Dərs vəsaiti təşkilati davranış kursunun qısa icmalını əhatə
Yüklə 1,32 Mb. Pdf görüntüsü
|
|
84 Mövzu 10. Təşkilatda münaqişələr Münaqişə - hərəkət və məqsədlərin qavranılan ziddiyyəti- dir. Münaqişəyə olan baxışlardan biri ondan ibarətdir ki, onun qarşısını almaq mümkündür. Başqa bir nöqteyi-nəzər onu gös- tərir ki, münaqişə qaçılmazdır və onun tamamilə aradan qaldırıl- ması üçün heç bir üsul yoxdur. Üçüncü nöqteyi-nəzərə əsasən münaqişənin müəyyən səviyyəsi təşkilat üçün faydalı ola bilər. Eyni zamanda münaqişənin həddindən artıq yüksək səviyyəyə çatması, yaxud tamamilə olmaması kampaniyanın işinin effektivliyinə mane olur. Münaqişənin müəyyən tiplərinə dəstək verilməli, digərləri isə aradan qaldırılmalıdır. Münaqişə - bir sıra mərhələlərdən ibarət dinamik prosesdir: 1. Fikir ayrılığının yaranması. 2. Münasibətlərdə gərginliyin artması. 3. İştirakçılardan heç olmazsa biri tərəfindən situasiyanın münaqişə kimi dərk edilməsi. 4. Xüsusi münaqişə səciyyəli qarşılıqlı hərəkət. 5. Münaqişənin nəticəsi (həlli). Bir qayda olaraq təşkilatda münaqişələrin aşağıdakı növləri yaranır: şəxsiyyətdaxili, şəxsiyyətlərarası və qruparası. Hər bir şəxsin timsalında adətən, rəqabətə rəvac verən tələ- bat və rollar; təhrikedici motiv və rolların müxtəlif ifadə üsulları; təhrikedici motiv və məqsəd arasında yarana biləcək müxtəlif baryerlər; arzu edilən məqsədlə bağlı müsbət və mənfi hisslər birləşir. Bütün bunlar insanın uyğunlaşması prosesini çətinləşdirir və çox vaxt münaqişəyə gətirib çıxarır. Münaqişənin şəxsiyyət- daxili formaları frustrasiya modelinin köməyi ilə, habelə məqsəd və rollar kimi anlayışların əsasında təhlil edilə bilər. Frustrasiya o zaman yaranır ki, təhrikedici motiv insan ar- zu etdiyi məqsədə çatana kimi təcrid olunsun. 10.1 N-li şəkildə bunun baş verməsi sxemi nümayiş etdirilir. |