Cəlil Məmmədquluzadə
(1869-1932)
Tərcümeyi-halı
Cəlil Məmmədquluzadə (Molla Nəsrəddin) böyük bir ədəbi
məktəb yaratmış, Azərbaycan ədəbiyyatında yeni bir çığır açmış
ədibdir. O, 1869-cu ildə Naxçıvanda doğulmuş, 1887-ci ildə Qori
müəllimlər seminariyasını bitirib 10 il müəllimlik etmişdir.
1898-ci ildə ədib İrəvana köçmüş, orada mütərcimlik və
vəkillik etmişdir. Sonra xoşuna gəlmədiyindən bu işdən əl
çəkmiş, xırda hekayələr yazmağa başlamışdır. "Danabaş kəndinin
əhvalatları" bu dövrin məhsuludur. Birinci mətbu əsəri olan "Poçt
qutusu" hekayəsini ilk dəfə "Şərqi-Rus" (1903) qəzetinin
mühərriri Məhəmmədağa Şahtaxtlıya oxumuşdur. Məhəmmədağa
Şahtaxtlı həmin hekayəni bəyənib müəllifı daha da
həvəsləndirmiş, onu öz qəzetində işə çağırmışdır.
C.Məmmədquluzadə 1904-cü ildən "Şərqi-Rus" qəzetində
mühərrirliyə başlamışdır. 1906-cı il aprel ayının 7(20)-dən
məşhur "Molla Nəsrəddin" məcmuəsini nəşr etdirmişdir.
60
Ədib əvvəl "Novruz" adlı bir qəzet nəşr etdirmək fikrində
olmuşdur. Senzura buna icazə verinəmişdir
1
. "Şərqi-Rus" qəzeti
bağlandıqdan sonra C.Məmmədquluzadə "Qeyrət" mətbəəsini
təşkil edərək, bir sıra müəlliflərin kitablarını nəşr etdirir.
İlk nömrələrindən etibarən "Molla Nəsrəddin" jurnalı bütün
Yaxın Şərqdə şöhrət qazanır, bir çox gözüaçıq ədib, şair və
mühərrirlərin məcmuə ətrafında toplanmasına səbəb olur. Əvvəl
Tiflisdə, sonra bir müddət Təbrizdə və nəhayət, Bakıda nəşr
olunan, təxminən 25 ilə yaxın ömür sürən (1906-1931) "Molla
Nəsrəddin" jurnalı ədibin ictimai fəaliyyətində, eləcə də bütün
Azərbaycan mətbuatı tarixində görkəmli yer tutur.
C.Məmmədquluzadə mühərrirliklə yanaşı hekayəçilik və
dramaturgiya fəaliyyətini də davam etdirirdi. "Ölülər", "Danabaş
kəndinin məktəbi", "Anamın kitabı", "Dəli yığıncağı" ədibin ən
mühüm səhnə əsərlərindəndir. Bu əsərlər uzun müddət yalnız
Azərbaycanda deyil, bütün başqa müsəlman şəhərlərində də
oynanılmışdır. C.Məmmədquluzadənin hekayələri dönə-dönə
nəşr edilmişdir. Əsərləri qonşu xalqların dillərinə tərcümə
olunmuşdur.
Mirzə Cəlil məktəbi
Mirzə Fətəli Axundovdan sonra Azərbaycan ədəbiyyatının,
mədəniyyətinin və ümumiyyətlə ictimai inkişafı tarixnin ən
böyük siması məhz Cəlil Məmmədquluzadədir. Mirzə Cəlilin
ədəbi-ictimai fəaliyyəti o qədər geniş, o qədər zəngindir ki, hələ
onun sağlığında belə öz təsirini bütün yaxın
1
"Həyat" qəzetinin səhifələrində oxuyuruq: "Cəlil Məmmədquluzadənin
Tiflisdə "Novruz" adlı qəzet nəşr etmək ricasını Qafqaz canişini qəbul etmədi",
1905, №76, səh.3
61
Şərqdə göstərmişdir. Müsəlman Şərqində, daha doğrusu,
Azərbaycan dili anlaşılan bütün ölkələrdə elə bir yer yoxdur ki,
Cəlil Məmmədquluzadəni bu və ya başqa dərəcədə tanımasınlar.
Onun fəaliyyəti coğrafı hüdud tanımadığı kimi, zaman
məhdudiyyəti də tanımır. "Molla Nəsrəddin" elə bir həqiqət və
intibah kitabıdır ki, onu açan hər bir şüurlu oxucu, müəllifin
böyüklüyünə və cəsarətinə valeh olacaqdır. Azərbaycan xalqının
oyanmasında, əsrlərcə feodal zülm və zülmətində yaşayan
kütlələrin əsarətdən, "ölülər" aləmindən qurtulmasında, tərəqqi və
səadət yoluna düşməsində, maarif və mədəniyyətin təbliğində
"Molla Nəsrəddin"dən böyük iş görən ikinci bir qəzet və məcmuə
göstərmək çətindir. Elə buna görə də Azərbaycan xalqı "Molla
Nəsrəddin" məcmuəsinin və onun fədakar təşkilatçısı Cəlil
Məmmədquluzadənin adını həmişə uca tutmuş, hörmət və izzətlə
yad etmiş və etməkdədir.
Eynilə də bədii yaradıcılıq sahəsində yeni ədəbiyyatın
istiqamətini düşünərkən Cəlil Məmmədquluzadə bütün əzəməti
ilə nəzərimizdə canlanır. Saray ədəbiyyatına, məclis, mey-məzə
ədəbiyyatına qarşı həyat və mübarizə ədəbiyyatının, xalqın
tərəqqi, yüksəlmək meyllərindən doğan və bu meylləri ifadə edən
tənqidi realizmin inkişaf etdirilməsində, həyat və məişətimizin
əlvan lövhələrinin ətraflı və cəsarətlə ədəbiyyata gətirilməsində,
xalq zəka və yumorunun inkişafında, təbiilik, sadəlik və
həqiqətpərəstliyin bədii bir meyar kimi qalib gəlməsində, Sabir
qələminin canlanınasında, Sabir ənənələrinin güclənməsində
Azərbaycan ədəbiyyatı tarixi hər kəsdən əvvəl Cəlil
Məmmədquluzadəyə minnətdardır.
Cəlil Məmmədquluzadənin yaratdığı "Molla Nəsrəddin"
məcmuəsi Azərbaycanda xalq hərəkatının məna və ruhunu ifadə
edən ən nüfuzlu bir mətbuat olaraq tanınmışdı. Bu məcmuədə
mütləqiyyətə, irticaçılara qarşı ən kəskin satiralar, həcvlər,
taziyanələr yazılırdı. 1906-1911-ci illərdə "Molla
62
Nəsrəddin" İran şahı Məhəmmədəli şahın taxtdan salınması və
qovulması barədə, Soltan Əbdülhəmidin zülmünə qarşı,
Stolıpinin qaragüruhuna qarşı olduqca kəskin və olduqca təsirli
yazılar nəşr edirdi. İstər Azərbaycanda, istərsə də İran və
Türkiyədə zülmkarlara, istismarçılara qarşı aparılan şərəfli
mübarizələrdə də "Molla Nəsrəddin" mütərəqqi iş görmüşdür ki,
bunu tarix heç bir zaman unutmayacaqdır.
Xalqa arxalanan və "Ey mənim müsəlman qardaşlarım sizi
deyib gəlmişəm!" xitabı ilə işə başlayan məcmuə oxucular
arasında müstəsna şöhrət qazanmış, ildırım sürəti ilə yalnız
Azərbaycana, Qafqaza deyil, bütün Yaxın Şərqə yayılmışdır. İlk
nömrəsində məcmuə intibah zərurətini o "şirin yuxuda yatan
millətin təsviri" ilə vərmişdir: "Burada yatanlar haman bizim
bədbəxt millətimizdir; hərçənd dünyada bədbəxt və lakin axirətdə
cənnət sahibi müsəlmanlardır. Hərçənd Nikolay, müharibədən
sınmış və yorulmuş Nikolay, inqilab ehtiyatı təsiri altında
müvəqqəti olaraq camaata azadlıqlar elan edibdir, xoşbəxt
müsəlmanlar yatıblar. Hərçənd Nikolay padşah bu manifesti min
cür bəhanə ilə geri almaq istəyir, behiştliklər hələ yatıblar...
Amma hamısı da yatmayıb; gərnəşənlər də vardır, oyanmaq
istəyənlər də vardır"
1
.
Belə bir xitab ilə işə başlayan məcmuə öz sadəliyi, şirin
yumoru, xalqın ürəyindən xəbər vərən doğru, təbii yazılan ilə az
müddətdə ümumi hörmət və şöhrət qazandı.
