93. Yeni tikilmiş qaz kəmərlərinin istismarda olan qaz kəmərlərinə
qoşulması zamanı hansı işlər görülməlidir?
Qoşulma işlərinin aparılmasından əvvəl elektro-kimyəvi mühafizə
vasitələri açılmalıdır (ayrılmalıdır).
Qoşulmadan və qazın verilməsindən əvvəl yeni tikilmiş qaz
kəmərləri “Qaz təsərrüfatında texniki təhlükəsizlik qaydaları”nın
tələblərinə uyğun olaraq yoxlama sınağından keçirilməlidir.
Girişlərdə bütün bağlayıcı qurğular bağlanılmalı və metal tıxaclarla
qapanmalıdırlar.
İşlərin icrası tərtib edilmiş iş planı və təlimat əsasında yerinə
yetirilməlidir.
94. Qaz kəmərindən qaz-hava qarışığının üfürülməsi necə həyata
keçirilir?
Qaz kəmərinə qaz verilərkən qaz-hava qarışığının üfürülməsi atqı şamı
vasitə ilə həyata keçirilməlidir. Atqı şamında quraşdırılmış kranlar,
ardıcıllıqla açılmalı və işlər onu yerinə yetirə bilən işçilər tərəfindən
təlimat aldıqdan sonra icra edilməlidir. Qazı atqı şamından havaya buraxan
müddət ərzində yaxınlıqda 10 m radiusunda açıq oddan istifadə etmək,
siqaret çəkmək və digər qaz-hava qarışığının yanmasına səbəb ola bilən
hərəkətlərə yol verilməməlidir. Eyni zamanda ildırım çaxan zaman qazı
atqı şamı vasitəsilə havaya buraxmaq qəti qadağandır.
95. Qaz kəmərləri nəzarət üçün hava ilə hansı təzyiq altında
üfürülməlidir?
Yeraltı və yerüstü qaz kəmərləri hesablanmış təzyiqdən asılı olmayaraq
2000 mm su sütünü (0,02 MPa) təzyiq altında hava ilə üfürülərək nəzarət
üçün yoxlanılmalıdır. Təzyiqin aşağı düşməsi 1 saatda 110 mm su
sütünündan (10 daPa) artıq olmamalıdır.
96. Qaz kəmərləri hava ilə üfürülərkən hansı tələblərə riayət
olunmalıdır?
Qaz kəmərindən qazı çıxararkən, onlar hava ilə, yaxud təsirsiz qazla, qaz
tamamilə basılıb çıxarılanadək üfürülməlidir. Üfürmənin qurtarması
borudan götürülən havanın, yaxud təsirsz qazın analizi ilə təyin edilir.
Götürülən nümunədə qazdakı oksigenin miqdarı 1 faizdən artıq
olmamalıdır, qaz isə arası kəsilmədən sakit yanmalıdır. Qaz kəmərlərini
üfürən zaman qaz-hava qarışığı elə yerlərə buraxılmalıdır ki, binalara,
həmçinin hər hansı od mənbəyindən alışa biləcək yerlərə keçməsin.
97. İstismara qəbul edilmiş qaz kəməri 6 (altı) aydan artıq müddətdə
istifadəyə verilmədikdə hansı işlər görülür ?
İstismara qəbul edilmiş qaz kəməri 6 (altı) aydan artıq müddətdə istifadəyə
verilmədikdə kipliyə sınaqdan keçirilib müvafiq qaydada aktlaşdırıldıqdan
sonra istifadəyə verilməlidir.
98. Qaz kəmərlərinin üfürülməsindən sonra hansı işlər yerinə
yetirilməlidir?
