sağlam sanitariya-gigiyena şəraitinin və
əməyin
mühafizəsinin
qüvvədə
olan
normativlərə
uyğunlaşdırılmasını;
işçilərə lazımi sanitariya-məişət və müalicə-profilaktik xidmətinin
təşkilini;
əmək şəraiti zərərli, ağır olan və yeraltı işlərdə çalışan işçilərə pulsuz
müalicəvi profilaktiki yeməklər, süd və ona bərabər tutulan digər
məhsulların verilməsini;
normal əmək və istirahət rejiminə riayət edilməsini;
işçilərə müəyyən edilmiş müddətlərdə və tələb olunan çeşidlərdə
pulsuz xüsusi geyim, xüsusi ayaqqabı və digər fərdi mühafizə
vasitələrinin verilməsini;
işçilərin əməyin mühafizəsi normaları və qaydaları üzrə təhsilinin,
təlimatlandırılmasının, biliklərinin yoxlanılmasının təşkil edilməsini
və əməyin mühafizəsinin təbliğini;
kollektiv müqaviləyə əməyin mühafizəsi üzrə qaydaları daxil etməyi
və onlarda nəzərdə tutulmuş öhdəliklərin yerinə yetirilməsini;
müvafiq icra hakimiyyəti orqanının müəyyən etdiyi müddətdə və
formada əməyin mühafizəsi, əmək şəraiti və onların qüvvədə olan
normalara uyğunlaşdırılması üçün görülən tədbirlərin nəticələri
haqqında statistik hesabatın verilməsini.
11. Əməyin təhlükəsizliyi qaydalarını və Əmək Məcəlləsinin əmək
mühafizəsinə dair qayda və normalarını pozduqlarına görə vəzifəli
şəxslər hansı məsuliyyəti daşıyır ?
Vəzifəli şəxslər ƏM norma və qaydaları pozduqlarına görə inzibati və
cinayət məsuliyyətinə cəlb edilirlər;
12. Əməyin mühafizəsi üzrə işçilərin vəzifələri hansılardır?
Azərbaycan Respublikası Əmək məcəlləsinin 216-ci maddəsinə əsasən
işçilər əməyin mühafizəsi üzrə normativ aktlarda nəzərdə tutulmuş əməyin
təhlükəsizliyi, gigiyenası, yanğına qarşı mühafizə tələblərini öyrənməli və
ona riayət etməlidirlər. Bundan əlavə özünü və iş yoldaşlarını təhlükəyə
məruz qoymamağa, buraxılış olmadan qurğularda, dəzgahlarda və həyat
üçün təhlükəli olan digər mənbələrdə iş görməməyə, xüsusi geyim və fərdi
mühafizə vasitələrindən istifadə etməyə və onların bilərəkdən
korlanmasına yol verməməyə, baş vermiş bütün pozuntular və hadisələr
barədə dərhal işəgötürənin nümayəndəsinə məlumat verməyə, iş
rəhbərinin tapşırıqlarını icra etməyə borcludur.
13. Əmək intizamı ilə bağlı işəgötürənin hansı hüquqları var ?
Öz xidməti vəzifələrinin vicdanla yerinə yetirilməsinə və bir yerdə böyük
iş stajına görə müdiriyyət işçiləri mükafatlandırmaq hüququna malikdir.
Əmək intizamının, müəssisə ərazisində və iş yerində təhlükəsizlik
texnikası qaydalarının tələblərinin pozulmasına görə müdiriyyətin
aşağıdakı intizam tənbehlərinin tətbiq etməyə hüququ var:
xəbərdarlıq (Yazılı və şifahi)
töhmət vermək
sonuncu xəbərdarlıqla şiddətli töhmət vermək
kollektiv müqavilədə nəzərdə tutumuşsa aylıq əmək haqqının 25
faizindən artıq olmamaq şərti ilə cərimə etmək
əmək müqaviləsini ləğv etmək (Əmək Məcəlləsinin 70-ci
maddəsinin “ç” bəndinə və 72-ci maddədə göstərilən səbəblərdən) və
sair bu kimi intizam tənbehləri.
14. Sağlam və təhlükəsiz əməyin mühafizəsi şəraitinin təmin
edilməməsinə görə işəgötürənlər hansı məsuliyyət daşıyır?
İşçilərin iş yerlərində sağlam və təhlükəsiz əməyin mühafizəsi şəraiti təmin
edilmədikdə və kollektiv müqavilələrdə nəzərdə tutulan tədbirlər yerinə
yetirilmədikdə qanunvericilikdə nəzərdə tutulmuş hallarda və qaydada
işəgötürən inzibati və cinayət məsuliyyətinə cəlb edilir.
15. Əməyin mühafizəsi üzrə qayda və normaların pozulmasına görə
vəzifəli şəxslərin məsuliyyəti nədir?
İdarə və müəssisələrin vəzifəli şəxsləri Əmək Məcəlləsini, əmək
mühafizəsi qaydalarını və normalarını pozduqda, eləcə də Dövlət nəzarət
orqanlarının, Həmkarlar İttifaqları komitələrinin sərancamlarını, habelə
Neft şirkətinin, Birliyin, müəssisə rəhbərlərinin əmrlərini yerinə
yetirməməkdə müqəssir olan vəzifəli şəxslə qanunun müəyyənləşdirdiyi
qaydada məsuliyyət daşıyırlar. Pozuntu hallarının xüsusiyyətindən və
dərəcəsindən asılı olaraq vəzifəli şəxslərə qarşı intizam, inzibati, maddi və
cinayət məsuliyyəti tətbiq edilir.
16. Həmkarlar İttifaqı Təşkilatlarının əməyin mühafizəsində rolu
nədən ibarətdir ?
İşəgötürən tərəfindən əmək qanunvericiliyinin tələblərinə riayət
olunmasına nəzarət etmək və aşkar edilmiş çatışmazlıqların aradan
qaldırılmasını tələb etmək.
17. Əməyin mühafizəsi üzrə mütəxəssislərin hazırlanması və işçilərin
təlimi işləri necə həyata keçirilməlidir ?
Dövlət müvafiq təhsil müəssisələrində ölkədə mövcud istehsalat
xüsusiyyətlərini nəzərə almaqla əməyin mühafizəsi üzrə mütəxəssislərin
hazırlanmasını təmin edir. İşəgötürənlər Həmkarlar ittifaqı təşkilatlarının
iştirakı ilə əməyin mühafizəsi üzrə işçilərin təlim və əlavə təhsil sistemini
təşkil etməli, işçilərin təliminin və əlavə təhsilinin bütün formalarında
əməyin mühafizəsi üzrə təlim nəzərdə tutulmalıdır. Işəgötürən işə qəbul
edilən və başqa işə keçirilən işçilərə əməyin mühafizəsi üzrə təlimatlar
verməli, onlara təhlükəsiz iş üsullarından istifadə etməyin və bədbəxt
hadisələrdən zərərçəkənlərə ilk tibbi yardım göstərilməsi qaydalarının
öyrədilməsini təşkil etməlidir.
18. Müəssisədə əməyin mühafizəsi tədbirlərinin maliyyələşməsi üçün
ayrılan vəsaitin minimum həddi nə qədər olmalıdır?
Əməyin mühafizəsi tədbirlərinin maliyyələşdirilməsi tədbirlərinə ayrılan
vəsaitin həcmi Kollektiv müqavilədə müəyyən edilir. Azərbaycan
Respublikası Əmək məcəlləsinin 220-ci maddəsinə əsasən bu sahəyə
xərclənən illik vəsaitin həcmi işçilərin əməyinin ödənilməsinə xərclənən
vəsaitin məbləğinin iki faizindən az olmamalıdır.
19. Qanunvericiliyə əsasən əməyin mühafizəsi xidmətləri hansı
hallarda yaradıla bilər?
AR-nın Əmək Məcəlləsinin 223-cü maddəsinə əsasən əməyin mühafizəsi
işinin təşkili və əməyin mühafizəsi üzrə qanunvericiliyin tələblərinə əməl
edilməsinə nəzarətin həyata keçirilməsi üçün müəssisələrdə işçilərin sayı
50 nəfərdən artıq olduqda əməyin mühafizəsi xidməti yaradılmalı, işçilərin
sayı 500 nəfərdən artıq olduqda müəssisə rəhbərinin müavini vəzifəsi təsis
olunmalı, işçilərin sayı 1000 nəfərdən artıq olduqda isə sənaye-sanitariya
laboratoriyası təşkil olunmalıdır.
20. Müəssisələrdə əməyin mühafizəsi üzrə iş planının hazırlanması
necə həyata keçirilir?
Hər il üçün Əməyin mühafizəsi üzrə iş planı müəssisələrdə, birliklərdə,
trestlərdə əməyin mühafizəsi və təhlükəsizlik texnikası xidməti tərəfindən
işlənib hazırlanır (panlaşdırılma ilin başlanmasından əvvəl aparılır).
Planın hazırlanmasında müəssisənin, birliyin, trestin müvafiq şöbələri,
xidmətləri, bölmələri iştirak etməlidirlər. Bu məqsədilə cari ilin sonunda
müəssisə, birlik, trest üzrə əmr verilir və şöbələr,xidmətlər, bölmələr
tərəfindən plana daxil etmək üçün təkliflərin verilməsi müddəti təyin
edilir. Şöbə, xidmət və bölmələrin təyin olunmuş müddət ərzində əməyin
mühafizəsi və təhlükəsizlik texnikası xidmətinə təqdim etdikləri təkliflər
gələn ilin yanvarın birinədək təhlil olunur, ümumiləşdirilmiş və növbəti il
üçün plan layihəsi hazırlanır. Şöbə,xidmət və bölmələrin təkliflərində
onların fəaliyyətlərinin istiqamətləri üzrə əməyin mühafizəsi məsələləri
əks olunmalıdır.
21. Müəssisələrdə əməyin mühafizəsi üzrə iş planının layihəsinin
razılaşdırılması, təsdiqi və icrası necə həyata keçirilir?
Əməyin mühafizəsi üzrə iş planı layihəsi müvafiq şöbələrlə, xidmətlərlə,
bölmələrlə razılaşdırılır, imzalanılır və müəssisənin, birliyin, trestin, baş
mühəndisi tərəfindən təsdiq edilir. Təsdiq edilmiş plan əməyin mühafizəsi
və təhlükəsizlik texnikası xidməti tərəfindən bir həftə ərzində icraçılara
çatdırılır. Əməyin mühafizəsi üzrə işlərin illik planına əsasən əməyin
mühafizəsi və təhlükəsizlik texnikası xidməti müvafiq şöbələrlə,
xidmətlərlə, bölmələrlə birlikdə tədbirlərin yerinə yetirilmə müddətini və
konkret icraçını göstərməklə və aylara bölünməklə rüblük plan tərtib edir.
22. Müəssisələrdə əməyin mühafizəsi üzrə iş planına hansı işlər daxil
edilməlidir?
Əmək mühafizəsi üzrə iş planına (illik,rüblük) aşağıdakı işlər daxil
edilir:
əmək şəraitinə müəssisə nəzarətinin müvafiq mərhələlələrinin təşkili
və aparılması;
yüksək təhlükəli işlərin düzgün aparılmasına və müvafiq sənədlərin
tərtib olunmasının yoxlanılması;
yükqaldırıcı kranların, mexanizmlərin, elektrik qurğuların, təzyiq
altında işləyən qabların və aparatların, buxar və su qızdırıcı
qazanların, yüktutucu qurğuların təhlükəsizlik qaydalarının
tələblərinə uyğun olaraq düzgün istismarına, dəqiq yoxlanılmalarına,
sınaqdan keçirilməsinə nəzarət edilməsi:
texnoloji rejimə, qaydalara, təlimatlara riayət olunmasına nəzarət
edilməsi;
obyektlərin sanitariya-texniki pasportlaşdırılmasının təşkilinə və
aparılmasına, təhlilinə, pasportlaşdırılmanın nəticələrinin baxılması;
sexlərdə, qurğularda, bölmələrdə, sahələrdə aparılan işlərin
uçotunun, təhlilinin qiymətləndirilməsinin təşkili;
tədbirlər planının vaxtında yerinə yetirilməsinə nəzarət edilməsi;
fəhlələrin müvafiq xüsusi geyim, xüsusi ayaqqabılarla və digər fərdi
mühafizə vasitələri ilə təmin olunmalalarına nəzarəti edilməsi;
əməyin mühafizəsinə dair məsələlər üzrə müşavirələrin, iclasların
konfransların keçirilməsi;
əməyin mühafizəsi,istehsalat mədəniyyəti məsələlərinə dair
baxışların, yarışların təşkili və keçirilməsi;
əməyin mühafizəsi üzrə təlimatların, metodik materialların, yaddaş
kitabçalarının və digər ədəbiyyatın işlənib hazırlanması, yenidən
baxılması, nəşr edilməsi;
normativ-texniki sənədlərin, öyrədici texniki vasitələrin, plakatların,
təhlükəsizlik nişanlarının, siqaret çəkilən yerləri, əks etdirən
göstəricilərin
alınması,əməyin
mühafizəsi
kabinetlərinin
yaradılmasında qabaqcıl iş üsullarının tədbiqi;
əməyin mühafizəsi məsələlərinin təbliğ edilməsi üçün lazimi
tədbirlərin təşkili və aparılması;
əməyin mühafizəsi sahəsində təcrübə mübadiləsi, qabaqcıl
təcrübənin yayılması yolları;
müəssisənin əmək mühafizəsi sahəsində gördüyü işlərin
ümumiləşdirilməsi, əmək mühafizəsi üzrə nəzərdə tutulmuş
hesabatların hazırlanmsı;
Yuxarıda göstərilən məsələlər bununla bitmir, hər bir müəssisə öz iş
xüsusiyyətlərini nəzərə alaraq plana xüsusi əlavələr edə bilər.