"Molla Nəsrəddin" tez bir zamanda rəğbətini qazandığı geniş
oxucu kütləsinə, vətəninin azadlıq sevən adamlarına arxalanaraq
ictimai tənqid dairəsini böyütdü və məzmununu daha da
kəskinləşdirdi. İstər daxildə, istərsə xaricdə irticaçılar üçün ən
qorxulu mənəvi bir qüvvə oldu. Dönə-dönə cəriməyə, senzura
təqibinə uğrayan və səhifələri ağ buraxılan, bəzən də aylarla,
illərlə bağlanan "Molla Nəsrəddin"in səhi-
1
C.Məmmədquluzadə. Əsərləri, II c, Bakı, 1936, səh.201.
63
fələrində oxuyuruq: "Bu gün Kərbəla meydanı - Azərbaycandakı
vətənpərvərlik meydanıdır. Hər kimin ürəyində bir cüzi din,
namus, vətən hissi varsa, oranın qeydinə qalmalıdır. Axıtmalı
qanlarımız, ehsan vərməli pullarımız varsa, gözümüzün
qabağında ürəklər parçalayan Azərbaycan matəmgahı durur... Bu
gün Kərbəla meydanı Azərbaycan meydanıdır"
1
. Məcmuə heç
nədən qorxub çəkinmədən, daim öz məqsədində, məsləkində
sabit qaldı. İstanbulda, Tehranda, Təbrizdə, Aşqabadda, Mərvdə,
Bakıda təkfir olundu, minbərlərdə axundlar məcmuənin
müəlliflərini kafır, mürtəd elan etdilər, məcmuəni oxumağı
qadağan etdilər. Lakin bütün bunlar "Molla Nəsrəddin"in
nüfuzunu nəinki əksiltmədi, hətta daha da artırdı.
Xalqı aldatmaq vasitəsi olan dövlət dumasını və onun
vəkillərini birinci dəfə ifşa edən, pul gücünə dumaya seçilən Bakı
varlılarının karikaturasını çəkən, onların çara necə nökərçilik
etdiklərini cəsarətlə açıq yazan "Molla Nəsrəddin" oldu. Bu
məcmuə İran inqilabını qan içində boğan rus çarına və Hacı
Səmədxan kimi cəlladların qurduğu dar ağaclarına qarşı hiddət və
qəzəblə çıxış edərək, yalnız iranlıları yox, bütün mütərəqqi
dünyanı etiraza çağırırdı.
İstanbul, Tehran, Təbriz, Daşkənd, Qahirə və sair Şərq
şəhərlərində "Molla Nəsrəddin"i təkfır edən mürtəce ünsürlər
olduğu kimi, təqdir edən gözüaçıq müsəlman ziyalıları da çox idi.
"Molla Nəsrəddin"in bir sıra yazılarını azadpərəst qəzetlər
görürüb dərc edirdilər. Tehranda çıxan "Suri-israfıl" qəzeti
"Molla Nəsrəddin" haqqında təqdiredici məqalələr, şeirlər çap
edirdi.
""Tazə həyat"ın redaktoru Haşımbəy və "Molla Nəsrəddin"in
redaktoru Mirzə Cəlil və bir neçə başqa şəxslər İran inqilabına
böyük hörmət göstərirdilər. İranda baş vərən
1
C.Məmmədquluzadə. Əsərləri, II c, Bakı, 1936, səh.164
64
hadisələri öz qəzetlərində işıqlandırırdılar. Məhz buna görə də
onların qəzetlərinin İranda, xüsusilə Azərbaycanda çoxlu
oxucusu var idi. Xüsusilə "Molla Nəsrəddin" ki, sadə türk
dilində, satira ilə yanaşı gözəl karikaturalarla çap olunurdu, daha
çox oxucusu var idi.
İnqilabın ilk günlərində Məmmədəli şah bu məcmuənin
yayılmasının qarşısını alırdı. Onları poçtada saxlayırdılar.
Azadxahlar əncümənlərdən tələb etdilər ki, məclisə teleqram
vurulsun və qəzetlərin yayılmasına icazə alınsın. Bu haqda
Talıbov öz incikliyini bildirmişdir.
"Molla Nəsrəddin" elə məcmuələrdəndir ki, o gərək tarixdə
əbədi yaşasın. Bu məcmuə bir gözəl şair, bir gözəl jurnalist və bir
neçə şəxsin köməyi ilə dərc olunurdu"
1
.
Qahirə qəzetləri "Molla Nəsrəddin"inin kəskin taziyanə və
mükalimələrindən istifadə edirdilər. Böyük tarixi-siyasi və
cahanşümul məsələlərlə yanaşı ölkədə cərəyan edən ictimai-
mədəni hadisələri də əhatə edir və öz görüşlərini təbliğə
çalışırdılar.
Axund Molla Əbutürabın" Ancaq din elmlərini oxumaqla
kamil insan olmaq olar" - deyə yazdığı məqalələrinə qarşı kəskin
çıxış edərək "Molla Nəsrəddin" həqiqi elmi və maarifi müdafıə
və təbliğ edirdi.
Dil məsələsində, əlifba, qadın azadlığı, məktəb, ədəbi
istiqamət, sənət məsələlərində davamlı olaraq həqiqi, vətənpərvər
yol tutan "Molla Nəsrəddin" mühafızəkarlara qalib gəldi.
Cəlil Məmmədquluzadə ədəbi fəaliyyətə keçən əsrin
axırlarında başlamış, 1904-cü ildən etibarən mətbuatda əsərlərini
çap etdirmişdir ("Poçt qutusu", "Kişmiş oyunu" və s.). "Danabaş
kəndinin əhvalatları"ndan sonra məşhur həyat
1
Seyid Əhməd Kəsrəvi. Tarix-e Məşruteye İran / İran məsrutə tarixi/, səh.
371-372.
65
və məişət hekayələrini ("Buz", "Usta Zeynal", "Qurbanəli bəy",
"Saqqallı uşaq", "Zırrama", "Şeir bülbülləri", "Bəlkə də
qaytardılar") və komediyalarını ("Çay dəstgahı", "Ölülər",
"Danabaş kəndinin məktəbi", "Anamın kitabı", "Dəli yığıncağı")
yaratmışdır.
Cəlil Məmmədquluzadə həmişə mövzularını müasir həyatdan
və ictimai mübarizələrdən, canlı el məişətindən almışdır. Tarixi
mövzuda əsər yazmamışdır. Böyük bir həqiqət hissinə, dərin
müşahidəyə malik olan bu ədib öz xalqının yäşayışını çox gözəl
bilirdi. O, həmişə xalq içində yaşamış, xalqın sevinc və kədəri,
adət və ənənələri ilə böyümüşdür. Onun ən böyük müəllimi xalq
idi. Ədib həm mübarizə qüvvəsini, həm də ilhamını eldən alırdı.
Ona görə də xəlqilik onun əsərlərinin başlıca xüsusiyyətidir.
C.Məmmədquluzadənin ictimai, ədəbi fəaliyyəti zəngin və
çoxcəhətlidir. O, ictimai inkişaf tariximizdə bir dramaturq, ədib,
jurnalist, ictimai xadim kimi məşhurdur.
Cəlil Məmmədquluzadə nəsrdə qısa, mənalı, psixoloji
hekayələrin böyük bir ustadıdır. Onun hekayələrində obyektiv,
şirin, mülayim bir nağıl üsulu vardır. Oxucunu hadisəyə, əhvalata
elə bağlayır ki, müəllif yada düşməyir, müəllif görünməyir.
Demək, istədiklərinin hamısını həyata, obyektiv həqiqətə
dedirdir. Oxucu onun əsərlərindəki əhvalata həmişə olmuş bir
hadisə kimi baxır. O, bir hadisə, bir tip vasitəsilə oxucunu böyük
bir aləmə bağlayır, onu düşünməyə məcbur edir. Mömin bənna
Usta Zeynalın ("Usta Zeynal") ətalətini bütün bir dinya kimi
göstərir, Xudayar bəyin azğınlığını nə vaxt və kim tərəfindən isə
xalqın boynuna qoyulmuş müdhiş zülm qanunu hökmündə təsvir
edir. Zeynəbin faciəsi ilə insanı ağladır ("Danabaş kəndinin
əhvalatları").
66
Dramaturgiyası
C.Məmmədquluzadə dramaturgiya fəaliyyətinə "Çay
dəstgahı" (1889) adlı alleqorik mənzum əsərilə başlamışdır.
Görünür ki, bu əsər keyfiyyətcə ədibi təmin etmədiyindən çapa
yerməmişdir. Bir dramaturq olaraq C.Məmmədquluzadə mövzu,
məzmun və tarixcə mühüm silsilə təşkil edən "Ölülər" (1909),
"Danabaş kəndinin məktəbi" (1921) və "Anamın kitabı" (1920)
əsərləri ilə məşhurdur.
Müəllif, "Ölülər" əsərində dini etiqad və zehniyyəti patriarxal
münasibət nəticəsində tamamilə kütləşmiş, insani hisslərini
itirmiş şüursuz kütləyə çevrilmiş avam, nadan camaatı göstərir.
