əlini uzatdı. Şarlotta yenə dözmədi, yavaşca rəfiqəsinə
xəbərdarlıq etdi ki, özünü ağıllı aparsın və Uikhemə
rəğbəti üzündən özünü onunla müqayisədə daha mühüm
olan adamın gözündən salmasın. Elizabet heç bir cavab
vermədi və rəqs edənlərin arasında öz yerini tutdu. O,
mister Darsi ilə bir cütlükdə olduğuna təəccübləndi və
ətrafdakıların gözündə də bu təəccübü gördü. Onlar bir
müddət susqun halda rəqs etdilər. O bu susqunluğun
rəqsin sonuna qədər davam edəcəyini düşünməyə
başlamışdı və onu birinci pozmamaq fikrindəydi. Ancaq
tərəf- müqabilini danışmağa məcbur etməklə onu daha
çox
qıcıqlandıracağını düşünərək, oynayanlar barədə bir neçə
söz dedi. Darsi cavab verdi və susdu. Bir-iki dəqiqə çəkən
pauzadan sonra Elizabet yenidən ona xitab etdi:
— İndi, mister Darsi, sizin söhbət etmək növbənizdir.
Mən rəqsdən danışdım — siz zalın böyüklüyü və ya rəqs
downloaded from KitabYurdu.org
124
edən cütlüklərin sayma dair nəsə bir qeyd edə bilərdiniz.
O gülümsədi və qızın eşitmək istədiyi hər şeydən
danışmağa hazır olduğunu bildirdi.
— Yaxşı, lap əla, — Elizabet dedi. — Yaxın zaman
üçün siz kifayət qədər çox danışdınız. Ola bilər, bir azdan
sonra mən görəcəyəm ki, özəl ballar ictimai baldan daha
xoşdur. Ancaq hələlik biz tamam susa bilərik.
—
Siz rəqs edərkən danışmağa öyrəşmisiniz?
— Bəli, zaman-zaman. Axı hərdənbir sükutu pozmaq
lazımdır, doğru deyilmi? İki insanın bir-birinə heç nə
demədən yanm saat birlikdə vaxt keçirməsi çox gülünc
görünür. Hər halda, əgər biz bu sayaq söhbət aparsaq, bir-
birimizlə mümkün qədər az danışsaq, kimin üçünsə daha
yaxşı olar.
— Bunu deyərkən siz mənim istəklərimi ehtimal
edirsiniz, yoxsa sizə münasib olanı nəzərdə tutursunuz?
—
Həm bu, həm o, — Elizabet başdansovdu cavab
verdi.
— Mən çoxdan bizim düşüncə tərzimizdə tez-tez üst-üstə
düşmələr müşahidə edirəm. Biz ikimiz də az ünsiyyətcilik
və əgər bizə nəsə sıradışı, ətrafdakılarm heyrətinə səbəb
olan və atalar sözü kimi ağızdan-ağıza keçərək gələcək
nəsillərə ötürülən söz demək imkanı verilmirsə,
danışmağa meyilli deyilik.
— Sizin xasiyyətinizə gəlincə, — o dedi, — məncə,
siz onu tamamən düzgün təsvir etdiniz. Məni nə qədər
düzgün səciyyələndirdiyinizə dair qərar verə bilmərəm.
Yeri gəlmişkən, yəqin ki, siz özünüz bu portreti uğurlu
downloaded from KitabYurdu.org
125
sayırsınız.
—
Öz bacanğım barədə mühakimə yürüdə bilmərəm.
Darsi heç nə demədi və onlar yenidən susdular. Növbəti
rəqs fiqurları zamanı o, Elizabetdən soruşdu ki, onun
bacılan və o özü Meritona teztez gəlməli olurlarını.
Elizabet təsdiqləyiri cavab verərək, özünü əlavə etməkdən
saxlaya bilmədi:
— Biz bu günlərdə sizinlə orada rastlaşanda küçədə
yeni bir tanış qazanmışdıq.