Qaz kəmərlərinin və cihazlarının girişində monometr vasitəsilə
qazın təzyiqinin yoxlanılması;
qaz cihazlarının qarşısındakı kranlara açarların geydirilməsi
(taxılması):
qaz cihazlarının odluqlarının ardıcıllıqla yandırılması və qazın
yanmasının tənzimlənməsi;
qaz kəmərlərinin və cihazlarının birləşmə yerlərində kipliyin (qazın
sızmasına qarşı) cihazla və ya sabunlu su məhlulu ilə yoxlanılması;
qazdan və qaz cihazlarından təhlükəsiz istifadə edilməsi qaydaları ilə
abonentlərin təlimatlandırılması və bu məqsədlər üçün təyin olunmuş
xüsusi nömrələnmiş jurnallarda onların imzalarının alınması.
99. Yeni qaz kəmərləri istismarda olan qaz kəmərlərinə qoşul-
duqdan və hava ilə üfürüldükdən sonra işçi təzyiq altında hansı
işlərin yerinə yetirilməsi vacibdir?
qaynaq tikişlərinin və digər birləşmələrin kipliyini sabunlu su
məhlulu və ya cihazla yoxlamaq;
qaz kəmərlərinin yanından keçməklə qoşulmuş qaz kəməri xəttinin
vəziyyətini yoxlamaq;
istismarda olan qaz kəməri ilə yeni qoşulmuş qaz kəmərinin birləşmə
yerində izolyasiyanın keyfiyyətini yoxlamaq və torpaqla doldurmaq;
görülən işlər barədə “icazə-tapşırıqda” qaz kəmərinin pasportunda
müvafiq qeydlər aparmaq.
100. Qaz kəmərlərinin çəkilmə dərinliyi nə qədər olmalıdır?
Qaz kəmərlərinin çəkilmə dərinliyi qaz kəmərinin və ya futlyarın üstündən
yerin səthinə qədər 0,8 m-dən az olmamaqla nəzərdə tutulmalıdır.
Nəqliyyat vasitələrinin hərəkəti nəzərdə tutulmayan yerlərdə qaz
kəmərlərinin çəkilmə dərinliyinin 0,6 m-ə qədər azaldılmasına yol verilir.
101. Qaz kəmərlərinin avtomobil və dəmir yolları ilə kəsişmələri
hansı bucaq altında nəzərdə tutulmalıdır?
Qaz kəmərlərinin dəmir və tramvay yolları ilə, həmçinin avtomobil yolları
ilə kəsişmələri, bir qayda olaraq, 90
0
- li bucaq altında nəzərdə tutulmalıdır.
102. Yeraltı qaz kəmərlərindən onların dəmir və tramvay yolları ilə
kəsişdiyi yerlərdə minimum məsafələr nə qədər olmalıdır?
Yeraltı qaz kəmərlərindən onların dəmir və tramvay yolları ilə kəsişdiyi
yerlərdə minimum məsafələr aşağıdakı kimi qəbul edilməlidirlər:
körpulərə, borulara, tunellərə və dəmir yollarında piyadalar üçün
nəzərdə tutulmuş korpülərə və tunellərə qədər – 30 m;
tramvay yolları üçün yoldəyişənlərə qədər – 3 m, dəmir yolları ucun
10 m;
kontakt şəbəkəsinin dayaqlarına qədər – 3 m.
Gostərilən məsafələrin azaldılmasına, kəsişən qurğuların tabeçiliyində
olduğu təşkilatlarla razılığı əldə edildikdən sonra yol verilir.
Qaz kəmərlərinin ümumi dəmir yolları şəbəkəsi keçidlərində fərqləndirici
sütuncuqların (nişanların) qoyulması zərurəti və onların sənədləşdirilməsi
Azərbaycan Respublikası Nəqliyyat Nazirliyinin razılığı ilə həll edilir.
103. Yeraltı qaz kəmərlərinin nəqliyyat yollarının altından keçiril-
məsi zamanı hansı qaydalara əməl edilməlidir?
