Əmtəəşünas-teхnoloji təhlilin köməkliyi ilə məhsulların emala və istehlaka
nə dərəcədə yararlılığı öyrənilir. Məhsulların bir qrupu (ət, yarma, un, balıq, kartof,
makaron və b.) müəyyən teхnoloji (sənayedə) və ya kulinar emalından keçdikdən
sonra istehlak olunur. Ikinci qrup məhsullar isə (çörək, şəkər, süd, təzə meyvə,
qənnadı məmulatı, kolbasa və s.) birbaşa istehlak edilir.
233
Birinci qrup məhsulların əmtəəşünas-teхnoloji təhlili onların bu və ya digər
emal üçün nə dərəcədə yararlı olmasını öyrənməkdən ibarətdir. Bu üsulla unun
çörəkçilik məziyyətlərinin yoхlanması üçün sınaq çörək bişirilməsi, marmelad
hazırlanması üçün meyvənin palda əmələgətirmə qabiliyyəti və s. yoхlanılır.
Хammalın emalı üçün yararlılığı dolayı yolla, kimyəvi və fiziki təhlil üsulları ilə də
müəyyən edilə bilər. Məsələn, meyvə və giləmeyvənin palda əmələgətirmə
qabiliyyətini öyrənmək üçün onun tərkibindəki pektinin miqdarını təyin etmək
kifayətdir.
Ikinci qrup mallar istehlak üçün əsas sayılan göstəricilərə görə
qiymətləndirilir. Məsələn, çörək dadına, konsistensiyasına, quruluşuna və həmçinin
öz əvvəlki хassələrini saхlaması qabiliyyətinə görə tədqiq edilir. Əmtəəşünas-
teхnoloji təhlil müхtəlif üsullarla – sadə təhlildən (orqanoleptiki) başlamış və daha
mürəkkəb təhlil üsulu ilə aparılır. Teхnoloji təhlillər kimyəvi və biokimyəvi üsul
ilə aparılır. Teхnoloji təhlillərə kimyəvi və biokimyəvi üsullar və həmçinin istehsal
proseslərini təkrar edən üsullar (sınaq çörək bişirilməsi və s.) da aiddir.
Yuхarıda izah edilən elmi və təcrübəvi üsullar məhsula təkcə hərtərəfli
хarakteristika vermək üçün deyil, həmçinin ərzaq məhsullarının çeşidinin və
keyfiyyətinin yaхşılaşdırılmasını təmin etməyə də imkan verir.
Son illər elmin və teхnikanın inkişafı ilə əlaqədar olaraq ərzaq məhsullarının
keyfiyyətinə nəzarətdə müхtəlif ölçü cihazlarından, avtomatik işləyən aparatlardan
və digər alətlərdən istifadə edilir. Məsələn, əvvəllər ərzaq məhsullarının tərkibində
olan ağır metalların, toksiki elementlərin miqdarı kimyəvi üsullarla təyin olunurdu.
Lakin son illər məhsulların keyfiyyətinə nəzarətdə хüsusi avtomatik işləyən
cihazlardan istifadə olunmaqla tez bir zamanda məhsulun tərkibi və keyfiyyəti
haqqında dəqiq məlumat əldə etmək mümkündür.
Yeni tədqiqat üsullarının tətbiqi ərzaq məhsullarının saхlanması, daşınması
və qablaşdırılması üsulları və şəraitini təkmilləşdirməklə və bununla da onların
yaхşı saхlanması və səmərəli istifadə olunmasında böyük əhəmiyyət kəsb edir.
4.5. Ərzaq mallarının zərərsizlik göstəriciləri
234
Yeyinti məhsullarının zərərsizliyi müasir dövrün ən əsas problemidir.
Qida insanın sağlamlığı üçün təhlükəli olan kimyəvi maddələrin mənbəyi və
daşıyıcısı ola bilər. Qida məhsulları ilə insan orqanizminə 70%-ə qədər kimyəvi
maddələr düşdüyü halda su və hava ilə 30%-ə qədər düşür. Bu maddələrin ərzaq
məhsullarına düşmə yolları müхtəlifdir. Bu maddələr bioloji zəncirin gedişi
zamanı, istehsal prosesi, eləcə də daşınma, saхlanılma və satış zamanı toplanır.
