9. Qaz sızmasının yeraltı qaz kəmərindən olması məlum olarsa hansı
tədbirlər görülməlidir?
Qaz otağa yeraltı qaz kəmərindən (qazpaylayıcı kəmərdən və ya qaz
girişindən) keçdikdə, qazın sızmasını aşkar etmək üçün qəza briqadası,
sızma yerindən 50 metr radiusunda yerləşən bütün qonşu yeraltı
qurğularını və binaları (ilk növbədə zirzəmiləri) müayinədən keçirməlidir.
Qaz kəmərinin zədəli yerlərinin müəyyənləşdirilməsi qəzanın qarşısının
alınması və məhdudlaşdırılması planı ilə aparılmalıdır.
Qaz toplanmış otaqlarda, eləcə də 50 metr radiusunda yerləşən binalarda
və yeraltı qurğularda qazın mövcudluğu qəza vəziyyəti ləğv olunan bütün
müddət ərzində müvafiq cihazla vaxtaşırı yoxlanılmalıdır.
10. Qəza yerinə gələn rəhbər işçi, qəzanın aradan qaldırılmasına
rəhbərlik edənin düzgün göstəriş vermədiyini hiss etdikdə hansı
qərarı qəbul etməlidir?
Qəza yerinə gələn rəhbər işçi, qəzanın aradan qaldırılmasına rəhbərlik
edənin düzgün göstəriş vermədiyini hiss etdikdə, qəzaya rəhbərlik edəni
bu işdən kənarlaşdırmalı və qəzanın tam məhdudlaşdırılması və ləğvi ilə
əlaqədar olan bütün işlərə özü və ya onun göstərişi ilə digər məsul şəxs
rəhbərlik etməlidir.
Qəza vəziyyətini ləğv etmək üçün qəza yerinə gələn təmir-bərpa
xidmətinin növbətçi heyətinin rəhbəri ondan əvvəlki növbə rəhbəri
tərəfindən qəzanın vəziyyəti və onun ləğv edilməsi üzrə qəbul edilmiş
tədbirlər haqqında məlumatlandırılmalıdır.
11. Qəza vəziyyətinin ləğvi üzrə işlər nə zaman başa çatmış hesab oluna
bilər?
Qəza vəziyyətinin ləğvi üzrə işlər o zaman başa çatmış hesab oluna bilər
ki, qaz sızmaları aşkar edilib aradan qaldırılır və qazın otaqlara, qurğulara
keçə bilməsi ehtimalı istisna olunur.
12. Qəza xidmətinə keçən ay ərzində daxil olmuş sifarişlər barəsində
hansı tədbirlər görülməlidir?
Qaz təchizatı müəssisəsinin qəza, təmir-bərpa xidməti keçən ay ərzində
daxil olan bütün qəza sifarişlərini (məlumatlarını) müntəzəm olaraq əsaslı
surətdə təhlil etməli, qaz kəmərlərində, armatur və avadanlıqlarda baş
verən bütün nasazlıqların, eləcə də qəza və bədbəxt hadisələrin səbəblərini
araşdırmalıdır. Qəza vəziyyətlərinin aradan qaldırılması üzrə əldə olunmuş
təcrübəni
ümumiləşdirməli
və
bunun
əsasında
qəzaların
məhdudlaşdırılması və ləğvi planında düzəlişlər aparmalı, eləcə də qaz
təchizatı sistemlərinin təkmilləşdirilməsi və qəza vəziyyətləri əmələ gətirə
bilən səbəblərin aradan qaldırılması üzrə tədbirlər işləyib hazırlamalıdır.
13. Qəza, təmir-bərpa heyəti ilə tədris-təlim məşğələləri necə
aparılmalıdır?
Qəza, təmir-bərpa heyəti ilə tədris-təlim məşğələləri (dərsləri) Qaz
təchizatı müəssisəsinin baş mühəndisi tərəfindən müntəzəm olaraq təsdiq
olunmuş proqram və qrafik üzrə keçirilməlidir.
