Mövzu 24. Ağac və oduncağın quruluşu
Plan:
1. Ağacın kimyəvi tərkibi
2. Ağacın fiziki xassələri
3. Ağacın mexaniki xassələri
4. Ağacın quruluşu və xassələrinin məmulatın texniki və dekorativ keyfiyyətinə təsiri
5. Ağacın nöqsanları
6. Ağacın saxlanması
1. Ağacın kimyəvi tərkibi
Ağacın hüceyrə toxumaları üzvi maddələrdən ibarətdir. Bu maddələrin tərkibinə karbon, hidrogen, oksigen və azot daxildir. Karbon, hidrogen və oksigenin miqdarı müxtəlif cinsli ağaclarda təxminən bərabərdir; burada C – 50%, O – 44%, H isə 6%-dir. Azotun miqdarı 0,009% ilə 0,1% arasında olur və orta hesabla 0,05% -ə çatır. Üzvi maddələrdən başqa, ağacın tərkibinə mineral duzlar da daxil olur ki, bunlar da ağac yananda 0,1-dən 8%-əqədər kül əmələ gətirir.
Ağacın hüceyrə toxumaları sellülozadan, hemisellülozadan və liqnindən ibarətdir; liqhüceyrələrin içindəki boşluqlarda və kanallarda isə aşılayıcı və boya maddələri, qatran, kamedi, efir yağları və alkaloidlər vardır.
Dostları ilə paylaş: |