Bütün təzyiqli yeraltı qaz kəmərlərinin dəmir yolu və tramvay yolları ilə,
I, II, və III – dərəcəli avtomobil yolları ilə, həmçinin şəhərin hüdudlarında
sürətli yollarla, maqistral küçələrlə və ümumşəhər əhəmiyyətli yollarla
kəsişdiyi yerlərdə cəkilməsi polad futlyarlarda nəzərdə tutulmalıdır. Qaz
kəmərlərinin magistral küçələrlə və rayon əhəmiyyətli yollarla, həmçinin
yerli əhəmiyyətli küçə və yollarla kəsişdiyi yerlərdə futlyarların qoyulma
zərurəti nəqliyyatın hərəkətinin intensivliyindən asılı olaraq layihə
təskilatları tərəfindən həll edilir. Bu halda oz davamlılığına və uzun
ömürlüyünə görə qoyulan şərtlərə cavab verən qeyri metal futlyarların
nəzərdə tutulmasına yol verilir.
Futlyarların ucları kipləşdirilməlidir. Futlyarların bir ucunda muhafizə
qurğusunun altına çıxan nəzarət borucuğu nəzərdə tutulmalıdır,
qəsəbələrarası qaz kəmərlərində isə torpaq yatağının kənarından 50 m-dən
az olmamaqla kənara çıxarılan, nümunə göturmək üçün qurğusu olan,
sorucu şam nəzərdə tutulmalıdır. Futlyarların borulararası boşluğunda qaz
təchizatı sistemlərinə xidmət etmək üçün təyin edilmiş istismar olunan
rabitə, telemexanika, telefon və elektrik mühafizə drenaj kabellərinin
çəkilməsinə yol verilir.
104. Futlyarın ucları hansı məsafələrdə kənara çıxarılmalıdır?
Futlyarın ucları aşağıda göstərilən məsafələrdən az olmamaqla kənara
çıxarılmalıdır:
dəmir yolunun torpaq yatağının axırıncı sukənaredici (kuvetlərdən,
xəndəklərdən) qurğularından – 3m;
dəmir yolunun kənar relsindən – 10m; sənaye muəssisələrinin dəmir
yolu xəttindən isə – 3m;
tramvay xətlərinın kənar relsindən – 2m;
hərəkət ucun nəzərdə tutulan yolun kənarından – 2m;
avtomobil yollarının kənarından – 3,5m.
Butun hallarda futlyarın ucları torpaq tökümünün dabanından 2 m-dən az
olmamaqla kənara cıxarılmalıdır.
105. Qaz kəmərlərinin təhlükəsiz istismarını təmin etmək üçün açma
armaturu harada yerləşdirilməlidir?
Açma armaturunun quraşdırılması yeri şəhərin, qəsəbənin, yaxud kənd
yaşayış məntəqəsinin qaz ilə təmin edilməsi lahiyəsində təyin edilməlidir.
Açma armaturu elə yerləşdirilməlidir ki, qəza şəraitində ayrı-ayrı
mikrorayonlar, yaxud sahələrin tezliklə kəmərdən açılması mümkün olsun
106. Bir xəndəkdə iki və daha artıq qaz kəməri quraşdırıldıqda (bir
və yaxud müxtəlif səviyyələrdə) onların arasındakı minimal
məsafə nə qədər olmalıdır?
Bir xəndəkdə iki və ya daha artıq qaz kəməri quraşdırıldıqda (bir və yaxud
müxtəlif səviyyələrdə) onların arasındakı məsafə quraşdırma və təmir üçün
şərait yaradılmasına imkan verməlidir və bu məsafə 300 mm-ə qədər
diametri olan borular üçün 0,4 m, 300 mm-dən yuxarı diametri olan borular
üçün isə 0,5 m –dən az olmamalıdır.
107. 3 kqq/sm
2
(0,3 Mpa) qədər təzyiqli qaz kəmərləri quraşdırılmış
xəndəkdə digər kommunikasiyalar arasındakı minumum məsafə
nə qədərdir?
Xəndəkdə yerləşdirilən 3 kqq/ sm
2
(0,3 Mpa) qədər təzyiqli qaz kəməri ilə
başqa yeraltı kommunikasiyalar (kabel xətlərindən başqa) arasındakı
horizontal məsafə 0,8 m-dən az olmamalıdır.
