Beşinci tələb-əvvəlki mövzunun sonrakı üçün zəmin olmasıdır.Bəziləri belə iddia edirlər ki,yalnız sonrakı oxşar mövzu tədris edilərkən ondan əvvəl keçirilmiş oxşar mövzu ilə müqayisə edilməlidir.Lakin müqayisə başqa şey,müqayisə və hərtərəfli fərqləndirmək üçün zəmin yaratmaq başqa şeydir.Əvvəlki mövzu keçilərkən sonrakı oxşar mövzu üçün zəmin hazırlamalı,sonrakı mövzu keçirildikdə isə əvvəlki ilə əlaqələndirilməli,onunla bütün dərinliyi ilə müqayisə edilməlidir.
Altıncı tələb-Hər bir sonrakı mövzunun əvvəlkini tamamlamasıdır.Hər bir mövzu keçilərkən ondan əvvəl keçilmiş daha yaxın mövzularla mütləq əlaqələndirilməlidir.Bu əlaqəvə müqayisə həm yeni mövzunun şüurlu mənimsənilməsini təmin edəcək,həm də keçmiş bilikləri yada salıb sistemləşdirəcək,həm də interfrensiyanın mənfi təsirindən şagirdləri azad edəcəkdir.
Yeddinci tələb-Azərbaycan dilindən bütün mövzu və bölmələrin əlaqəli şəkildə tədris edilməsidir.Obrazlı şəkildə desək,müəllim şagird üçün nitq binası qurur.Hər bir mövzu və yaxud bölmə bu nitq binasının bir hissəsidir.
Nəhayət,səkkizinci tələb ümumiləşdirici xarakter daşıyır və bir neçə tələbi tamamlayır və dəqiqləşdirir-öyrədilən məfhum,yaxud anlayışların oxşar və fərqli cəhətləri dəqiq ayrılmalıdır.
İkinci qanunla bağlı son dörd tələb üzrə dediklərimizə prof.B.A.Əhmədovun aşağıdakı sözləri ilə yekunlaşdırmaq olar:
Dilin bütün komponentlərini,nitqin növ və formalarını qarşılıqlı əlaqədə götürməli,fənlərarası əlaqəyə xüsusi diqqət yetirməli,başqa sözlə,təlimdə dilin vahid strukturası mühafizə olunmalıdır.
Mövzu 5: Azərbaycan dilinin tədrisində morfologiya təlimi
VI sinifdə Azərbaycan dili fənnininin tədrisi üçün həftədə 4 saat olmaqla 32 həftə (128 saat) nəzərdə tutulmuşdur.Kiçik summativ qiymətləndirmə (KSQ) 4 həftədən tez,6 həftədən gec olmayaraq keçirilir və özündə həmin mərhələdə reallaşdırılmış standartları ehtifa edir.
Dostları ilə paylaş: |
