çapdığını gördü.
O, dərhal sevincək olaraq qızlarını pəncərəyə çağırdı.
Ceyn masa arxasındakı yerini tərk etmək istəmədi. Ancaq
Elizabet anasını məmnun etmək üçün yaxınlaşdı, həyətə
baxdı və Binqli ilə yanaşı mister Darsini görərək, böyük
bacısının yanında oturdu.
—
Onunla hansısa bir centlmen gəlib, ana, — Kitti
dedi.
downloaded from KitabYurdu.org
441
— Bu kim ola bilər?
—
Onun hansısa tanışıdır, əzizim, haradan bilim?
— Oy! — Kitti qışqırdı. — Deyəsən, bu, əvvəllər hər
yerdə onunla birlikdə olan centlmendir. Mister, adı nədir
onun,
— belə hündür və məğrur?
— İlahi! Mister Darsi! Əlbəttə, odur, nəyə desəniz,
and içərəm. Neynək, biz mister Binqlinin hər bir dostunu
salamlamağa şadıq. Ancaq onlar dost olmasaydılar, mən
deyərdim ki, təkcə onun görkəmindən mən qəzəbə
doluram.
Ceyn Elizabetə çaşqınlıq və təəssüf dolu baxışla
baxdı. O, Derbişirdə baş verənlər barədə, demək olar, heç
nə bilmirdi. Ona görə də o özlüyündə bacısının
utanmasını həmin unudulmaz məktubu almasından sonra
bu adamı ilk dəfə gördüyündən olduğunu xəyal etdi. Hər
iki bacının əhvalı birtəhər oldu. Hər ikisini həyəcan və
qarşılıqlı acıma hissi çulğadı. Ona görə də onlar anasının
mister Darsiyə qarşı nifrəti və onunla yalnız mister
Binqlinin dostu olduğuna görə nəzakətlə davranmaqda
qərarlı olduğu barədə çərənləməsini
eşitmədilər. Lakin Elizabetdə narahatlıq üçün bacısına
tamamilə məlum olmayan səbəb vardı. O, missis
Qardinerin məktubunu ona göstərməyə və Darsiyə
münasibətinin dəyişdiyini deməyə cürət etməmişdi. Ceyn
üçün o, sadəcə, evlilik təklifinə bacısının imtina cavabı
verdiyi və ləyaqətini qiymətləndirmədiyi bir insan idi.
Lakin Elizabet daha çox şey bilirdi. O, Darsidə onun
downloaded from KitabYurdu.org
442
ailəsinə lütfkarlıq göstərmiş bir dost görürdü və onun bu
şəxsə bəslədiyi hisslər o qədər incə deyildisə də, ən azı
Ceynin Binqliyə olan duyğuları qədər haqlı və layiqli idi.
Onun gəlişi, Nezerfilddə və Lonqbornda peyda olması,
onunla yenidən görüşməyə açıq-aşkar can atması - bütün
bunlar qızı, demək olar, onların Derbişirdə ilk görüşləri
zamanı
Darsinin
davranışmdakı
dəyişiklikdən
təəccübləndiyi qədər heyrətləndirirdi.
Darsinin bağlılığının və onun ürəyini fəth etmək
səyinin bu qədər uzun müddətdə dəyişməz qaldığını
düşünəndə onun yanağından çəkilmiş allıq çöhrəsində
daha bərk parladı və fərəhli təbəssüm üzünü nurlandırdı.
Ancaq o, özünü əbəs yerə ümidləndirmək istəmirdi.
“Əvvəlcə baxaq, görək, o özünü necə aparacaq. -
Elizabet öz-özünə dedi. - Xəyal bəsləməyə hələ macal
taparıq”.
O, tikişə dalaraq oturmuşdu, qəlbindəki çaxnaşmanı
ram etməyə çalışırdı və nəzərlərini yuxan qaldırmağa
cürət etmirdi. Yaxınlaşan addım səslərini eşidərək
maraqla yanında oturan bacısına baxdı. Ceyn bir qədər
solğun idi, ancaq özünü Elizabetin gözlədiyindən sakit
tuturdu. Qonaqlar görünən zaman o, yüngülcə qızardı.