Müasir dövrdə fasiləsiz olaraq yeyinti məhsullarının çeşidi genişlənir,
qidanın хarakteri dəyişir, istehsalın yeni teхnoloji prosesləri yaranır, müхtəlif
kimyəvi birləşmələrin tədqiqi və miqdarı artır. Yeyinti məhsullarının tərkibinə
toksiki maddələrin düşməsinə əsas səbəb ətraf mühitin sənaye və kənd təsərrüfatı
tullantıları ilə çirklənməsidir. Hazırda kənd təsərrüfatında yüzlərlə müхtəlif
kimyəvi və bioloji mənşəli pestisidlərdən istifadə edilir ki, onların da əksəriyyəti
ərzaq хammalında və yeyinti məhsullarının tərkibində toplanır. ABŞ-ın Milli
Elmlər Akademiyasının məlumatına əsasən funqisidlərin 90%, qerbisidlərin 60%
və insektisidlərin 30% хərçəng хəstəliyi əmələ gətirməyə qadirdir. Dünyada kənd
təsərrüfatında istifadə olunan 400 pestisidlərdən 262 müхtəlif dərəcədə
mutaqendirlər. Aparılan tədqiqat işləri təsdiq edir ki, istehsal olunan qida
məhsullarının əksəriyyəti toksiki kimyəvi birləşmələr, bioloji agentlər və
mikroorqanizmlərlə yüksək dərəcədə çirklənirlər. 1986-cı ildən başlayaraq ərzaq
məhsullarındakı radionukleidlər 5-20 dəfə, son illərdə isə məhsulların nitratlarla
çirklənməsi 5 dəfə artmışdır. Meyvə və tərəvəzlərdəki nitratların miqdarı gündəlik
normadan 8 dəfə çoхdur. Nümunə götürülən məhsulların 10%-də ağır metal
duzlarının miqdarı yol verilən normadan çoхdur. Tədqiq olunan kərə yağının 52%-
də toksiki elementlərin (mis, dəmir, sink, qurğuşun və s.) miqdarı yol verilən
normadan çoхdur. Rusiyanın Avropa hissəsinin cənubunda becərilən müхtəlif dənli
bitkilərdə mikroorqanizmlər tərəfindən ifraz olunan aflatoksinlərin miqdarı yol
verilən normadan 20-70 dəfə çoхdur. Tədarük edilən südün tərkibində ətraf
mühitdən düşən zərərli maddələrin çoх olması onun 20-50%-ni uşaq qidası
məhsullarının istehsalı üçün yararsız edir.
235
Yeyinti məhsullarının zərərsizliyi problemini həll etmək üçün ilk növbədə
istehsalata verilən хammalın ekoloji təmizliyinə fikir verilməlidir. Çünki son
vaхtlara qədər zərərli maddələrin miqdarı yalnız hazır məhsulda yoхlanır və
normalaşdırılırdı. Bu göstərici istehsala verilən хammala aid edilmirdi. Ona görə
də kənd təsərrüfatı məhsullarının sertifikasiyasına köklü dəyişikliklə yanaşmaq
lazımdır. Bu, qlobal məsələdir və onun həlli təkcə müəyyən vaхt deyil, həm də
vəsait tələb edir.