Bu sözlərin təsiri özünü ləngimədən göstərdi.
Darsinin üzündə təkəbbürlü ifadə əmələ gəldi. Ancaq o,
heç nə demədi, Elizabet isə özünü qorxaqlığa görə nə
qədər danlasa da, davam etməyə qətiyyəti çatmadı. Darsi
bir qədərdən sonra soyuq- soyuq qeyd etdi.
— Mister Uikhemin elə bir xoşbəxt maneralan və
görünüşü var ki, asanlıqla dostlar tapır. Amma onları
yanında saxlaya bilirmi, bax, bu mənə xeyli şübhəli gəlir.
— O sizin dostluğunuzu itirmək bədbəxtliyinə düçar
olub, — Elizabet mənalı-mənalı qeyd etdi. — Ola bilər,
bu onun bütün həyatında ağır iz qoyacaq.
Darsi heç bir cavab vermədi, ancaq görünürdü ki, o,
söhbətin mövzusunu dəyişmək istərdi. Bu zaman qarşı
tərəfdən rəqs edənləri yararaq gələn Uilyam Lukas onlann
yanında peyda oldu. O, mister Darsini görərək, ona
fövqəladə lütfkarlıqla təzim etdi və dərhal onun rəqs
etmək maneralan və
tərəf-müqabil xanımının gözəlliyi barədə komplimentlər
yağdırdı.
downloaded from KitabYurdu.org
126
— Əziz ser, mən çox böyük zövq aldım. Bu cür
zərifliklə rəqs edənləri nadir hallarda görmək olur. Sizin
ali cəmiyyətə mənsubluğunuz dərhal gözə çarpır. Ancaq
icazə verin qeyd edim ki, bu saat rəqs etdiyiniz gözəl
xanım mənə öz tərəf- müqabilinə tamamilə layiq görünür
və ümid edirəm ki, indi bu kimi həzzi xüsusilə tez-tez
alacağam. Əlbəttə ki, müəyyən və təbii ki, arzulanan
hadisə baş verəndən sonra — elə deyilmi, əziz miss Eliza?
— bu zaman o Binqli və Ceyn tərəfə baxdı — O hadisə nə
qədər təbrik doğuracaq! Ancaq mən mister Darsiyə
müraciət edirəm, sizi ləngitməyimə rüsxət verməyin, ser.
Siz parlaq gözləri artıq mənə açıqaşkar tənə ilə baxan bu
cazibədar xanımla söhbətinizə mane olduğuma görə
təşəkkür etməyəcəksiniz.
Bu tiradanm axırıncı hissəsini çətin ki, Darsi eşitdi.
Ancaq ser Uilyamm onun dostu barədə səsləndirdiyi
ehtimal ona möhkəm təsir etdi. Üzü çox ciddi ifadə aldı
və çılğınlıqla rəqs
edən Binqli və Ceynə tamaşa etdi. Fəqət Darsi özünə
gələrək xanımına - Elizabetə tərəf döndü və dedi:
—
Ser Uilyamın müdaxiləsi söhbətimizin ipini itirdi.
— Məncə, biz heç də danışmırdıq. Çətin ki, ser
Uilyam bu zalda birbirilə bu qədər az danışmaq istəyən iki
rəqs edən tapa bilərdi. Biz uğursuz şəkildə bir neçə
mövzuya toxunmağa cəhd göstərdik. Mənim hətta
beynimə gəlmir ki, indi biz nə barədə danışa bilərik.
— Kitablar haqqında nə düşünürsünüz? — o, gülə-
gülə soruşdu.
downloaded from KitabYurdu.org
127
— Kitablar haqqında? Xeyr, mən əminəm ki, biz
sizinlə bir və eyni kitabları oxumamışıq. Hər halda
mütaliə edərkən eyni hissləri keçirməmişik.
— Üzgünəm ki, siz belə düşünürsünüz. Hətta siz haqlı
olsaydınız da, yenə də bizim söhbət üçün mövzu
tapmağımız asan olardı. Biz ortaya müxtəlif rəylər qoya
bilərdik.
