xoşbəxtliyi məhz elə bir anda nəsib oldu ki, həmin vaxt
gənclər geri döndülər və dükanın yerləşdiyi səmtə
gəldilər. Mister Denni dərhal onları söhbətə tutdu və
dostunu təqdim etmək üçün icazə istəyərək dedi ki, bu,
mister Uikhemdir, bu günlərdə Meritona gəlib və onun
onlann polkuna qəbul edildiyini xəbər verməkdən çox
xoşbəxtdir. Hər şey ən münasib şəkildə alınmışdı. Gənc
adamın tam cazibədar olması üçün yalnız polk mundiri
çatışmırdı. Gəncin xarici görünüşü onun lehinəydi. Onda
hər şey yaxşı idi: düzgün sifət cizgiləri, əla qədd-qamət,
xoş ədalar. Xanımlara təqdim olunan kimi o, dərhal
özündə rahat söhbətə istək aşkar etdi - onun bu xoşbəxt
istəyində azacıq da olsa sünilik nəzərə çarpmırdı.
Kampaniya ayaq üstə duraraq, nəzakətlə danışarkən, at
dırnaqlarının tappıltısının səsi gəldi və uzaqda küçə
boyunca çapıb gələn Darsi və Binqli göründü. Tanış
xanımları görən süvarilər atlarını yaxma sürdülər və
onlara öz ehtiramlarını bildirdilər. Başlıca olaraq Binqli
danışırdı. Onun nitqi, demək olar, bütünlüklə böyük miss
Bennetə
ünvanlanmışdı.
Binqlinin
dediyinə
görə,
onlar
Lonqborna, onun sağlıq durumundan xəbər tutmağa
gedirmişlər. Mister Darsi başını tərpətməklə təsdiq etdi və
özünün
Elizabetə
diqqət
yetirməmək
niyyətini
downloaded from KitabYurdu.org
98
xatırlayaraq, qəflətən baxışlarını ona naməlum olan
şəxsin üzərində saxladı. Bu zaman təsadüfən birinə və
digərinə baxan Elizabet bu görüşün onlara göstərdiyi
təsirdən heyrətləndi: onların ikisinin də sifəti dəyişdi - biri
tutuldu, digəri qızardı. Bir neçə saniyədən sonra mister
Uikhem əlini şlyapasına apararaq salam verdi, ancaq
mister Darsi bu salamı dilucu aldı. Bu, nə demək idi?
Buna izahat düşünmək mümkün deyildi. Həmçinin özünü
bunun arxasında gizlənən sirrə dalmaq arzusundan
saxlamaq da çətin idi.
Bir dəqiqə keçər-keçməz mister Darsi sağollaşdı və
baş verənləri sezməmiş kimi dostu ilə birlikdə atını çapıb
getdi.
Mister Denni və mister Uikhem gənc lediləri mister
Filipsin evinə qədər ötürdülər və burada Lidiyanın evə
getməyə dair israrlı dəvətlərinə və başını pəncərədən
çıxarmış missis Filipsin hündür səslə alqışlayaraq dəvəti
dəstəkləməsinə baxmayaraq, onlara baş əyərək ayrıldılar.
Bu xanım öz bacısı qızlarını görməyə həmişə şad idi.
İki böyük bacının son günlər görünməməsi Ceyn və
Elizabetin gəlişini xüsusilə arzuolunan etmişdi. O, dərhal
onların Lonqborna erkən qayıdışının onu necə
təəccübləndirməsindən
danışmağa
başladı.
Onlar
başqasının ekipajı elə qayıtmışdılar və missis Filips bu
barədə xəbər tuta bilməyəcəkdi - əgər mister Consun
aptekində işləyən oğlan uşağı ona rast olmasaydı və ona
artıq hər iki miss Bennetin Nezerfilddən ayrıldığı üçün
daha oraya dərman aparmayacağmı deməsəydi. Bu vaxt
downloaded from KitabYurdu.org
99
onun diqqəti Ceynin təqdim etdiyi mister Kollinzə cəlb
olundu.
Missis Filips onu ən nəzakətli şəkildə qarşıladı və qonaq
da ona daha böyük nəzakətlə cavab verdi. Mister Kollinz
onunla tanışlıq şərəfinə nail olmadan evə soxulduğu üçün
üzr istəyərək, özünə ümid verirdi ki, ola bilər, bu hərəkəti
hər halda onu missis Filipsin diqqətinə təqdim edən gənc
ledilərlə qohum olmasıyla əsaslanmış olur. Missis Filips
bu qədər tərbiyəli qonağın qarşısında heyranlıq duydu.
Ancaq onu dərhal bir yad adamdan yayındıraraq başqası
barədə sorğu-suala tutdular və o, əfsus ki, öz bacısı
qızlarına, artıq yenicə bildikləri xəbərləri
verə bildi: Uikhemi Londondan Danni gətirib və o,
Derbişir alayında leytenant rütbəsində xidmətə başlamağa
hazırlaşır. Xanımın sözlərinə görə, o, artıq onların
küçəsində gəzişdikləri vaxt zabitlərə bir saat ərzində göz
qoyub və əgər mister Uikhem yenidən onun pəncərəsinin
altına gəlsə Kitti və Lidiya, şübhəsiz ki, həmin an bu
məşğuliyyəti davam etdirə bilərlər. Fəqət bədbəxtlikdən,
küçədə bir-iki zabitdən başqa heç kəs gözə dəymədi.
Həmin zabitlər isə qızları maraqlandıran gənclərlə
müqayisədə “önəmsiz və diqqətəlayiq olmayan” biriləri
kimi göründülər. Ertəsi gün polkdan kimsə Filipslərə
qonaq gəlməli idi və xala ərini dilə tutmağa girişdi ki, əgər
Lonqborndan qohumlan onun yanma gəlsələr, o, mister
Uikhemi də qonaq çağırsın. Missis Filipsin dəvəti dərhal
qəbul edildi və xala vəd etdi ki, yüngül isti şam
yeməyindən sonra onlar şən-şən loto oynaya bilərlər.
downloaded from KitabYurdu.org
100
Hamı bu qədər xoş əyləncənin gözlənilməsinə görə
sevindi və bir-birindən olduqca məmnun halda ayrıldılar.
Getməzdən öncə mister Kollinz yenidən üzrxahlıq etməyə
başladı və ev sahibəsi nəzakətlə üzrə gərək olmadığını
bildirdi.
Lonqborna qayıdarkən yolda Elizabet Ceynə onun
gözləri qarşısında iki gənc adam arasında olub-
bitənlərdən danışdı. Ancaq bacısı onların ayrı-ayrılıqda
hər birini və eyni zamanda hər ikisini mümkün
ittihamlardan müdafiə etməyə hazır olduğu üçün bu
səhnəni anlamaq ona hələ çox çətin idi.
Mister Kollinz missis Filipsin manera və lütfkarlığım
tərifləyərək qızların anasına böyük məmnunluq bəxş etdi.
Onun fikrincə, ledi Ketrini və miss de Börü nəzərə almasa,
o, hələ heç vaxt bu qədər tərbiyəli xanıma rast gəlməyib.
Missis Filips onu öz evində bu qədər nəzakətlə qarşıladığı
azmış kimi, onunla indiyə qədər tanış olmaq şərəfinə nail
olmasa da, sabah axşam onu yenə dəvət edib. Müəyyən
dərəcədə bu onun Bennet ailəsi ilə qohumluqla izah
olunur, ancaq hər halda, o, hələ heç vaxt öz şəxsinə bu cür
diqqət görməyib.
