Birinci kitab
Yüklə 3,22 Mb. Pdf görüntüsü
|
|
şəkildə ayin və mərasimləri həyata keçirmək olacaq. Kilsə xadimi olaraq mən həmçinin nüfuzum yetə bilən bütün ailələr arasmda sülh və lülf səpməyi öz borcum sayıram. Bu səbəbdən mən özümü ümidə kökləyirəm ki, Siz mənim bu xoş məramımın ifadəsinə iltifatla yanaşacaqsınız və mənim Lonqbornun varisi olduğuma alicənabcasuıa göz yumaraq, tərəfimdən sizə uzadılmış zeytun budağını rədd etməyəcəksiniz. Mən çox üzülürəm ki, istəmədən Sizin gözəl qızlarınızın rifahına zərbə vuran alət rolunu oynayıram və onlara üzrxahlığımı yetirməyi özümə rəva görərək, Sizi əmin etməyə tələsirəm ki, bu zərərin yerini necəsə ödəmək üçün məndən asılı olan hər şeyi etməyə hazıram... Ancaq bu barədə bir qədər sonra. Əgər mənim ziyarətimə qai'şı Sizin etirazınız yoxdursa, mən öziimə Sizi və Sizin ailəni bazar ertəsi, noyabrın 18-də, saat dörddə ziyarət etmək və Sizin qonaqpərvərliyinizdən, ola bilər, növbəti həftənin şənbə gününə qədər yararlanmaq məmnunluğu bəxş etmək istəyirəm. Həmin müddətdə kilsədən kənarda olmağı əhəmiyyətli itki olmadan özümə rəva görə bilərəm, çünki ledi Ketrin hərdən bazar günləri mənim xidmətdə olmamağıma etiraz etmir - əlbəttə ki, bu gün üçün vacib olan kilsə vəzifələrini əvəzimdən hansısa bir ruhani şəxsin icra edəcəyi təqdirdə. Əziz ser, Sizin xanımınıza və qızlarınıza hörmətlə təzim etməkdə qalıram. Sizin xeyirxahınız və dostunuz downloaded from KitabYurdu.org 85
Uilyam Kollinz”. — Beləliklə, saat dörddə biz evimizdə bu sülhməramlını gözləyə bilərik — mister Bennet məktubu qatlaya-qatlaya dedi. — Belə görünür ki, o, qeyri-adi sayğıdəyər və tərbiyəli bir gəncdir. Güman edirəm ki, bu tanışlığa ciddi dəyər verəcəyik, xüsusilə də əgər ledi Ketrin bundan sonra da lütfkarlıqla onu bizim diyar tərəfə buraxacaqsa. — Onun bizim qızlar haqqında yazdığı sözlərdə, mənə elə gəlir ki, hansısa məna var. Əgər o, onlar üçün nəsə etmək istəyirsə, mən onu dilə tutmağa hazırlaşmıram. — Təsəvvür etmək çətindir ki, o bizə dəyən zərərin yerini necə ödəməyə hazırlaşır, — Ceyn dedi. — Ancaq artıq təkcə istəməsi belə ona şərəf verir. Elizabetin gözünə hər şeydən çox, onun ledi Ketrinə olan ehtiramı və öz icmasının ehtiyacı olduğu qədər xaç suyuna çəkməyə, nikahlamağa, dəfn etməyə vicdanla yanaşması çarpdı. — Əcəb maraqlıdır. Bu bizimlə əminəvəsi düşür, — o dedi. — Onu dərhal anlamaq çətindir. Bir də o öz vərəsəlik hüquqları üçün nəyə görə üzrxahlıq edir? Bu, nə təntənəli üslubdur! İnanmaq çətindir ki, o bizə kömək edəcək — hətta buna qadir olsa da. Ser, siz düşünürsünüz ki, o, ağıllı adamdır? — Xeyr, əzizim, tamam elə düşünmürəm. Mən nəsə tamam əksinə bir şey gözləyirəm. Onun məktubu elə bir köləlik və mənəm-mənəmliyin qarışığıdır ki, gözəl əlamət rolunu oynayır. Ona görə də onu görmək mənim üçün çox downloaded from KitabYurdu.org 86