Din və mövhumat fırıldaqçıları bu avamların canına daraşmışdır.
İstismarçılar, avamlığı üzündən kor, kar, lal və duyğusuz olan
adamların əməyini mənimsəyir, onların əməyi ilə yaşayır, üstəlik
onlara ağalıq edirlər. Şeyx Nəsrullah dini "quldurluq tüfənginə"
(Sabir) çevirmişdir. Xorasandan Araz qırağına, Naxçıvana qədər
şəhər və kəndləri gəzir, "möcüzə" göstərib "Məhəmməd
ümmətinə xidmət edir". Bu "möcüzələr" haqqında hər yerdə
danışılır, ancaq onu "gördüm" deyən olmur. İnanmamağa da
kimsə haqlı deyildir, çünki şəkk eləmək küfr sayılır.
Ədib, Şeyx Nəsrullahın macərasını qəribə üsul ilə gətirib
müsəlman məişətinə bağlayır. Ailələr arasında xüsusi
mülkiyyətin törətdiyi murdar iştahanı, vəhşi hərisliyi məharətlə
açıb göstərir. Bu iştaha, möcüzələrə inanan hər kənddə və hər
şəhərdə əhalinin hər qismində vardır.
Ədib feodal dünyasında, müsəlman aləmində mənfəət
hərisliyi, xüsusiyyətçilik iştahası üzündən hər bir şeyin
saxtalaşdığını, tacir, əsnaf, mülkədar, hacı və axundlarda, bir
sözlə "müqəddəslər" aləmində etiqadın da, sevginin də, nifrətin
də
67
sadəcə riyadan başqa bir şey olmadığını canlı, inandırıcı
lövhələrlə yüksək bədii və sadə ana dilində isbat etmişdir.
Şeyx Nəsrullah qəbristanda əhalidən "dirilməsini istədiyiniz
ölülərin adlarını verin", - deyə, siyahı istəyəndə çoxları susur,
kənara çəkilir. Bunun mənasını müəllif Kefli İsgəndərin dili ilə
açır: "Amma zəmani ki, ricət məsələsi ortalığa qoyuldu və Şeyx
Nəsrullah ölülərin dirilmək ixtiyarını qoydu sizin qabağınıza, siz,
dəriçədən məlakə axtaranlar, ölən qardaşlarınızın, bacılarınızın və
övrət-uşaqlarınızın dirilməyinə razı olmadınız. Niyə razı
olmadınız? Ondan ötrü ki, arvadlarınızın hamısını yumruq altında
öldürmüsünüz; ölən qardaşlarınızın arvadını almısınız, ölən
dostlarımzın yetimlərinin malını yemisiniz. Razı olmadınız ki,
dirilib gəlsinlər və sizin əməllərinizi görüb desinlər: Tfu sizin
üzünüzə!"
1
"Ölülər" komediyasında Kefli İsgəndər və Şeyx Nəsrullah bir-
birilə vuruşan iki cəbhədir. Birincisi xalqın həqiqət hissini ifadə
edən Bəhluli-divanə (danəndə) kimi, həm sərxoş, həm də ayıq-
sayıq bir adamdır. İkincisi tüfeyli ruhanilərin, fırıldaqçı və
hiyləgərlərin nümayəndəsidir.
İsgəndər çox mürəkkəb və eyni zamanda olduqca aydın bir
simadır. O, əxlaqsızliq, avaralıq, şüursuzluq ucundan şəraba
tutulmamışdır. Bəlkə də o, heç şərab düşgünü deyildir. Yalnız
ictimai faciələri görüb duyduğundan və bunlara qarşı özündə və
cəbhəsində müqavimət və mübarizə qüvvəsini görmədiyindən,
"həriflə" bərabər qüvvəsi olmadan döyüşə girişdiyindən,
acizliyini etiraf etdiyindən bu vəziyyətə düşmüşdür. Kefli
İsgəndərin təkamülünü diqqətlə izləyənlər, ona, o sərxoş, laübali
gəncə məhəbbət bəsləyirlər. Bəzən də onun halına yanırlar. Başı
dumanlı olmasına, cibində şərab şüşəsi gəzdirınəsinə
baxmayaraq, İsgəndər həmişə ictimai dərdləri duyur, onların
ağrısını hamıdan artıq çəkir. O, balaca
1
C.Məmmədquluzadə. Əsərləri, I c, Bakı, 1936, səh. 97.
68
bacısı Nazlının üzünə baxıb, sabah - birisi gün onun başına
gətiriləcək fəlakətləri, onun bir qul kimi satılacağını təsəvvür edir
və ürəkdən ağlayır. Şəhərdən axşama qədər evdə xalalar, bibilər
yanında oturub "ərə getmək dərsi" alan yazıq Nazlının taleyi,
həmçinin bütün Azərbaycan qızlarının taleyi İsgəndərə
məlumdur. Ona görə də ürəyinin başı yanır: "Ey mənim gözəl,
nazlı bacım!.. Bir bax, bax həyətdə gün çıxıb, sənki, o günü
görməyəcəksən, nəyə lazımdır onun işığı? Çöldə otlar göyərib,
ağaclar çiçək açıb; amma nəyə lazımdır sənsiz o çiçəklər, o
çəmənlər?"
1
.
İsgəndər eyni həssaslıqla balaca qardaşı Cəlalı dindirir: "Cəlal,
ay Cəlal, indi sən məndən qaçırsan; Deyirsən ki, kefliyəm; amma
vallah sən də mənim kimi dərs oxuyub qurtarandan sonra
başlayacaqsan İsgəndər dadaşın kimi küp dibində yatmağa"
2
.
Bunlar kefli, yaxud şüursuz adam sözü deyildir. Bunlar keçmişi
və gələcəyi görüb düşünən, gəncliyin, uşaqların, yeni nəslin
taleyi və dərdləri ilə yaşayan adamın sözləridir. İsgəndəri bu
dərdlər sərxoş etmişdir.
Cəlil Məmmədquluzadə Molla Nəsrəddin təxəllüsünü təsadüfı
qəbul etməmişdir. Əfsanəyə görə, islam tarixində həqiqətin əsl
tərəfdarı olan üç adam: Molla Nəsrəddin, Bəhlul Danəndə və
Həsən Kaşi özlərini dəliliyə vuraraq ürəklərindəki həqiqəti
deməyə yol tapmışdılar. Hakimlər bu adamları dəli sayıb
sözlərinə əhəmiyyət vərmirdilər, məsuliyyətə çəkmirdilər.
Beləliklə, dövlət dairələrindən çoxdan qovulmuş həqiqət bu
"divanələr" vasitəsilə yaşayır və bir az da artıq rövnəq tapırdı.
Molla Nəsrəddin təxəllüsünü qəbul edən ədibin qəhrəmanı
İsgəndər qismən bu əfsanəvi şəxsiyyətlərin yolu ilə gedir. Əsərin
axırında onun dedikləri təsdiq olunur. O, mənfı və
1
C.Məmmədquluzadə. Əsərləri, I c, Bakı, 1936, səh. 34-35.
2
Yenə orada, səh. 34.
69
gülünc tiplər əhatəsində vərilməsinə baxmayaraq, incə bir qəlb
sahibi kimi meydana çıxır.
"Ölülər" əsərində ədib İsgəndərin dili ilə öz vətəndaşlarını
qəflətdən ayılmağa, intibaha çağırır.
"Danabaş kəndinin məktəbi" adlı ikinci məşhur pyesində isə
C.Məmmədquluzadə məktəb, maarif məsələsini, xalqın işıqlığa
çıxması zərurətini qoyur. Bu tədbiri saxta yollarla aparmaq
istəyənlərə dərin kinayə ilə gülür.
"Danabaş kəndinin məktəbi"ndə baş vərən əhvalat, şübhəsiz,
Şeyx Nəsrullahın möcüzələrindən sonralara aiddir. Şeyx
Nəsrullah bu kənddə biabır olub getmiş, onun yerinə müəllim
Həsənov gəlmişdir. Şeyx Nəsrullah geridə qalmış bu mühitə
köhnə aləmdən - mövhumat və xürafat dünyasından gəlmişdi.
Ona görə də hörmətlə, qonaqpərəstliklə, "cücə plov ilə"
qarşılanmışdı. Müəllim Həsənov isə buraya yeni aləmdən -
maarif, mədəniyyət aləmindən gəlmişdir. Aydındır ki, hərarətlə
qarşılanmayacaqdı. Həsənovun bədbəxtliyi bir də orasındadır ki,
o, çinovnik libasında, çar məmurları kimi gəlmişdir. Özü ilə
bərabər pristavı, yüzbaşını, inspektor və başqalarını gətirmişdir.