XVI
FƏSİL
Bütün miss Bennetlərin xalalarının evinə yollanmaq
arzusu onların valideynləri tərəfindən bəyənilsə də, ev
sahibi və sahibəsinin bir axşamlıq tərk etməkdən
ehtiyatlanan mister Kollinzin etirazları qətiyyətlə rədd
edildi və kareta uyğun zamanda gənc adamı və onun beş
əmisi nəvəsini Meritona çatdırdı. Evə yetişdikləri vaxt
downloaded from KitabYurdu.org
101
xanımlar məmnunluqla öyrəndilər ki, mister Uikhem
mister Filipsin dəvətini qəbul edib və artıq dəvətli
qonaqların sırasındadır.
Hamı bu xəbəri eşitcək qonaq otağına daxil olub
yerlərində qərar tutduqları vaxt mister Kollinz, nəhayət,
ətrafa boylanmaq və öz müşahidələrindən vəcdə gəlmək
imkanı əldə etdi. Onun sözlərinə görə, o, zalın
böyüklüyündən və şəraitin möhtəşəmliyindən o qədər
heyrətlənib ki, özünü Rozinqsin özündə səhər yeməyi
üçün olan kiçik yay otağmdaymış kimi təsəvvür edib.
İlk baxışdan bu cür müqayisə missis Filipsə o qədər
də tərifli görünmədi. Ancaq Kollinz ona Rozinqsin necə
olduğunu və bu mülkün kimə məxsusluğunu başa salanda,
ledi Ketrinin evində yalnız bir qonaq otağının təsvirini
eşidəndə, təkcə sobanın ev sahibəsinə səkkiz yüz funta
başa gəldiyini biləndə miss Filips ona edilmiş
komplimentin əhəmiyyətini tam miqyasında dəyərləndirə
bildi. Bundan sonra o, çətin ki, özünün ön qonaq otağının
yüksək mənsəbli saray əyanının otağı ilə müqayisə
edilməsindən inciyərdi.
Ledi Ketrinin və onun mülkünün əzəmətini təsvir
edən, arada söhbətə özünün sadə yuvası və onda aparılmış
təkmilləşdirmə barədə söz qatan mister Kollinz kişilər
gələnə qədər vaxtını çox xoş keçirdi. Missis Filipsin
simasında o, qeyri-adi dərəcədə diqqətli dinləyici
tapmışdı. Bu xanımın onun şəxsiyyəti barədə müsbət rəyi
hekayətçinin hər sözü və əldə olunan məlumatları
mümkün qədər tez öz tanışları ilə paylaşmaq arzusu ilə
downloaded from KitabYurdu.org
102
bərabər yüksəlirdi. Əmi nəvəsini dinləməkdən təngə
gəlmiş və səbirsizliklə musiqi gözləməkdən və sobadakı
Çin rəsmlərinin miyanə imitasiyasma tamaşa
etməkdən başqa əlacları olmayan qızlar üçün vaxt
olduqca ağır gedirdi. Budur, nəhayət, gözləmə dəqiqələri
sona yetdi. Kişilər gəlib çıxdılar və Uikhem otağa daxil
olanda Elizabet başa düşdü ki, ilk görüş zamanı ona baxıb
və nəticədə onun barəsində müəyyən heyranlıqla
düşünüb. Derbişir alayının zabitlərinin əksəriyyəti yaxşı
gənclər idi, gecədə onların ən seçilmişləri iştirak edirdi.
Ancaq mister Uikhem onlardan istənilən birini öz
görkəmi, qaməti, maneraları və yerişi ilə elə üstələyirdi ki,
eynilə onlar özləri də arxalannca içəri girən Filip əmidən
- bu, vaxtı sona çatan çaxır çəlləyinə dönmüş, kökəlib
göbək bağlamış kişidən o qədər sərfəli şəkildə
fərqlənirdilər.
