Qurilma quyidagicha ishlaydi. Orqa oyoqlaridan ikki rolikda osilgan shoxli yirik
molning zabelovka qilingan jussasi avtomatik strelka yordamida bir osma yo‘ldan
ikkinchisiga, qorin tomoni oldinga qaragan holda o‘tkaziladi.
Tananing oldingi oyoqlar paylariga ilgaklar o‘rnatiladi, ularning ikkinchi uchi old
oyoqlar konveyeri ilmoqlariga kiydiriladi. Terining zabelovka qilingan
chekkalariga zanjirchalar bog‘lanadi, ular halqa qilib tortiladi, va zanjirchalar
halqasi teri fiksatsiya konveyerining ilgaklariga ikkala tomondan simmetrik
osiladi.
Ikkala konveyer harakati tezliklarining farqi hisobiga teri shilinadi. Bunda teri
shilishning kerakli yo‘nalishi saqlanadi.
Jarayon oxirida teri tanadan butkul ajraladi, fiksatsiyadan chiqariladi va lentali
transportyorga tushadi, go‘sht tanasi esa keyingi operatsiyalarga jo‘natiladi.
ko‘rinib turibdiki teri barcha jarayonlar bajarilishi davrida tana ostida turadi. Bu
ishning tozalik (sanitar) sharoitini ta’minlaydi.
Old oyoqlarni fiksatsiyalash konveyeri tezligiga bog‘liq holda yoritilgan qurilma
unumdorligi, muvofiq ravishda smenasiga 560, 750 va 1150 boshni tashkil
etadi.
Teri shirish jarayonini nazorat qilish va kerak bo‘lganda terini to‘g‘rilab turish
uchun qurilma yonlarida ishchilar uchun maydonchalar 5 mavjud.
Sankt-Peterburg go‘sht kombinatida shoxli yirik mol terisini shilish uchun
konstruktsiyasi boshqacharoq mexanik qurilmasi ishlatiladi. Farqi, jussa oddiy
osma konveyerda bir relsli osma yo‘lda keltiriladi. Teri shilish joyida hayvon
oyog‘ini fiksatsiyalovchi konveyer, yonida esa teri shilish uchun tortish zanjirli
maxsus profilli og‘ma konveyer o‘rnatiladi. Bu qurilma boshqa go‘sht
kombinatlarida ham o‘z tatbiqini topgan.
Dostları ilə paylaş: