AZƏrbaycan respublikasinin döVLƏt neft şİRKƏTİ “AZƏRİqaz” İstehsalat biRLİYİ
ROC-407 (107) sərfölçən cihazında ölçülən parametrlər
Yüklə 2,62 Mb. Pdf görüntüsü
|
|
61. ROC-407 (107) sərfölçən cihazında ölçülən parametrlər hansılardır? Temperatur, təzyiq, təzyiqlər fərqi və həmçinin vaxt və saatlıq, günlük, aylıq sərfiyyat. 62. Qaz sayğaclarının birləşmələrinə xüsusi nömrəli plombların vurulması qaydası necədir? Rotor və Turbin Elster markalı elektron sayğacların hesablayıcı mexanizminin örtüyünə, giriş və çıxış flyans birləşmələrinə; Diafraqma tipli mexaniki sayğacların (G-2,5, 4, 6, 10, 16 və 25 markalı) hesablayıcı mexanizminə və birləşdirici qaykalarına (giriş və çıxış birləşmələrinə hesablayıcı mexanizminin qapağından keçirilməklə). 63. Diafraqmanın diametrinin, ölçü borusunun diametrinə nisbəti nə ilə ölçülür? Diafraqma diametrinin, ölçü borusunun diametrinə nisbəti β ilə ölçülür. β= d / D; β 0,1 £ β £ 0,75 d ³ 12,5 mm, 50 mm £ D £ 1000 mm. III FƏSİL SMART SAYĞACLAR HAQQINDA 1. Smart Sayğac nədir? “İTRON” firmasının istehsalı olan Smartkart tipli (əvvəldən ödənişli) diafraqmalı məişət qaz sayğacı təbii, aqressiv olmayan aşağı təzyiqli quru və təmiz qazların uçotunun aparılması üçün istifadə olunur. Sayğac mexaniki ölçmə mexanizmindən, Smartkart ölçmə qurğusundan (elektron hissə), gövdədən, giriş və çıxış yivli birləşmələrdən, bağlayıcı klapandan və gövdənin daxilinə quraşdırılmış iki kameralı membrandan ibarətdir. 2. Smart Sayğac hansı hissələrdən ibarətdir? giriş və çıxış yivli birləşmələr - yivlər arasında olan məsafə 11 cm- dir; hesablayıcı qurğunun qoruyucu örtüyünə vurulan xüsusi plomblar; mexaniki hesablayıcı mexanizm - 8 rəqəmli; LSD ekranı; informasiya düyməsi; klapanın açılışı, kredit həcmindən istifadə düyməsi; kart yuvası; element yuvasının qoruyucu qapağı. 3. Qallus IV PSC ITRON G4 tipli qaz sayğaclarının texniki göstəriciləri hansılardır? Ölçülən mühit-temperaturun -10 C-dən +55 C-yə qədər, ən böyük işçi təzyiq 0,5 bar (0,05 MPa) olan təbii qaz, qazabənzər propan, butan və onların qarışığı və s. qeyri aqressiv qazlar Sayğaclar ətraf mühitin temperaturu -10 C-dən +55 C-yə qədər olan şəraitdə istismar edilir. Bu şəraitdə sayğacın mexaniki hissələrin, habelə elektron blokunun normal işi təmin olunur. Elektron blokun işinə məhdudiyyətlər: -5 C -dən +35 C-yə qədər--maye kristallik displeydə göstərişlər aydın seçilir. 0 C-dən +55 C- yə qədər smart kartın köməyilə sayğacın kreditləşdirilməsi əməliyyatını həyata keçirmək mümkündür. Maksimal nəmlik +40 C-də 95% olmalıdır Qaz sərfinin ən böyük qiyməti Qmax= 6,0m 3 /s Qaz sərfinin nominal qiyməti Qnom=4,0m 3 /s Qaz sərfinin ən az qiyməti Qmin=0,040m 3 /s Dövrü həcm -1,2dm 3 Qmax-da təzyiq itkisi -200 Pa-dan çox olmamalıdır. Qmin-da təzyiq itkisi -60Pa-dan çox olmamalıdır. Hesablayıcı qurğunun tutumu-99999,999 Şkalanın ən kiçik bölgü qiyməti-0,2dm 3 Buraxıla bilən nisbi xətanın həddi : Qmin≤Q<0,1Qmax sərf diapazonunda ----± 3% 0,1Qmax≤Q≤Qmax sərf diapazonunda ----±1,5% Sayğacın kütləsi – 2,3±0,15kq Gövdənin materialı – polad Qol borunun mərkəzləri arasında məsafə 110±0,15 mm. 4. Smart Sayğacların quraşdırılma Qaydaları hansıladır? Smart Sayğacı şaquli vəziyyətdə boru kəmərlərinə elə birləşdirilməlidir ki, qazın axın istiqaməti ilə sayğacın gövdəsində göstərilən ox işarəsi üst-üstə düşsün. Sayğac elə yerləşdirilməlidir ki, onun hesablayıcı qurğusundan göstərişi görmək əlverişli olsun. Sayğac qaz təzyiqinin reduksiya edilməsi pilləsindən sonra (qazın təzyiqinin nizamlayıcısı) quraşdırıla bilər. Sayğac iki variantda qoşula bilər: baypaslı və baypassız. 5. Smart Sayğac quraşdırma zamanı tələb olunan təhlükəsizlik qaydaları hansılardır? Sayğac quraşdırılarkən öncədən “Quraşdırma və İstismar üzrə təlimat” öyrənilməlidir. Sayğacların quraşdırılması istismara verilməsi, təmiri və yoxlanılması ancaq bu işlərin yerinə yetirilməsinə rəsmi hüququ olan təşkilatlar tərəfindən həyata keçirilə bilər. Sayğaclar quraşdırılan ərazidə qaz verilişi müvəqqəti olaraq dayandırılmalıdır. Sayğacların quraşdırılma prosesi texniki şərtin tələblərinə riayət olunmaqla həyata keçirilməlidir. Sayğacların qol boruları bağlanmış şəkildə boru kəmərinə qaynaq edilməsi qadağandır. Sayğaclar quraşdırıldıqdan sonra mənzildə qaz iyinin olmamasına əmin olmaq lazımdır. Hər ehtimala qarşı giriş qapıları və aynalar açılaraq evin havası dəyişilməlidir. Smart kartla işləyən qaz sayğaclarının sızmanı yoxlama funksiyasından istifadə edərək mənzildə qaz borularında sızma yoxlanılmalıdır. Əgər sızma olarsa dərhal aradan qaldırılmalıdır. Quraşdırma zamanı qaz qaynaq qurğuları normativ sənədlərdə göstərilən məsafədə qoyulmalıdır. Oddan istifadə edərək sızmanı yoxlamaq qəti qadağandır. 6. Smart tipli Qallus IV PSC ITRON G4, G6 Sayğacların saxlanma şəraiti necə olmalıdır ? Sayğacların uzunmüddətli saxlanıldığı otaqlar quru və qızdırılan olmalıdır. Sayğaclar nəqletmə şəraitinə əməl edilməsi şərtilə istənilən nəqliyyat vasitəsilə (hava, dəmiryolu, avtomobil, dəniz) nəql etdirilə bilər. Quraşdırma zamanı sayğaclar öz qutularında birbaşa günəşin şüaları düşməməsi şərtilə quru sahədə saxlanılmalıdır. Sayğacı əldən salmaq, mexaniki zərbələrə məruz qoymaq qəti qadağandır. 7. Qallus IV PSC ITRON G4 sayğacın quruluşu və iş prinsipi necədir? Qallus IV PSC ITRON G4 tipli qaz sayğacları aşağıdakı hissələrdən ibarətdir: Gövdə (alt, üst); İki ədəd ölçmə kamerası; Kinematik mexanizm; Üst qapaqda yerləşdirilmiş bağlayıcı klapan; Sayğacın öncədən ödəmə rejimində işini təmin edən elektron blok. Sayğac quru tipli iki kameralı icra olunmuş ölçmə cihazlarına aiddir. Hər bir kamera girişi və çıxışı arasnda yaranan təzyiq fərqindən hərəkətə gətirilən sintetik və hərəkətli diafraqmadan ibarətdir. Diafraqmanın hərəkəti kinematik mexanizm vasitəsilə hesablayıcı mexanizmin fırlanma hərəkətinə çevrilir. Ölçü kameraları və kinematik mexanizm hermetik gövdəyə qoyulmuşdur. Kinematik qurğu sayğacda kreditin qeydiyyatını təmin edən, eləcə də bağlayıcı klapanı idarə edən elektron blokla əlaqələndirilmişdir. Əgər sayğac öncədən ödəmə rejimində işləyirsə onda sayğacdan qaz keçərkən sayğacın yaddaşına qeyd olunmuş kredit avtomatik olaraq azalır. Sayğacın işinə təsir edən ştatdankənar hallar (daxil olan qazın təzyiqinin və sərfinin maksimal həddə çatması, sızmanın olması, batareyaların quraşdırılması üçün qapağın açılması) olduqda, habelə sayğacda kreditin tam sərf olunması zamanı sayğacın elektron bloku bağlayıcı klapanı işə salır, qapayır və bununla da qazın verilməsi dayandırılır. 8. Smart tipli Qallus IV PSC ITRON G4 Qaz sayğaclarının quraşdırılmasından öncə nələri bilmək lazımdır ? Sayğacın quraşdırılması üzrə işlərə başlamazdan öncə sayğacın pasportunu və “Quraşdırma və istismar üzrə təlimatı” öyrənmək lazımdır. Quraşdırma işlərinə başlanana qədər sayğaclar qol borularına qapaqlar taxılmış vəziyyətdə, quru və isidilən otaqda saxlanılmalıdır. Sayğacların saxlanma və nəqletdirmə temperaturu -20 C-dən +50 C-yə qədərdir. Sayğaclar bina evlərində mənzilin giriş qapısının yaxınlığında-pilləkən şaxtasında, həyət evlərində isə küçə tərəfdən quraşdırılmalıdır. Sayğaclar xüsusi qutunun içərisində quraşdırılır. Sayğaclar boru kəmərinin aşağı hissəsində kondensat yığıla biləcək yerdə quraşdırıla bilməz. Əgər kondensat yaranması baş verərsə, onda sayğac tərəfdən yuxarıda qaz axını istiqamətində boru kəmərinə kondensat tutucuları qoymaq lazımdır. Qazın sayğacdan qabaq tələb olunan süzülmə dərəcəsi 100mkm-dən az olmamalıdır. 9. Quraşdırmadan sonra sayğaclarda yarana biləcək ştatdankənar nasazlıqların növləri və onların aradan qaldırılması üsulları hansılardır ? Smart-kartla işləyən Qallus IV PSC ITRON G4, G6 qaz sayğacları bir qayda olaraq quraşdırma üçün dövlət yoxlamasından keçdikdən sonra təqdim edilir. Buna baxmayaraq quraşdırmadan sonra sayğacda aşağıda göstərilən mümkün ola biləcək nöqsanlar qarşıya çıxa bilər: Bağlayıcı klapanın açılmaması; Sayğacın kartı qəbul etməməsi; Sayğacın displeyində klapan açıq olması barədə informasiya olmasına baxmayaraq mənzilə qaz daxil olmaması. 1-ci halda klapanın açılmamasına səbəb sayğacın qol borusunun quraşdırma vaxtı əyilməsi səbəb olur. Bu nöqsanın olmaması üçün quraşdırma zamanı xüsusi şablondan istifadə etmək lazımdır. Bu şablon sayğacın qol boruları mərkəzlərarası məsafəni lazımi ölçüdə saxlamağa imkan verir və qol borularında gərginliyin olmamasına səbəb olur. 2-ci halda sayğac kartı qəbul etmirsə deməli sayğacın nömrəsi ilə kartda yazılan sayğac nömrəsi uyğun gəlmir. Yəni LSD displeydə F012 göstərir. 3-cü halda qol borularında sıxılmadan yaranan deformasiya nəticəsində klapanın iş rejimi pozulur. 10. Smart tipli Qallus IV PSC ITRON G4 Sayğacın normal işləməsinə hansı göstərilən şərtlərə əməl edildikdə nail olmaq olar? Sayğaca 0,5 bardan (atm-dən) artıq təzyiq vermək olmaz. Sayğaca hava ilə yanar qazın (təbii qaz, propan, butan və başqa yanar qazlar) qarışığını vermək olmaz. Sayğaclardan onun pasportunda göstərilən buraxıla bilən qaz sərfindən artıq (6,0m 3 /s) qaz buraxmaq olmaz. Sayğacın ±60 0 C temperatura qədər qızmasına səbəb ola biləcək istilik cihazlarının yaxınlığında yerləşdirmək olmaz. Sayğac gövdəsini, hesablayıcı qurğunu, elektron blokunu, sayğacın plombunu və ya haloqrammasını (damğasını) pozmaq və zərbələrə məruz qoymaq olmaz. 11. Smart tipli Qallus IV PSC ITRON G4 Sayğacın elektron blokunun quruluşu, maye kristalik displeydə oxunan məlumatların məzmunu necədir ? Sayğacın elektron bloku aşağıdakı hissələrdən ibarətdir: Elektron blokunun əsas platası Maye kristallik displey İki ədəd düymə (üçkünc - İ simvolu yazılmış və dairəvi göy düymə). Dairəvi göy düymə smart kart ilə bağlayıcı klapanın açılması üçün, üçkünc düymə isə displeydə əks olunan informasiyanı seçilib oxunması üçün nəzərdə tutulmuşdur. Bundan başqa elektron blokun tərkibinə litium batareyası, smart kartı oxuyan rider daxildir. Hesablayıcı qurğunun 8 ədəd rəqəmləşdirilmiş barabanları sayğacdan keçən qazın həcmini göstərir ki, bunlardan 5 qara rolik - m 3 , 3 qırmızı rolik litrlə həcmi göstərir (1m 3 =1000 litr). Maye kristalik displey sayğacın vəziyyəti, qaz tarifləri və cari kredit barədə məlumatları göstərir. 12. Qaz sayğaclarının kreditlənmə proseduru və ehtiyat kreditinin istifadə qaydaları hansılardır? Smart kart almış abonent xüsusi bank terminallarında, kartına müəyyən məbləğdə pul yüklədir. Kartı sayğaca daxil etməzdən öncə abonent mənzilindəki bütün qaz cihazlarını söndürməli, xüsusən qaz plitələrinə qaz ötürən borulardakı kranları bağlamalıdır Smart kart sayğacda yuvaya daxil edilir, müəyyən müddətdə sayğacdan 2 dəfə siqnal səsi gəldikdən sonra sayğacın üz panelindəki dairəvi göy rəngli düymə 5 saniyə müddətində basılı saxlanılır. Sayğac həmin anda sızmanı yoxlama rejiminə keçir və bu zaman sayğacın elektron lövhəsində görünən 190 rəqəmi geriyə doğru azalmağa başlayır. Pəncərədə 0 rəqəmi görünməyincə mənzildəki qaz cihazlarını işə salmaq olmaz. 190 saniyə bitdikdən sonra sayğacda xırıltılı səslə klapanın açılması prosesi başlayır. Səs kəsildikdə klapan tam açılmış sayılır. Əgər sızma yoxlanılan anda sayma yarımçıq dayanarsa bu o deməkdir ki, mənzildə sızma qeyd olunmuşdur. Sızma aradan qaldırılmayıncaya qədər sayğac klapanı açmayacaq. Abonentin sayğacında kredit məbləği olan halda təkrar məbləğ yükləmək üçün kartı yuvaya daxil etdikdən sonra göy düyməni basmaq kifayətdir. Ehtiyat kreditdən istifadə etmək üçün abonent smart kartını yuvaya daxil edir, göy rəngli dairəvi kredit düyməsini basaraq 1 manat məbləğində kredit almaq imkanına nail olur. Kredit ancaq sayğacda cari kredit məbləği tam bitdikdən sonra verilir 13. Kartdan məlumat oxuyan qurğunun (kart riderin) vəzifəsi nədir? Kartdan məlumat oxuyan qurğu qaz sərfi üzrə ödəniş barədə məlumatı oxumaq və sayğacın göstəricilərinin abonentin kartına köçürmək üçün nəzərdə tutulmuşdur. Kart rider sayğacın istismarı vaxtı abonent tərəfindən ehtiyatla istismar edilməlidir. Onun işinin pozulması kreditləmə əməliyyatının pozulması deməkdir. Kart riderə sayğac üçün nəzərdə tutulmuş smart kartdan başqa kənar cisim salmaq qəti qadağandır. 14. Qazötürücü boru kəmərlərinin forması və qaz axınının xarakteristikası ? Diafraqmalı qaz sayğaclarının normal fəaliyyəti üçün qazötürücü boru kəmərlərində sayğaclardan öncə və sonra düz sahənin olmasını tələb etmirlər. Sayğac bilavasitə süzgəcin (filtir) bağlayıcı kranın və ya qaz təzyiqi nizamlayıcısının (reduktor) yaxınlığında quraşdırıla bilər. Qaz axını stabil olmalı, fasiləsiz olmalı, təzyiqin aşağı qalxıb düşməsinə imkan verməmək lazımdır. Kipləşdirici ara qapıları (prokladka) elə hazırlanmalıdır ki, və elə yerləşdirilməlidir ki, onlar boru kəmərlərinin daxili diametrindən kənara çıxmamalı, sayğac birləşməsinin hermetikliyini təmin etmlidir. 15. 