Mister Uikhem kişi cinsinə mənsub olan o
bəxtəvərlərdən idi ki, zalda olan xanımların hamısının
gözü ona zillənmişdi. Elizabet isə onların arasında həmin
bəxtəvər idi ki, Uikhem nəhayət, özünə yeri gəlib onun
yanında tapdı. O oturan kimi, o dəqiqə onunla havanın
yaxşı olması barədə söhbətə başladı. Hava olsa-olsa
axşam rütubəti və yaxınlaşmaqda olan yağışdan başqa bir
şey olmasa da, Elizabet hiss etdi ki, ən darıxdırıcı və
çeynənmiş mövzu həmsöhbətin müvafiq
ustalığı
sayəsində xeyli maraqlı ola bilər.
Mister Uikhem və onun zabit dostları kimi zərif cinsin
diqqəti uğrunda mübarizə aparan bu cür rəqiblər mister
downloaded from KitabYurdu.org
103
Kollinzi tamam arxa plana çəkilməyə vadar etdilər.
Xanımlar üçün gerçəkdən mövcudluğunu dayandırdı.
Ancaq zaman- zaman o, missis Filipsin simasında həssas
dinləyici qazanır və onun qayğısı sayəsində qəhvə və kökə
sandan korluq çəkmirdi.
Kart masaları döşənəndə o, oyunda iştirak edərək öz
növbəsində nəzakət sərgiləmək imkanı əldə etdi.
— Mən hələlik o qədər də təcrübəli tərəfdaş deyiləm,
— o dedi, — ancaq mənə təkmilləşmək gərəkdir. Çünki
mənim həyatdakı mövqeyim...
Missis Filips dəvəti qəbul etdiyi üçün çox minnətdar
oldu, amma onu sonadək dinləyə bilmədi.
Mister Uikhem vist oynamadı və başqa masada vəcdlə
qarşılanaraq, Lidiya və Elizabetin arasında əyləşdi.
Əvvəlcə təhlükə vardı ki, susmadan çərənləmək
qabiliyyəti olan Lidiya onu büsbütün ələ alacaq. Ancaq
oyun qızı heç də az
maraqlandırmırdı. Lidiya oyuna, pul qoyuluşlarına,
uduşlara elə aludə oldu ki, heç kimə fikir vermədi. Bunun
sayəsində mister Uikhem oyunun imkan verdiyi qədər
Elizabetlə söhbətləşmək imkanı qazandı. Qız onu böyük
həvəslə dinləyirdi, hərçənd ümid etmirdi ki, söhbət onu
hər şeydən çox maraqlandıran mövzuya - onun mister
Darsi ilə tanışlığına toxunacaq. O, hətta bu adamın adını
çəkməyə cəsarət etmədi. Lakin tamamilə gözlənilmədən
onun marağı təmin olundu. Mister Uikhem bu mövzuya
özü toxundu. Nezerfild və Meriton arasındakı məsafə ilə
haqqında soruşan və bu suala cavab alan Uikhem
downloaded from KitabYurdu.org
104
müəyyən çəkingənliklə maraqlandı ki, mister Darsi
burada çoxdanmı olur.
— Bir ay olar, — Elizabet dedi və onu
həyəcanlandıran mövzunu əldən buraxmaq istəmədən
əlavə etdi: — Eşitdiyimə görə, onun Derbişirdə böyük
malikanəsi var?
— Bəli, — Uikhem cavab verdi, — əla mülkdür —
illik on min funt xalis gəlir! Çətin ki, məndən başqa, bu
məsələyə dair sizə daha dəqiq məlumat verə biləcək
kimləsə rastlaşa
bilərdiniz. Onun ailəsi ilə mən lap uşaqlıqdan məlum
şəkildə bağlıyam.
Elizabet təəccübünü ifadə etməyə bilmədi.
— Necə də təəccüblənməyəsiniz, miss Bennet! Siz
dünən axşam bizim onunla necə soyuq salamlaşdığımızı
müşahidə etməli idiniz. Siz onunla yaxından tanışsınız?