Xalq isə heç vaxt xeyir görmədiyi və gözləmədiyi bu adamlardan
haqlı olaraq ürküb qaçır, nə qazıya, nə mollaya, nə yüzbaşıya
inanır. Bu adamların şərindən qurtarmaq üçün hər kəs qaçıb bir
tərəfdə daldalanır. Bütün çətinliklər və anlaşılmazlıqlarla yanaşı,
Həsənov Danabaş kəndində məktəb təşkilinə müvəffəq olur.
Hətta müəllimin uşaqlara nə öyrədəcəyini bilmək istəyən atalar
ilk günlər öz balaları ilə məktəbə gəlir, onlar ilə dərs otağında
orurub Həsənovun söhbətinə qulaq asırlar. Bunlar, Qasım kişilər,
Kəblə Qulaməlilər, Şəban nənələr, vaxtilə Şeyx Nəsrullahın
firıldağına uymuş adamlardır. Ancaq hələ də bunların gözü
açılmamışdır. Bunlar müəllim Həsənovdan ehtiyat edir, hətta
qorxurlar. Şeyx Nəsrullah necə olsa din, şəriət nümayəndəsi kimi
gəlmişdi. Onun qara - qorxusu nisyə idi, axirətə aid idi.
70
Müəllim Həsənov, yüzbaşı Pirvərdi bəy və inspektor isə çar
hökumətinin nümayəndələridir. Bunların divanı nisyə deyil,
nəqddir. Bunlardan bəla əksik deyildir. Ona görə camaatın
vahiməsi, xırmanlardan qaçıb dağılması, qadınların ağlaşma
qurması, uşaqların kərmə qalağında gizlənməsi, kişilərin övladını
danması təbiidir.
"Anamın kitabı"ndakı əhvalat bu hadisələrdən çox-çox sonra
baş verir. Burada Əbdüləzim kişinin ailəsi göstərilmişdir. Onun
uşaqları bəlkə də Danabaş kəndində zor ilə məktəb açılan zaman
dərsə başlamış adamlardır. İndi onlar oxuyub, savadlanmışlar,
ziyalı olmuşlar.
Bu ailənin yaşadığı şəhər də bambaşqa şəhərdir. Burada nə
Şeyx Nəsrullah, nə müəllim Həsənov vardır. Burada mədəni
həyat başlamışdır. Gənclər tərəqqi, təkamül ilə məşğuldur. Elm
dalınca uzaq şəhərlərə, ölkələrə gedirlər. Mətbuat var, ədəbi
mübarizələr, cəmiyyəti - xeyriyyələr, ictimai yığıncaqlar,
mübahisələr vardır. Hadisələrin cərəyanından bəllidir ki, əhvalat
1905-ci il inqilabından sonraya aiddir. Mirzə Cəlil yaradıcılığı
üçün o da çox maraqlıdır ki, təsvir olunan həyat irəlilədikcə,
inkişafa doğru getdikcə bu əsərlərdə süjet dairəsi artıq şeylərdən
təmizlənir, konkretləşir. Ədib, daha az hadisədə çox fikir ifadə
etməyə, dərinliyə doğru gedir. "Ölülər" də biz bir neçə şəhər ilə
əlaqədar əhvalatı, Xorasandan Azərbaycana səfər edən Şeyx
Nəsrullahın macəralarını gördük. "Danabaş
kəndinin
məktəbi"ndə bütün bir kəndi, onun əhalisini görürük. "Anamın
kitabı"nda isə yalnız bir ailə təsvir olunur.
Zəhrabəyimin üç oğlu, bir qızı var. Böyük oğlu Rüstəm bəy
Peterburqda oxumuş, həmişə nitqinə rus sözləri qatan bir
ziyalıdır; rus tərbiyəsi tərəfdarıdır. Mal həkimi Aslan bəy ilə
dostdur. Sənəti lüğət tərtib etməkdir.
Ortancıl oğlu Mirzə Məhəmmədəli Nəcəfül - Əşrəfdə təhsil
almış, həmişə fars ibarələri ilə danışan dindar müsəl-
71
man ziyalısıdır, İran tərbiyəsi tərəfdarıdır. Həmkarı Mirzə
Nəcəfəli ilə dostdur. Sənəti elmi-ilahi, yəni şəriət dərsi deməkdir.
Kiçik oğlu Səməd Vahid İstanbulda ədəbiyyat fakültəsini
bitirmiş, həmişə osmanlıca danışan bir türkpərəstdir. Osmanlı
tərbiyəsi tərəfdarıdır, şeir yazmaqla məşğuldur. Türk dili
müəllimi Hüseyn Şahid ilə dostdur.
Üç qardaşın yeganə bacısı Gülbahar isə vətəndə böyüyüb
tərbiyə almış, anasını və qardaşlarını təmiz və sönməz
məhəbbətlə sevən, savadsız, ismətli, kamallı bir Azərbaycan
qızıdır. Zəhrabəyim balalarının hamısını eyni məhəbbətlə sevir,
onların hər biri üçün ürəyi bir tikədir.
_Ədib bu ailəni ictimai-siyasi aləmdən keçirmək, adamların
xüsusiyyətlərini aydınlaşdırmaq üçün gözəl bir vəziyyət
düşünmüşdür. Rüstəm bəy cəmiyyəti-xeyriyyənin sədridir.
Qardaşları və şəhərin görkəmli simaları bu cəmiyyətin üzvüdür.
Cəmiyyət Rüstəm bəyin evində iclas edir. Arvadı Zivər xanım da
münəvvər bir xanım olduğu üçün cəmiyyətin yığıncaqlarında
iştirak edir. Bəzən fəallıq da göstərir.
Cəmiyyəti-xeyriyyənin son iclasında dörd məsələ müzakirə
edirlər. Ədib bura yığılanların xasiyyətlərini aydınlaşdırmaq üçün
məhz bu məsələləri belə seçmişdir.
1. İllik haqq-hesabın təsdiqi; 2. Məktəb məramnaməsi
barəsində; 3. Acların ərizəsi; 4. Elm-ilahi dərsləri barəsində.
Bu məsələlərin müzakirəsində cəmiyyətin fəaliyyəti, il-boyu
nə ilə məşğul olduğu görünür. Aslan bəy çıxış edib göstərir ki:
"Zakon bu sluçäyları tamamən predusmotret eləyibdir. Bizim
smetanın proqreşnostları o barədədir ki, biz naprimer, təyin
eləmişik aclara ildə yüz manat paylayaq, amma biz yüz manat
əvəzinə paylamışıq yüz doqquz manat on dörd şahı iki qəpik..."
1
1
C. Məmmədquluzadə. Əsərləri, I c, Bakı, 1936, səh.190.
72
Məktəb məramnamələrinin müzakirəsində məktəblərimizdə
ana dilini qüvvətləndirmək vəzifəsi qoyulur. Bu tələbi odlü
ehtirasla müdafıə edən Hüseyn Şahid nitqə başlayır: "Möhtərəm
əzayi-əncümən həzrətlərinə öz ixlasımı təqdim edib, mətləbin ən
ibtidasından bir şəmmə izahat farz və qarz bilib iltimas
ediyorum, əfəndim..."
1
Azərbaycan məktəblərində ana dili taleyinin kimə tapşırıldığı
və gülünc vəziyyətə salındığı bu çıxışdan aydındır. Hüseyn
Şahid, məktəblərdə keçilən "milli ədəbiyyat"dan nümunələr
gətirib, bu sahədəki müvəffəqiyyətlər ilə fəxr edir:
İştə kələbəklər kibi qarlar düşüyor Sanki bir nur eniyor
hərfidana, Lakin əyləncə olurkən bu sana Yavrı quşlar uçuyor!
2
Dostunun nitqinə Səməd Vahid və onun kimiləri əl çalır. Bu
şeiri əzbərləyən bir şagird ucadan oxuyur. Bununla da dərs
məramnamələrinin müzakirəsi bitir. Bütün bu söhbətlərə qulaq
asıb heç bir şey başa düşməyən Gülbahar və başqaları
mürgüləyirlər.
Acların ərizəsi müzakirə olunanda, cəmiyyət kassasındakı
pulun "zapasnoy fond"a keçirilməsi məsələsi ortalığa çıxır.
Acların həqiqətən ac olub-olmamasını təhqiq üçün xüsusi heyət
seçilməli olur. Aclar bu vəziyəti görüb ağlaşırlar. Mal həkimi
Aslan bəyin dalınca gələn çobanlar isə dəsmallarından çörək
çıxarıb, aclara verirlər, onları təskin edirlər.
Bu səhnələrdə zahirən gurultulu, təlqinedici görünən gözəl
sözlərlə çıxış edən ziyalıların mənəvi miskinliyi, xalqa
etinasızlığı və yabançılığı müəyyən olur.
1
C. Məmmədquluzadə. Əsərləri, I c, Bakı, 1936, səh.191-192.
2
Yenə orada, səh.192.