Hər halda, o, onları sərbəst qarşıladı və onun ləyaqət dolu
davranışında inciklik kölgəsi və ya qabardılmış
gülərüzlülük sezilmədi.
Elizabet dostlannm hər biri ilə ədəb qaydalannm tələb
etdiyi qədər danışdı və yenidən tikişə girişdi. Yalnız bir
dəfə o, Darsiyə baxmağa cəsarət etdi. Həmişə olduğu
downloaded from KitabYurdu.org
443
kimi, o, qıza ciddi göründü və Elizabet düşündü ki, bu saat
o, əvvəlcə Hartfördşirdə gördüyü Darsiyə daha çox
oxşayır, nəinki Pemberlidə tanıdığı Darsiyə. Ancaq bəlkə
o, missis Bennetlə yanaşı durduğu üçün özünü mister və
missis Qardinerlərin yanında olduğu kimi apara bilmir?
Nə qədər məyusedici olsa da, belə bir ehtimal ona daha
həqiqətəbənzər göründü.
Elizabet Binqliyə də səthi nəzər salmağa macal tapdı
və bu zaman müşahidə etdi ki, o, xoşbəxt və utancaq
görünür. Missis Bennet onu ifrat lütfkarlıqla qarşıladı.
Böyük bacılar xüsusilə bu qəbulla onun dostunun layiq
görüldüyü rəsmi salamlama arasındakı ziddiyyətə görə
özlərini naqolay hiss etdilər.
Bu fərq sevimli qızını rüsvayçılıqdan xilas edən
Darsiyə missis Bennetin borclu olduğunu bilən Elizabetə
daha ağrılı hisslər yaşatdı.
Darsi Elizabetdən mister və missis Qardinerlərin
cansağlığı barədə soruşaraq, qızı elə utandırdı ki, o, güclə
cavab verə bildi və sonra, demək olar, bir kəlmə də danışa
bilmədi. Onlar bir-birindən kifayət qədər uzaq
oturmuşdular və Darsinin susqunluğu məhz bununla izah
olunurdu. Ancaq Derbişirdə hər şey başqa cür idi. Orada
o, qızla danışa bilməsə də, onun dostları ilə söhbət edirdi.
Burada isə neçə-neçə dəqiqələr ərzində Darsinin səsi,
ümumiyyətlə, eşidilmədi. Elizabet marağa boğularaq
zaman-zaman ona qaçaraq nəzər salanda görürdü ki, Darsi
eyni dərəcədə tez-tez ona və Ceynə baxır, bundan daha
çox isə, sadəcə, gözlərini aşağı dikir. Onun
downloaded from KitabYurdu.org
444
narahatlığının və ötən dəfəki görüşlə müqayisədə ona xoş
olmağa daha az hazır olmasının kifayət qədər sadə izahı
vardı. Elizabet məyus olmuşdu və buna görə özünə sərt
halda acığı tuturdu.
“Məgər mən başqa şey gözləyə bilərdim? - o özündən
soruşurdu. - Yenə də axı o, nə üçün gəlib?”
O, başqa heç kimsə ilə danışmaq istəmirdi və Darsiyə
xitab etməyə cəsarəti çatmırdı. Onun bacısının kef-halını
soruşduqdan sonra daha Elizabet başqa heç nə düşünə
bilmədi.
— Siz necə də çoxdan getmisiniz, mister Binqli! —
missis Bennet qeyd etdi.
Mister Binqli həvəslə razılaşdı.
— Mən artıq qorxmağa başlamışdım ki, siz heç
qayıtmayacaqsınız. Danışırdılar ki, guya Mixaylov
gününə qədər icarədən imtina edəcəksiniz. Ümid edirəm
ki, bu baş verməyəcək? Sizin yoxluğunuzda çox şey
dəyişib! Miss Lukas ərə gedib və indi öz evində yaşayır.
