Geomorfoloji tədqiqat üsulu qədim qırışıqlı strukturların müasir relyefdə öz əksini tapması prinsipinə əsaslanır. Bu cəhətdən də qeyd etdiyimiz üsul müasir hərəkətlərin tö'rətdikləri hadisələri, struktur elementlərin aşkara çıxarılması və qədim strukturların müasir dövrdəki tektonik aktivliyinin öyrənilməsi işində böyük əhəmiyyət kəsb edir. Geomorfoloji planalma əsas etibarilə geotektonik aktiv, gəlmə torpaq qatı ilə örtülü sahələrdə istifadə olunur. Bu tədqiqat işləri köməkçi mahiyyət daşıyaraq axtarış etapında seysmik, qravimetrik və elektrik üsulları ilə kompleks aparılır. Dəniz dibinin tektonikasını da bu üsulla öyrənirlər.