maraqlıdır. — Üsluba gəlincə, — Meri dedi, — onun məktubu qüsursuzdur. Zeytun budağına dair fikir bəlkə yenilik saçmır, amma pis ifadə edilməyib. Ketrin və Lidiya üçün məktub və onun müəllifi heç bir maraq kəsb etmirdi. Gözləmək olmazdı ki, əminəvəsi qırmızı mundirdə gələcək, son həftələrdə başqa rəngli paltar geyən kişi cəmiyyəti onlara heç bir məmnuniyyət vermirdi. Oxunan məktub mister Kollinzə münasibətdə missis Bennetin qəlbindəki pis niyyətləri elə dağıtdı ki, o, görüşə səylə hazırlaşmağa başladı və bununla ərini və qızlarını xeyli təəccübləndirdi. Mister Kollinz düz təyin olunmuş vaxtda gəlib çıxdı və bütün ailə onu iltifatla qarşıladı. Düzdür, ev sahibi yalnız qısa “xoş gəldin”lə kifayətləndi, əvəzində xanımlar kifayət qədər dilli-dilavər idilər, mister Kollinz isə ürəkləndirilməyə ehtiyac duymurdu və susqunluğu ilə seçilmirdi. Onun 25 yaşlı, hündürboy və dolubədənli, mühüm görünüşlü və ciddi maneralı bir gənc olduğu bəlli oldu. İlkin tanışlıqdan beş dəqiqə keçməmiş o, artıq missis Bennetə onun, barələrində çox eşitdiyi qızlarının qeyri- adi gözəlliyinə dair kompliment bəxş etdi. Bununla yanaşı, o, hazırkı halda söylənənlərin hətta onların gerçək dəyərlərini azaltdığını etiraf etdi və əmin olduğunu bildirdi ki, onlar yaxın gələcəkdə əla tərəfmüqabil olacaqlar. Belə cəsurluq, doğrusu, onun bəzi dinləyicilərinin o qədər də zövqüncə olmadı. Ancaq bütün downloaded from KitabYurdu.org
87
komplimentlərdən xoşlanan missis Bennet onu tam xeyirxahcasına qəbul etdi. — Ser, siz gerçəkdən də çox yaxşı adamsınız. Mən bütün qəlbimlə arzu edirəm ki, sizin təxminləriniz doğrulsun, — başqa cür onları çox kədərli bir tale gözləyir. Vəziyyət çox cəfəng şəkil alıb!.. — Yəqin siz mənim vərəsəlik hüququmu nəzərdə tutursunuz? — Əlbəttə, ser! Özünüz başa düşürsünüz ki, bu mənim bədbəxt qızlarım üçün necə dəhşətlidir. Mən heç də sizi günahkar saymıram — belə şeylər yalnız durumdan asılıdır. Mülk kişi xətti üzrə keçdikdə kimə desən qismət ola bilər. — Xanım, mən gözəl əminəvələrimə bu qeyri-əlverişli durumla bağlı acıyıram və bu barədə bir şeylər demək istərdim. Ancaq hadisələri qabaqlamamaq üçün mən hələ çəkinirəm. Yalnız gənc xanımları əmin edə bilərəm ki, buraya onların gözəlliklərinə heyran olmağa hazır gəlmişəm. İndi mən heç nə əlavə etmirəm, ancaq yaxından tanış olduqda... Bu yerdə onun nitqi nahara dəvətlə kəsildi. Xanımlar bir- birilə baxışıb gülüşdülər. Onlann gözəlliyi mister Kollinzdən ötrü yeganə heyranlıq predmeti deyildi. Qonaq otağı, yeməkxana, şərait - hər şey onun diqqətli baxışma məruz qaldı və yüksək qiymətləndirildi. Bu təriflər, əlbəttə ki, missis Benneti mütəəssir edə bilərdi. Ancaq mister Kollinzin bütün bunlara öz gələcək mülkiyyəti kimi downloaded from KitabYurdu.org 88
baxması fikri onun qəlbini dondururdu. Nahar öz növbəsində çox coşqulu mühakimələr seli doğurdu, mister Kollinz bu vazkeçilməz yeməklər üçün əmisi nəvələrindən hansının qabiliyyətinə borclu olduqlarını öyrənmək istədi. Fəqət, burada ev sahibəsi qonağı yerində oturdaraq, qürurlu bir şəkildə dedi ki, o, yaxşı aşpaz saxlamağa qabildir və qızlarının mətbəxdə işi yoxdur. Qonaq buraxdığı səhv üçün ondan üzr istəməyi lazım bildi və missis Bennet yumşalaraq dedi ki, ondan az olsa da inciməyib. Ancaq mister Kollinz hələ saatın dörddəbiri qədər vaxt ərzində üzr istəməkdə davam etdi. XIV FƏSİL