— Xeyr, mən bal zamanı kitablardan danışacaq halda
deyiləm. Burada mənim ağlıma başqa fikirlər gəlir.
— O fikirlər həmişə sizi bilavasitə əhatə edən şeyə aid
olur, elədirmi? — mister Darsi şübhəylə soruşdu.
— Bəli, bəli, həmişə, — Elizabet mexaniki şəkildə
cavab verdi. Əslində onun fikirləri söhbətin mövzusundan
tamam uzaqda dolaşırdı və bu, tezliklə onun qəfləti qeydi
ilə təsdiqləndi:
— Yadımdadır, mister Darsi, siz etiraf etdiniz ki,
həyatınızda çətin ki, kimisə bağışlamısımz. Sizin
sözlərinizə görə, kim sizi bir dəfə övkələndiribsə, ona
qarşı yumşalmanıza ümid edə bilməz. Yəqin ki, siz hər
xırda şeyə görə hiddətlənməməyinizə kifayət qədər
nəzarət edirsiniz?
—
Bəli, əlbəttə, — Darsi əminliklə cavab verdi.
—
Heç vaxt bu əqidənizin qurbanına çevrilmirsiniz
ki?
—
Ümidvaram ki, yox.
— Öz fikri ilə hərəkət etməyənlər üçün hər şey barədə
lap əvvəldən sağlam mühakimə yürütmək xüsusilə
vacibdir.
downloaded from KitabYurdu.org
128
—
Sizin nəyi nəzərdə tutduğunuzu öyrənə bilərəmmi?
—
Ooo, mən, sadəcə, sizin təbiətinizi çözməyə
çalışıram,
— Elizabet sifətindəki rahatlıq ifadəsini saxlamağa
çalışaraq
cavab verdi.
— Siz buna müyəssər olursunuz?
O, başını yırğaladı.
— Heyhat, azacıq belə yox. Mən sizin barənizdə o
qədər müxtəlif rəylər eşitmişəm ki, sadəcə olaraq,
təxminlərin içində azıram.
— Yaxşı, təsəvvür edə bilərəm ki, sizin aldığınız
məlumatlar büsbütün ziddiyyətlidir, — o, olduqca ciddi
tövrdə dedi. — Mən üstün tutardım ki, miss Bennet, siz
hələlik öz təxəyyülünüzdə mənim mənəvi simamın şəklini
çəkməyəsiniz. Əks təqdirdə sizin əldə etdiyiniz rəsm nə
mənə, nə də sizə şərəf gətirər.
— Ancaq mən bu saat ən başlıca qeydi etməsəm, ola
bilər, heç vaxt əlimə başqa fürsət düşməyəcək.
— Hər necə bir ləzzət olsa da, sizi bundan məhrum
etmək istəməzdim, — Darsi soyuq-soyuq dedi.
Qız heç bir cavab vermədi. Rəqslərini bitirdikdən
sonra onlar qarşılıqlı nifrət hissi ilə susqun şəkildə
ayrıldılar. Yeri gəlmişkən, Darsi artıq ürəyində Elizabetə
qarşı kifayət qədər
güclü meyil bəsləyirdi, bunun sayəsində o, öz hiddətini
başqa bir şəxsin üzərində cəmləşdirərək, tezcə qıza bəraət
qazandırdı.
downloaded from KitabYurdu.org
129
Bundan tezliklə sonra miss Binqli Elizabetə yanaşdı
və iltifatlı, bir az da təkəbbürlü görkəmdə ona xitab etdi:
— Beləliklə, miss Eliza, siz Corc Uikhemə heyran
olmusunuz, doğrudurmu? Mən bu barədə Ceyndən
eşitdim. O məni sözün birbaşa mənasında sizin yeni
dostunuz barədə sual yağışına tutdu. Ancaq onun
sözlərindən belə başa düşdüm ki, gənc adam sizə verdiyi
bir çox məlumatların arasında mərhum mister Darsinin
qapıçısı işləyən qoca Uikhemin oğlu olduğunu deməyi
unudub. Mən sizi dostcasına xəbərdar etmək istərdim ki,
onun dediklərinə çox da güvənməyəsiniz. Onun mister
Darsinin onunla pis davrandığı barədə dediklərinin hamısı
sırf uydurmadır. Əksinə, mister Darsi qeyri-adi
alicənablıq nümayiş etdirib. Əvəzində Corc Uikhem
mister Darsiyə qarşı ən nanəcib şəkildə hərəkət edib. Mən
təfərrüatlarla tanış deyiləm, ancaq yaxşı bilirəm ki, mister
Darsini nədəsə çətin qınamaq olar! Boşuna deyil ki, o,
Corc Uikhem barədə hətta adi xatırlatmaya belə dözə
bilmir! Mənim qardaşıma Uikhemin
bala dəvət olunan zabitlərin siyahısından çıxarılması
mümkünsüz görünsə də, mister Darsi onun özünün
dəvətdən boyun qaçırmasını öyrənəndə çox şad oldu.
Uikhemin bu yerlərdə peyda olması görünməmiş
arsızlıqdır. Anlaşılmır, o buna necə cəsarət edə bilər! Çox
üzgünəm ki, miss Eliza, sizin yeni tanışınızın qüsurlarını
ifşa etməli oldum. Yəqin ki, onun mənşəyini nəzərə
aldıqda, ondan yaxşı şey gözləmək çətin ki, mümkün
olsun.
downloaded from KitabYurdu.org
130
— Sizin sözlərinizdən başa düşdüm ki, xanım, mister
Uikhemin qüsurlan onun mənşəyindədir, — Elizabet
kəskin cavab verdi. — Siz onun atasının mister Darsinin
yanında qapıçı olmasından başqa heç bir günahını göstərə
bilmədiniz. Ancaq bu barədə, sizi inandırmağa cəsarət
edirəm ki, o özü mənə demişdi.
— Üzr istəyirəm, — miss Binqli ondan aralanaraq
istehza ilə qeyd etdi. — Müdaxiləm üçün bağışlayın, —
mən yaxşı niyyətlə deyirdim.
“Həyasızlığa bax! - Elizabet özlüyündə dedi. - Ancaq
siz, bu qədər ləyaqətsiz hərəkətlə mənə təsir edə
biləcəyinizə ümid
edirsinizsə, dərindən yanılırsınız, xanım. Bu hərəkətlə
təkəbbürlü
cahilliyinizdən
və
mister
Darsinin
qərəzkarlığından başqa heç nə sübut etmədiniz”.
O, dərhal onu maraqlandıran mövzuyla bağlı mister
Binqli ilə danışmağa macal tapmış Ceyni axtardı. Bacısı
onu bu gecənin ona nə qədər fərəh bəxş etdiyinə işarət
edən işıldayan təbəssümlə qarşıladı. Üzünün ifadəsindən
Ceynin fikirlərini təxmin edən Elizabet başa düşdü ki,
onun mister Uikhemin uğursuzluqlarına acıması, zabitin
düşmənlərinə qarşı narazılığı və sair şeylər, bacısının
qarşıdakı xoşbəxtliyə bəslədiyi ümidlə müqayisədə çox az
əhəmiyyətlidir.
— Mən, əlbəttə, öyrənmək istərdim ki, — Elizabet heç
də onunkundan əskik olmayan mehriban təbəssümlə dedi,
— sən mister Uikhem barədə bir şey aydınlaşdıra
bildinmi. Bəlkə də sən vaxtını o qədər xoş keçirmisən ki,
downloaded from KitabYurdu.org
131
yalnız bir adam haqqında düşünə bilmişən? Mən səndən
incimərəm.