Bu məşğələlərin (dərslərin) təyin olunmuş vaxtlarda keçirilməsinə nəzarət,
müəssisənin rəhbəri tərəfindən aparılmalıdır.
14. Qaz təhlükəli işlərin görülməsinə kimlər buraxılır ?
18 yaşından yuxarı, xüsusi təlim keçmiş, qaz təhlükəli işlərin aparılması
texnologiyasını öyrənərək imtahan verən, mühafizə vasitələrindən istifadə
etməyi və həkimə qədər ilk tibbi yardım göstərmək qaydalarını bilən
işçilər buraxılır.
15. Qaz təhlükəli işlər nəyə deyilir ?
Qazlı mühitdə və ya qazın ətrafa yayılma ehtimalı olan şəraitdə görülən
işlərə qaz təhlükəli işlər deyilir.
16. Qaz təhlükəli işlər üçün “icazə-tapşırıq”ların verilməsi kimlərə
həvalə olunur ?
“Qaz təsərrüfatında təhlükəsizlik qaydaları”nın tələblərinə uyğun olaraq
imtahan vermiş və müəssisə rəhbərinin əmri ilə təyin edilmiş şəxslər qaz
təhlükəli işlər üçün icazə-tapşırıqlar verə bilər.
17. Qaz təhlükəli işlər bir qayda olaraq ən azı neçə nəfər tərəfindən
icra olunur ?
Qaz təhlükəli işlərin yerinə yetirilməsi ən azı 2 nəfər tərəfindən yerinə
yetirilməlidir.
18. Qaz təhlükəli işlərin yerinə yetirilməsi zamanı işə cəlb olunmuş
işçilərə kim göstəriş verə bilər ?
Qaz təhlükəli işlərin yerinə yetirilməsi zamanı işə cəlb olunmuş işçilərə
yalnız işin rəhbəri tərəfindən göstəriş verilə bilər.
19. Rəhbər və vəzifəli şəxslər qaz təhlükəli işləri yerinə yetirən
fəhlələrə göstərişi kimin vasitəsi ilə verə bilər ?
Rəhbər və vəzifəli şəxslər qaz təhlükəli işləri yerinə yetirən fəhlələrə
göstərişi yalnız işə məsul şəxs vasitəsilə verə bilərlər.
20. Qaz təhlükəli işləri “icazə-tapşırıq” olmadan aparmaq olarmı ?
Sabit tərkibli işçilərlə eyni şəraitdə yerinə yetirilən və dövri təkrar olunan
qaz təhlükəli işlər tapşırıq-icazə sənədi tərtib edilmədən aparıla bilər. Bu
işlər təsdiq edilmiş müvafiq təlimat üzrə aparılır. Müəssisələrdə baş
mühəndis tərəfindən təhlükəli işlərin siyahısı hazırlanır və təsdiq edilir. Bu
siyahıda tapşırıq-icazə sənədi tərtib edilmədən yerinə yetirilə bilən işlər
göstərilir.
21. “İcazə-tapşırıq”larda əsasən nələr qeyd edilir ?
İcazə-tapşırıqlarda əsasən aşağıdakılar qeyd edilir:
Müəssisənin adı, tapşırıq almış şəxsin vəzifəsi, soyadı, adı, atasının adı,
işin yeri və xüsusiyyəti, briqadanın tərkibi, işin başlanma və qurtarma
tarixi və vaxti, işin aparılmasında əsas əməliyyatların texnoloji ardıcıllığı,
əsas təhlükəsizlik tədbirləri və rəhbər təlimatlar, briqadada olan əsas FMV,
təmirdən qabaq qaz tərkibinin təhlili nəticələri, tapşırıq-icazə verən şəxsin
imzası, tapşırıq alan şəxsin vəzifəsi və imzas, briqada tərkibinin
təlimatlandırılması və işlərin qurtarması üzrə işin rəhbərinin qərarı
22. Qaz təhlükəli işlərdə hansı alətlərdən istifadə olunmalıdır?
Qaz olan yerlərdə işləyən zaman qığılcım yaranmasına imkan verməyən
əlvan metalldan hazırlanmış çəkic və kürə işlədilməlidir. Qara metaldan
olan alətlərin və başqa vasitələrin işlək hissəsinə qalın qatla solidol, yaxud
başqa texniki yağlar çəkilməlidir. Qaz olan yerlərdə qığılcım verə bilən
elektrik qurğusundan və başqa elektrik alətləindən istifadə edilməsi
qadağandır.