108. Yeraltı polad qaz kəmərləri və onların üzərindəki avadanlıqların
kipliyinin və izoliyasiyasının vəziyyəti necə yoxlanılır?
Bütün təzyiqli yeraltı polad qaz kəmərləri, atmaturlar və s. istismar
prosesində onların kipliyini, həm də izoliyasiyasının və borunun xarici
səthinin vəziyyətini təiyin etmək məqsədi ilə dövrü olaraq yoxlanılmalıdır.
Bütün təzyiqli qaz kəmərlərində kipliyin yoxlanılması beş ildə bir dəfədən
az olmayaraq aparılmalıdır .
109. Qaz kəmərlərinin üstü açılmadan kiplik və izoliyasiyasının
vəziyyətini necə yoxlamaq olar?
Qazın sızmasını və izoliyasiyasının zədələnməsinin kəmərin üzərini
açmadan da xüsusi cihazlar vasitəsi ilə yoxlanıla bilər. Bu məqsədlə burğac
üsulu ilə qaz kəmərlərinin kipliyi yoxlanılır. Paylayıçı küçə qaz
kəmərlərində burğaç yoxlama quyusu boru birləşmələrinin yaxınlığında,
qaz kəmərinin divarından 0,3-0,5 metr məsafədə, qaz kəmərinin üst
səthinin yerləşdiyi dərinliyə müvafiq dərinlikdə qazılır; qış vaxtı torpaq
donan zaman isə daha artıq dərinlikdə, torpağın donmuş qatını keçənə
qədər qazılmalıdır. Paylayıcı küçə qaz kəmərlərində boruların birləşməsi
sxemi olmadığı hallarda, həmçinin də həyət və məhəllə paylayıcı qaz
kəmərlərində hər 2 metrdən bir quyu qazılmalıdır. Hissetmə qabiliyyəti
həcmə görə 0,01 %-də az olmayan yüksək keyfiyyətli cihazlardan istifadə
etdikdə quyular arasındakı məsafəni 5 metrə qədər artırmaq olar.
110. Qaz kəmərinin kipliyinin, borunun xarici səthinin və
izoliyasiyasının vəziyyətinin yoxlanılmasının nəticələri necə
sənədləşdirilir?
Qaz kəmərinin kipliyinin, borunun xarici sətinin və izoliyasiyasının
vəziyyətinin yoxlanılmasının nəticəsi qaz kəmərinin pasportunda qeyd
edilməli və qaz kəmərinin təmir növü və müddətləri müəyyən edilərkən
nəzərə alanmalıdır. Əgər yoxlama zamanı zədələnmə aşkar edilərsə
(izoliyasiyyanın pis vəziyyətdə olması, korroziya ilə zədələnmə), qaz
kəmərinin gələcəkdə daha artıq zədələnməsinin qarşısını almaq və aşkar
edilmiş zədələrin aradan qaldırılması üçün tədbirlər hazırlanmalıdır.
111. Quyularda quraşdırılmış siyirtmə, kran, kompensator və başqa
armaturlara hansı müddətdən bir texniki xidmət göstərilməlidir.
Qaz kəmərlərindəki quyularda quraşdırılmış siyirtmə, kran, kompensator
və başqa armaturlara qaz təsərrüfatı müəssisəsinin baş mühəndisisnin,
yaxud bu müəssisənin vəzifəsini yerinə yetirən təşkilatın təsdiq etdiyi
cədvələ uyğun olaraq ildə azı bir dəfə texniki xidmət göstərilməlidir.
112. Yeraltı qaz kəmərləri ilə başqa yeraltı kommunikasiyalar və
qurğular arasındakı horizontal məsafə nə qədər olmalıdır?
Yeraltı qaz kəmərləri ilə başqa yeraltı kommunikasiyalar və qurğular
arasındakı horizontal məsafə aşağıdakı cədvəldə göstərilmiş kəmiyyətdən
az olmamalıdır. Eyni zamanda Yeraltı qaz kəmərlərinin qaynaq olunmuş
birləşmələrindən yer altında birləşmələrindən yer altında kəsişən mühəndis
kommunikasiyalarının (planda) divarına qədər məsafə 1 metrdən az
olmamalıdır.