73
Ədib cəmiyyəti - xeyriyyə "dəstəsi" ilə müvazi əsl xalq və
həyat nümayəndələrini, acları, nökərləri, çobanları və nəhayət,
hammalları göstərmişdir. Bu adamların heç biri xüsusi mənfəətini
güdmür. Bunların heç biri başqalarını aldatmaq niyyətində
deyildir. Bunların fəlakəti isə başqa cəhətdədir. Bunlar, Rüstəm
bəylərə, Aslan bəylərə, Səməd Vahidə, Hüseyn Şahidə
inandıqları üçün bədbəxtdirlər. Bunlar, müasir ziyalıların zahiri
və təntənəli görkəminə uyurlar. Çətinlikdə, yaman gündə bu
cəmiyyətin qapısına gəlirlər. Ədib, bu inamı aşağı kütlələrin
bədbəxtliyi və fəlakəti kimi qəbul edir. Həmin məsələ tək bu
əsərdə deyildir; adını çəkdiyimiz pyeslərin üçündə də bütün
parlağlığı ilə vərilmişdir.
"Danabaş kəndinin məktəbi" əsərində münaqişə başqa rəng
almışdır. Burada xalqın hakim qüvvələrə inamı sarsılmışdır.
Burada çamaat şəhərdən, "oxumuşlar"dan, "böyüklər"dən qaçır.
Qazıdan, pristavdan, müfəttişdən, hakimdən eyni dərəcədə
qorxur, vahiməyə düşür. Məlumdur ki, qazı köhnə zəmanədə
şəriət nümayəndəsi idi, böyük hörmət sahibi idi. Adamlar çətinə
düşəndə onun yanına məsləhətə, məşvərətə gedərdilər. Qazı
məhəl qoyub heç kəsin qapısına, heç kəsin evinə gəlməzdi.
Burada camaat "Ölülər"dəki camaatdan fərqli olaraq qismən
qeyri-şüuri də olsa, hiss ilə də olsa, qazının "xeyrə gəlmədiyini"
duymuşdur. Onunla pristav, naçalnik və maarif müfəttişi arasında
bir birlik olduğunu anlamışdır. Kütlənin şüurunda intibaha doğru
ilk meyl görünməkdədir. Doğradur, bu meyl hələ
müəyyənləşməmişdir, yaxşı ilə pisi həmişə ayırd edəsi səviyyədə
deyildir. Ancaq hər halda bu meyldə hakimlərə, "böyüklərə" qarşı
yad bir münasibət vardır. Şübhə yoxdur ki, bu münasibət
gələcəkdə inkişaf edib qüvvətlənəcəkdir.
"Böyüklər" isə Danabaş kəndinin əhalisinə üç tərəfdən təzyiq
edirlər. Onlar camaata qoyun sürüsü kimi baxırlar. Ca-
74
maatın xeyrinə olan tədbirləri, məktəb açmaq kimi faydalı işləri
də zor ilə, "şallaq gücünə" yeritmək istəyirlər. Camaat bu
"şallağı" birinci dəfə görmür; onun acısını çox dadmışdır.
Şallaqdan xeyr görməmişdir və gözləmir də. Eyni zamanda
camaat bu böyüklərin dilini də başa düşmür. Qazı uzunca bir dua
oxuyaraq Romanovlara olan ixlasını bildirir. "Göydə allah və
yerdə padşahi-mehribanımızın rəhmət və şəfqətinə möhtacdır
cəmi ərbab və hacat və zərurat"
1
.
Qazının dili, fıkri-xəyalı, duruşu, oturuşu bütün mahiyyəti
etibarilə xalqa yaddır.
Qazıdan sonra camaata xitab üçün kürsüyə çıxan müfəttiş də
öz dili ilə, xalis intelligent ədası ilə nitq söyləyir. O, Danabaş
əhalisi ilə belə danışır:
- "Da vı sçastlivı sequdnya... Koqda pedaqoqi, boleya duşoy,
vmeste s vami, izıskali nakonets porazitelno tonkiy metod
obuçeniya, tonkiy do toqo, çto vsyakaya i kajdaya abstraktnost,
otvleçennost krasivo i pravilno odevaetsya v konkretnost..."
2
.
Qazının da, müfəttişin də sözləri kəndliyə aydın deyildir.
Birinin ərəbcə, birinin rusca dediyi mətləbləri "başa salmaq",
"avam kəndli dilinə" çevirmək üçün, yüzbaşı Pirvərdi bəy irəli
çıxır. Yüzbaşının "dilini" camaat yaxşı anlayır. O "dil", illər
uzunu kəndlinin təpəsinə döyülən şallaqdan ibarətdir. Kəndli
Qasım kişi cürət edib müəllimdən uşaqların barəsində haqlı bir
söz soruşur:
"Ay uşqol! Qurban olum sənə, bir məni başa sal görüm, o ki,
deyirsən uşaqlar oxuyub adam olacaqlar, bir mənə de görüm
necə, yəni adam olacaqdır"
3
.
1
C.Məmmədquluzadə. Əsərləri, I c, Bakı, 1936, səh.113.
2
Yenə orada, səh.117
3
Yenə orada, səh.130.
75
Pirvərdi yüzbaşı müəllimə macal vərmir, hirslə kəndlinin
üstünə cumur:
"Qasım kişi, bu sözlər bir qəpiyə dəyməz... Mən buyruq
quluyam, mənə buyurublar sür dərəyə, sür dərəyə. Əgər
siyahıdakı uşaqlar uşqola gəlməsələr, mən siznən bax, bu
şallaqnan danışacağam"
1
.
Pirvərdi bəy gözünün içinəcən yalan deyir. O, buyruq qulu
olduğu üçün yox, şallaq oynatmaqdan həzz aldığı üçün belə
danışır. O, hər şeydən əvvəl vicdansız, qansız bir çar məmurudur.
İş şallaqsız aşanda onun xoşuna gəlmir, dözə bilmir.
Pirvərdi bəy, Qasım kişi ilə kifayətlənməyib, Kəblə Heydərə
də hədə gəlir: "Nə eləyirsən elə, amma bu şallağı yadından
çıxarma".
Pirvərdi bəy bəzən anlamadan öz xasiyyətini öz sözü ilə
büruzə verir. Kəndlilərin mülayim, məsləhət dili ilə danışmasını
görüb hövsələdən çıxır. Etiraf edir ki: "Çünki, mən yüzbaşıyam,
mənimki şallaqdı".
Əvvəl, kənd mollası Mövlam vərdi "uşqol" məsələsində
şübhələnir, şəriət işlərinə toxuna bilən tədbir olacağından qorxur.
Çexovun qəhrəmanı Belikov ("Qılaflı adam") kimi düşünür.
"Sonra içindən bir şey çıxar ha!". Buna görə də səsini kəndlilərin
səsinə qatır. Müəllim ona: "Siz də həmin uşqolda həftədə iki saat
şəriət dərsi deyib, ayda on iki manat yarım pul alacaqsınız" -
xəbərini vərəndə Movlamvərdinin gözü işıqlanır. Dərhal dəyişir,
məktəb açmaq tədbirinə qol qoyur: "Elm həmişə elmdir, allah
mübarək eləsin! Allah padşahımızı da səlamət eləsin".
Beləliklə, ədib kənddə məktəb açılışı məsələsi ilə əlaqədar
olaraq yüzbaşılara, qulluqçulara, ruhanilərə qədər hər zümrənin
səciyyəsini verir. Bu xasiyyətnamələrdən görünür ki, kəndlilər
vahimələnməkdə haqlıdırlar. Onlar sinfi şüur səviy-
1
C.Məmmədquluzadə. Əsərləri, I c, Bakı, 1936, səh.130.
76
yəsinə qalxa bilməsələr də, hiss ilə düşmənlərini tanımışlar. Üç
qüvvənin: mövhumat, yalançı elm, hökümət qüvvəsinin üçünə də
bir nəzərlə baxırlar. Nə din nümayəndəsi qazıdan, nə "elm"
nümayəndəsi müfəttiş və çinovnikdən, nə də hökümət
nümayəndəsi yüzbaşıdan xeyir gözləyirlər. Övladlarını şəhərdən
gələn bu qüvvələrdən gizlənməyə "kərmə qalağına doldurmağa",
özləri isə gözə görünməməyə çalışırlar.
Avamla oxumuşlar, rəiyyətlə hökumət, aşağı kütlələr ilə
imtiyazlılar arasındakı ziddiyyət "Anamın kitabı"nda daha tünd
rənğlərlə təsvir olunmuşdur. Buradakı vəziyyət, sanki
"Ölülər"dəki və "Danabaş kəndinin məktəbi"ndəki vəziyyətlərin
mabədi, qanuni davamıdır. "Ölülər"dəki şüurdan məhrum olan
kəndlilər, "Danabaş kəndinin məktəbi"ndə qorxu yolu ilə olsa da
düşmənlərini tanımağa, qorunmağa başlamışlar.