23. Quyularda və çənlərdə qaz təhlükəli işləri görən işçilər hansı
ayaqqabılardan istifadə etməlidir?
Quylarda, çənlərdə və bu kimi yerlərdə işləyən işçilər qaztəhlükəli işlər
görərkən dəmir nalı və mıxları olmayan ayaqqabılardan istifadə
etməlidirlər. Əks halda ayaqqabılar üzərinə qaloş geyinilməlidir.
24. Qaz təhlükəli işlərin yerinə yetirilməsi üçün tərtib edilmiş “icazə-
tapşırıq”lar və onların qeydiyyatının aparıldığı jurnal neçə il
saxlanılır ?
Qaz təhlükəli işlərin yerinə yetirilməsi üçün tərtib edilmiş “icazə-
tapşırıq”lar 1 il və onların qeydiyyatının aparıldığı jurnalı isə 5 il
saxlanılmalıdır.
25. Hansı qaz təhlükəli işlər mühəndis-texniki işçinin bilavasitə
rəhbərliyi olmadan aparıla bilər?
Ayrı-ayrı məişət qaz cihazlarının birləşdirilməsi, qaz balonlu qurğuların
istismara verilməsi, diametri 32 mm-dən artıq olmayan alçaq təzyiqli qaz
kəmərlərində qaynaq və qaz ilə kəsmə tətbiq etmədən təmir işlərinin
aparılması, quyuların nəzərdən keçirilməsi və havanın dəyişdirilməsi,
kondensat yığan tutumlardan kondensatın nasosla sorulub çıxarılması,
həmçinin də istismar olunan qaz cihazlarına və daxili qaz avadanlıqlarına
xidmət edilməsi ilə bağlı qaz təhlükəli işlər mühəndis-texniki işçinin
rəhbərliyi olmadan aparıla bilər. Bu halda işlərə rəhbərliyi həmin işlərin
görülməsi üçün ayrılmış fəhlələrdən daha ixtisaslı olanına tapşırılmasına
yol verilir.
26. Hansı qaz təhlükəli işlər iş planı əsasında aparılmalıdır?
Qazlaşdırılan şəhərlərin, qəsəbələrin və kənd yaşayış məntəqələrinin qaz
şəbəkələrinin istismara buraxılması və qazın verilməsi, təzyiqi 6 kqq/sm
2
(0.6Mpa)-dan artıq olan qaz kəmərinə qazın verilməsi, yüksək və orta
təzyiqli qaz kəmərinə “qaz altında” birləşdirmə üzrə işlər, QPM və QPS-
lərdə qaynaq və qazla kəsmə tətbiq etməklə aparılan işlər, qaynaq və qazla
kəsmə tətbiq etməklə orta və yüksək təzyiqli qaz kəmərlərində “qaz
altında” aparılan təmir işləri orta və yüksək təzyiqli qaz kəmərlərində
istehlakçının qaz kəmərindən açılması ilə əlaqədar qazın təzyiqinin
azaldılması və yenidən qaldırılması, ümumilikdə müəssisəyə veilən qazın
açılması və sonradan yenə verilməsi işləri tapşırıq üzrə və qaz təsərrüfatı
müəssisəsinin baş mühəndisi tərəfindən təsdiq edilmiş xüsusi plana uyğun,
həmin işləri müəssisə öz qüvvəsi ilə apardıqda isə həmin müssisənin baş
mühəndisi tərəfindən təsdiq edilmiş xüsüusi plana uyğun aparılır.
27. Qaz təhlükəli işləri icrası barədə tərtib olunmuş planda nələr
qeyd olunmalıdır?
İş planında işlərin aparılmasının dəqiq ardıcıllığı işçilərin yerləşdirilməsi,
mexanizmlərə və vasitələrə təlabat göstərilir, həmin işlərin maksimum
təhlükəsiz aparılmasını təmin edən tədbirlər nəzərdə tutulur.