Bütün nahar boyunca mister Bennet, demək olar, heç kəslə danışmadı. Ancaq xidmətçi uzaqlaşdıqdan sonra o, qonaqla söhbət etmək üçün münasib vaxtın yetişdiyi qərarına gəldi. Mister Kollinzi şübhəsiz ki, qızışdırmalı olan mövzuya toxunan mister Binqli qeyd etdi ki, belə görünür, o öz lütfkar rəhbərindən çox məmnundur. Ledi Ketrin de Börün onun istəklərinə acıması və mister Kollinzin rahatlığının qayğısına qalması ilk baxışdan sıradan olmayan bir hal kimi görünə bilər. Mister Bennet çətin ki, söhbət üçün bundan uğurlu mövzu tapa bilərdi. Qonaq ledi de Bör barədə böyük heyranlıqla danışmağa başladı. Mövzu onun danışıq üslubunu hətta özü üçün də qeyri- adi şəkildə təmtəraqlı etdi. O, tam əminliklə bildirdi ki, bütün həyatı boyu ona ledi Ketrin qədər səbirlə və xeyirxahlıqla yanaşan yüksək mənsəbli şəxsin davranışını müşahidə etməyib. Kollinzin ledinin iştirakı ilə vəz etmək downloaded from KitabYurdu.org
89
şərəfinə nail olduğu hər iki moizəni o, nəzakətlə bəyənib. Ledi de Bör iki dəfə onu Rozinqsdə nahara dəvət edib və cəmi bir həftə öncə arxasınca adam göndərib ki, keşiş onun kadrildə (dörd cütlü rəqs) axşam oyunlarında iştirak etsin. Məlum olduğu kimi, çoxları hesab edir ki, ledi Ketrin həddən artıq məğrurdur. Ancaq ona münasibətdə xanım qeyri-adi şəkildə mehribandır. Lütfkar xanım onunla həmişə istənilən başqa centlmenlə danışdığı kimi danışır. Ledi onun yerli ictimaiyyətlə tanışlığına heç bir etiraz etməyib, zamanzaman kilsəni bir-iki həftəliyə gələn qonaqlarının sərəncamına verməsinə qarşı çıxmayıb. Xanım hətta o yerə qədər enib ki, ona imkan daxilində tezliklə evlənməyi, ancaq bunu lazımi ehtiyatlılıqla etməyi məsləhət görüb, bir dəfə isə mister Kollinzi onun sadə yuvasında ziyarət edib. Ledi orada apanlan bütün təkmilləşdirmə işlərini bəyənib, hətta ikinci mərtəbədəki dolabda rəflərin quraşdırılması sahəsində ona müəyyən məsləhətlər də verib. — Bütün bunlar onun tərəfindən qeyri-adi şəkildə tərifəlayiqdir və əlbəttə ki, olduqca böyük lütfkarlıqdır, — missis Bennet qeyd etdi. — Cəsarətlə deyə bilərəm ki, o, fövqəladə dərəcədə xoş bir qadın olmalıdır. Əfsus ki, mənsəbli qadınların çoxu ona oxşamır! O sizin yaxınlığınızdamı yaşayır, ser? — Mənim sadə məskənimin yerləşdiyi bağla lütfkar xanımın iqamətgahınm yerləşdiyi Rozinqs parkını yalnız bir xiyaban ayırır. downloaded from KitabYurdu.org 90
— Mənə elə gəldi ki, siz onun dul olduğunu dediniz, ser? Onun övladları varmı? — Onun cəmi bir qızı var — o, Rozinqsin, xeyli mühüm mülkün varisidir. — Heyhat, — miss Bennet başını yelləyərək səsləndi. — Bu halda o, bir çox başqa xanımlardan daha bəxtəvərdir. Bəs bu alicənab xanım özü necədir? Gözəldirmi? — O, gerçəkdən də füsunkar gənc ledidir! Onun anası ledi Ketrin özü də deyir ki, gözəlliyinə görə miss de Bör öz cinsinin digər nümayəndələrindən xeyli ötədir, çünki bu qızda onu ali nəcabətli başqa gənc xanımlardan fərqləndirən cəhətlər var. Bədbəxtlikdən, onun zəif cüssəsi var və bu, ona bir sıra incəsənət növlərində uğur qazanmağa mane olur. Onun tərbiyəsi ilə məşğul olan xanımların dediyinə görə, onun təkcə sağlamlığı möhkəm olsaydı, miss de Bör çox uzağa gedərdi. O, o qədər sevimlidir ki, ponilər qoşulmuş balaca faytonu ilə gəzməyə çıxanda mənim sadə məskənimi tez- tez öz ziyarətinə layiq görür. — O, artıq saraya təqdim edilib? Mən onun adma saray xanımlarının siyahısında rast gəlməmişəm. — Heyhat, bədbəxtlikdən sağlamlığı ona şəhərdə yerləşməyə imkan vermir. Bu durum, mənim bir dəfə ledi Ketrinin özünə dediyim kimi, Britaniya sarayını ən yaxşı zinətindən məhrum edib. Mənim bu qeydim lütfkar xanımın çox xoşuna gəldi. Etiraf edim ki, mən xanımlann xoşuna gələn bu kimi zərif komplimentlərə tez-tez əl downloaded from KitabYurdu.org 91