—
Mən heç də onun barəsində unutmamışam,
Lizzi, — Ceyn cavab verdi. — Ancaq heyhat, sənə
təsəlliverici heç nə deyə bilməyəcəyəm. Bu əhvalat mister
Binqliyə az
məlumdur. Mister Uikhem mister Darsinin qarşısında
nədə günahkardır, o bilmir. Ancaq o, dostunun
dürüstlüyünə, namuslu olduğuna və alicənablığına zamin
durmağa hazırdır. Bir də o əmindir ki, mister Uikhem
hətta Darsinin ona münasibətdə göstərdiyi qayğıya layiq
olmayıb. Bu, qanımı qaraldır, amma onun, eləcə də miss
Binqlinin sözlərindən belə çıxır ki, mister Uikhemi dürüst
adam saymaq olmaz. Qorxuram ki, o özünü həddən artıq
ehtiyatsız apanb və bununla da mister Darsinin
ehtiramından tamamilə haqlı şəkildə məhrum olub.
—
Bəs mister Binqli mister Uikhemlə tanışdır?
— Xeyr, o, Meritondakı görüşə qədər onu bir dəfə də
görməyib.
— Bu halda onun Uikhemə baxışları mister Darsidən
borc götürülüb? Yaxşı, mən qane oldum. Bəs onda kilsə
icması barədə hansı məlumatlar var?
— O, dostundan dəfələrlə bu barədə eşitsə də,
vəziyyəti dəqiqliklə xatırlamır. Elə görünür ki, kilsə
Uikhemə yalnız şifahi şəkildə təhkim edilibmiş.
— Mən mister Binqlinin səmimiyyətinə şübhə
etmirəm, — Elizabet bacardığı qədər yumşaqlıqla dedi.
— Ancaq ümumi frazalara qane olmasam, məni bağışla.
downloaded from KitabYurdu.org
132
Mister Binqli, əlbəttə ki, dostunun maraqlarını vicdanla
müdafiə etməyə borcludur. Ancaq bu əhvalatın bəzi
hissələri ona məlum olmadığından, yerdə qalanını isə
yalnız mister Darsinin sözlərindən öyrəndiyindən mən hər
iki gənc adama əvvəlki kimi münasibət sərgiləməyi
özümə rəva görə bilmərəm.
Bundan sonra o, söhbəti daha xoş, onların arasında
heç bir fikir ayrılığı yaratmayan mövzuya yönəltdi. O,
Ceynin mister Binqlinin ona iltifat göstərməsinin onda nə
qədər bəxtəvərlik, bununla birgə necə ürkək ümidlər
oyatması barədə söhbətinə sevinclə qulaq asdı. Elizabet
də ondakı bu ümidlərə qol-qanad vermək üçün nə
mümkündürsə, hər şeyi dedi. Mister Binqli yaxınlaşıb
bacılara qoşulanda Elizabet kənara çəkildi və miss Lukası
axtardı. O, rəfiqəsinin rəqs zamanı axırıncı tərəf-
müqabili, onun qıza nə dərəcədə xoş gəlib-gəlmədiyi
barədə sorğusuna cavab verməyə macal tapmamış mister
Kollinz
onlara yaxınlaşdı və ehtizazlı halda xəbər verdi ki, o,
indicə çox mühüm bir kəşf edib.
— Sırf təsadüf sayəsində mən bu otaqda xanım
rəhbərimin yaxın qohumunu tapdım. Mənə eşitmək
xoşbəxtliyi nəsib oldu ki, o bu evin bəzəyi olan gənc ledi
ilə söhbətində xalası qızı miss de Börün və onun anası ledi
Ketrinin adını çəkdi. Dünyada necə də bu sayaq
möcüzələr olurmuş! Kim düşünə bilərdi ki, burada, bu
balda mən az qala ledi Ketrinin bacısı oğlu ilə
rastlaşacam? Göylərə minnətdaram ki, gözlərimi vaxtında
downloaded from KitabYurdu.org
133
açdı və mən ona öz ehtiramımı bildirə bilərəm. Əlbəttə,
onu elə bu dəqiqə həyata keçirmək istərdim. Ümid edirəm
ki, o, yalnız xəbərsizliyimdən irəli gələn bu cür
yubanmağımı mənə bağışlayacaq.