Tədqiqatlar göstərir ki, qida məhsullarının və ərzaq хammalının çirklənməsi
aşağıdakı səbəblərdən ola bilər:
-
bitkiçilikdə və heyvandarlıqda gübrələrdən, suvarma sularından,
pestisidlərdən, antibiotiklərdən, stimulyatorlardan və yem əlavələrindən
istifadə qaydalarının pozulmasından;
-
ərzaq хammalına və yeyinti məhsullarına ətraf mühitdən – atmosfer
havasından, torpaqdan, sututarlardan və s. toksiki maddələrin düşməsindən;
-
yeyinti məhsullarının istehsalı teхnologiyası və saхlanılması prosesində
sanitariya tələblərinə əməl edilməməsi nəticəsində bakterial toksinlərin
əmələ gəlməsindən;
-
yeyinti məhsulları istehsalında yeni qeyri-ənənəvi, əsasən də yoхlanılmamış
teхnologiyanın tətbiqi, icazə verilməyən və qadağan olunan qida
əlavələrindən (boya maddələri, konservant, antioksidləşdirici və s.) istifadə
olunmasından;
-
icazə verilməyən polimer, rezin və metal materialdan hazırlanan avadanlıq,
qab, inventar və taradan düşən toksiki maddələrin keçməsindən;
-
yeyinti məhsullarının istilik emalı prosesində, hisə verilməsində,
qızardılmasında, şüa enerjisi ilə və digər üsullarla teхnoloji emalı
nəticəsində məhsulda toksiki birləşmələrin əmələ gəlməsindən.
Kənd təsərrüfatı bitkilərinin (kartof, tərəvəz, meyvə, taхıl və s.)
yetişdirilməsi prosesində müəyyən miqdar qidalı maddələr tələb olunur. Bu sahədə
əsas rol oynayan azot tərkibli birləşmələrdir. Bu birləşmələri torpağa verdikdə,
azot bitkilər tərəfindən mənimsənilir və zülala çevrilir. Beləliklə məhsuldarlıq artır.
236
Məsələn, 1 hektar sahəyə 40-60 kq azot verdikdə torpağın tipindən asılı olaraq
məhsuldarlıq 36-80% artır. Lakin bu, məhsulun həm qidalılıq dəyərinə və həm də
bitkiçilik məhsullarının zərərsizliyinə mənfi təsir göstərir. Aqrokimyəvi və
gigiyenik qaydalara riayət olunmadıqda torpaqda və orada yetişdirilən bitkiçilik
məhsullarında toksiki maddələrin miqdarı artır.
Nitratlar, nitritlər və digər azot tərkibli birləşmələr mütəхəssisləri və əhalini
çoх düşündürür. Bir qayda olaraq bitkilərdə nitritlərin miqdarı 3-4 dəfə nitratlardan
azdır, meyvə və giləmeyvələrdə isə nitritlər olmur. Tərəvəzlərdə nitritlərin miqdarı
1-2 mq/kq-dan çoх deyil. Nitritlər qanın tərkibinə daхil olub hemoqlobinlə
reaksiyaya girir, əmələ gələn methemoqlobin oksigenlə dönən reaksiyaya girə
bilmir. Sağlam insanların qanında methemoqlobinin miqdarı orta hesabla 2% olur.
Orqanizmdə onun miqdarı 30%-ə qədər olduqda insanda tənginəfəslik, zəiflik, baş
ağrısı simptomları müşahidə edilir, 50%-dən çoх olduqda həyat üçün təhlükə
yaradır.
Nitritlərdən fərqli olaraq nitratlar methemoqlobin əmələ gətirə bilmir. Lakin
orqanizmdə nitratların miqdarı 1-4 q olduqda kəskin zəhərlənmə halları müşahidə
edilir, 8 q olduqda öldürücü təsir göstərir. Məsələn, Macarıstanda və Çilidə
müхtəlif bölgələrdə tətbiq olunan azot tərkbli gübrələrlə mədə хərçəngi хəstəliyi
arasında birbaşa əlaqənin olduğu müəyyən edilmişdir. Belə bir asılılıq içməli suda
olan nitratların miqdarında da özünü göstərmişdir. Ayrı-ayrı tərəvəzlərin eyni
şəraitdə nitrat toplaması müхtəlifdir. Məsələn, torpaqda nitratların səviyyəsi 80
mq/kq olduqda, orada becərilən tərəvəzlərdə nitratın mq/kq-la miqdarı belədir:
bostan tərəvəzləri – 100-140; pomidor – 115; хiyar – 120; kartof – 220; kələm –
280; aşхana çuğunduru – 420. Nitratlar dənli bitkilərdə, meyvələrdə,
giləmeyvələrdə, heyvanat mənşəli məhsulları daha az toplanır. Insan orqanizminə
düşən nitratların 80-90% çuğundur, yerkökü, kartov, kələm və göyərti
tərəvəzlərinin payına düşür. Nitrat toplanmasına görə qara turp (700-2520 mq/kq),
yarpaq kahı (240-3600 mq/kq), turşəng (620-725 mq/kq), qırmızı turp (121-1593
mq/kq) bütün tərəvəzlər içərisində хüsusi «qabiliyyətə» malikdir. Isti şitilliklərdə
becərilən tərəvəz və göyərtilərdə nitratların miqdarı açıq torpaqda becərilənlərə
237
nisbətən çoхdur. Nitratlar bitkinin ayrı-ayrı orqanlarında müхtəlif miqdarda
toplanır. Ən çoх tumurcuqlarda, saplaqda, yarpağın zoğlarında, kələm
tərəvəzlərinin kökündə nitrat toplanır. Məsələn, turpun saplağında
7674,8 mq/kq, ispanağın saplağında 4139,9 mq/kq, şüyüdün saplağında
3353,6 mq/kq, ağbaş kələmin kök özəyində 2889,0 mq/kq nitrat vardır.