Qaz
kəmərində
Qazın təzyiqi
kqq/sm2
Yeraltı qaz kəmərlərindən horizontal üzrə binalara və tikintilərə qədər olan
məsafə (metrlə)
Binaların və
tikintilərin
özülünə,
yolüstü
körpülər
və tunellərə
qədər
Kontakt
şəbəkələrin və
rabitə
dayaqlarının
hasarlarına
qədər
Qıraq yolundan
1520 mm enli dəmir
yolu
Xəttinin oxuna qədər,
Lakin xəndəyin
Dərinliyindən az
Olmamaq şərtilə
Bəndin aşağısına qədər
Tramvay
xəttinin
oxuna
qədər
Yolun
qıraq
daşına
qədər
Alçaq təzyiqli
(0,05-ə qədər)
2
1
3,8
2,8
1,5
Orta təzyiqli
(0,05-dən 3-ə
qədər)
4
1
4,8
2,8
1,5
(3-dən 6-ya
qədər)
7
1
7,8
3,8
2,5
(6-dan 12-yə
qədər)
10
1
10,8
3,8
2,5
113. Yeraltı qaz kəmərləri ilə başqa yeraltı kommunikasiyalar və
qurğular arasındakı şaquli məsafə nə qədər olmalıdır?
Yeraltı qaz kəmərləri ilə başqa yeraltı kommunikasiyalar və qurğular
arasındakı şaquli məsafə aşağıdakı cədvəldə göstərilmiş kəmiyyətdən az
olmamalıdır.
Müxtəlif təzyiqli yeraltı qaz kəmərilərinin başqa yeraltı tikintilərlə
kəsişdikdə vertikal üzrə (işıqda) məsafələr «L»
L, m
Su kəməri, kanalizasiya, su axıdıcısı, telefon kanalizasiyası və s.
0,15
İstilik şəbəkəsi kanalı
0,20
Elektrik kabeli, zirehli rabitə kabeli
0,50
Gərcinliyi 110- kV olan yağ doldurulmuş kabel.
1,0
114. Yeraltı qurğularla kəsişən qaz kəmərlərinin çəkilməsi zamanı
hansı tələblər gözlənilməlidir?
Kommunikasiya kanalları (tunellər), piyada tunelləri, kollektorlar və başqa
bunlara uyğun yeraltı qurğular ilə kəsişən qaz kəmərləri, habelə
tikintilərdən keçən qaz futliyara salınmalı və korroziyaya (paslanmaya)
qarşı örtüklə izolə edilməlidirlər. Futliyarın ucları kəsişdikləri tikilinin
xarici divarlarından hər iki tərəfə ən azı 2 m-ə qədər çıxarılmalıdır, təbii
yaxud süni düzəldilmiş və sıxılmış torpağa oturdulmalı, qətranlı liflərlə
kipləşdirilməli və üzərinə bitum tökülməlidir.
Qaz kəmərinin kəsişmə yerindəki və bundan hər iki tərəfə 5 m məsafədəki
bütün qaynaq birləşmələri fiziki nəzarət üsulları ilə yoxlanılmalıdır.
Kollektorun, tunelin, quyunun və s. divarlarından futliyar keçdiyi yerlərə
diqqətlə kipləşdirilmələdir Təzyiqi 6 kqq/sm
2
(0,6 MPa-dan) artıq olan
qaz kəmərlərinin göstərilən tikintilərin divarlarından keçirilməsinə icazə
verilmir.
Qaz kəmərləri istilik xətləri ilə kəsişdikləri yerlərdə onların istilik xətləri
ilə kəsişdikləri kameraların tikinti konstruksiyalarından, keçidsiz
kanallarından və taxçalarından keçirilməsinə icazə verilmir.