— Biz onunla tanışlığın bundan yaxın olmasını
arzulamamağa bəs edəcək qədər tanışıq! — Elizabet
duyğulu şəkildə dedi. — Mənə onunla bir dam altında
dörd gün keçirmək nəsib olub və o, mənə çox xoşagəlməz
insan təsiri bağışlayıb.
— Mühakimə etməyə cürət etmirəm ki, o
xoşagələndir, ya xoşagəlməzdir. — Uikhem dedi. —
Hətta mənə bu cür rəydə olmaq yaraşmır. Ədalətli hakim
olmaqdan ötrü mən onu həddən artıq uzun müddətdən bəri
və yaxşı tanıyıram. Bununla belə, mənə elə gəlir ki, sizin
Darsi haqqında rəyiniz çoxlarını təəccübləndirərdi. Ola
bilər, haradasa başqa yerdə siz bunu hətta dilə
downloaded from KitabYurdu.org
105
gətirməzdiniz. Burada, əlbəttə, məsələ başqa cürdür. Siz
özünüzünkülərin yanındasınız...
— Sözün doğrusu, Neserfild istisna olunmaqla bu
rayondakı istənilən evdə təkrarlaya bilməyəcəyim heç nə
demədim. O, Hartfördşirdə heç kəsin xoşuna gəlmir. Bu
adamın qüruru hamını ondan qətiyyətlə kənara itələyib.
Siz mister Darsi haqqında məndən yaxşı fikir söyləyən
kimisə çətin taparsınız.
— Mən özümü kədərli göstərməyəcəyəm ki, mister
Darsini və ya kim olursa olsun, bir başqasını əməlinə görə
qiymətləndirirlər, — kiçik pauzadan sonra mister Uikhem
dedi. — Ancaq mister Darsi ilə bu çox nadir hallarda olur.
İnsanlar adətən onun sərvəti və hakimiyyəti qarşısında kor
olurlar və ya onun təkəbbürlü kübar davranışları ilə
əzilirlər. Adamlar onu, onun özünün görünmək istədiyi
kimi görürlər.
— Hətta səthi tanışlıq da onun necə ağır xasiyyəti
olduğunu hiss etməyə imkan verdi.
Uikhem yalnız başını buladı.
Elizabetlə danışmaq yenidən ona müyəssər olanda
soruşdu:
—
Bəs mister Darsu buralarda uzun müddət
yaşayacaq?
— Bax, bunu bilmirəm. Mən Nezerfilddə olanda onun
gedişi barədə danışmadıq. Ümid edirəm ki, onun
qonşuluqda olması sizin Derbişir alayına xidmətə daxil
olmaq niyyətinizə təsir göstərməz?
— Yox, yox! Mənim yol verməyim gərəkməz.
downloaded from KitabYurdu.org
106
Mənimlə qarşılaşmaq istəmirsə, qoy özü getsin. Biz dost
münasibətlərində deyilik və onu görmək həmişə mənə
ağırdır. Ancaq ondan qaçmağımın bütün dünyaya açıb
deyə biləcəklərimdən başqa heç bir səbəbi mövcud deyil.
Hər şeydən öncə bu mənə qarşı edilmiş acı bir yamanlığın
şüurumda həkk olunmasıdır. Bir də onun belə bir insana
çevrilməsi məni dözülməz şəkildə ağrıdır. Onun mərhum
atası mister Darsini yaxşı insan sayırdım. O, mənim ən
yaxın dostum idi. Hər dəfə tale gənc mister Darsi ilə məni
üz-üzə gətirəndə minlərlə duyğulu xatirə mənə əzab verir.
O mənə çox pisliklər edib. Ancaq mən hər şeyi ona
bağışlayardım, atasının xatirəsini rüsvay etməsəydi və
onun ümidlərini bu cür puça çıxarmasaydı.
Elizabet nəfəsini çəkmədən onu dinləyir, hiss edirdi
ki, söhbət onu getdikcə daha çox çulğayır. Ancaq
mövzunun
incəliyi onun Uikhemi sorğu-suala tutmasına mane oldu.
