Yazda çəltiyin inkişafına nəzarət edilir və seyrək sahələrdə təmir aparılır.
Yazın sonunda çovdar, arpa və digər bitkilər yığılaraq 7-10 gün ərzində
qurudulmaq üçün tayalara vurulur. Bu zaman çəltik əkinləri yüngül zədələr alır.
Lakin onlar qısa zamanda öz-özünə bərpa olunur. Digər dənli bitkilər döyüləndən
sonra bütün küləş və qabıq tarlaya qaytarılır.
Bu zaman küləşin hər bir növü müəyyən sahədə aşağıdakı qaydada yerləşdirilir:
I sahə. Vələmir
II sahə. Çovdar
III sahə. Arpa
IV sahə. Darı
V sahə. Buğda
Erkən yay: Sahədə yalnız çəltik qalır. Yaylıq alaq otları sahədə inkişaf edə
bilər. Lakin 7-10 gün ərzində sahənin su ilə doldurulması nəticəsində alaqlar
143
tamamilə məhv olur. Bu halda üçyarpaq sarala bilər, lakin məhv olmamalıdır. Çəltik
məhsul yığımına qədər inkişafını davam etdirir.
Yay: Tarlada çəltik əkinlərinin sıxlığı 50-80% səviyyəsində qalır. Digər dənli
bitkilərin toxumları erkən payızda həyata keçiriləcək səpin üçün hazırlanır. Silsilə
(tsikl) yenidən təkrarlanır. Bu zaman dənli bitkilərin küləşi mulça kimi istifadə
olunur.
Hər bir konkret misalda öz fərdi sisteminizi işləyib hazırlamaq və növlərin
müvafiq kombinasiyasını seçmək zəruridir. Tarlada silsilə yaradılan kimi əlavə kulti-
vasiyanın aparılmasına ehtiyac qalmır, ona görə ki, alaq otları üzərində nəzarət yalnız
küləş mulçası hesabına təmin olunur. Sahəni əhatə edən su saxlayan bəndlər boyu
xəndəkotu, sitruslar, çəkil, sorqo, gülümbahar, nəfəsotu kimi alaq otlarının yayılma-
sının qarşısını alan digər növləri əkmək məqsədəuyğundur. Alaq otlarının kənardan
təkrar müdaxiləsinin qarşısını almaq üçün bu əkinlər odun ovuntusu ilə örtülür.
Masanobu Fukuokanın ekoloji təsərrüfatçılıq sahəsində zəngin təcrübəsi torpağı
şumlamadan meyvə və tərəvəz bitkilərinin becərilməsi üzrə külli miqdarda
informasiyanı əhatə edir. Üçyarpaq əkinləri əvəzinə o, ağac bitki növlərindən istifadə
edir. Bir hektara akasiya cinsinə aid (məs: gümüşü akasiya) 12 ağac əkilir.
Öz sahələrinin birində Fukuoka 35 il ərzində şumsuz silsiləni həyata keçirmiş,
burada torpağın münbitliyi quş zılından başqa hər hansı bir gübrədən istifadə
etmədən yaxşılaşdırılmışdır. Bu zaman bitki mühafizə tədbirlərinin, o cümlədən alaq
otlarına qarşı da çiləmələrin həyata keçirilməsinə ehtiyac yaranmamışdır.
|