23. Əmək şəraitinin yaxşılaşdırılması və sağlamlaşdırılması üçün
tədbirlərin hansı növü vardır?
Əmək şəraitinin yaxşılaşdırılması və sağlamlaşdırılması üçün tədbirlər
aşağıdakı növlərə bölünür:
Növlərinə görə- təşkilati, texniki, sanitar-gigyenik, sosial-iqdisadi,
hüquqi.
24. Əmək şəraitinin yaxşılaşdırılması və sağlamlaşdırılması üzrə
tədbirlərin yerinə yetirilməsi neçə yerə bölünür?
Əmək şəraitinin yaxşılaşdırılması və sağlamlaşdırılması üçün tədbirlər
yerinə yetirilməsinə görə-planlı və plandan kənar (operativ) olmaqla 2
hissəyə bölünür.
Planlı tədbirlər –bu tədbirlər plana uyğun, kollektiv müqaviləyə əsasən
həyata keçirilir.
Plandan kənar tədbirlər əmək şəraitinin müntəzəm yoxlanılması
nəticələrinə görə, Dövlət nəzarət orqanlarının, müəssisənin, birliyin,
rəhbərliyinin sərəncamları və göstərişlərinə əsasən, həmçinin bədbəxt
hadisələrin, qəzaların təhqiqi üzrə materialları nəzərə alınaraq, işlənib
hazırlanır və həyata keçirilir.
25. Əmək şəraitinin yaxşılaşdırılması və sağlamlaşdırılması üzrə
tədbirlər hansı xüsusiyyətlərinə görə bir-birindən fərqlənir?
Əmək şəraitinin yaxşılaşdırılması və sağlamlaşdırılması üzrə tədbirlər
planı məzmununa və yerinə yetirilməsi müddətinə görə fərqlənir.
Məzmununa görə planlar kompleks və məqsədli, yerinə yetirilmə
müddətinə görə aylıq, rüblük, illik və beş illik olur.
Əmək şəraitinin yaxşılaşdırılması üzrə kompleks planlarda texniki,
sanitar-gigyenik, təşkilati və digər təhlükəli, zərərli istehsalat amillərinin
aradan qaldırılması üzrə tədbirlər nəzərdə tutulur.
Məqsədli planlar dəqiq müəiyyənləşdirilmiş məqsəd daşıyan tədbirlərdir.
Məşələn, müəyyən təhlükəli və zərərli istehsalat amillərinin (qazlılığın,
tozluluğun, səsin, titrəyişlərin, işıqlandırma səviyyəsinin,ağır əl əməyinin
tədbiqi və s.)aradan qaldırılması üzrə operativ tədbirlərdir.
Beşillik planlar müasir texniki vasitələrin, qabaqcıl texnologiyanın, elmin
texnikanın yeni nailiyyətlərinin istehsalata tədbiqini nəzərdə tutur. Bu
planlarda tədbirlərə xərclənən vəsaitlələrin hər il üzrə müqdarı göstərilir.
İllik plan beşillik plan əsasında tərtib olunur. Bu planda görüləcək
tədbirlər, onlara ayrılmış məbləğ, yerinə yetirilmə müddəti (hər ay
göstərilməklə) məsul icraçıların vəzifələri,soy adı göstərilir.