İş planında həmçinin qaz təhlükəli hər bir işin aparılmasına cavabdeh olan
şəxslər, ümumi rəhbərlik edən və işlərin yerinə yetirilməsi ardıcıllığını
təyin edən və bu işlərin əlaqələndirilməsinə cavabdeh olan şəxs də
göstərilməlidir.
Plana uyğun olaraq bu qaz təhlükəli işin aparılmasına cavabdeh olan şəxsə
ayrıca tapşırıq verilməli, həmin tapşırıqda işləri yerinə yetirən zaman əsas
təhlükəsizlik tədbirləri və işin texnoloji ardıcıllığı göstərilməlidir.
28. Qaz təhlükəli işlərin icrası barədə tərtib olunmuş plana hansı
sənədlər əlavə olunmalıdır?
İş planına və tapşırığa işlərin aparılması yeri və xüsussiyyətləri
göstərilməklə, icra certyoju və ya onun əksi əlavə edilir. Qaz təhlükəli
işlərə başlamazdan əvvəl onların aparılmasına cavabdeh olan şəxs icra
cizgisinin, yaxud onun surətinin işlərin aparılacağı yerdə obyektin faktiki
yerləşməsinə uyğunluğunu yoxlamalıdır.
29. Hansı hallarda qaz təhlükəli işlər icazə tapşırıqsız yerinə yetirilə
bilər?
Qəza ilə əlaqədar işlər bilavasitə insanların həyatına, maddi nemətlərə dəyə
biləcək təhlükə aradan qaldırılana qədər tapşırıqsız aparılır. Təhlükə
aradan qaldırıldıqdan sonra qaz kəmərlərinin və qaz avadanlıqlarının
texniki saz vəziyyətə gətirilməsi üzrə işlər tapşırıq (sərəncam) üzrə
aparılmalıdır.
30. Ezamiyyətə gələn şəxslərə qaz təhlükəli işlərin aparılmasına dair
tapşırıq hansı müddətə verilir?
Ezamiyyətə gələn şəxslərə qaz təhlükəli işlərin aparılmasına dair tapşırıq
(sərəncam) bütün ezamiyyət müddətinə verilməlidir. İşlərin icrasına
nəzarəti onlara cavabdeh olan şəxs aparmalıdır.
31. Tapşırıq üzrə yerinə yetirilən işlər bir gündən artıq müddətdə
yerinə yetirilirsə, onların aparılmasına cavabdeh olan şəxs işin
gedişi barədə kimə məlumat verməlidir?
Tapşırıq (sərəncam) üzrə yerinə yetirilən qaz təhlükəli işlər bir gündən
artıq müddətdə yerinə yetirilirsə, onların aparılmasına cavabdeh olan şəxs,
işlərin gedişi barədə bu işlərin aparılmasına tapşırıq verən şəxsə hər gün
məlumat verilməlidir.
32. İstismar olunan qaz kəmərlərinə yeni qaz kəməri qoşulduqda və
ya təmir edildikdə qazın təzyiqi nə qədər olmalıdır?
İstismar olunan qaz kəmərlərinə yeni qaz kəməri qoşulduqda və ya təmir
edildikdə qazla kəsmə və qaynaq işləri zamanı qazın təzyiqi 40 mm-dən
150 mm su sütunu intervalında olmalıdır. Həmin intervaldan kənarlaşma
zamanı qaynaq işləri dayandırılmalıdır. İşlərin aparıldığı yerdə təzyiqə
nəzarət olunması üçün manometr qoyulmalıdır.
V FƏSİL
QAYNAQ İŞLƏRİ HAQQINDA
1. Qaynaq işinə başlamazdan əvvəl hansı təhlükəsizlik tədbirləri
görülməlidir?
Qaynaq aparatının və qaynaq edilən metalın yerlə birləşmələrinin kipliyi
və kabellər yoxlanmalı, iş gedən ərazi yanan maddələrdən
təmizlənməlidir.