Mister Uikhem daha ümumi mövzuya keçdi, Meriton
şəhərindən, onun kənar ətraflarından və nəhayət,
insanlarından danışmağa başladı. O, gördüyü hər şeyi
bəyəndiyini bildirərək, yerli cəmiyyətə dair incə, ancaq
xeyli nəzərəçarpan kompliment söylədi.
— Derbişir alayına daxil olduğum zaman mən hər
şeydən öncə burada daimi və yaxşı dostluq əlaqələri
qurmağı nəzərdə tuturdum. Mən bilirdim ki, bu məşhur və
ləyaqətli hərbi hissədir. Ancaq dostum Denni məni
alayımızın hazırda yerləşdiyi şəhər haqqındakı söhbətləri
ilə şirnikləndirdi. Burada zabitlərə böyük diqqət
downloaded from KitabYurdu.org
107
göstərirlər! Onlar burada çox xoş tanışlıqlar yaradıblar!
Bəli, etiraf edirəm ki, mənə belə bir cəmiyyət gərəkdir.
Mən həyatda məyus olmuş insanam, ürəyim tənhalığa tab
etmir. Mənim mütləq məşğuliyyətim və cəmiyyətlə
ünsiyyətim olmalıdır. Məni hərbi karyera üçün
hazırlamayıblar. Ancaq durumdan asılı olaraq hazırda bu
ümid etdiyimin ən yaxşısıdır. Heyhat, mənim fəaliyyət
sferam kilsə olmalı idi.
Məni ruhaniyyat yollan üçün tərbiyə ediblər. Söhbətimiz
zamanı adını çəkdiyimiz centlmen üçün münasib olsaydı,
mən indi əla bir kilsədə xidmət etmiş olardım.
—
Yəni bu mümkündür?
— Bəli, mərhum mister Darsi öz mülkiyyətlərindəki
ən yaxşı kilsəni mənim üçün nəzərdə tutmuşdu — sadəcə,
onda boş yer açılmalı idi. O mənim xaç atam idi və mənə
çox əziz idi. Onun mənə qayğısını sözlə ifadə etmək
mümkün deyil. O məni təmin etməyi çox istəyirdi və
inanırdı ki, bu, ona müyəssər olub! Ancaq kilsə boşaldı
və... başqasına nəsib oldu.
— İlahi! — Elizabet səsləndi. — Bu görünməmiş
haldır! Mister Darsi atasının iradəsinə necə etina etməyə
bilər?! Bəs siz öz müdafiəniz üçün qanuna müraciət
etmədinizmi?
— Onun ölümündən sonra qalan kağızlarda formal
olaraq yazılmamış şeylər mənə onlarda dayaq axtarmağa
imkan vermədi... Dürüst və namuslu adam mərhumun
iradəsinə şübhə etməməli idi, ancaq mister Darsi onu
yozumuna məruz qoymağı üstün tutdu. Vəsiyyətnamənin
downloaded from KitabYurdu.org
108
bu hissəsini o, yalnız şifahi tövsiyə şəklində elan etdi və
təsdiqləməyə cəsarət etdi ki, mən öz hüququmu mənim
yüngülməcazlığım, israfçılığım
üzündən, kəsəsi, bütün qüsurlanma və ya sadəcə, heç
nədən itirmişəm. Yalnız bir şey düz idi ki, iki il öncə
kilsədə vakansiya yarananda mən yaşımın imkan verdiyi
halda bundan istifadə edə bilərdim, amma mən o vəzifəni
almamışam. Bu da düzdür ki, mən o mövqedən məhrum
olduğuma görə özümü hansısa hərəkətə yol verməkdə
günahlandıra bilmirəm. Mənim xasiyyətimdə qızğınlıq və
özünü saxlamamaq var. Ola bilər, mən gənc Darsi
haqqında öz fikrimi həddindən çox sərbəst şəkildə, etiraf
edirəm ki, hərdən hətta onun üzünə demişəm. Heç bir pis
olay yadıma gəlmir. Bütün məsələ ondadır ki, biz olduqca
müxtəlif adamlanq və o, mənə nifrət edir.