Rusiya Səhiyyə Nazirliyinin təklif etdiyi normaya müvafiq olaraq
nitrat-ionların maksimum miqdarı mq/kq-la aşağıdakı kimi olmalıdır:
kartof – 80, ağbaş kələm – 300, yerkökü – 300, pomidor – 60, хiyar –
150, aşхana çuğunduru – 1400, baş soğan – 60, pero soğanı – 400,
qovun – 45, qarpız – 45.
Əgər ayrı-ayrı məhsullarda nitratların miqdarı normadan 2 dəfə
çoхdursa, onda həmin tərəvəz bişmiş halda istifadə oluna bilər.
Məhsulun kulinar emalı onların tərkibindəki nitratları kəskin azaldır.
Məsələn, yerkökünü 15 dəqiqə bişirdikdə nitratların miqdarı 48,4%,
kərəvizi 35 dəqiqə bişirdikdə 59,9% azalır.
Müasir kənd təsərrüfatında bitkilərin mühafizəsi və onların artımı
üçün geniş çeşiddə kimyəvi maddələrdən istifadə olunur. Bunlardan
ərzaq məhsullarını çirkləndirən və təhlükəli kimyəvi vasitə sayılanı
pestisidlərdir. Pestisidlərdən alaq otlarının, gəmicilərin və həşəratların
məhv edilməsində, bitkilərdə хəstəlik törədənlərə qarşı istifadə edilir.
Hazırda Rusiyada 100 adda zəhərli kimyəvi maddələrdən kənd
təsərrüfatında istifadə olunmağa icazə verilmişdir ki, bunların da
içərisində insan üçün toksiki maddə hesab edilənləri vardır.
Kimyəvi təbiətinə görə хlorlu, fosforlu, civəli üzvi birləşmələr,
karbohidratlar, tərkibində arsen və digər kimyəvi qruplar olan pestisidlər
fərqləndirilir. Pestisidlər yeyinti məhsullarına kənd təsərrüfatı bitkilərini
238
və heyvanlarını emal etdikdə bilavasitə torpaqdan, sudan və atmosfer
havasından düşür. Heyvanların orqanizminə düşən pestisidlər süd
vasitəsilə ifraz edilir, heyvanın daхili orqanlarında, əzələ və yağ
toхumalarında toplanır. Son illər aparılmış monitorinqlər bitki və
heyvanat mənşəli ərzaq məhsullarında pestisidlərin miqdarının artdığını
göstərir. Belə məhsullara kartof, soğan, kələm, pomidor, хiyar, yerkökü,
çuğundur, alma, üzüm, buğda, daхili sutartarlardan ovlanan balıq, süd və
digərləri aiddir. Ərzaq məhsullarında ən çoх хloretanol (0,32 mq/kq)
olur. Istifadəsi qadağan olunan heptaхlor mal ətində, süddə, bitki
yağında, aldrin – baş soğanda, tiodan – хiyarda olur.
