Birinci kitab
Yüklə 3,22 Mb. Pdf görüntüsü
|
|
dərəcədə açıq- aşkar ifşa etsin? İstənilən qadına bircə dəfə baxan kimi onun bütün nöqsanlarını görməsi kifayət edən mister Darsini seçməyi fikirləşmək! Ola bilər, o, ümumiyyətlə, sənə bir dəfə də olsun dönüb baxmayıb. Möhtəşəmdir! Elizabet özünü qeyri-adi şəkildə şən göstərməklə cəhd etdi. Ancaq o, sifətinə yalnız olduqca gərgin bir gülüş ifadəsi verməyə nail oldu. Hələ heç vaxt atası ona bu qədər xoşagəlməz şəkildə hazırcavablıq tətbiq etməmişdi. — Hə, necədir, bu səni yaxşıca güldürdü? — Hə, əlbəttə. Ancaq davamını oxuyun, lütfən. — “Dünən axşam mən belə bir nikahın mümkünlüyü barədə zati alilərinə deyəndə o, dərhal özünəməxsus təvazökarlığı ilə tamamilə birbaşa olaraq bu haqda öz hisslərini ifadə etdi, bildirdi ki, əmim nəvəsinin qeyri- əlverişli qohumluq əlaqələrini nəzərə alaraq o, heç bir vəchlə bu cür, onun sözlərinə görə, ləyaqətsiz ittifaqa razılaşmaz. Mən bu barədə əmim nəvəsini bacardıqca tez məlumatlandırmağı borcum saydım ki, o və onun pərəstişkarı onları nəyin gözlədiyindən xəbərdar olsunlar və lazımi xeyir-dua almayacaq nikaha girməyə tələsməsinlər”. Bütün bunlara mister Kollinz əlavə edir: “Əmim nəvəsi Lidiyanm təəssüfə layiq hərəkətinin uğurla ört- downloaded from KitabYurdu.org 482
basdır edilməsini eşidəndə səmimi qəlbdən şad oldum və yalnız ona məyus oluram ki, onların toya qədərki birgə həyatı haqda məlumatlar bu qədər geniş yayıldı. Fəqət rütbəmə xas olan vəzifələrimə etinasız yanaşmaq mənə yaraşmaz. Bir də mən nikahlanmalarından dərhal sonra Sizin gənc cütlüyü evinizdə qəbul etmənizə dair xəbərlə bağlı öz çaşqınlığımı ifadə etməyə bilmirəm. Əfsus ki, bu addım nöqsanın təşviq edilməsindən başqa bir şey deyil. Lonqbom mənim kilsəmin icmasına daxil olsaydı, mən buna tam qətiyyətlə mane olmaqdan çəkinməzdim. Siz, əlbəttə, bir xaçpərəst olaraq, onları bağışlamalıydmız. Ancaq onlar ömürləri boyu bir daha sizin gözünüzə görünməməli idilər, onların adı isə heç vaxt Sizin qulağınızı narahat etməməli idi”. — Budur, heç demə, o, xaçpərəst bağışlamasını özü üçün belə təsəvvür edir! Məktubun qalan hissəsi onun əziz Şarlottasının işlərinə və onlar tərəfindən gözlənilən yeni dəfnə budağının peyda olmasına həsr olunub. Lakin Lizzi, nəyə görə səndə elə bir görkəm var ki, elə bil bütün bunlar sənə zövq vermədi. Ümidvaram ki, sən toxunulmaz xəstəyə çevrilməyə hazırlaşmırsan və hər cür axmaq çərənləməyə görə sifətinə təhqir olunmuş adam ifadəsi verməyəcəksən. Məgər biz yalnız qonşularımıza əyləncə üçün bəhanə vermək və öz növbəmizdə onlara gülmək üçün yaşamınqmı? — Yox, yox, — Elizabet səsləndi, — məktub məni çox güldürdü. Ancaq bu çox qəribədir! — Bəs necə, bütün gözəllik də elə bundan ibarətdir. downloaded from KitabYurdu.org 483
Əgər onlar kimsə başqa birini seçsəydilər, belə maraqlı olmazdı. Ancaq onun sənə biganəliyi və sənin ona nifrətin bunu heyrətamiz mənasızlığa çevirir! Bilirsən ki, mən məktub yazmağı necə sevmirəm. Yenə də mən heç vəchlə Kollinzlə yazışmanı kəsməyəcəyəm! Mən onun ismanşlarmı oxuyanda istər-istəməz, hətta Uikhemin qarşısında belə, hər nə qədər əziz kürəkənimin həyasızlığını və ikiüzlülüyünü yüksək qiymətləndirsəm də, Kollinzə üstünlük verirəm. Yeri gəlmişkən, Lizzi, ledi Ketrin bu xəbər münasibəti ilə nə dedi? Səni öz xeyir- duasından məhrum etmək üçün gəlməmişdi ki? Bu suala cavab olaraq Elizabet yalnız güldü. Mister Bennet bu sualı hər hansı bir məna güdərək verməmişdi deyə, bundan belə daha onu suallarla incitmədi. Hələ heç vaxt Elizabet keçirmədiyi hissləri bu qədər çətinliklə üzündə ifadə etməli olmamışdı. Ağlamaq istədiyi vaxtda ondan gülməyi tələb edirdilər. Atasının mister Darsinin ona qarşı saymazlığı barədə dediyi sözlər isə qızı xüsusilə yaralamışdı. Elizabet heç cür qərar verə bilmirdi: onun kifayət qədər müşahidəçi olmamasına heyrətlənsin, yoxsa atasının əslində az şey gördüyünə yox, özünün həddən artıq çox şey gördüyünə əndişələnsin. XVI
FƏSİL Ledi Ketrinin ziyarətindən sonra mister Binqli dostunun Elizabetin gözlədiyi üzrxahlıq dolu məktubunun yerinə Lonqborna şəxsən mister Darsninin özünü gətirdi. Gənclər erkən gəldilər və missis Bennet mister Darsiyə downloaded from KitabYurdu.org 484
onun xalasını öz evində qəbul etmək şərəfinə nail olduğunu xəbər verməyə (onun qızı bunu ürəyi əsə-əsə gözləyirdi) macal tapmazdan öncə Ceynlə tezliklə ikilikdə qalmaq üçün təşnə olan mister Binqli hamıya gəzintiyə çıxmağı təklif etdi. Bu təklif bəyənildi. Missis Bennetin gəzmək vərdişi yox idi, Meridə isə heç vaxt boş zaman olmurdu, ancaq yerdə qalan beş nəfər elə o saat evdən çıxdı. Bu arada Binqli və Ceyn onlan ötüb keçməyə həvəslə imkan verdilər. Onlar aram-aram, getdikcə daha çox geri qaldılar. Elizabet, Kitti və Darsi bir-birini bacardıqları kimi əyləndirməli idilər. Yeri gəlmişkən, hər üçü olduqca az danışırdı. Kitti dilini udmuşdu, ona görə ki, Darsinin qarşısında çəkinirdi, Elizabet cəsur addım atmağa hazırlaşırmış kimi qətiyyətini toplayırdı, Darsi isə, ola bilər ki, eyni işlə məşğul idi. Onlar Lukas Loc istiqamətində gedirdilər. Kitti orada Mariya ilə görüşməyə hazırlaşırdı. Kitti ilə ayrılıq, Elizabetin fikrincə, ümumi narahatlıq üçün əsas olmadığı üçün onlar cəsarətlə ikilikdə getməkdə davam etdilər. Elə bir an yetişdi ki, Elizabet cürət göstərməli idi və özündə qətiyyət hiss edərək tələsik dedi: — Bilirsinizmi, mister Darsi, mən dəhşətli dərəcədə xudbinəm. Öz ürəyimi boşaltmaq üçün gözlənilmədən yükü sizin çiyininizə atmaq mənim əlimdə heç nədir. Beləcə, mən artıq bəduğur bacıma görə çəkdiyiniz qeyri- adi qayğı üçün sizə minnətdarlıq bildirməkdən özümü saxlamaq gücündə deyiləm. Hərəkətiniz barədə xəbər tutduğum ilk gündən bəri bu hissin məni necə downloaded from KitabYurdu.org 485
həyəcanlandırdığını sizə demək üçün hey ehtiyac hiss edirəm. Sizin rolunuz barədə ailəm də bilsəydi, əlbəttə ki, mənə təkcə öz adımdan minnətdarlıq etmək lazım gəlməzdi. — Mənə xoş deyil, doğrudan da, sizin bu barədə bilməyiniz mənim üçün çox xoşagəlməzdir, — Darsi özünü itirmiş halda dedi. — Bu məlumatların düzgün şəkildə təqdim olunmaması sizi əbəs yerə narahat edə bilərdi. Güman etməzdim ki, missis Qardiner bu qədər az etimada layiqdir. — Ah, yox, xalama əsəbiləşməyiniz qətiyyən lazım deyil. Bu işdə sizin rolunuz mənə hər şeydən öncə Lidiyanın yüngülməcazlığı sayəsində məlum oldu. Əlbəttə, bütün təfərrüatı öyrənməyincə, sakit yata bilmədim. Beləcə, yenə də icazə verin, üzərinizə bu qədər çox qayğı götürərək və qaçanların axtarışında o qədər xoşagəlməz hallara qatlaşaraq göstərdiyiniz alicənablığa görə bir daha sizə tamamilə ciddi şəkildə bütün ailəmiz adından minnətdarlıq bildirim. — Sizin mənə mütləq təşəkkür etməyiniz lazımdırsa, — o, cavab verdi, — qoy bu yalnız sizdən gəlsin. Məni bu işə qarışmağa sövq edən səbəblərdən birinin sizi sevindirmək arzusu olduğunu inkar edə bilmərəm. Sizin ailənin yerdə qalan üzvləri, onlara olan bütün hörmətimlə yanaşı, mənə heç nə borclu deyillər — mən yalnız sizin haqqınızda düşünürdüm. Elizabet nəsə deyə bilməyəcək qədər çox utandı. Uzun downloaded from KitabYurdu.org 486
çəkməyən sükutdan sonra həmsöhbəti əlavə etdi: — Siz mənim ürəyimlə oynamaq üçün çox nəcibsiniz. Apreldə danışdığımız vaxtdan bəri mənə münasibətiniz dəyişməyibsə, dərhal deyin. Mənim hisslərim və bütün düşüncəm dəyişməz qalır. Ancaq sizin bir kəlmə sözünüz kifayətdir ki, mən bir də bu haqda heç vaxt danışmayım. Onun vəziyyətinin naqolaylığım bütün qəlbi ilə dərk edən Elizabet özünü cavab verməyə məcbur etdi. O, o qədər bəlağətli olmasa da, dərhal ona bildirdi ki, aradan keçən müddətdə ona tamamilə başqa cür baxmağa başlayıb və hazırda onun bugünkü zəmanətini minnətdarlıq və sevinclə qəbul edir. Darsi hələ heç vaxt onu indiki kimi çulğayan belə xoşbəxtlik hissi yaşamamışdı. O bunu elə odlu-alovlu və dərin hissiyyatlı sözlərlə ifadə etməyə çalışdı ki, bunlar yalnız gerçək ehtirasın bürüdüyü insanda tapıla bilərdi. Elizabet onun gözlərinə baxmaq qabiliyyətində olsaydı, səmimi heyranlıq ifadəsinin onlan necə boyadığım görərdi. Ancaq baxmağa cürət etməsə də, onu dinləyə bilirdi. Darsi Elizabetin ondan ötrü necə mühüm olduğunu dediyi vaxt onun qıza bağlılığı getdikcə daha da dəyərli olurdu. Onlar
hara getdiklərini özləri də
bilmədən irəliləyirdilər. Diqqəti nəsə başqa bir şeyə cəmləmək üçün həddən artıq çox şeyi düşünmək, hiss etmək, danışmaq lazım idi. Tezliklə Elizabet aşkarladı ki, çox şeydə birbirini anlamalan üçün ledi Ketrinin səyləri onlara kömək edib. Xala, doğrudan da, Londondan keçərkən downloaded from KitabYurdu.org
487
onunla görüşüb və özünün Lonqborna səfəri, səfərin səbəbi və Elizabetlə söhbəti barədə ona danışıb. Ledi Ketrin xüsusilə vurğulayıb ki, miss Bennetin cavablan onun həyasızlığını və korlanmış olduğunu sübut edib. Əlbəttə, o, inanırmış ki, bu ona Lonqbornda ala bilmədiyi zəmanəti bacısı oğlundan almaqda kömək edəcək. Ancaq zati aliləri üçün daha pis olub, onun hekayəti əks-təsir göstərib. — Bu, məndə ona ümid yaratdı ki, — Darsi əlavə etdi, — indiyə qədər bu barədə arzulamağa belə cürət etməmişdim. Mən sizin dürüstlüyünüzü bilir və anlayırdım ki, siz qəti şəkildə mənə qarşı olsanız, bu barədə xalama düzünü də deyərdiniz. O qızarıb gülərək dedi: — Ah, bəli, siz mənim səmimiyyətimlə tanışsınız. Tamamən hesab edə bilərdiniz ki, mən buna qadirəm. Sizi üzünüzə qarşı söyüb-biabır edəndən sonra, əlbəttə, sizin haqqınızda öz