Mənim qızlarımdan biri də həmçinin. Güman ki,
eşitmisiniz — bu barədə qəzetlərdə oxuya bilərdiniz. Mən
bilirəm ki, bu barədə “Kuryer” və “Tayms”
qəzetlərində xəbər verilmişdi. Hərçənd, əlbəttə, lazımi
qaydada deyildi. Yalnız belə yazılmışdı: “Bu günlərdə
Corc Uikhem miss Lidiya Bennetlə evləndi”. Və nə qızın
atası barədə, nə o haradandır — heç nə, bir kəlmə də
yazılmamışdı. Bu mənim qardaşım Qardinerin əl işidir.
Sadəcə, başa düşə bilmirəm, o bu işi necə belə bədnam
şəkildə gördü. Siz oxumuşdunuz?
downloaded from KitabYurdu.org
445
Binqli təsdiqləyici cavab verdi və fürsətdən istifadə
edərək öz təbriklərini dilə gətirdi. Elizabet gözlərini
qaldırıb baxmağa cəsarət etmirdi, ona görə də bu zaman
mister Darsinin necə göründüyünü bilmirdi.
— Əslində qızın uğurla ərə getməsi xoşdur, — missis
Bennet davam etdi. — Bununla yanaşı, onu məndən
ayırmaq qəddarlıq idi. Onlar uzaq şimala, Nyukasla
getdilər. Əfsus, onlar o yerlərdə, Allah bilir, nə qədər
yaşayacaqlar. Onun alayı orada yerləşir. Siz, yəqin ki,
bilirsiniz, o, Derbişir alayından çıxıb və nizami orduya
daxil olub. Allaha şükür, onun əsl dostları varmış.
Hərçənd onun layiq olduğu qədər çox deyillər.
Bu sözlərin mister Darsinin ünvanına tuşlandığını
anlayan Elizabet özünü o dərəcədə alçalmış hiss etdi ki,
yerində güclə
oturub qala bildi. Ancaq məhz bu sözlər onun qəlbini
əvvəllər çatışmayan qətiyyətlə doldurdu və söhbətə
qoşulmağa vadar etdi. O, Binqlidən Nezerfilddə neçə
müddətə yerləşdiyini soruşdu və öyrəndi ki, o, burada bir
neçə həftə keçirməyə ümid edir.
— Siz öz malikanənizdə bütün quşları güllələyəndən
sonra, — missis Bennet müdaxilə etdi, — lütfən bizə
gəlin, mister Binqli. Siz mister Bennetin mülkündə
istənilən qədər ov edə bilərsiniz. İnanın, bu zövqü sizə
bəxş etməkdən məsud olar və ən yaxşı ehtiyatlan sizin
üçün qoruyub saxlamağa çalışar.
Anasının ifrat və zəhlətökən yarınması Elizabeti daha
möhkəm utandırdı. O əmin idi ki, ötənilki ümidlər
downloaded from KitabYurdu.org
446
yenidən dirçəlmiş olsaydı, çox tezliklə bir daha dilxorçu
məyusluqla sona çatardı. Ona elə gəlirdi ki, bu
dəqiqələrdə onun və Ceynin keçirdiyi əzab öz qarşılığını
hətta illərin xoşbəxtliyi ilə də ala bilməz.
“Mənim ən böyük arzum - o, özlüyündə düşünürdü, -
bu insanları bir daha heç vaxt görməməkdir. Öz mühitləri
ilə onlar
bu qədər iztirab çəkməyə layiq olan zövq bəxş etmirlər.
Qoy nə bu, nə də o biri yolumun üstünə çıxmasınlar!”