Qaz kəmərləri ilə istilik şəbəkələrinin kameraları və taxçaları arasındakı
məsafə horizontal (işıqda) 0,3 m-dəm az olmamalıdır.
115. Yeraltı qaz kəmərində, açıcı mexanizmlər qurulmuş quyular
hansı tələblərə cavab verməlidir ?
Yeraltı qaz kəmərində, açıcı mexanizmlər qurulmuş quyular tikinti
xəttindən, binanın divarından, sənaye, yaxud kommunal müəssisənin
hasarından 2 metrdən az olmayan məsafədə habelə ona xidmət etmə üçün
əlçatan yerdə yerləşdirilməlidir. Çöl şəraitində quyuların ağzı yerin
səhtindən 0,4-0,5 metr hündürdə olmalı və asanlıqla açılan, qıfıllı qapaqla
örtürməlidir.
116. Yerüstü qaz kəmərinin elektrik xətləri ilə kəsişdikləri yerlərdə
armaturların kondensat yığıçılarının və başqa qurğuların
qoyulmasına icazə verilirmi?
Yerüstü qaz kəmərinin elektrik xətləri ilə kəsişdikləri yerlərdə hər iki
tərəfdən 10 metirdən yaxın məsafədə armaturların kondensat yığıçılırının
və başqa qurğuların qoyulmasına icazə verilmir.
117. Yerüstü qaz kəmərlərinin binaların divarı boyu və dirəklər
üzərində çəkilməsi zamanı nəyə diqqət yetirilməlidir?
Alçaq və orta təzyiqli qaz kəmərlərini, oda davamlığı IV dərəcədən aşağı
olmayan yaşayış və ictimai binaların xarici divarları boyu, hər cür təzyiqli
qaz kəmərlərinin isə ayrı qoyulmuş yanmayan dirəklərin (dayaqların)
üzəri ilə çəkmək olar. Boruların şərti diametri 50 mm-dək olan alçaq
təzyiqli qaz kəmərlərinin oda davamlılığı V dərəcə olan yaşayış binalarının
(taxtadan olan) xarici divarları boyu çəkmək olar.
118. Dayaqlar üzərində qoyulan yerüstü qaz kəmərlərinin binalara
və tikililərə qədər olan üfüqi (işıqla) məsafə minimum nə qədər
olmalıdır?
Dayaqlar üzərində qoyulan Yerüstü qaz kəmərlərinin binalaraın
divarlarına qədər olan üfüqi (işıqla) məsafə, aşağıdakı cədvəldə göstərilmiş
kəmiyyətdən az olmamalıdır.
Aşağıdakı cədvəldə göstərilmiş
kəmiyyətdən az olmamalıdır.
Qazın təziyqi kqq/sm2
0,5-ə qədər
0,05-dən
3-ə qədər
3-dən
6-ya qədər
İstehsalı yanğın təhlükəsinə görə
aşağıda göstərilən kateqoriyalara aid
olan istehsalat və anbar binaları:
A, B və V
5
5
5
Q və D
2
2
2
Tezalışan və yanar mayelərin açıq
anbarları və yana bilən materiallar
anbarı:
Sənaye müəssisələri ərazisində
10
10
20
Sənaye müəssisələrindən kənarda
20
20
40
Yaşayış və ictimai binalar
2
5
5
Dəmir yolu və tramvay xətləri
(yuxarıdakı rels qədər)
3
3
3
Yeraltı kommunikasiyalar: su
kəməri,kanalizasiya, qızdırma
boruları, telefon
kanalizasiyası,elektrik kabel blokları
(qaz kəməri dayağı özülünün
qırağından)
1
1
1
Açıq elektrik yarımstansiyasının
hasarı
10
10
10
Hava elektrik xəttlərinin naqilləri
Hava elektrik xətti dayağının hündürlüyündən az
olmamalıdır.