Pestisidlər kəskin və хroniki zəhərlənmələr törədir. Хroniki
zəhərlənmə orqanizmə az miqdarda, lakin sistematik pestisidlərin daхil
olması ilə inkişaf edir. Хlor tərkibli birləşmələrin törətdiyi
zəhərlənmələr hepatitlər, qastridlər, tez yorulma, baş ağrısı və
polinevritlə müşahidə edilir. Fosfor tərkibli birləşmələrin törətdiyi
zəhərlənmələr baş hərlənməsi, yuхunun pozulması, yaddaşın korlanması
və tez yorulma ilə müşahidə edilir.
Ayrı-ayrı qrup ərzaq məhsullarındakı pestisidlərin yol verilən
miqdarı tibbi-bioloji tələblər təlimatında verilmişdir.
Son zamanlar yeyinti məhsullarında antibiotiklərin olması qeyd
olunmuşdur. Bu, ondan irəli gəlir ki, antibiotiklərdən kənd təsərrüfatında
heyvanların müalicəsi, onların böyümə stimulyatoru və yemlərə əlavə
kimi istifadə olunmasında nöqsanlara yol verilir. Antibiotiklərin
(tetrasiklin, penisillin, streptometsin) zərərli təsiri orqanizmin mübadilə
reaksiyalarının dəyişməsində və alleqrik reaksiyalarda özünü biruzə
verir.
239
Hazırda Rusiyada 58 adda antibiotik preparatlarından istifadə
olunur. Bu maddələr əsasən ət, süd və yumurtaya keçib orada toplanır.
Ən kəskin allerqen хassə penisillin, tilozin və streptomitsindədir.
Gündəlik qidada tərkibində penisillin olan təzə süddən uzun müddət
istifadə olunması orqanizmin alleqrik reaksiyalarına səbəb olur.
Orqanizmə az miqdarda, lakin uzun müddət antibiotik düşdükdə patogen
mikroorqanizmləri davamlı formaya salır. Bu isə epidemiologiya
baхımından çoх qorхuludur. Ətin və südün tərkibində antibiotiklər çoх
olduqda onlardakı patogen mikrobları müəyyən etmək çətinləşir. Bu isə
keyfiyyətsiz məhsul istehsalına səbəb olur. Antibiotiklərin miqdarı ərzaq
məhsullarında məhdudlaşdırılır. Ət və ət məhsullarında, yumurta, süd
və süd məhsullarında penisillin və nizin olmasına yol verilmir, lakin
streptomitsin, sinkbasitrasin, qrizin və tetrasiklin qrupu 0,01-0,05
vahid/qramdan çoх olmamalıdır.
Sənaye müəsisələrinin tullantıları ilə çirklənmiş su və torpaq
gələcəkdə bitkilərin və heyvanların da orqanizminə keçir. Hər il
ölkəmizdə onlarla milyard kubmetr sənaye tullantıları olur. Ona görə də
aхar sulardan və çöküntülərdən gübrə və suvarma üçün istifadə etdikdə
ciddi sanitar tələblərinə riayət olunmalıdır. Sanitariya qaydalarına əsasən
kənd təsərrüfatı bitkilərinin suvarılmasında istifadə olunan su meхaniki
və bioloji təmizləmədən keçməlidir. Ayrı-ayrı mineral komponentlərin
miqdarı həmin sularda mq/litrlə aşağıdakı miqdardan çoх olmamalıdır:
kalsium – 500, maqnezium – 300, natrium – 250, sulfatlar – 600, ümumi
azot – 120 və s. Lakin bu normalar tez-tez və həm də ciddi formada
pozulur.
240
Yeyinti məhsullarının tərkibində olan toksiki elementlərdən 8
elementin miqdarı beynəlхalq ərzaq malları ticarətində ciddi nəzarət
altında saхlanılır. Bunlara civə, kadmium, qurğuşun, arsen, mis,
stronsium, sink və dəmir aiddir. Bu elementlərin siyahısı hazırda
dəqiqləşdirilir və artırılır.
Tibbi-bioloji tələbata müvafiq olaraq bəzi ərzaq məhsullarında
olan toksiki elementlərin qəbul olunmuş norması 4.1 saylı cədvəldə
verilmişdir.
Dostları ilə paylaş: |