O,
Ceynin
füsunkarlığının
onun
əvvəlki
pərəstişkarının duyğularına necə möhkəm təsir etdiyini
gördükdə öz qarşılığını hətta illərin xoşbəxtliyinin belə
ödəyə bilməyəcəyi əzabı Elizabetə o qədər də ağır
görünmədi. Yenicə gəldikləri vaxt Binqli onunla bir az
danışmışdı. Ancaq hər keçən dəqiqə ilə onun qıza diqqəti
daha da artdı. Ceyn onun gözünə keçən il olduğu kimi
gözəl görünürdü. Həminki kimi sevimli, eyni cür təbii,
ancaq bir qədər daha susqun. Ceyn hər vəchlə çalışırdı ki,
ondakı dəyişiklik hiss olunmasın və hesab edirdi ki,
əvvəllər olduğu kimi, o qədər danışır. Ancaq onun beyni
o qədər gərgin çalışırdı ki, fikirli olduğunu özü də tez-tez
fərq etmirdi.
Gənclər getməyə hazırlaşanda missis Bennet var gücü
ilə Binqliyə qayğı göstərməkdə davam edərək, onu yaxın
günlərin birində Lonqbornda nahara dəvət etmək
fürsətindən yararlandı.
— Mister Binqli, siz axı mənə borclusunuz, — o,
əlavə etdi. — Yadınızdadırım, siz ötən qış şəhərə gedəndə
downloaded from KitabYurdu.org
447
vəd etdiniz ki,
qayıdan zaman bizə nahara gələcəksiniz. Gördüyünüz
kimi, mən onu unutmamışam. Etiraf edirəm, o zaman öz
vədinizi
yerinə
yetirmək
üçün
Hartfördşirə
qayıtmadığınızda mən çox məyus olmuşdum.
Bu sözlər Binqlidə müəyyən çaşqınlıq yaratdı və
cavabda onu ləngidən işlər barədə nəsə mızıldadı. Bunun
ardınca onlar getdilər.
Missis Bennet çox istəyirdi ki, onlan elə həmin gün
nahara dəvət etsin. Ancaq Lonqbomda həmişə əla masa
olsa da, qərara gəldi ki, bu qədər böyük ümidlər bağladığı
insana lütf göstərmək, həmçinin onun on min funt illik
gəliri olan dostunun iştahasını və qürurunu məmnun
etmək üçün xörəklərin sayını ən azı iki dəfə artırmaq
gərəkdir.
XII
FƏSİL
Onlar gedən kimi Elizabet həyəcanını bir qədər azaltmaq
üçün gəzintiyə çıxdı. O, kənar müdaxilə olmadan günün
hadisəsi üzərində, xüsusilə də duyğularını yaralamış
olaylar barədə düşünmək istəyirdi. Hər şeydən çox onu
mister Darsinin davranışı heyrətləndirdi və incitdi.
O başa düşmürdü: “Bütün vaxtı susqun halda,
sifətindəki etinasız ifadəni qoruyub saxlayaraq oturmağa
hazırlaşırdısa, o, nə üçün gəlmişdi?”
Elizabet onu sevindirə biləcək hər hansı bir izahat
tapmadı.
“Hələ tam bu yaxınlarda Londonda o, dayım və xala
ilə gülərüz və lütfkar ola bilmişdi. Nə üçün o mənimlə də
downloaded from KitabYurdu.org
448
o cür deyildi? O mənimlə özünü naqolay hiss edirsə, onda
bura gəlməsi nəyinə lazımdır? Onun artıq mənimlə bir işi
yoxdursa, belə qapalılıq haradandır? Bu insan mənim
fikrimi necə də aparır? Onun barəsində bir də heç vaxt
düşünməyəcəyəm”.
Bir müddət o öz vədini güclə tutmalı oldu. Xoşbəxt
görkəmli Ceyn gəlib ona yetişdikdə aydın oldu ki, səhər
ziyarəti bacısı ilə müqayisədə ona daha böyük zövq bəxş
edib.