rəyimi qohumlarınızdan kiməsə söyləmək mənim əlimdə çətin deyildi. — Məgər siz mənim haqqımda layiq olmadığım nəsə demişdiniz? Sizin mənim haqqımdakı rəyiniz yanlış məlumatlara əsaslansa da və yalan zəminlərdən qaynaqlansa da, həmin axşam mənim davranışım ən sərt mühakiməyə layiq idi. O, bağışlanmaz idi. Mən o barədə lərzəyə gəlmədən xatırlaya bilmirəm. — Gəlin, həmin axşam kimin günahının çox olması barədə mübahisə etməyək, — Elizabet dedi. — Ciddi mühakimə etsək, bizim hər birimiz özünü qüsursuz downloaded from KitabYurdu.org 488
aparmayıb. Ümid edirəm ki, o zamandan bəri biz hər ikimiz bir qədər nəzakət yığmışıq. — Mən özümü elə asan bağışlaya bilmirəm. O zaman nə danışdığım, davranışım, ədalanm, sözlərimə dair yaddaşım bütün bu aylar ərzində mənə rahatlıq verməyib. Sizin haqlı qınağınızı heç zaman unutmaram. O zaman siz belə demişdiniz: “Əgər siz özünüzü alicənab insana yaraşan şəkildə aparsaydınız...”. Siz bilmirsiniz, təsəvvür edə bilməzsiniz, bu cümləylə mənə necə ağrı-acı verdiniz. Yalnız bir müddət keçəndən sonra mən, etiraf edim ki, sizin nə qədər haqlı olduğunuzu anladım. — Ancaq mənim hətta ağlıma da gəlmədi ki, bu sözlər sizə belə təsir göstərə bilər. Qətiyyən düşünmədim ki, onlar sizə bərk toxunacaq. — Buna asanca inanıram. Siz axı gerçəkdən də hesab edirdiniz ki, mən təbii insan duyğularından məhrumam. Sizin üzünüzdə olan ifadəni heç vaxt unutmayacağam — o zaman ki, siz dediniz, mən sizi qəbul etmənizə yönəldəcək evlilik təklifi etmək üçün heç bir üsul tapa bilməzdim. — Xahiş edirəm, həmin axşam mənim dediklərimi daha artıq təkrar etməyəsiniz. Bütün bunlar səhv idi və unudulmalıdır. O barədə xatırlamaq mənə artıq çoxdan xəcalət verir. Darsi öz məktubuna toxundu. — Maraqlıdır, — o soruşdu, — o sizi mənim barəmdə daha yaxşı düşünməyə dərhalmı vadar etdi? Onu downloaded from KitabYurdu.org 489
oxuduğunuz zaman inandınızmı? Elizabet məktubun onda hansı təəssürat yaratdığından və qərəzinin necə tədricən çəkildiyindən danışdı. — Mən bilirdim ki, — Darsi dedi, — o sizi ağrıdacaq. Ancaq bu, zəruri idi. Ümidvaram ki, siz onu məhv etmisiniz? Bu saat siz o məktubun bəzi yerlərini, xüsusilə də birinci hissəsini təkrarən oxusaydınız, mənim üçün xoşagəlməz olardı. Ayrı-ayrı cümlələri xatırlayıram, buna görə mənə nifrət etmək olar. — Hesab edirsinizsə ki, mənim bağlılığımın möhkəmliyi üçün bu vacibdir, onu yandıraram. Ancaq o mənim duyğularıma təsir göstərə bilməz — onlar o qədər də dəyişkən deyillər. Hərçənd hər ikimiz bilirik ki, nədən onlar dəyişirlər. — Bu məktubu yazanda, — Darsi qeyd etdi, — mənə elə gəlirdi ki, soyuq və sakitəm. Ancaq indi bilirəm ki, o məktub yüksək ruhi gərginlik dəqiqələrində yazılıb. — Əvvəldə məktub doğrudan da kəskindir, hərçənd sonradan tamam başqa cür olur. Vidalaşma frazası şəfqətin özüdür. Ancaq gəlin o barədə düşünməyək. Onu yazanın və oxuyanın hissləri o dərəcədə dəyişib ki, onunla bağlı xoşagəlməz hallar unudulmalıdır. Mənim sizi hələ tanış edəcəyim fəlsəfi prinsiplərdən birində deyilir: “Nəyisə yalnız sənə zövq verəcəyi halda xatırla”. — Etiraf edim ki, mən belə fəlsəfəni o qədər də yüksək dəyərləndirmirəm. Xatirələrinizdə özünüzü heç nədə qınamağınız o qədər mümkün deyil ki, sizin downloaded from KitabYurdu.org 490