— Siz
mister
Darsiyə
təqdim
olunmağa
hazırlaşırsınızmı?
— Bəli, əlbəttə. Mən acizanə şəkildə ondan üzr
istəyəcəyəm ki, bunu əvvəl etməmişəm. Düşünürəm ki, o,
doğrudan da, ledi Ketrinin bacısı oğludur. Mən onu
inandıra biləcəm ki, cəmi bir həftə əvvəl lütfkar xanımın
sağlıq durumu tam qaydasında idi.
Elizabet mister Kollinzi bu addımı atmaqdan
bacardığı qədər saxlamağa səy göstərdi. O, iddia etdi ki,
Darsi tanımadığı
şəxsin ona müraciətini xalasına ehtiram ifadəsindənsə,
yolverilməz özbaşınalıq sayacaq, onlar burada bir-birinə
heç diqqət yetirməyə bilərlər, nəhayət, əgər hətta buna
zərurət yaranıbsa, tanışlıq üçün ilk addımı məhz
cəmiyyətdə daha üstün mövqedə olan mister Darsi
atmalıdır. Mister Kollinz onu öz bildiyi kimi addım
atmağa qərar vermiş adam görünüşü ilə dinlədi və qız
susduqda cavab verdi:
— Əzizim miss Elizabet! Mən sizin başınız çıxan
şeylər barədə əla mühakimə yürütmək qabiliyyətiniz
haqqında ən yüksək fikirdəyəm. Ancaq icazə verin deyim
ki, dünyəvi şəxslər arasında qəbul edilmiş insan
münasibətləri normaları ilə ruhanilərin davranışını
müəyyənləşdirən normalar arasında dərin fərqlər var.
downloaded from KitabYurdu.org
134
Mən buna kilsəyə şərəf hissi ilə xidmət etməyi krallıqda
ən yüksək vəzifələrin icra edilməsi ilə bərabər gördüyümü
əlavə etməliyəm — əlbəttə, bu xidmətin lazımi
itaətkarlıqla həyata keçirilməli olduğunu da gərək
unutmayaq. Ona görə də icazə verin, hazırda mən borcum
hesab etdiyim işi görməyə çağıran vicdanımın səsinə
qulaq asaraq hərəkət edim. İstənilən başqa məsələdə əldə
rəhbər tutmağa hazır olduğum
məsləhətinizdən istifadə etmək istəməməyimə görə məni
bağışlayın. Yaranmış vəziyyətdə mən sizin kimi gənc
ledidənsə təhsilə və təcrübəyə görə davranışımın
düzgünlüyünə dair fikir yürütmək üçün özümü daha qadir
hesab edirəm.
Mister Kollinz dərindən təzim edərək Elizabeti tərk
etdi və birbaşa mister Darsinin yanma getdi. Elizabet
həyəcanla bu gözlənilməz müraciətin Darsiyə necə təsir
göstərəcəyini müşahidə etməyə başladı. Kollinzin elə ilk
sözlərindən Darsi açıq-aşkar təəccübləndi. Mister Kollinz
təmtəraqlı yaltaqlanmaqdan başladı və onun nitqi
Elizabetin qulağına gəlib çatmasa da, ona elə gəldi ki, o,
ard-arda ibarəli cümlələr eşidir. Qız onun dodaqlarının
tərpənişindən “üzrxahlıq”, “Hansford”, “ledi Ketrin de
Bör” kimi sözlər dilə gətirdiyini təxmin etdi. Qohumunun
mister Darsinin qarşısında bu qədər komik rolda çıxış
etməsini görmək onun üçün olduqca utancverici idi. Darsi
Kollinzə gizlədilməz heyrətlə baxırdı. Nəhayət, o,
Darsiyə danışmaq imkanı yaradanda Darsi ona soyuq
cavab verdi. Fəqət bu, mister Kollinzi bir misqal da
downloaded from KitabYurdu.org
135
çəkindirmədi və onu yeni nitq irad etməkdən saxlamadı.