— İndi, — o dedi, — birinci görüşün artıq geridə
qaldığı vaxt ürəyim xeyli sakitdir. Mən öz gücümə əmin
oldum və onun gəlişi daha məni utandırmayacaq. Hətta
mənə xoşdur ki, o, həftənin ikinci günü bizdə nahar
edəcək. Bununla yanaşı, hər kəs əmin ola bilər ki, bizim
aramızda adi tanışlıqdan başqa bir şey yoxdur.
— Bəli, bəli, əlbəttə, ən adisindən, — Elizabet gülə-
gülə cavab verdi. — Ah, Ceyn, Ceyn, ehtiyatlı ol!
— Lizzi, əzizim, sən doğrudanmı məni o qədər zəif
sayırsan ki, mənə görə hansısa narahatlıq keçirirsən?
— Mən hesab edirəm ki, onun sənə daha da bərk
vurulmasından əndişələnməlisən.
-x-**
İkinci günə qədər gənclər görünmədilər. Bu günlərdə
missis Bennetin ürəyində mister Binqlinin yarım saatlıq
ziyarəti zamanı görünən şən görkəminə və lütfkarlığına
əsaslanan ən xoşbəxt ümidlər baş qaldırdı.
Həftənin ikinci günü Lonqbornda böyük camiə
yığışdı. Səbirsizliklə gözlənilən iki qonaq əsl idman
downloaded from KitabYurdu.org
449
həvəskarlarına yaraşan şəkildə düz təyin olunmuş vaxtda
gəldilər. Hamı yeməkxanaya yönəldiyi vaxt Elizabet
maraqla müşahidə etməyə başladı ki, Binqli əvvəllər
Ceynin yanında ona məxsus olmuş yerdə oturacaqmı.
Eyni düşüncəylə həyəcanlanan tədbirli anası onu öz
yanında oturtmağı nəzərdə tutmamışdı. Binqli otağa daxil
olarkən müəyyən tərəddüd içində duruxdu. Ancaq Ceyn,
guya ki, təsadüfən ətrafa boylandı, sanki bilməyərəkdən
gülümsədi - hər şey həll olundu. O, qızla yanaşı əyləşdi.
Elizabet onun dostuna təntənə ilə baxdı. Darsi baş
verənlərə nəcib soyuqqanlılıqla yanaşdı. O, Darsinin
onlara tuşlanan və zarafatla dolu narahatlıq ifadə edən
baxışlarını fərq etməsəydi, elə düşünə bilərdi ki, Binqli
ondan xoşbəxt olmağa icazə rica edib.
Nahar zamanı Binqlinin Ceynə münasibətdə özünü
aparması açıq-aşkar onun qıza nə qədər istəkli olduğunu
sübut edirdi. Əvvəlki görüşlərlə müqayisədə o, böyük
ehtiyatlılığa riayət etsə də, aydın idi ki, onlara mane olan
olmasa, o və Ceyn yaxın gələcəkdə səadətə qovuşacaqlar.
Hadisəni qabaqlayaraq riqqətə gəlməyə cəsarət etməyən
Elizabet Binqlinin davranışını müşahidə edərək
məmnunluq hissi keçirirdi. Və bu onun o qədər də şən
olmayan ovqatını qismən dəyişən yeganə təsəlli idi.
Mister Darsi missis Bennetlə yanaşı, bir masa arxasında
nə qədər mümkün ola bilərdisə, o qədər Elizabetdən
uzaqda oturmuşdu. Elizabet yaxşı başa düşürdü ki, belə
bir qonşuluqdan onların ikisi də necə az zövq alır və bu,
onların davranışında necə əks olunmalıdır. O bu
downloaded from KitabYurdu.org
450
məsafədən onlann sözlərini eşidə bilmirdi. Ancaq o, yaxşı
görürdü ki, onlar necə nadir hallarda bir-birinə xitab
edirlər və bu müraciətlər hansı dərəcədə quru və
təmkinlidir. Anasının kərəmsizliyi Elizabeti Darsiyə nə
qədər çox borclu olduqlarını daha kəskin şəkildə duymağa
vadar etdi. Hərdən o, ona ailədə kiminsə bunu bildiyini və
onun tərəfindən edilmiş yaxşılıqları gerçəkdən
qiymətləndirdiyini demək imkanı üçün istənilən qurbanı
verməyə hazır olurdu.