sakitliyiniz fəlsəfi fikir üzərində yox, daha möhkəm əsasda — təmiz vicdan üzərində dayanır. Məndə isə hər şey başqa cürdür. Mən beynimə gələn ağrılı xatirələri rədd etməli deyiləm, buna cürət etmirəm. Ömrüm boyu düşüncə tərzimdə olmasa da, hər halda, hərəkətlərimdə eqoist olmuşam. Mən uşaq olanda mənə yaxşı və pis şeylərə dair anlayışlar verirdilər, ancaq xasiyyətimi necə formalaşdırmağım lazım olduğunu göstərmirdilər. Mənə yaxşı prinsiplər təlqin ediblər, ancaq onlara qürurla və təkəbbürlə riayət
etməyə imkan
veriblər. Öz
bəxtsizliyimdən, mən yeganə oğul (uzun illər isə yeganə övlad) olaraq, həddən artıq səxavətli valideynlər (atam xüsusilə xeyirxah və həssas adam idi) tərəfindən ərköyün böyüdülmüşdüm. Onlar məndəki xudbinliyə rəvac verirdilər, bəyənirdilər, demək olar, məndə eqoistlik və amiranəlik, ailə çevrəmizdən kənarda olanlann hamısına etinasızlıq, yerdə qalan dünyaya ikrah, başqa adamların ağlını və xidmətlərini özümünkü ilə müqayisəyə heç cür qoymamağa hazırlıq tərbiyə edirdilər. Mən səkkiz yaşımdan iyirmi səkkiz yaşıma qədər beləydim. Siz mənim füsunkar, əziz dostum Elizabet olmasaydınız, indiyə qədər elə də qalardım! Mən nəylə sizə borclu deyiləm! Siz mənə əvvəlcə, düzü, mənə acı görünən, ancaq əslində qeyri-adi şəkildə faydalı olan bir dərs verdiniz. Siz mənə ruhi itaət öyrətdiniz. Mən sizə qəbul olunacağına şübhə etmədən evlilik təklif etdim. Siz isə mənə göstərdiniz ki, mənim bütün üstünlüklərində yanaşı, sevgisi gerçəkdən də əziz tutulmalı olan qadının məni downloaded from KitabYurdu.org
491
sevməsinə layiq deyiləm. — Doğrudanmı siz o zaman hesab edirdiniz ki, mən sizin təklifinizi qəbul edə bilərəm? — İş də elə bundadır! Siz mənim qürrəm barədə nə deyərsiniz? Mənə elə gəlirdi ki, siz məndən eşq etirafı gözləyirsiniz, buna çalışırsınız. — İnanın, bəlkə də arzuma rəğmən mənim davranışım nədəsə düzgün deyildi. Mən heç də sizi aldatmaq istəmirdim. Ancaq şən xasiyyətim məni heç lazım olmayan yerə apara bilərdi. Siz həmin axşamdan sonra mənə necə də nifrət edə bilərdiniz! — Sizə nifrət etmək? Ola bilər, mən əvvəldə əsəbiləşmişdim də. Ancaq tezliklə qəzəbim ona layiq olan adamın üstünə yönəldi. — Mən soruşmağa güc-bəla qərar verirəm, mənimlə Pemberlidə görüşəndə haqqımda nə düşündünüz? Mənim orada peyda olmağıma görə məni mühakimə etdiniz? — Nə danışırsınız, bir misqal da. Mən, sadəcə olaraq, olduqca heyrətləndim. — Siz o zaman məndən çox heyrətlənə bilməzdiniz. Vicdanım mənə söylədi ki, mən bu qədər nəzakətli rəftara heç də layiq deyiləm və etiraf edim ki, mənimlə sırf əməlimə görə davranılacağını gözləyirdim. O zaman mən isə istədim ki, - Darsi cavab verdi, - bacardığım qədər bütün diqqətimi sizə yönəldim və sizi kinli olmadığıma əmin edim. Mən bağışlanmağa nail olmağa ümid edirdim, özüm haqqındakı pis qənaəti downloaded from KitabYurdu.org 492