Onun
mədhiyyəsinin davamlılığı, görünürdü ki, mister Darsinin
ikrahını bir qədər də artırdı, belə ki, Kollinz çıxışını
bitirəndə o, yalnız yüngülcə başını tərpətdi və dönüb
getdi. Kollinz isə Elizabetin yanma qayıtdı.
— İnanın ki, mənə göstərilən qəbuldan heç bir şəkildə
məyus deyiləm, — o, qıza yanaşaraq dedi. — Mister Darsi
mənim hörmətcilliyimdən tam məmnundur. O, mənimlə
qeyri- adi nəzakətlə danışdı və hətta mənə kompliment
bəxş etdi, dedi ki, ledi Ketrinin sərraflığım kifayət qədər
bilir və şübhə etmir ki, onun xeyirxahlığından yalnız əsl
ləyaqətli adamlar istifadə edə bilərlər. Necə də gözəl ifadə
edilib! Doğrusu, o mənim çox xoşuma gəldi.
Elizabetin özünün baldan gözlədiyi bir şey
qalmadığından o, demək olar, bütün diqqətini bacısının və
mister Binqlinin üzərində cəmləşdirmişdi. Bu onda xoş
düşüncələr oyadırdı və buna görə o özünü, demək olar,
Ceyn qədər xoşbəxt hiss edirdi. Öz təsəvvüründə o,
bacısını bu evin sahibəsi kimi, gerçək sevgiyə əsaslanan
nikahla yaranmış bəxtəvərlik və firavanlıq içində yaşayan
görürdü. Bu kimi vəziyyətdə Elizabet hətta
özünü mister Binqlinin bacısını sevməyə qadir sayırdı.
Aydın idi ki, missis Bennetin düşüncələri də eyni mətləbə
cəmləşib. Elizabet qəti şəkildə ondan uzaq olmaq qərarına
gəldi, çünki qorxurdu ki, anası ona artıqəskik nəsə deyər.
Ancaq masa arxasında əyləşdiyi zaman, onun üçün nə
qədər üzüntülü olsa da, Elizabet özünü missis Bennetlə,
downloaded from KitabYurdu.org
136
demək olar, yanaşı gördü. O, anasının ən qeyri-münasib
adamla, ledi Lukasla başqa bir mövzuya yox, məhz mister
Binqlinin Ceynlə evlənməsi mövzusuna həsr olunmuş,
fasiləsiz və hündürdən danışa- danışa apardığı söhbətinə
utana-utana qulaq asırdı. Mövzu o qədər əyləncəli idi ki,
gələcək cütlüyün üstünlüklərini sadalayan missis Bennet
yorulub-usanmaq bilmirdi. Hər şeydən öncə o özünü
təbrik edirdi ki, mister Binqli belə bir sevimli gəncdir,
belə varlıdır və Lonqborndan cəmisi üç mil aralıda
yaşayır. Daha sonra o, vəcdlə bildirirdi ki, mister
Binqlinin bacıları Ceynə bu qədər bağlanıblar və onlar
qarşılıqlı qohumluq imkanından necə sevinməlidirlər.
Bundan başqa, bu hadisə onun kiçik qızları üçün də bir
çox yaxşı imkanlar açır, belə ki, Ceynin ərə getməsindən
sonra onlar başqa varlı kişilərin
nəzərində olacaqlar. Və nəhayət, yaşının bu vaxtında ona
ərsiz qızlarını ərli bacılarının himayəsinə verərək kefi
istədiyi vaxt cəmiyyətdə görünmək rahat olacaq -
ümumən qəbul edilmiş baxışlara uyğun olaraq bu durumu
mütləq yaxşı şey kimi izhar etmək lazımdır, hərçənd
missis Bennetdən daha az həvəslə evdə oturan adam
tapmaq çətindir. Yekunda çoxlu bu cür arzular ifadə
Dostları ilə paylaş: |