—
Ancaq bu qorxuncdur! O, ictimai mühakiməyə
layiqdir!
— Gec-tez o bunu görəcək. Ancaq bu məndən
qaynaqlanmayacaq. Nə qədər ki mən ata Darsini
xatırlayıram, oğul Darsini qaralaya, yaxud ifşa edə
bilmərəm.
Elizabet
onun
nəcib
hisslərini
çox
yüksək
qiymətləndirdi, özlüyündə onun onlar barədə danışdığı
vaxt necə yaraşıqlı olduğunu düşündü. Müəyyən
pauzadan sonra Elizabet soruşdu:
— Ancaq onda bunun üçün hansı səbəblər ola bilər?
Onu bu qədər əclaf hərəkətə nə sövq edib?
— Mənə qarşı güclü və dərin nifrət. Bu nifrəti mən
downloaded from KitabYurdu.org
109
müəyyən ölçüdə qısqanclıq hissinə yazmaya bilmirəm.
Əgər mərhum mister Darsi məni bu qədər çox
sevməsəydi, ola bilər, onun oğlu mənə daha yaxşı
münasibət bəsləyərdi. Ancaq atasının mənə qeyri-adi
bağlılığı,
görünür,
oğlunu
erkən
yaşlanndan
qıcıqlandırmağa başlayıb. Aramızda yaranan bu cür
rəqabət ona xoş gəlmirdi və o, tez-tez mənə üstünlük
verilməsi ilə barışa bilmirdi.
— Ağlıma da gəlməzdi ki, mister Darsi belə ləyaqətsiz
insandır. Sözün düzü, o mənə əvvəlcədən də xoş gəlmirdi.
Bununla belə, mən onun barəsində belə pis mühakimə
yürütmürdüm. Əlbəttə, onun ətrafdakılara ikrahla
yanaşdığını sezmişdim. Ancaq heç vaxt güman etməzdim
ki, o bu qədər alçaq qisasa, bu qədər ədalətsizliyə, bu
qədər insaniyyətsizliyə qadirdir.
Elizabet bir qədər düşünüb əlavə etdi:
— Doğrusu, xatırlayıram ki, bir dəfə Nezerfilddə o öz
ifrat dəymədüşərliyini və kinliliyini etiraf etmişdi. Bu nə
dəhşətli xasiyyətdir?!.
— Bu barədə öz fikrimi ifadə etməyəcəyəm, —
Uikhem cavab verdi. — Ona qarşı ədalətli olmağım
çətindir.
Elizabet yenidən düşüncəyə daldı və bir az pauzadan
sonra səsləndi:
— Xaç oğulluğuyla, dostla, doğma atanın sevimlisi ilə
belə davranmaq! — O “Öz görünüşü ilə insanlarda ilk
baxışdan rəğbət oyadan bir gənclə” sözlərini də əlavə edə
bilərdi, ancaq başqa sözlərlə kifayətləndi: — Üstəlik, lap
downloaded from KitabYurdu.org
110
uşaqlıqdan yaxın yoldaşın olan bir insanla! Mən sizi düz
başa düşdümsə, onunla sıx bağlarla əlaqəli olan biri ilə!
— Biz bir məhəllədə, bir və eyni malikanədə
doğulmuşuq. Uşaqlığımız bir yerdə keçib — bir dam
altında yaşamışıq, eyni oyunu oynamışıq, bir atanın
tumanna sevinmişik. Gəncliyində mənim atam sizin Filip
əminin uğurla məşğul olduğu eyni həyat yolunu seçmişdi.
Ancaq heç kəsə etina etmədən mərhum mister Darsiyə
faydalı olmağa çalışırdı və bütün həyatını Pemberlinin Dostları ilə paylaş: |