2. Qaynaqçı yeraltı qaz kəmərlərində damğanı qaynaq tikişindən
hansı məsafədə vurmalıdır?
Qaynaqçı ona verilmiş şifrəni yeraltı qaz kəmərinin qaynaq tikişindən
30÷50 mm məsafədə vurmalıdır. Bu şifr və ya nömrənin qoyulması metalı
üst əritmə üsulu ilə damğa vurmaqla yaxud metalı zədələməyən başqa
üsullarla aparıla bilər.
3. Emalatxanalarda işləyən qaynaqçıların yerinə yetirdikləri işlərin
keyfiyyəti hansı müddətdən bir yoxlanılır?
Emalatxanalarda işləyən qaynaqçıların yerinə yetirdikləri qaz kəməri
elementlərinin qaynaq edilməsi işlərinin keyfiyyəti hər ay qaynaq
nümunələrinin mexaniki sınağı ilə təyin edilməlidir.
4. Qaynaqçı üçün tərtib edilmiş formulyarlarda nələr qeyd
edilməlidir?
Qaynaq quraşdırma işləri aparan təşkilatda hər bir qaynaqçı üçün
formulyar tərtib edilməlidir. Bu formulyarda qaynaqçının ixtisas dərəcəsi
barədə məlumat, biliyinin dövri olaraq yoxlanılmasının yekunları,
qaynaqçının qaynaq etdiyi sınaq birləşmələrinin, qaz kəməri xəttində
qaynaq etdiyi birləşmələrin sınağının nəticələri və qaynaqçının işini
xarekteriza edən digər məlumatlar göstərilmişdir.
5. 3 kq/sm
2
-ə qədər təzyiqli qaz kəmərlərində qaynaq birləşmələrinin
keyfiyyəti fiziki üsullarla yoxlanılması zamanı mənfi nəticələr əldə
edilərsə hansı tədbirlər görülməlidir?
3 kq/sm
2
-ə qədər təzyiqli qaz kəmərlərində qaynaq birləşmələrinin
keyfiyyəti fiziki üsullarla yoxlanılması zamanı mənfi nəticələr əldə
edilərsə normadan 2 qat artıq birləşmələr yenidən yoxlanılmalıdır. Təkrar
yoxlama zamanı nümunələrdən birində belə mənfi nəticə alınsa
qaynaqçının obyektdə apardığı bütün birləşmələr fiziki nəzarət üsulu ilə
yoxlanılır və qaynaqçı işdən kənar edilir.
6.
Qaynaq aparılarkən hansı təhlükəsizlik tədbirlərinə diqqət
yetirilməlidir?
Qaynaq zamanı diqqət yetirilməlidir:
Əlcəyin, ayaqqabının və paltarın daim quru olmasına;
Qaynaq apararkən qövsün yanması zamanı genaratorun və ya
transfarmotorun sıxaclarında gərginliyin sabit cərayan üçün 110v və
dəyişən cərəyan üçün isə 70v-dan artıq olmamasına;
Üzün və başın qorunması üçün istifadə edilən xüsusi şitdə və ya şlem
–maskada olan şüşənin yararlı vəziyyətdə olmasına;
Qaynaq şlakının yalnız qoruyucu eynək taxdıqdan sonra metal şotka
ilə yoxlanılmasına;
Metal ərintilərinin qığılcımlarından qorunmaq üçün qaynaq yerinin
əvvəlcədən təmizlənməsinə;
lazım olmadıqda elektrottutucunu (derjateli) cərəyan altında
qalmamasına.
7.
Qaynaq işlərinə başlamazdan əvvəl qaynaqçı təhlükəsizliyin
təmin edilməsi məqsədilə hansı işləri yerinə yetirməlidir?
İşin aparılmasına mane olan əşyaları və tezalışan materilları iş yerindən
kənarlaşdırmalı, qaynaq aqreqanı münasib yerdə yerləşdirməli, qaynaq
aqreqatının, ölçü cihazlarının, fərdi mühafizə və qoruyucu vasitələrin işlək
vəziyyətdə olmasını yoxlamalı, kontaktların möhkəmliyinə və naqillərin
izolyasiyasının zədələnmədiyinə əmin olmalı, işıqlanmanın 150лк-dən
aşağı olmadığına nəzər yetirməli və iş yerini yanğınsöndürmə vasitəsi ilə
təmin etməlidir
8.