"Anamın kitabı"nda isə həmin bu çoban və nökərlər
yuxarıdakılara istehza ilə baxmağa, onlara gülməyə cəsarət
edirlər. Çobanlar ilə mal həkimi Aslan bəy arasındakı
mükalimələr kimin, hansı tərəfin yüksəkdə durduğunu, hansı
tərəfin həyata bağlı olduğunu gözəl təyin edir:
" Aslan bəy - Yaxşı, bir mənə deyin görüm, qoyunun yarasını
siz dezinfeksiya eləyirsinizmi.
Qənbər - Qanmadıq, həkim ağa.
Qurban - Başa düşmədik, qurbanım olum.
Zaman - O nə sözdü, başına dolanım? (Camaat gülüşür).
Aslan bəy - Bir də mənə deyin görüm, qoyun yaralananda
onun temperaturasını ölçürsünüzmü?
Qənbər - Qanmadıq, həkim ağa.
Qurban - Başa düşmədik, qurbanım olum.
Zaman - O nə sözdü, başına dolanım? (Camaat gülüşür).
Qurban - Həkim ağa, yaraynan sənin işin yoxdur; yaranın
dilini biz özümüz bilırik, keçən həftə qumral gərə qoyunu
canavar yaralamışdı, bax yarası belə kalafa kimi idi, qara nöyüt
sürtdük, iki gündə yaxşı oldu (Camaat və Gülbahar diqqət ilə
77
qulaq asır)... Keçən gün Hacı Əmrahgilin sürüsündən sarı əbrəş
qoyunu yenə canavar dağıtmışdı, ona da qara nöyüt sürtdülər,
sənin yaraynan işin yoxdu; bilirik sən yaxşı həkimsən, sən bu
şoqərib qızdırmaya bir dava vər, ya bizə bir məsləhətli söz de, bir
də səni and verirəm allaha, biznən elə danış ki, başa düşək..."
1
.
Oxumuş, ali təhsil görmüş, zəmanəsinin qabaqcıl ziyalısı
adlanan, "cəmiyyəti-xeyriyyə" üzvü Aslan bəy, Qurban, Zaman,
Qənbər kimi avam kəndlilərdən və çobänlardan çox-çox aşağıda
qalır. Onların həyat sevən, təcrübəyə söykənən, əməkdə
müəyyənləşən həqiqət hissləri möhkəmdir. Onlar nə qədər çətin
şəraitə düşsələr də yenə nikbindirlər. Onlar çoban təcrübələri ilə
Aslan bəyin, onun elminin, həkimliyinin yalançılığını dərk
edirlər. Aslan bəyin həkimliyi Rüstəm bəyin alimliyi ilə, Səməd
Vahidin şairliyi ilə uyğun gəlir. Yalançı ziyalılar yaxşı
tapışmışlar.
"Anamın kitabı"nda əsas ziddiyyət bu izah etdiklərimiz
deyildir. Başlıca məsələ də burada deyildir. Bunlar ancaq
hadisənin şəraitidir, təfsilatıdır. Ədib hər şeydən əvvəl bizim
diqqətimizi Zəhrabəyimin ailəsinə, övladlarına cəlb edir. Bu
ailənin simasında C.Məmmədquluzadə o zamankı Azərbaycan
ziyalılarının daxili ziddiyyətlərini, təbəqələşməsini göstərmişdir.
Bu ziddiyyət və təbəqələşmənin isə maraqlı və böyük tarixi,
ictimai səbəbləri vardır.
Məlumdur ki, inqilaba qədərki Azərbaycan müstəmləkə
olmaqdan əlavə bir sıra imperialist dövlətlərin iştahasını oyadan
bir sərvət mənbəyi olmuşdur. Yalnız Bakı nefti deyil, ölkənin
mədən ocaqları, məhsuldar torpağı, bərəkətli kənd təsərrüfatı,
eləcə də coğrafi mövqeyi, gözəl ab-havası çoxlarını tamaha
salmışdır. Ölkənin siyasi-strateji vəziyyəti Avropa ilə Asiya,
Qara dəniz ilə Kaspi dənizi arasında bir
1
C.Məmmədquluzadə. Əsərləri, I c, Bakı, 1936, səh.202-203.
78
keçid məqamında olması, şərqdən qərbə, şimala və qərbdən
şərqə, cənuba gedən yollar və yolçular üçün düşərgə təşkil etməsi
əhalinin həmişə talan və qarət qorxusu altında qalmasına səbəb
olmuşdur. Ancaq qəhrəmanlığı, igidliyi və polad iradəsi
sayəsində Azərbaycan xalqı min illər boyu öz mənliyini, varlığını
qorumuş, milli istiqlaliyyətini qazana bilmişdir.
Xüsusilə XX əsrin əvvəllərində Azərbaycanda xarici siyasət
təsirlərinin mübarizəsi daha mürəkkəb və daha kəskin bir şəkil
almışdı.
"Anamın kitabı" əsərində ana vətənin mənəvi həyatını əsas
mövzu seçən, ictimai-sinfi qüvvələrin tənasübünü vərən ədib, bu
əcnəbi təsirləri və bunlardan hər birinin iç üzünü məharətlə
göstərmişdir. Mirzə Məhəmmədəli, Səməd Vahid və Rüstəm bəy
bu təsirlərin timsalıdır.
Əsərin III və IV məclislərində bir ana və bir ata övladı olan bu
qardaşlar arasında ziddiyyət və mübarizə son nöqtəsinə çatır.
Bunların "məslək üstündə, kitab üstündə" törəyən mübahisələri,
nəhayət, kəskinləşir dərinləşir və düşmənçiliyə çevrilir.
Qardaşların aralanması, ailənin dağılması ilə nəticələnir.
Bu adamların hər biri XX əsrin əvvəllərində xarici təsirlərə
əsir olan bir dəstə Azərbaycan ziyalısını təmsil edir. Bu adamlar
xalq içindən çıxmamışlar. Bunlar yuxandan yetişmiş, pul və
qazanc xatirinə təhsil görmüş adamlar idilər. Bu adamlar
xalqdan, onun ənənələrindən ayrılmışdılar. Onlar ana vətənin
yox, kənardan gətirilmiş kitabların, çox zaman zərərli kitabların
təsiri ilə tərbiyələnmişdilər. Vətəni təmsil edən Ana gördüyü bu
ixtilafdan iztirab çəkir, həyəcana düşür. O, özünü itirir, nə
edəcəyini bilmir. Rüstəm bəy anasının təlaşını duyub, onu belə
"başa salır":
"- Ana, bax, mən səni lap çox yaxşı başa salım: nə qədər ki,
mən bu kitablara etiqad eləyirəm (öz kitabları tərəfə əlini
79
tutur), Məhəmmədəli də bu kitablara (Mirzə Məhəmmədəlinin
tərəfinə əlini uzadır) və Səməd də bu kitablara (Səməd Vahidə
tərəf əlini uzadır) etiqad eyləyirlər, dəxi biz nə təhər ... mehriban
yola gedə bilərik?"
1
.
Demək lazımdır ki, bu qardaşlar arasında az-çox həqiqət hissi
ancaq Rustəm bəydə vardır. O, köhnə kitablar vasitəsilə ölkəyə
yeriyən əcnəbi təsiri görür. O, özünün də bu təsirin əsiri
olduğunu duyub, təəssüf edir. Bu qardaşların bir evdə, sözbir,
həmfikir olmasını, "hürriyyət əsaslarını kəndli və əhli-kəsəbə
içində müntəşir etməsini", "həmin niyyətlərini əmələ gətirmək
yolunda lazımi mətbuat cəm eləyib, qələm ilə çalışmasını" eşidib,
axtarışa gələn çar senzoru qardaşların kitablarını yoxladıqdan
sonra çox razı gedir. "Lüğət, elmi-nücum, şeir kitablarından"
başqa bir şey görməyən senzor mehriban bir dil ilə qardaşlardan
ayrılır. "Kitablarınızı görəndən sonra dəxi indi fikrimi bilmərrə
dəyişdim" - deyir. Qorxulu bir macəranın bu cür xoş nəticə ilə
bitməsi Rüstəm bəyi sevindirir. O, qah-qah çəkib acı-acı gülür:
"Hələ indiyə kimi xalq bir şey başa düşmürdü, indiyə kimi xalq
deyirdi: mərhəba Əbdüləzimin oğlanlarına, maşallah, biri
Peterburqda elm təhsil edib, biri İstanbulda, biri də Nəcəfül-
Əşrəfdə. Üçü də maşallah oxuyub alim olub. Amma bundan
sonra ağızlarda söylənəcək ki, haman üç alimin biri (Mirzə
Məhəmmədəliyə işarə edir) xüsuf-küsuf duası yazır, biri (Səməd
Vahidə baxır) məfaülün-fəülatün, biri də (özünə baxır) vallah
mən özüm də heç başa düşmürəm ki, mən nəçiyəm... (qah-qah
çəkir)"
2
.