Elizabet ümid edirdi ki, axşam boyunca hansısa bir
təsadüf onların yanaşı durmasına səbəb olacaq və bu
ziyarət onunla Darsi arasında mükaliməsiz, görüşdükləri
vaxt bir neçə rəsmi salamlama mübadiləsindən daha
əhatəli söhbət olmadan bitməyəcək. Kişilərin gəlişinə
qədər o, qonaq otağında əndişələnmiş və həyəcanlanmış
halda, yorğun və otaqda yoxmuş kimi elə oturmuşdu ki,
qaba görünə bilərdi. Onların gəlib çıxmasını o, elə bir
hisslə gözləyirdi ki, sanki bugünkü axşamın ona hansısa
bir sevinc gətirib-gətirməyəcəyi bütövlükdə həmin
anlardan asılı idi.
“Əgər o bu dəfə də mənə yaxınlaşmasa, - öz-özünə
deyirdi, - mən biləcəyəm ki, o mənim üçün həmişəlik
itirilib”.
Kişilər daxil oldular. Mister Darsinin görünüşünə görə
mühakimə yürüdülərsə, o, qızın ümidlərinə cavab
verməyə meyilli görünürdü. Ancaq Heyhat! Ceynin çay,
Elizabetin qəhvə süzdüyü masanı xanımlar elə sıx dairəyə
almışdılar ki, yaxınlıqda onun otura biləcəyi bir yer
downloaded from KitabYurdu.org
451
qalmamışdı. Gənclər
yaxınlıqda olduqları vaxt qızlardan biri Elizabetə qısılaraq
pıçıldadı:
— Mən istəmirəm ki, kişilər bizi ayrı salsınlar! Axı
onlardan heç biri lazım deyil, elədirmi?
Darsi otağın o biri küncünə çəkildi. Elizabet onunla
söhbətə girişən hər kəsə həsəd apara-apara və
məclisdəkilərin hamısını qəhvəyə qonaq etməyə səbrinin
çatmayacağmdan qorxa-qorxa onu gözləri ilə müşayiət
etdi. Birdən öz sadəlövhlüyü onu hiddətləndirdi.
“Təklifini rədd etdiyim insan! Onun məni yenidən
sevəcəyini
düşünməyim mən tərəfdən necə də
axmaqlıqdır! Məgər ikinci dəfə təklif etməsi üçün
mülayimliyi yetən güclü cins nümayəndəsi tapılarmı?
Yəqin ki, onlann özlərinə bundan artıq alçalma təsəvvür
etmələri çətindir”.
Ancaq Darsi ondan fincanına ikinci dəfə qəhvə
süzməyi xahiş edəndə qıza bir qədər rahatlıq gəldi. O,
fürsətdən yararlanaraq soruşdu:
—
Bacınız hələ də Pemberlidə yaşayır?
—
Bəli, o, Milad bayramına qədər orada qalacaq.
— Bəs onunla heç kəs qalmadı? Doğrudanmı bütün
dostlar onu tərk etdi?
— Missis Ensli hələ oradadır. Başqa xanımlar üç həftə
əvvəl Skarboroya getdilər.
O, deməyə daha heç nə tapmadı. Ancaq Darsi söhbəti
davam etdirmək istəsəydi, özü hər hansı bir mövzu
düşünə bilərdi. Buna baxmayaraq, o, susqun halda bir
downloaded from KitabYurdu.org
452
neçə dəqiqə qızın yanında durdu və yalnız qızlardan biri
Elizabetin qulağına yenə nəsə pıçıldayanda kənara
çəkildi.
Çay dəsgahı yığışdırıldı, kart masaları açıldı.
