Dünya İqtisadi Forumu bütün hüquqları qorunur. İngilis dilində orjinal adı və naşiri

Tələb üzrə mobillik: 
rəqəmsallaşma, real vaxt rejimində mə-
lumat və şəhər mobillik infrastrukturunun tamamilə fərqli şəkildə 
monitorinqi ilə nəqliyyatın hərəkətini daha səmərəli edir. Bu, dina-
mik optimallaşdırma alqoritmlərinin istifadəsi ilə boş qalan nəqliy-
yat imkanlarından faydalanmanın yolunu açır. 
Ağıllı küçə dirəkləri: 
Yeni nəsil “LED” küçə işıqları, hava proq-
nozu, çirklənmə, seysmik aktivlik, nəqliyyatın və insanların hərəkə-
ti haqqında məlumat toplayan çox müxtəlif sensor texnologiyaları 
üçün bir platforma rolunu oynaya bilər. Bu ağıllı küçə dirəklərini bir 
şəbəkəyə yönləndirərək, şəhərdə nələrin baş verdiyini real vaxt re-
jimində izləmək və ictimai təhlükəsizlik və ya boş park yerləri kimi 
problemlərə innovativ həll yolları təqdim etmək mümkün olacaqdır. 
Mənbə: 
“Top Ten Urban Innovations”, Global Agenda Council on the Future of Ci-
ties, World Economic Forum, Oktyabr, 2015
3.3.3. Beynəlxalq təhlükəsizlik 
Dördüncü sənaye inqilabı dövlətlərarası münasibətlərin və bey-
nəlxalq təhlükəsizliyin təbiətinə çox ciddi təsir göstərəcəkdir. Bu his-
sədə həmin məsələyə xüsusi diqqət ayırıram, çünki dördüncü sənaye 
inqilabı ilə bağlı bütün əhəmiyyətli transformasiyalar arasında təh-
lükəsizliyin ictimai sahədə, hökumət və müdafiə sənayesindən başqa 
digər sektorlarda yetərincə müzakirə edilmədiyini düşünürəm. 
Kritik təhlükə, bərabərsizliyin yüksəldiyi hiper əlaqəli bir dün-
yanın artan miqyasda parçalanmağa, ayrılmağa və sosial narahatlıq-

---

 T
Ə
S
İ
RL
Ə
R
95
lara səbəb olması və bunların da şiddətli ekstremizm üçün əlverişli 
şərtlər yarada bilmək ehtimalıdır. Dördüncü sənaye inqilabı təh-
lükəsizlik təhdidlərinin xarakterini dəyişdirəcək və eyni zamanda, 
gücün coğrafi olaraq və dövlətlərdən qeyri-dövlət oyunçulara doğ-
ru baş verən yerdəyişmələrinə təsir göstərəcəkdir. Artıq indidən, 
getdikcə mürəkkəbliyi artan bir geosiyasi mənzərədə, qeyri-dövlət 
silahlı oyunçuların yüksəlişi şəraitində, əsas beynəlxalq təhlükəsiz-
lik təhdidləri çərçivəsində bir ümumi platforma yaratmaq perspek-
tivi əsas çağırış kimi qarşıda dayanır.