Belə ziyalılar azadlıq, maarif, mədəniyyət haqqında
düşünəndə, "cəmiyyəti-xeyriyyə" tədbirləri iddiasina düşəndə
xüsusilə gülünc olurlar. Onlar Azərbaycan xalqının nicat yo-
1
C.Məmmədquluzadə. Əsərləri, I c, Bakı, 1936, səh.195.
2
C.Məmmədquluzadə. Əsərləri, I c, Bakı, 1936, səh. 221-222.
80
lunu kənarda axtarırlar. Onlar özgələrə ümid bağlayır, hər bir
tərəqqinin yaradıcısı olan xalqı tanımır, tanıya bilmirlər. Bunların
heç biri Azərbaycan xalqının həqiqi, doğma ziyalısı deyildir.
Buna görə Cəlil Məmmədquluzadə öz əsərlərində bu adamların
pərəstiş etdikləri boş və mənasız kitablara qarşı ananın böyük
kitabını qoyur.
Altmış yaşlı Zəhrabəyim və onun kitabı, böyük ədibin
əsərində vətən kitabıdır. Bu elə bir kitabdır ki, bütün balaların,
vətən övladının adı burada yazılmışdır. Zəhrabəyim həmişə buna
baxaraq təsəlli alır. Övladları haqqında hər bir şirin və əziz
xatirəni bu kitabda tapır.
Əgər "Ölülər"də son sözü atanın sərxoş oğlu İsgəndər
demişdisə, əgər orada həqiqəti İsgəndər təmsil etmişdisə, burada
son sözü ananın ismətli və namuslu qızı Gülbahar deyir. Əgər
"Ölülər"də İsgəndər yalnız balaca qardaşı Cəlal, bacısı Nazlı ilə
təsəlli tapırdısa, burada Gülbahar anası Zəhrabəyimə arxalanır.
Əgər "Ölülər"də İsgəndər gücsüz, əliboş, köməksiz, tək qalaraq
Şeyx Nəsrullah dünyasının önündə üsyankar ifadələrdən başqa
bir əlac tapmırdısa, burada Gülbahar, vətənin və ailənin mübariz
və iradəli qızı kimi irəliyə yeriyir:
"(Qaçır içəri otaqdan neft və spiçka gətirir. Kitabların üstünə
neft töküb od vurur. Kitablar çöldə alışır və Gülbahar durur
otağın ortasında, qoltuğundan anasının kitabını çıxardır, bir
səhifəsini açır və diqqətlə baxır)"
1
.
Gülbaharın son sözü çox qüvvətli və təsirlidir. Bu nitq,
ümumiyyətlə,
ədəbiyyatımızda
ən məzmunlu, lirik
monoloqlardan biridir. Burada müəllif öz fikirlərini yığcam,
aydın, xülasə halında olduqca bədii, orijinal və yeni bir şəkildə
qəhrəmanın dili ilə ifadə etmişdir. Gülbahar vətənə əcnəbi təsirlər
1
C.Məmmədquluzadə. Əsərləri, I c, Bakı, 1936, səh.235.
81
gətirən kitabları dərin bir nifrətlə yandırdıqdan sonra ürək
rahatlığı ilə ana kitabını əlinə alaraq həyəcanla deyir:
"Qaldı bircə kitab: bu da anamın kitabı (bir qədər hamı sakit
durub baxır). Budur, atam öz əlilə yazdığı vəsiyyət: (oxuyur)
Tarixi-hicrinin min iki yüz doxsan dördüncü ilində, rəbiüssaninin
on ikisində, seşənbə günü sübh azanından yarım saat keçdikdə
yoldaşım Zəhranın cismindən bir parça qopub ayrıldı ki, ibarət
olsun Rüstəm balamdan...
Biçarə övrətin cisminin qalanından genə ...bir parça ayrılıb
qopdu, haman gün oğlum Məmmədəli anadan oldu...
Yazıq Zəhranın qalan cismi genə bir tərəfə parçalandı...
balamız Səməd dünyaya gəldi.
... Bundan da bir neçə il sonra baxtı qara övrətin qalan yarım
canından genə bir parça qopdu ki, adını Gülbahar qoyduq... Yer,
göy, ay və ulduzlar göylərdə seyr edib gəzə-gəzə genə əvvəl-axır
günün başına dolanırlar; çünki bunlar hamısı qədim əzəldə
gündən qopub ayrılmış parçalardır.
Mən etiqad edirəm ki, mənim də balalarım dünyada hər yanı
gəzib dolansalar, genə əvvəl-axır anaları Zəhranın (əlini anasına
tərəf tutur) ətrafında gərək dolanalar. Çünki ay və ulduz şəmsin
parçaları olan kimi, bunlar da analarının ayı və ulduzlarıdır. Vay
o kəsin halına ki, təbiətin həmin qanununu pozmaq istəyə; onun
insafı və vicdanı ona müdamül-həyat əziyyət edəcək, nə qədər
canında nəfəs var, peşiman olacaq..."
1
.
"Anamın kitabı"nda xalqın taleyi məsələsi geniş mənada
qoyulmuşdur. Yalnız məişət məsələsi, yalnız saf duyğular yox,
əsrin böyük məsələləri irəli sürülmüşdür.
"Anamın kitabı"nda zəhmətkeş xalqın nümayəndələri,
camaatın ən aşağı təbəqəsindən olan adamlar saf və səmimi
duyğuları ilə təsvir edilmişdir.
1
1 C.Məmmədquluzadə. Əsərləri, I c, Bakı, 1936, səh.236-237.
82
Buradakı çobanlar iftixarla deyirlər:
Biz çobanıq, dağdı, daşdı yerimiz,
Yoldaşımız qoyun-quzu sürümüz,
Dərs almayıb, haqdı ki, heç birimiz,
Amma zövqü-səfalıdı çobanlar,
Qardaşlıqda vəfalıdı çobanlar.
* * *
Gözəl olur çöldə çəmənlər, çaylar,
Qışda arandayıq, dağda da yaylar,
Çoban siidü sağar, hamıya paylar,
Niyyəti çünki alidir çobanlar,
Qardaşlıqda vəfalıdı çobanlar
1
.
Bunlar təhsil almamış olsalar da, saf, təmiz zövq sahibləridir.
Ədibin rəyi ilə desək, çobanlar yalançı mədəniyyət dərsi
almamışlar. Buna görə də qardaşlıqda vəfalıdırlar, buna görə
südü hamıya paylayırlar, buna görə də ali niyyət sahibidirlər.
Ədib onların ibtidai, patriarxal həyatını bir qədər idealizə
etmişdir. Həqiqət axtaran, öz doğma qardaşlarından və
cəmiyyəti-xeyriyyə iclasından bir vəfa görməyən Gülbahar,
çobanların işinə valeh olur, onları dindirir, onların peşələrinə
məftun olur.
Rüstəmbəylərin, Səməd Vahidlərin və sairələrinin bəlası
burasındadır ki, xalqı anlamırlar, xalqı və onun qüvvəsini
görmür, duymurlar. Burjua qəzetlərinin boşboğazlığına uyan
qardaşlar, xalq taleyinə bağlı deyillər və bu tale haqqında onların
düşüncələri hamıda istehza doğurur.
1
C.MəmmədquIuzadə. Əsərləri, I c, Bakı, 1936, səh.230.
83
Ədibə görə qurtuluş, istiqlaliyyət və azadlıq uğrunda
mübarizələrdə vətən övladları böyüklü-kiçikli hamı əl-ələ
vərməlidir. Səyyarələr günəşin ətrafında hərləndiyi kimi, vətən
balaları da öz analarından ayrılmamalıdırlar. Bu həqiqəti
anlamayanlar, buna əməl etməyənlər əslini itirənlərdir. Onlar
ömrü boyunca peşiman olacaq, vicdan əzabı çəkəcəklər. Bu birlik
sadəcə kəmiyyət mənasında anlaşılmamalıdır. Bu, xalqın can,
qan ilə, fikir və ideya ilə bir-birinə bağlı olması deməkdir.
Adamların bir-biri üçün ürək yandırması, bir-birinin halına
qalması, dərdinə ağlaması deməkdir. Bu birlik vətən övladını
yüksəldir. Hər bir yad, düşmən qüvvəsi bu birliyə rast gəldikdə
polad sədlərə toxunan saxsı kimi parçalanıb darmadağın
olmalıdır.