3E sisteminin işləmə prinsipi necədir? “Azəriqaz” İB-də tətbiq olunan İTRON firmasına məxsus 3E sistemi smart kartın tərtib olunması, qaz istifadəçiləri haqqında məlumatların sistemə daxil edilməsi, terminallarda hər bir abonentə öz smart kartına kredit ödənişlərinin təmin olunmasıni həyata keçirir. 3e Oracle məlumatlar sistemi üzərində qurulmuş proqram olub abonentlərin şəxsi məlumatlarının, habelə ödənişlərin məlumat bazasının yaradılması və sistemləşdirilməsi funksiyasını daşıyır. 3E sisteminin tərkibinə məlumat bazasını özündə birləşdirən server, terminallarda quraşdırılmış, xüsusi proqramla təchiz edilmiş kompüterlər və kart riderlər daxildir. 16. Smart kartın sistemdə rolu nədir ? Smart kart abonentlə sayğac, abonentlə terminal arasında elektron ünsiyyət vasitəsidir. Hər bir qaz istifadəçisi özünə aid olan smart kartla xüsusi ödəmə terminalında müəyyən məbləğdə pul köçürməklə kredit yüklənməsini həyata keçirir. Bundan əlavə qaz sayğaclarının istismarı dövründə yarana biləcək mənfi nöqsanları smart kart vasitəsilə məlumat bazasına ötürmə imkanı vardır. Bu isə az vaxt ərzində heç bir məsafə qət etmədən istənilən abonentin ödənişləri və sayğacın texniki vəziyyəti barədə məlumat almağa, təhlil etməyə və nəticə çıxarmağa imkan verir. 17. Smart kart hansı hallarda sayğacın ekranında oxuna bilmir? Smart kartın sayğaca daxil olunması zamanı kartın oxunmamasının bir neçə səbəbi ola bilər: Abonent tərəfindən smart kartın sayğaca tərsinə salınması; Kartın çipset hissəsinin zədəli olması; Sayğacın kart rider hissəsinin zədəli olması və ya tozlanması; Sayğacın elementinin zəif olması və ya tamamilə bitməsi. 18. Smart tipli IV PSC ITRON G4 Qaz sayğacının normal fəaliyyətinin əsas göstəriciləri hansılardır ? Smart tipli IV PSC ITRON G4 Qaz sayğacının normal fəaliyyətinin təmin olunması üçün onun pasportunda göstərilən texniki şərtlərə ciddi əməl olunmalıdır. Sayğaclar ətraf mühitin temperaturu -10 C-dən +50 5C-yə qədər olan şəraitdə istismar edilməlidir. Bu şəraitdə sayğacın mexaniki hissələrinin, habelə elektron blokunun normal işi təmin olunur. Sayğaclara onun pasportunda göstərilən işçi təzyiqdən artıq təzyiq vermək, habelə maksimal sərfdən artıq sərflə qaz keçirmək olmaz. Sayğaclar xüsusi qutularda quraşdırılmalıdır. Bu sayğaca ətraf mühitin mənfi təsirini aradan qaldırmağa köməklik edir. 19. Smart tipli IV PSC ITRON G4 qaz sayğaclarının istismara buraxılması qaydaları necədir? Sayğaclar işə buraxılmazdan öncə boru kəmərlərindəki bütün kranlar bağlı vəziyyətdə olmalıdır. Bütün variantlarda (baypaslı və ya baypassız) və qaz sərfinin buraxılmasının bütün mərhələlərində sayğacdan keçən qazın sərfinin sayğacın panelində göstərilən maksimal sərfdən (Qmax) artıq olmasına imkan vermək olmaz. Qazın buraxılması üçün aşağıdakı əməliyyatları həyata keçirmək lazımdır: Bütün qaz cihazlarını söndürmək; Sayğacda kreditin olmasına əmin olmaq; Kredit yoxdursa sayğacı kreditləndirmək. Qaz sayğacının normal işi dedikdə onun hesablayıcı mexanizminin, barabanının fasiləsiz, dayanmadan stabil fırlanması nəzərdə tutulur. 20. İtron Smart sayğacın elektron ekranında 1 bölməsi nəyi bildirir? İtron Smart sayğacın elektron ekranında 1 bölməsi saygacda cari vaxta qalan təbii qazın miqdarını m 3 ilə bildirir. 