atıram. Məsələn, mən bir neçə dəfə ledi Ketrinə demişəm ki, onun qızı hersoginya olmaq və başqa xanımların özünü zinətləndirən yeri zinətləndirmək üçün doğulub... Mən bu kimi xırda və sevimli incəlikləri ifadə etməklə lütfkar xanıma diqqətli olmağı müqəddəs borcum hesab edirəm. — Siz tam məntiqli düşünürsünüz, — mister Bennet dedi, — Sizin xoşbəxtliyinizdir ki, belə incə şəkildə qılıqlanmaq istedadınız var. İcazə verin soruşum, bu sevimli diqqət ifadələri sizdə bir anlıq fikir parıltısı kimi yaranır, yoxsa siz bunları öncədən uydurursunuz? — Adətən onlar həmişə baş verənlərə aid olur. Hərçənd hərdən mən əyləncə xatirinə asudə vaxtlarımda həyatın müxtəlif hallarına uyğun gələn kiçik-kiçik incə sürprizlərin ixtirası ilə məşğul oluram, ancaq təqdim edərkən həmişə onlara ekspromt forma verməyə çalışıram. Mister Bennetin gözləntiləri bütünlüklə təsdiqləndi. Əmioğlunun axmaqlığı onun ümidlərini doğrultdu. Sifətinə ciddi ifadə verərək qonağı dinləyən mister Bennet ürəkdən əylənirdi. Bununla belə, əgər onun Elizabetə nəzər saldığı nadir hallan saymasaq, o bu ləzzəti onunla böləcək tərəf-müqabilə heç bir ehtiyac hiss etmirdi. Axşam vaxtının çay dəsgahına qədər onların qəbul etdiyi doza artıq o qədər çox oldu ki, mister Bennet əmisi oğlunu qonaq otağına ötürərək, qadınlara kitabdan bir şey oxumasını rica etdi. Mister Kollinz həvəslə razılaşdı və ona kitab gətirdilər. Ancaq o, kitaba nəzər salaraq (kitabın downloaded from KitabYurdu.org 92
ümumi kitabxanadan olduğunu asanca görmək olardı), dərhal diksindi və üzr istəyərək heç vaxt roman oxumadığını bildirdi. Kitti təəccüblə gözünü ona zillədi, Lidiya hətta heyrətdən dua etdi. Başqa kitablar gətirildi və bir qədər düşünəndən sonra o, Fordaysın moizələrinin üstündə dayandı. Cild açılan kimi Lidiyanı əsnək bürüdü. O, yeknəsəq səslə üç səhifə oxumağa macal tapmamış Lidiya onun sözünü yarıda kəsərək səsləndi: — Ana, eşitmisiniz, Filip dayı Riçardı işdən azad etmək istəyir? Əgər o buna qərar versə, Riçardı polkovnik Forster öz yanma alacaq. Bu barədə mənə şənbə günü xalam dedi. Sabah Meritona getmək və hər şeyi təfsilatı ilə soruşmaq lazım gələcək. Eyni zamanda gərək öyrənək ki, mister Danni şəhərdən nə vaxt qayıdacaq. İki böyük bacılar Lidiyadan xahiş etdilər ki, o dilini dinc saxlasın, ancaq qəlbinin dərinliyinə qədər təhqir olunmuş mister Kollinz kitab oxumağı təxirə saldı və dedi:
— Mən tez-tez müşahidə etməli oluram ki, gənc ledilər onların faydası üçün yazılmış ciddi məzmunlu kitablarla, əfsus ki, az maraqlanırlar. Etiraf edirəm ki, bu, məni çox heyrətləndirir. Gerçəkdən də onlar üçün yaxşı nəsihətdən faydalı nəsə ola bilərmi? Ancaq mən bir də mənim gənc əminəvələrimin qulağını dəng etməyəcəyəm... — O, mister Bennetə tərəf dönərək ona bir tas nərd oynamağı təklif etdi. Mister Bennet qonağın qızlara öz boş-boş downloaded from KitabYurdu.org 93