Qaz kəmərləri çəkilmiş və qazdan istifadə edən aqreqatlar olan
binalarda quyularda qaynaq işləri zamanı hansı təhlükəsizlik
tədbirləri görülməlidir?
Qaz kəmərləri çəkilmiş və qazdan istifadə edən aqreqatlar olan binalarda
quyularda, kollektorlarda və s. yerlərdə qaynaq işləri aparılmasına
başlamazdan əvvəl qazın olması yoxlanılmalıdır. Havadakı qazın miqdarı
aşağı partlayış həddinin 1/5-dən artıq olmamalıdır. Sınaq üçün nümunə pis
ventilyasiya olunan yerdən götürülməlidir.
Qaynaq işlərinin aparıldığı bütün müddətdə binalar yaxşıca ventilyasiya
olunmalıdır, quyular və kollektorlarda isə 1saatda havanı 3 dəfə dəyişdirə
bilən ventilyator və kompressor vasitəsilə hava vurmaqla ventilyasiya
olunmalıdır.
9.
Neçə növ qaynaq vəziyyətləri mövcuddur və hansılardır?
3 cür qaynaq vəziyyəti mövcuddur:
döşəmə
tavan
üfüqi.
10. Qaynaq aqerqatı (sak) ilə qaynaq transformatorunun iş prinsipi
necə fərqlənir?
Qaynaq aqerqatı (sak) özü elektrik istehsal edir və onu tənzimləyərək
qaynaqçıya verir. Qaynaq transformatoru isə elektriki şəbəkədən alır və
tənzimləyərək qaynaqçıya verir.
11. Neçə növ qaynaq şovu var və hansılardır?
Qaynaq şovu üç növdür və aşağıdakılardır:
kök
dolğu
üzlük.
12. Qalın metallarda qaynaq şovu neçə növdür və hansılardır?
Qalın metallarda dörd növ qaynaq şovu vardır:
kök
isti qaynaq
dolğu
üzlük.
13. Qaynağın daxili qüsurları hansı nəzarət üsulu ilə müəyyən edilir?
Rentgen şüası ilə.
14. Qaynaq çubuğunu seçərkən hansı amillərə əsaslanmaq lazımdır?
Qaynaq avadanlığının sabit və ya dəyişkən cərəyanla işləməsi, qaynaq
çubuğunun metal hissəsinin kimyəvi tərkibinin qaynaq ediləcək metala
uyğun olması, qaynaq çubuğunun örtüyünün qaynaq vəziyyətinə
(bucağına) uyğun seçilməsi.
15. Əl ilə qövşü qaynaqda neçə qat qaynaq tikişi qoyulmalıdır?
Əl ilə qövsü qaynaqda 3 qat tikiş qoyulmalıdır.
16. Qaynaq aparatı cərəyan mənbəyinə qoşulma və ayrılma
ardıcıllığı necədir?
Qaynaq aparatı elektrik cərəyanına qoşulan zaman ilk növbədə “0” (-)-a,
sonra isə “Faza” (“+”)-ya qoşulmalıdır. Açıldıqda isə əksinə, yəni ilk
növbədə “Faza” (“+”)-dan sonra isə “0” (“-“) -dan açılmalıdır.
17. Tikişətrafı metalın yanmasına səbəb nədir?
Tikişətrafı metalın yanmasına cərəyanin cox olması səbəb olur.
18. Tərpənməyən boru kəməri vəziyyətinə görə necə cür tikiş ilə
qaynaq edilir?
Tərpənməyən boru kəməri vəziyyətinə görə üç cür tikiş ilə qaynaq edirlir:
düz
döngəli (və ya əyri)
tavan üzrə (aşağıdan yuxarı).