Xanımlar qalxdılar və Elizabet ümid etdi ki, o, tezliklə
onun yanma gələcək. Ancaq bu dəfə də məyusluğa düçar
oldu: bir də gördü ki, vist oyunçuları axtaran missis
Bennet onu qamarladı və qarşısında əyləşdirdi. Artıq o bu
axşamdan bir şey gözləmirdi. Onlar qonaqlar gedincəyə
qədər otağın müxtəlif künclərində oturmalı idilər və o,
indi yalnız ona ümid edə bilərdi ki, Darsi nəzərlərini onun
oturduğu masaya həddən artıq tez-tez yönəldəcək, onun
özü kimi binəsib oyunçu olduğu məlum olacaq.
Missis Bennet mister Binqlini və onun dostunu hələ
şam yeməyinə saxlamaq niyyətinə də düşmüşdü. Ancaq
onun bəxtindən Binqlinin ekipajı birinci hazır oldu və o,
onların yola düşməsinə mane olmaq üsulu tapa bilmədi.
— Həə, qızlar, — nəhayət, hamı dağılışandan sonra o
dedi, — bugünkü axşam barədə nə deyirsiniz? Hər şey ən
yaxşı şəkildə keçdi. Siz fikir verdiniz, masa necə gözəl
açılmışdı. Maral əti qətiyyən artıq bişməmişdi — hamı
deyirdi ki, hələ belə şirəli bud əti görməyib. Məgər
şorbanı bir həftə əvvəl Lukaslarda yediyimiz şorba ilə
müqayisə etmək olardı? Hətta mister Darsi də təsdiqlədi
ki, torağaylar əla bişirilib. Özü isə, yəqin ki, ən azı iki, ya
üç fransız aşpaz saxlayır. Ceyn, əzizim, sən hələ heç vaxt
belə gözəl görünməmişdin. Missis Lonq da belə hesab
edir — sualıma cavab olaraq birbaşa belə də dedi.
downloaded from KitabYurdu.org
453
Bilirsənmi, o zaman o nə əlavə etdi? “Ah, missis Bennet,
o, Nezerfilddə yaşamağa məhkum olub!” Bəli, bəli, bəli,
belə də dedi! O, missis Lonq elə vəfadardır, onunla kim
müqayisə olunar? Necə də tərbiyəli bacıqızları var,
hərçənd, düzdür, kifirdirlər. Mən, sadəcə, onlan çox
istəyirəm!
Sözün qısası, missis Bennet möhtəşəm ovqatdaydı. O,
mister Binqlinin Ceynə münasibətdə özünü aparmasına
kifayət qədər çox tamaşa etmişdi və onda tam yəqinlik
hasil olmuşdu ki, axırda o, hər halda Ceynin əri olacaq.
Yaxşı ovqatda olduğundan gözləyirdi ki, həmin xoşbəxt
hadisə ağlasığmaz sürətlə inkişaf edəcək. Ancaq ertəsi
gün o, onun qızı üçün elçiliyə gəlməyəndə missis Bennet
xeyli məyus oldu.
— Bu necə də ecazkar bir gün idi, — Ceyn bacısına
müraciət edərək dedi. — Bütün camiə uğurla seçilmişdi
— hamı bir-birinə münasib idi. Ümidvaram ki, biz sonra
da görüşəcəyik.
Elizabet gülümsədi.
— Nə üçün gülürsən, Lizzi? Məndən şübhələnməyə
əsasın yoxdur. Bu mənə xoş deyil. İnan, mən indi, sadəcə,
xoş və ağıllı gənc kimi onunla söhbətdən zövq almağı və
bu zaman heç bir duyğu hiss etməməyi öyrənmişəm.
Əmin oldum ki, onda mənim qəlbimi fəth etmək üçün
azacıq da olsun həvəs olmayıb. Bu, yalnız elə görünə
bilərdi, ona görə ki, başqa insanlardan
fərqli olaraq, onda heyrətamiz məftunedicilik qabiliyyəti
və ətrafdakıların hamısına sevinc bəxş etmək arzusu var.
downloaded from KitabYurdu.org Dostları ilə paylaş: |