qayğıları ilə məşğul olmaq imkanı verərək tam ağıllı hərəkət etdiyini görüb dəvəti qəbul etdi. Missis Bennet və onun qızları ən səmimi şəkildə Lidiyanm şuluqluğu üçün üzr istədilər, vəd etdilər ki, əgər o kitab oxumağı davam etdirsə, bundan belə o, heç bir bənzər hərəkətə yol verməyəcək. Ancaq mister Kollinz gənc əminəvəsinə qarşı ən xəfif kin belə saxlamadığını və onun hərəkətinin özü üçün heç də təhqiramiz olmadığını bildirərək, mister Bennetlə başqa masanın arxasına keçdi və nərd oynamağa hazırlaşdı. XV
FƏSİL Mister Kollinz istedadlı adam deyildi. Təbiətin bu səhvinin yeri
onda tərbiyə
və ünsiyyətcilliklə doldurulmamışdı. Ömrünün böyük hissəsini o, təhsilsiz və xırdaçı insan olan atasının nəzarəti altında keçirmişdi. Universitetdə olarkən o, elm kurslarını dinləmişdi, amma heç bir faydalı tanışlıqlar qurmamışdı. İlkin olaraq onun xasiyyətinə köləlik calaq edən ata tərbiyəsindən məzlum olmuş mister Kollinz zaman keçdikcə öz əli, öz başı olaraq sərbəst yaşayan və həyatda gözlənilmədən erkən uğur qazanmış ağıllı adama xas mənəm-mənəmlik keyfiyyəti qazandı. Xoşbəxt təsadüf sayəsində o, Hansford kilsəsi boşalan zamanlarda ser Luis de Börün dul xanımının gözünə göründü. Ledinin yüksək ranqma ehtiram, xanım rəhbərin şəxsiyyətinə pərəstiş və bununla yanaşı, öz ruhani nüfuzuna, kilsə icmasının rəhbəri hüququna malik olan personası haqda yüksək fikirdə olması ondan xasiyyətində özünəməxsus şəkildə downloaded from KitabYurdu.org 94
yekəxanalıq və yaltaqlığın, mənəm- mənəmlik və alçaldılmışlığm iç-içə olduğu bir insan əmələ gətirmişdi. Yaxşı mənzilə yiyələnən və kifayət qədər yaxşı gəliri olan Kollinz evlənmək niyyətinə düşmüşdü. Mister Bennetin ailəsi ilə barışmaq axtarışlarında olarkən o, onun qızlarından birini almaq fikrinə gəlmişdi. Mister Kollinz bu izdivaca o şərtlə qol qoyacaqdı ki, tanışlıq zamanı qızların gözəlliyi və isməti barədə ona gəlib çatmış söz- söhbətlər öz təsdiqini tapsın. Onun Bennet ailəsinə vərəsəlik hüquqları ilə bağlı vurulmuş zərərin yerinin doldurulması planı bundan ibarət idi. Mister Kollinz özü hesab edirdi ki, onun beyninə qeyri-adi dərəcədə uğurlu, hamı üçün məqbul bir ideya gəlib və eyni zamanda bu plan onun heç bir şəxsi mənfəət güdmədiyini göstərdiyi üçün şəxsinin alicənablığına dəlalət edir. Onun planı öz qohumunun ailəsi ilə tanışlıqdan sonra dəyişmədi. Əksinə, böyük miss Bennetin gözəl çöhrəsindəki düşüncə mister Kollinzi öz niyyətində möhkəmlətdi. Eyni zamanda o, yaşca böyüklüklə əlaqədar hüquqa öz mühafizəkar baxışlarının doğru olduğuna yenidən inandı. Beləliklə, birinci axşam ərzində onun seçdiyi Ceyn oldu. Fəqət növbəti səhər onun fikirlərində bəzi düzəlişlər etdi. Səhər yeməyindən öncə on beş dəqiqə ərzində missis Bennetlə “tet-a-tet” söhbət apardı. Onlann arasındakı söhbətdə Hansforddakı keşiş evindən bəhs olunurdu, sonra söhbət təbii bir şəkildə axaraq mister Kollinzin bu evə downloaded from KitabYurdu.org 95