21. İtron Smart Saygacların elektron ekranında 2 bölməsi nə deməkdir? Smart saygacların elektron ekranında 2 bölməsi abonentin cari vaxta gədər ödədiyi məbləğin cəmini bildirir. 22. Smart saygaca verilən 1 azn ehtiyyat kredit tam yəni 10 m 3 sərf olunanda sayğacın elektron ekranında hansı informasiya görsənir? Sayğacın elektron ekranında “-10” informasiyası görsənir. Bu zaman sayğacın giriş klapanı bağlı olduguna gorə qaz təminatı smart karta müvafiq məbləg yükləndikdən sonra kredit məbləğini cıxmaq şərti ilə qaz təminatı bərpa olunur. 23. Smart tipli sayaclarda sarfiyyat göstərilən maksimal həddi kecdikdə nə baş verir ? Smart tipli sayaclarda sarfiyyat göstərilən maksimal həddi aşdıqda saygac xususi siqnallar verməklə Sayğacın elektron ekranında ALARIM xəbərdarliqedici məlumat verərək giriş klapanını bağlıyaraq qaz təminatını dəyandırır. 24. Smart Saygaclarda elektron ekranda Allarım 1 yazısı olduqda bu nəyi bildirir ? Bu yazı sayğacın batareya yuvasının açılmasını bildirir. Bu zaman məsul qaz işçiləri tərəfindən abonentin iştirakı ilə sayğaca, mənzildə olan cıhazlara, xətlərə baxış keçirilməli, “Qaz sayğacının çıxarılması, quraşdırılması və istismara qəbulu haqqında” nömrəli “AKT” tərtib olunmalı və yeni qaz sayğacı ilə əvəzlənməlidir. Bu növ sayğaclar növbədənkənar Dövlət yoxlamasından keçirilməli və digər müvafiq tədbirlər görülməlidirdir. 25. Smart Saygaclarda elektron ekranda Allarım 2 yazısı olduqda bu nəyi bildirir? Bu yazı sayğacın batareya səviyyəsinin 30 faiz cıvarında qalmasını bildirir. 26. Smart Saygaclarda elektron ekranda Allarım 3 yazısı olduqda bu nəyi bildirir? Bu yazı sayğacın iterfeysində qisa qapanma oldugunu bildirir. 27. Smart Saygaclarda elektron ekranda Allarım 5 yazısı olduqda bu nəyi bildirir? Bu yazı sayğacın mexaniki göstəricisinin 20 litr geriyə firlanmasını bildirir. 28. Smart Saygaclarda elektron ekranda fO-44 yazısı olduqda bu nəyi bildirir? Bu yazı Sayğacın giriş klapanın tam açılıb-bağlanmadığını, düzgün işləmədiyini bildirir. Bu hal sayğacın düzgün quraşdırılmamasından və ya qol birləşmələr arasında gərilmə olduğu zaman meydana çıxa bilər. 29. Smart Saygaclarda elektron ekranda F-100 dən F-155 qədər işarəsi olduqda bu nəyi bildirir? Bu yazı sayğacın elektron cipində olan zavod qüsurunu bildirir. 30. Qaz sərfi zamanı smart saygacın mexanizimlərindən gələn səsin norması nə qədərdir? Qaz sərfi zamanı smart saygacın mexanizimlərindən gələn səsin norması sayğacdan 50 cm aralı məsafədən 42 db səsin gəlməsi məqsədəuygun hesab edilir. 31. Smart saygacın üzərində olan Barkodun acılışı necədir? YY - Smart sayğacın buraxılış ilini göstərir. CC - Calibir cədvəlində olan məlumatı göstərir. AZ1 - Tətbiq ediləcək ölkə kodunu göstərir. X-PART versiyasını göstərir. 01- istehsalçı zavodun idenfikasiya nömrəsini göstərir. 123456 - Smart saygacın nömrəsini bildirir. 32. Smart saygacın elekton hissənin işləməsi üçün qida mənbəyi kimi nədən istifadə edilir? Sayğacda elektron hissənin qidalanması məqsədilə LS26500 markalı 3,6V gücə malik elementdən istifadə olunur. Elementin işləmə müddəti aşağıdakı şərtlər daxilində 9 ildir: klapanın işləməsi ay ərzində 4 dəfədən çox olmadıqda; istifadə olunmadıqda LCD ekran işləmirsə; kartla əməliyyat həftədə bir dəfədən çox olmayaraq aparıldıqda. |