Bu pyesdəki əsas mətləblərdən biri də mədəniyyətin azadlığı,
vətənə xidməti məsələsidir. Vətənin azadlığı xalqın birliyini,
həmrəyliyini tələb etdiyi kimi, onun bütün mənəvi qüvvələrinin
də səfərbərliyə alınmasını, ancaq bu istiqamətdə inkişaf
etdirilməsini tələb edir. Bu tələb ədibin xüsusilə bu əsərində
möhkəm qoyulmuşdur, çünki ədib, əsrinin yalançı burjua
mədəniyyəti nümayəndələrindən çox bəlalar çəkmişdir. Ömrünü
bu cür "mədəniyyətçilərlə" mübarizədə keçirməyə məcbur
olmuşdur. Böyük ədib bu məsələni təkcə "Anamın kitabı"nda
deyil, bir sıra başqa pyes və hekayələrində də həll etmişdir.
Buradakı mal həkimi Aslan bəy, "Danabaş kəndinin
məktəbi"ndəki müəllim və inspektor, "Ölülər"dəki çinovniklər
belə "kulturaçılardır".
Bu cəhətdən ədibin "Lal" adlı balaca, bir pərdəlik pyesi də
maraqlıdır. Müəllif bu əsərində küçədə ağlayan altı və səkkiz
yaşlı iki uşağı təsvir edir. Onlar müharibə illərində
xanimanlarından ayrılmış, ata-analarını itirmişlər. Onların səsinə
bir intelligent, bir çinovnik, bir mömin, nəhayət, sənəti məlum
olmayan bir lal gəlir. Zəng səsini eşidən intelligent uşaqlara iki
şahı pul atıb gedir. Azan səsini eşidən mömin də
84
gedir. Nəhayət, uşaqların yanında ancaq lal qalır. Bu lal,
mərhəmət hissi ilə çoşaraq ağlayan uşaqları qucağına alıb, təsəlli
verir və ovudur.
Əslinə baxsan milliyyəti, sənəti, peşəsi və əmlak vəziyyəti
məlum olmayan bu lal kişini, ədib lal olduğu üçün yox, müəyyən
dərəcədə kar olduğu üçün təsvir və tərif etmişdir. Cəlil
Məmmədquluzadənin təsvir etdiyi şəhərdə və küçədə ziyalılar,
çinovniklər, tacirlər, möminlər mühitində yetim uşaqların halına
qalan yeganə adam laldır. Nə üçün? Çünki, bu lal həm də kardır,
çünki bu kar zəng səsini, yəni müasir burjua şüarlarını eşitmir,
çünki bu kar azan səsini, yəni din nümayəndələrinin hiylə və
yalanını eşitmir, çünki bu karın nə kilsədə, nə məsciddə, nə
cəmiyyəti-xeyriyyə iclasında, nə ticarət idarəsində bir şeyi var.
Çünki bu lal şəxsi mənfəətini güdmür. Buna görə də təmiz
insanlıq hisslərini itirməmişdir. Bu adam vətəndaşı olan,
həmcinsi olan uşaqların pərişanlığına yanır, onlara bacardığı
köməyi edir.
Zəhrabəyimin oğlanları da bu mənzərədə gördüyümüz
oxumuşlardandır. Bunların hərəsi bir elm sahibidir, hərəsi bir
peşə sahibidir; amma onların heç biri, bir insan, bir vətəndaş,
hətta bir ailə üzvü olaraq, bir övlad olaraq, bir qardaş olaraq düz
adam deyildir. Əksinə, bunlar zərərli adamlardırlar. Bunlar insani
hisslərdən məhrum, kütləşmiş, ancaq şəxsi mənfəət ilə yaşayan
tüfeylilərdir. Bunlar xalqının, ailəsinin, anasının, bacısının,
torpağının nankoru, düşmənidirlər.
C.Məmmədquluzadənin komediyaları, xüsusilə bir üçlük
silsiləsi təşkil edən komediyaları ("Ölülər", "Danabaş kəndinin
məktəbi", "Anamın kitabı") dramaturgiya tariximizdə yüksək bir
pillə sayılmalıdır. Bu əsərlər nəinki ideya, ictimai məzmun
etibarilə, həm də quruluş, texnika, sənətkarlıq etibarilə
mükəmməl, bitkin əsərlərdir. Bu əsərlərin müəllifi Molyer,
Qoqol, Mirzə Fətəli kimi klassiklər səviyyəsində duran bir
dramaturqdur. Cəlil Məmmədquluzadə öz komedi-
85
yalarında əsasən köhnə dünyanı, durğun, yeknəsək, donmuş bir
həyatı təsvir etmişdir. Oblomovların, Manilovların həyatı kimi
Şeyx Nəsrullahın, qazının, Rüstəm bəyin həyatı da yekrəng idi.
Belə bir aləmi dramatik gərginlik, intizar, hərəkət, münaqişələrlə
təsvir etmək olduqca çətindir. Burada sənətkar müstəsna bir
qüdrət sahibi olmalıdır, ən nadir bir üsul tapmalıdır ki, bu
"Ölülər" aləmini hərəkətə gətirsin və bu aləmin mexanizmini
açan bədii bir açar tapsın. Mirzə Cəlilin məzhəkələrində hərəkət
üstünlüyü, münaqişə, intizar, keçidlər, vasitəli xasiyyətnamələr,
yığcam mükalimələr, təhlili sual və xitablar məharətlə
yaradılmışdır. Bu əsərlərdə artıq bir şey tapmaq mümkün
olmadığı kimi, naqis bir cəhət də tapmaq mümkün deyildir.
Mübarizələr, münaqişələr, qəhrəmanın taleyində elə
cəmlənmişdir ki, hadisənin ədib tərəfindən yaradılmasına yox,
həqiqətən baş vərmiş bir əhvalat olmasına inanırsan. Dramatik
üsullar, quruluş əhvalatın təbiiliyini pozmur, əksinə, bu təbiiliyi
daha da sabitləşdirir. Şeyx Nəsrullah camaatı "ölüləri diriltmək
üçün" qəbristanlığa aparanda tamaşaçı yüksək bir intizar ilə
gözləyir. Tamaşaçı, ölülərin dirilməyəcəyini bilir. Bir tərəfdən də
camaatın bu etiqad ilə qəbristanlığa getməsini görüb ürəyində
sual verir: "Görəsən indi nə olacaq?" Burada heç kəsin zehninə
gəlməyən bir hadisə olur. Heç kəs irəli yeriyib öz ölüsünün
dirilməsinə razı olmur. Nə üçün razı olmurlar? Bunun səbəbini
İsgəndər çox yaxşı söyləyir və oraya yığılanların riyakar simasını
açır. Eynilə də "Anamın kitabı"nda qardaşların mübarizəsi
gözlənilməz bir üsul ilə həll olunur. Qardaşlar evdə bir-biri ilə az
qala əlbəyaxa olduğu halda, polis məmuru içəri girib, axtarış
aparır ki: "Siz qardaşlar əlbir olub hökuməti yıxmaq
istəyirsiniz...".
Mirzə Cəlilin komediyalarında əhvalat acı gülüş, mənalı gülüş
yaradan belə vəziyyətlərlə inkişaf edir.
Mirzə Cəlilin insan surətləri çox ümumiləşdirilmiş, ictimai-
siyasi cəhətdən çox səciyyəvi surətlərdir. Dramaturgiya-
86
mızda bir sıra surətlər var ki, özü-özlüyündə müvəffəqiyyətlidir
və yaddan çıxmır. Ancaq bu surətlər məhdud və dar bir dairədən
kənar çıxmır və təsəvvürü məşğul etmirlər. Mirzə Cəlilin surətləri
belə deyil. Bir Şeyx Nəsrullahın arxasında bütün bir aləm, bir
dünya görürük. Eləcə də bizim diqqətimiz Gülbaharın şəxsi
simasında dayanıb qalmır. Gülbaharı tanımaqla biz vətəni
tanıyırıq, onu alqışlamaqla vətəni, yüksəlməkdə və güclənməkdə
olan vətəni alqışlayırıq. Bu bədii ümumiləşdirmə Mirzə Cəlilin
komediyalarını ədəbiyyatımızda misilsiz etmişdir.
Mirzə Cəlil dramaturgiyasında tiplərin açıq və müstəqil
xasiyyətnaməsi vərilmir. O, heç bir qəhrəmanını tərifləmir, heç
bir mənfı surəti pisləmir. Onun yolu həmişə məcaz, bədii
təfəkkür, kinayə və təriz yoludur. Hadisənin, mübarizənin özü elə
yollarla davam və inkişaf etdirilir ki, yaxşı da, pis də, cəsur da,
qorxaq da, cahil də, münəvvər də aydın görünür. Xasiyyət, pislik,
yaxşılıq bu adamlara kənardan vərilən əlamət deyil, bu adamların
bütün hərəkətlərini, işlərini, danışıqlarını, fıkirlərini
istiqamətləndirən daxili bir qüvvədir. Bu qüvvə ilə çıxış
etdiklərinə görə də adamlar təbii, həqiqi görünürlər. Mirzə Cəlilin
həqiqətpərəstliyi, hər bir incə və cüzi ifadədə də, eyhamda da
özünü göstərir.
Dostları ilə paylaş: |