14.4. ATMOSFER HAVASININ MİKROİQLİM GÖSTƏRİCİLƏRİNİN
FİZİOLOJİ – GİGİYENİK ƏHƏMİYYƏTİ
VƏ TƏYİNİ ÜSULLARI
Havanın fiziki xassələrinə aid olan hərarət, rütubət, hava cərəyanı, atmosfer təzyiqi, günəş radiasiyası, havanın elektrik halı və ionlaşması müxtəlif amillərin təsiri nəticəsində (ilin fəsilləri, günün vaxtı, havanın çirklənməsi və s.) daim dəyişirlər və bu dəyişmələr insan orqanizminə müxtəlif dərəcədə təsir göstərir.
Havanın fiziki amillərindən hərarət, rütubət, hava cərəyanı və atmosfer təzyiqi meteoroloji amillər kompleksinə aid olub, ərazinin iqlimini və ya məhdud ərazinin (həm də qapalı yerlərin-binaların, otaqların) mikroiqlimini müəyyən edir. Mikroiqlim göstəricilərinin istər hər biri ayrı-ayrılıqda, istərsə də bir neçəsi birlikdə orqanizmə müsbət və ya mənfi təsir göstərə bilir.
Dostları ilə paylaş: |