19. Hansı hallarda qaynaq tikişində qüsurlar yaranır?
Qaynaq edilən metalların kimyəvi tərkibi fərqli olduqda, qaynaq çubuğu
düzgün seçilmədikdə, qaynaq rejimi (sürət və gərginlik) düzgün
seçilmədikdə qaynaq tikişində qüsurlar yaranır.
20. Qaynaq aparatlarının naqillərinə olan tələblər hansılardır?
Qaynaq aparatlarının elektrik naqilləri, çoxsimli mis materialdan
hazırlanmış naqildən olmalıdır və bu naqillər onlara düşən elektrik
qüvvəsinə davam gətırməlidirlər.
21. Qazla kəsmədə və qaynaqda işlədilən avadanlıq və vasitələr
hansılardır?
Qaz generatoru, qaynaq odluğu və oksigen kəskisi, təzyiq nizamlayıcılari
(reduktor), rezin şlanqlar.
22. Əl ilə elektrik-qövs qaynağında əsas parametrlər hansı hesab
edilir?
Əsas parametr qaynaq cərəyanı hesab edilir.
23. Sabit cərəyanla qaynaq etdikdə hansı avadanlıqdan istifadə
edilir?
Qaynaq generatoru və daxili yanma mühərriklərindən istifadə edilir.
24. Əsas örtüklü elektrodlar qaynaqdan əvvəl nə üçün qurudulur?
Rütubəti uzaqlaşdırmaq məqsədilə qurudulur.
25. Sabit cərəyanın qısa yazılışı necədir?
DC - sabit cərəyanın qısa yazılışıdır.
26. Dəyişən cəryanın qısa yazılışı necədir?
AC - dəyişən cərəyanın qısa yazılışıdır.
27. Cərəyan şiddəti hansı ölçü vahidi ilə ifadə edilir?
Cərəyan şiddəti amperlə ifadə edilir.
28. Elektrik–qövs qaynağında istifadə edilən maskadakı şüşə ekran
qaynaqçını nədən qoruyur?
İnfraqırmızı və Ultrabənövşəyi şuadan mühafizəni təmin edir.
29. Qaynaq elektrodları saxlanan otaqlarda havanın temperaturu
minumum nə qədər olmalıdır?
Qaynaq elektrodları saxlanan otaqlarda havanın temperaturu minumum
+18
0
C olmalıdır.
30. Qaynaq elektrodunun saxlama müddəti nə qədərdir?
Qaynaq elektrodunun saxlama müddəti 6 aydır.
31. Poladları hansı temperatura qədər qızdırdıqda maqnitliyi itir?
Poladları 723
0
C temperatura qədər qızdırdıqda maqnitliyi itir.
32. Qaynaq elektrodu nəyə görə seçilir?
Qaynaq elektrodu materialın qalınlığına görə seçilir.
33. Qaynağın hansı fəza vəziyyətində cərəyan şiddətini azaltmaq
məqsədəuyğun hesab edilir?
Tavan qaynağı vəziyyətində cərəyan şiddətini azaltmaq məqsədəuyğun
hesab edilir.
34. Qaynaq tikişində ən önəmli qüsur hansı sayılır?
Kök tikişinin natamam əriməsi ən önəmli qüsur sayılır.
35. Qaynaq metalındakı karbon elementinin miqdarı onun hansı
xüsusiyyətini artırır?
Zərbəyə qarşı davamlığını artırır.
36. Elektrik cərəyanı nəyə deyilir?
Sərbəst elektronların istiqamətlənmiş hərəkətinə elektrik cərəyanı deyilir.
37. Cərəyanın neçə növü vardır?
Cərəyanın iki növü vardır:
dəyişən cərəyan
sabit cərəyan
38. Poladların qaynaq olma qabiliyyətini pisləşdirən nədir?
Poladın tərkibində karbonun və ligerləyici elementlərin miqdarının çox
olması.
39. Hansı qida mənbələri ilə eyni vaxtda bir neçə qaynaqçı işləyə
bilər?
BKCM-1000 adlanan qida mənbəyi ilə eyni vaxtda bir neçə qaynaqçı
işləyə bilər.
Dostları ilə paylaş: |