dağıtmağa çalışırdım, göstərmək istəyirdim ki, sizin qınaqlarınız mənim xeyrimə olub. Dəqiq deyə bilmərəm, o zaman məndə bəzi başqa arzular da əmələ gəldi - düşünürəm ki, bu sizi görəndən yarım saat keçməmiş oldu. Darsi Elizabetin onun bacısının xoşuna necə gəldiyindən və Corciananın bu tanışlığın qəflətən kəsilməsindən çox məyus olduğundan danışdı. Onun söhbəti buradan təbii olaraq bunun nəyə görə baş verdiyi məsələsinə keçdi. Elizabet öyrəndi ki, Derbişirdən Lidiyanın axtarışına getmək qərarı onda hələ mehmanxananı tərk etməzdən yaranıb. Onun qayğılı və məyus görkəmi həmin vaxt keçirdiyi daxili mübarizənin əsəri olub. Elizabet bir daha ona öz minnətdarlığını bildirdi, ancaq bu onların hər ikisi üçün həddən artıq ağrılı mövzu olduğuna görə tezliklə ikisi də susdu. Onlar hiss olunmadan bir neçə mil dolaşaraq, saata baxdıqda birdənbirə anladılar ki, artıq evə qayıtmalıdırlar. Binqli və Ceynin harada daldalana biləcəklərilə maraqlanaraq, bu gənc cütlük haqda danışdılar. Darsi onların nişanlanmasmdan şad olduğunu, dostunun bu barədə ona dərhal xəbər verdiyini bildirdi. — Deyin, siz buna təəccübləndiniz? — Elizabet soruşdu. — Azacıq da olsa, yox. Yola düşməzdən öncə mən artıq başa düşmüşdüm ki, bu gün-sabah nişan baş tutacaq. — Başqa sözlə, siz ona razılıq vermişdiniz? Mən belə downloaded from KitabYurdu.org
493
də güman edirdim. Darsi bu cür nəticə çıxarmağa etirazını bildirsə də, Elizabet anladı ki, iş məhz bu cür olub. — Londona getməyim ərəfəsində, — Darsi davam etdi, — mən ona, ehtimal ki, xeyli əvvəl etməli olduğum bir etirafı etdim. Mən dedim ki, nə qədər qaba və əsassız şəkildə onun həyatına müdaxilə etmişəm. O, olduqca təəccübləndi, çünki bu, hətta onun ağlına belə gəlmirmiş. Mən onu da dedim ki, sizin bacınızın onun hisslərinə qarşılıq verməyəcəyini düşünərkən, böyük ehtimalla, səhv etmişəm. Bu zaman əmin oldum ki, onun Ceynə meyli yox olmayıb və ona görə də gələcək xoşbəxt ittifaq məndə şübhə doğurmadı. Onun dostunun davranışını sərbəstcə idarə etməsi Elizabetdə gülüş doğurmaya bilmədi. — Siz Ceynin onu sevdiyini müşahidələriniz əsasında dediniz, yoxsa naharda məndən eşitdiyiniz sözlərə görə? — Elizabet soruşdu. — Mən buna öz gözlərimlə görərək əmin oldum. Lonqborna son iki gəlişimiz zamanı Ceynə göz qoyaraq artıq onun duyğulanna şübhə edə bilmədim. — Yaxşı, sizin sözləriniz isə onu dərhal inandırdı, eləmi? — Bəli. Binqli doğrudan da qeyri-adi dərəcədə təvazökardır. Özünə inamsızlığı ona çox mühüm məsələlərdə mühakiməsinə güvənməyə imkan vermir. Ancaq onun mənə etibar etməsi sayəsində hər şey öz downloaded from KitabYurdu.org 494
yerində oturdu. Mən əvvəlcə onu haqlı olaraq narahat edən bir halı ona açmalıydım. Mən özümə rəva görmədim ki, bacınızın üç qış ayını Londonda keçirdiyini, bunu bildiyimi və bunu ona bilərəkdən demədiyimi gizləyərək saxlayım. O əsəbiləşdi. Ancaq onun qəzəbi, əminəm ki, bacınızın ona qarşı hisslərinə şübhəsi kəsilən kimi çəkildi. Bu saat o, artıq məni ürəkdən bağışlayıb. Elizabetin dilinin ucuna Binqlinin öz böyük yoldaşının məsləhətinə baxmağa hazır olan necə bir əvəzedilməz dost olduğu barədə irad gəldi. Ancaq Darsini hələ öz zarafatlarına alışdırmağın lazım gəldiyini xatırlayaraq özünü saxladı. Buna indidən girişmək hələ çox riskli idi. Yüklə 3,22 Mb. Dostları ilə paylaş:
|