Həçinin, darısqal şəraitdə
Qaz kəmərinin mühafizə torpaqlayıcısı olmaq şərti ilə
TN və Q 11-37-76 11cədvəlində göstərilənlərdən az
olmamalıdır
Yollar (yolqırağı daşdan,xəndəyin
qıraq hissəsinə, yaxud yol qırağı
bəndin aşağı hissəsinə qədər)
1,5
1,5
1,5
Açıq od olan tikintilər və əridilmiş
metalın buraxıldığı yerlər.
10
10
10
Əgər dayağın hündürlüyü elektrik xəttinin hündürlüyündən artıqdırsa, qaz
kəməri ilə elektrik xətti arasındakı məsafə qaz kəməri dayağının
hündürlüyündən az olmamalıdır.
119. Bir neçə yerüstü qaz kəməri, yaxud qaz kəməri ilə başqa boru
kəmərləri eyni dayaq üzərində birlikdə çəkilə bilərmi?
Bir neçə yerüstü qaz kəməri, yaxud qaz kəməri ilə başqa boru kəmərləri
birlikdə çəkildikdə, əgər qaz kəmərinin və onun dayaqlarının saxlama
qüvvəsi buna imkan verirsə, alçaq və orta təzyiqli qaz kəmərlərinə başqa
qaz kəmərlərinin və ya boru kəmərlərinin bərkidilməsinə icazə verilir.
Belə bərkitmənin mümkün olub-olmaması layihələşdirici təşkilat təyin
etməlidir. Bu məqsədlər üçün dirsəklərin (kronşteynlər) qaynaq edilməsinə
ancaq sənaye müəssisələri ərazisində olan qaz kəmərlərində icazə verilir.
Dirsəklər (kronşteynlər) boru divarlarının qalınlığı 6 mm-dən az olmayan
qaz kəmərlərinin dairəvi tirlərinə,yaxud qabırğalara qaynaqla bənd
edilməlidir. 6 mm-dən az olmayan qaz kəmərlərinin dairəvi tirlərinə,
yaxud qabırğalara qaynaqla bənd edilməlidir.
120. Nəm qaz nəql edən daxili qaz kəmərlərinin çəkilməsi mailliyi necə
nəzərdə tutulmalıdır?
Nəm qaz nəql edən daxili qaz kəmərlərinin çəkilməsi mailliyi 3%-dən az
olmamalıdır.
121. AzDTN 2.13-1 standarta əsasən yaşayış məskənləri ərazisindən
kənarda polietilen borulardan qaz kəmərlərinin hansı maksimal
işçi təzyiq həddinə qədər çəkilməsinə icazə verilir?
AzDTN 2.13-1 standarta əsasən yaşayış məskənləri ərazisindən kənarda
polietilen borulardan qaz kəmərlərinin maksimal işçi təzyiq həddi - 6 atm-
dir.
122. Yerüstü boru qaz kəmərləri hansı hündürlükdə çəkilməlidir?
Yerüstü boru qaz kəmərləri nəqliyyat vasitələri keçməyən, adamlar
gəzən yerlərdə yer səthindən minimum – 2.2 m,
nəqliyyat vasitələri və adamlar keçməyən yerlərdə – 0.5 m,
nəqliyyat vasitələri keçən yerlərdə minimum – 4.5 m,
dəmir yolu keçən yerlərdə minimum – 5.6 m,
elektrik dəmir yolu keçən yerlərdə minimum – 7.3 m hündürlükdə
çəkilməlidir.
123. Hansı hallarda sənaye müəssislərinə odarizə olunmamış qaz
verilə bilər?
Sənaye müəssisələrinin istehsalat qurğularına odarizə olunmamış qaz o
şərtlə verilə bilər ki, müəssisəyə gələn qaz kəməri yaşayış məskənlərinin
ərazlərindən kənarda olsun, qaz avadanlıqları və qaz kəmərləri yerləşən
otaqlarda qaz yığılmasını xəbər verən xəbərdaredici cihazlar qoyulsun və
odarizə olunmamış qazın təhlükəsiz istifadə edilməsini təmin edən digər
əlavə tədbirlər həyata keçirilsin.
Dostları ilə paylaş: |