Lonqbornda yaxşı sahibə tapmaq ümidinə keçdi. Onun bu niyyətini, ümumiyyətlə, tam bəyəndiyini göstərən xoş təbəssümünün arasında missis Bennet qonağa, onun seçmiş olduğu qızma - Ceynə münasibətdə xəbərdarlıq edə bildi: missis kiçik qızlarma dair də söz deməyi özünə rəva görə bilməz, - bəlkə də kifayət qədər məlumatı yoxdur, amma ona qızların hər hansı bir könül bağlılıqlarının olması məlum deyil. Böyük qıza gəlincə, o, Ceynə münasibətdə özünü xəbərdarlıq etməyə borclu bilir, çünki yaxın vaxtlarda onun nişanlanması tamamilə mümkündür. Mister Kollinzə yalnız bir əminəvəsini digəri ilə dəyişmək lazım gəlirdi. Missis Bennetin sobada kömürləri qarışdırdığı bir vaxtda o bunu etdi. Ceynə, demək olar, yaşda və görünüşdə tən gələn Elizabet böyük bacı hüquqlarının təbii varisinə çevrildi. Missis Bennet mister Kollinzin eyham etdiyi niyyətini yüksək qiymətləndirdi, yaxın vaxtlarda iki ərli qızı olacağına inandı. Dünənə qədər adını eşitmək istəmədiyi adam indi onun yanında rəğbətli mövqe tuturdu. Lidiya Meriona getmək arzusunu unutmadı və Meridən başqa bütün bacılan onunla birlikdə gəzməyə getməyə qərar verdilər. Mister Bennetin xahişi ilə mister Kollinz onları müşayiət etməli idi. Ev sahibi ondan qurtulmağı çox istəyirdi və kitabxananı öz sərəncamına almaq fikrindəydi. Bu gün səhər yeməyindən sonra qonaq onun arxasınca kitabxanaya gəlmiş və orada guya ki, maraqlandığı ən qalın kitabı götürərək, öz qohumunu downloaded from KitabYurdu.org 96
Hanforddakı ev və bağ barədə çərənləmələrlə təngə gətirmişdi. Əmisi oğlunun bu cür davranışı mister Benneti tamamilə hövsələdən çıxarmışdı. Kitabxanada o, həmişə rahatlıq və sakitlik tapırdı. Mister Bennetin Elizabetə etiraf etdiyi kimi, evin istənilən hissəsində daima axmaqlıq və
mənəm-mənəmlik təzahürləri ilə qarşılaşmağa hazır olsa da, burada onlardan dincəlməyə adət etmişdi. Ona görə də onun mister Kollinzə qızlarla gəzməyə getmək təklifi güclü bir şəkildə edildi. Mütaliədənsə gəzməyə daha çox meyilli olan mister Kollinz bənzər həvəslə bu təklifi qəbul etdi və dərhal öz böyük foliantım qapadı. Meriton yolunda, demək olar, yalnız mister Kollinz danışırdı, onun təmtəraqlı zəvzəməsi hərdən əmisi nəvələrinin nəzakətli iradları ilə kəsilirdi. Ancaq özlərini şəhərcikdə görəndən sonra kiçik bacılar ona diqqət yetirməyə son qoydular və zabitləri görmək məqsədilə ətrafa boylanmağa başladılar. Onlan bu məşğuliyyətdən yalnız dükanların pəncərəsində nümayiş etdirilən xüsusilə gözəl şlyapa və ya yenicə gətirilmiş tül yaylıq nümunəsi ayıra bilərdi. Tezliklə xanımların nəzərini küçənin qarşı tərəfində hansısa bir zabitlə gəzişən alicənab görünüşlü, bir naməlum gənc cəlb etdi. Onlar bir-birinin tuşuna çatanda zabit təzim etdi. Bu, Lidiyanın Meritonda gəlişinin vaxtını öyrənmək istədiyi Denni idi. Onun yoldaşı qızlara cazibəsinə dayanılmaz təəssürat bağışladı və onlar onun kim ola biləcəyini təxmin etməyə girişdilər. Kitti və downloaded from KitabYurdu.org 97
Lidiya bunun aydınlaşdırılmasım sonraya saxlamaq istəmədilər və özlərini guya yaxınlıqdakı dükana gedirlərmiş kimi göstərərək küçənin o üzünə keçdilər. Onlara küçənin o biri tərəfinə keçmək Yüklə 3,22 Mb. Dostları ilə paylaş:
|