Rüblük planlar illik plan tədbirlərinin rüblər üzrə bölünmüş və
konkretləşdirilmiş, yerinə yetirilmə müddətləri dəqiqləşdirilmiş və
mümkün dəyişiklikləri nəzərə alan tədbirlər planıdır. Bu planlara Dövlət
nəzarət orqanlarının və həmkarlar ittifaqının texniki müfəttişliyinin
sərancamları, əmək şəraitinin, sex və obyektlərin sanitar-gigyena
vəziyyətinin pasportlaşma üzrə yoxlama nəticələlərinin təhlili tələb olunan
bütün operativ tədbirlərdə daxil edilir.
26. Kompleks planların əsas vəzifələri hansılardır?
Kompleks planların əsas vəzifələri aşağıdakılardır:
Binaların, istehsalat avadanlıqlarının, tiklilərin, obyektlərin, iş
yerlərinin vəziyyətinin təhlükəsizlik qayda, norma və standartların
tələblərinə uyğunlaşdırılması;
Ağır və çox əmək tələb edən proseslərin mexanikləşdirilməsi və
avtomatlaştırılması, təhlükəsiz əmək şəraitinin təmini məqsədi ilə
istehsalatın təşkili və texnologiyanın təkmilləşdirilməsi,
obyektlərin təhlükəsizlik vasitələri ilə təchiz olunması;
İstehsalatda sanitariya-gigiyena şəraitinin təhlükəsizlik qayda və
normalarının tələblərinə uyğun olması;
işləyənlərin sanitar-məişət xidmətinin yaxşılaşdırılması;
işləyənlərin, ilk növbədə ağır fiziki əməklə məşğul olan qadınların,
zərərli iş şəraiti və gecə növbəsində işləyənlərin sayının daima
azaldılması;
işləyənlərin istirahətinin təşkili, tibbi-sanitariya xidmətinin
yaxşılaşdırılması.
27. Əməyin mühafizəsi üzrə nomenklatur tədbirlər planının tərtibi
zamanı hansı tədbirlər nəzərə alınmalıdır?
Əməyin mühafizəsi üzrə nomenklatur tədbirlər planının tərtibi zamanı
“Azərbaycan neft sənayesində əməyin mühafizəsinin vahid idarəetmə
sistemi”nin 6-cı fəslində göstərilmiş 6.4.1÷6.4.25-ci bəndlərində
göstərilən tədbirlər nəzərə alınmalı və plan həmin tədbirlər əsasında
hazırlanmalıdır.
28. Əmək şəraitinin yaxşılaşdırılması üzrə tədbirlər planının həyata
keçirilməsində əsas amillər hansıdır?
Əmək şəraitinin yaxşılaşdırılması planlarının müvəffəqiyyətlə yerinə
yetirilməsində, planlaşdırılmış tədbirlərin həyata keçirilməsində əsəs şərt
qeydiyyatın, nəzarətin və hesabatın dəqiq təşkilidir. Planda nəzərdə
tutulmuş tədbirlərin yerinə yetirilməsinin gedişinə müntəzəm və təsirli
nəzarət müəssisəsinin, birliyin,trestin müdiriyyətinə və Həmkarlar İttifaqı
komitəsinə həvalə edilir.
Birliyin, müəssisənin, əmək mühafizəsi və təhlükəsizlik texnikası xidməti,
Həmkarrlar İtifaqı komitəsinin əməyin mühafizəsi üzrə komissiyası əmək
şəraitinin yaxşılaşdırılması planlarının və ayrı-ayrı tədbirlərin həyata
keçirilməsinə nəzarət edir.
Birlikdə,müəssisədə hər yarım ildə bir dəfədən az olmayaraq, kompleks
planların yerinə yetirilməsinin gedişi mütəmadi olaraq rəhbərlik
səviyyəsində müzakirə edilir.
29. Dövlət
Neft Şirkətinin müəssisələrində əmək şəraitinin
yaxşılaşdırılması üzrə kompleks planların yerinə yetirilməsinə
nəzarət və hesabat necə tənzimlənir?
Əmək şəraitinin yaxşılaşdırılması üzrə kompleks planların yerinə
yetirilməsi haqqında hesabat qaydası Dövlət Neft Şirkəti tərəfində
müəyyənləşdirilir.
Kompleks planın ayrı-ayrı bölmələrinin yerinə yetirilməsinə,
planlaşdırılmış vasitələrin xərclənməsinə nəzarət və qeydiyyatının
aparılması əməyin mühavizəsi və təhlükəsizlik texnikası xidməti ilə
yanaşı,
müəssisənin,
birliyin,trestin
bölmə
rəhbərlərinə,
baş
mütəxəsisslərinə həvalə edilir.
30. İdarələrdə əməyin təhlükəsizliyi xidmətinin əsas vəzifələri nədən
ibarətdir?
Müəssisədə əməyin mühafizəsi işinin təşkili və əlaqələndirilməsi;
Müəssisənin işçiləri tərəfindən əməyin mühafizəsi üzrə qanunverilik
və digər normativ hüquqi aktlara əməl edilməsinə nəzarət;
İstehsalatda baş vermiş bədbəxt hadisələrin, peşə xəstəliklərinin
qarşısının alınması və əmək şəraitinin yaxşılaşdırılması üzrə
profilaktiki tədbirləri hazırlamaq və həyata keçirilməsinə çalışmaq;
İşəgötürənə və işçiyə əməyin mühafizəsi üzrə məsləhətlər vermək.
31. İdarələrdə əməyin təhlükəsizliyi xidmətinin hansı hüquqları var?
Günün istənilən vaxtında müəssisənin istehsalat, xidməti və məişət
binalarına baxış keçirmək və əməyin mühafizəsi üzrə sənədlərlə tanış
olmaq.
Əməyin mühafizəsi üzrə qanunvericiliyin yerinə yetirilməsi zamanı
yol verilmiş nöqsanların aradan qaldırılması haqqında icrası məcburi
olan göstərişlər vermək.
İşəgötürən və ya onun vəzifəli şəxsləri ilə razılaşdırılmaqla əməyin
mühafizəsi vəziyyətinin yoxlanılmasına müvafiq mütəxəssisləri cəlb
etmək.
Əməyin mühafizəsi məsələləri üzrə müəssisənin bölmələrinin
rəhbərlərindən müvafiq sənədlər tələb etmək və baxmaq, əməyin
mühafizəsi üzrə normativ hüquqi sənədləri aktları pozanlardan yazılı
izahat tələb etmək.
Müəssisə rəhbərliyinin tapşırığı ilə əməyin mühafizəsi məsələləri
müzakirə edilərkən dövlət orqanlarında və ictimai təşkilatlarda
müəssisəni təmsil etmək.
32. Əməyin mühafizəsi xidmətinin işçilərini başqa işlərin yerinə
yetirilməsinə cəlb etmək olarmı?
İşəgötürən tərəfindən əməyin mühafizəsi xidmətinin mütəxəssislərinin öz
vəzifələrinə aid olmayan işlərin yerinə yetirilməsinə cəlb olunması yol
verilmir. Əks təqdirdə işəgötürən Azərbaycan Respublikası İnzibati
Xətalar Məcəlləsinin müvafiq maddəsinə əsasən cərimə edilir.
33. Əməyin mühafizəsi məsələlərinin həllində ictimai birliklərin
iştirakı və rolu nədən ibarətdir?
İşəgötürənlər, işçilər, habelə ayrı-ayrı fiziki şəxslər əməyin mühafizəsi
problemlərini həll etmək üçün birləşərək ictimai birliklər haqqında
qanunvericiliyə müvafiq olaraq fəaliyyət göstərən ictimai birliklər yarada
bilərlər. Dövlət hakimiyyəti orqanları, habelə işəgötürənlər bu ictimai
birliklərə hərtərəfli kömək göstərməli və əməyin mühafizəsinin təmin
edilməsi barədə normativ hüquqi aktları qəbul edərkən onların təkliflərini
və tövsiyələrini nəzərə almalıdırlar.
34. Əməyin mühafizəsi sahəsində bələdiyyə orqanlarının səlahiyyətləri
nədən ibarətdir?
Bələdiyyə orqanları:
əməyin mühafizəsi sahəsində dövlət siyasətinin tabeliklərində olan
ərazidə həyata keçirilməsini təmin edirlər;
əməyin mühafizəsi üzrə sahələrarası yerli əhəmiyyətli proqramlar
hazırlayır və onların yerinə yetirilməsini təmin edirlər;
regional problemlərin həlli və əməyin mühafizəsinin təmin
edilməsində mülkiyyətçilərə yardım göstərilməsi məqsədi ilə onların
pay iştirakı və digər vəsaiti hesabına əməyin mühafizəsi üçün
qanunvericiliklə müəyyən edilmiş qaydada məqsədli fondlar yaradır
və bu fondların vəsaitinin təyinatı üzrə xərclənməsini təmin edirlər.
Dostları ilə paylaş: |