Izihlabelelo



Yüklə 1,69 Mb.
səhifə26/37
tarix04.05.2017
ölçüsü1,69 Mb.
#16562
1   ...   22   23   24   25   26   27   28   29   ...   37

Isihlabelelo 94


1 Nkosi wena Nkulunkulu

Wokuphindisela,

Nkosi yokuphindisela,

Bonakal' ukhanye.

2 Ziphakamise mahluli

Walo lon' ilizwe

Unike abazindlayo

'Kubafaneleyo.


3 Nkosi kuzakuba nini

Abakhohlakali

Bon' abakhohlakeleyo

Bengabanqobayo?


4 Koba nini bekhuluma

Izint' ezinzima,

Bonke abenzi bobubi

Bezigqaja bona?


5 Nkosi bayabachoboza

Abakho abantu

Bona bayalihlupha bo

Elakho ilifa.


6 Babulal' umfelwakazi

Laye owemzini

Njalo babulala lazo

Zon' izintandane.


7 Kube kanti bath': INkosi

Ayisoz' ibone,

'Nkulunkulu kaJakobe

Kasoze ananze.


8 Qondanini lina bantu

Bobunyamazana

Lizahlakanipha nini

Lani-ke zithutha?


9 Owenza indlebe yena

Akayikuzwa na?

Lowenza lona ilihlo

Kayikubona na?


10 Yena olaya izizwe

Kaqondisi yini?

Yen' ofundisa ulwazi

Kayikukwazi na?


11 INkosi iyayazi bo

Yon' imicabango

Yomuntu ukuthi yona

Iyilo lon' ize.


12 O! Nkosi ubusisiwe

Um'ntu omlayayo

Omfundisa okuvela

Emthethweni wakho.


13 Ukuz' umnik' ukuphum'la

Kw' insuku zohlupho

Baze bona bagejelwe

Umgodi ababi.


14 Ngob' iNkosi kayisoze

'Lahl' abantu bayo

Njalo kayiyikutshiya

Elayo ilifa.


15 Kodwa isigwebo siza-

buy' ekulungeni

Abanhliziyw' eqondile

Bazasilandela.


16 Nguban' ozakungimela

Kubo bon' ababi?

Ozakungimela mina

Kwabenza okubi?


17 Uba bengingasizwanga

Nguye uJehova

'Mphefum'lo wami waphosa

Wathula wathi zwi.

18 Nxa ngathi: Unyawo lwami

Luyatshelela bo,

Isihawu sakho Nkosi

Sangisekela m'na.


19 Kubo ubunengi bayo

Im'khumbulo yami

Umphefum'lo uthokoza

Ngezakh' induduzo.


20 Isihlalo esobubi

Sihlangene lawe,

Son' esimisa okubi

Ngawo umthetho na?


21 Baqoqanel' umphefum'lo

Wakh' olungileyo

Bona balahla igazi

Elingelacala.


22 Kodw' iNkosi ngumvikel' wam'

UNkulunkulu wam'

Nguye olidwala lami

Layo inqaba yam'.


23 Ehlisela phezu kwabo

Obabo ububi

Baqunyw' ebubini babo

NguThix' iNkos' yethu.


Isihlabelelo 95


1 Wozani sihlabelele

Kuyo yon' iNkosi

Senz' umsindo wentokozo

'Litshen' losindiso.


2 Kasizeni phambi kwayo

Ngokubonga njalo

Senz' umsindo wenjabulo

Ngezihlabelelo.


3 Ngoba iNkosi inguye

UThixo omkhulu

Yinkosi enkulu phezu

Kwazo izithixo.


4 Izindawo ezinzulu

Zezwe zikuntende

Yesandla sayo; amandla

'Zintaba ngawayo.


5 Lungolwayo lon' ulwandle

Lwenziwa yiyo bo,

Izandla ezayo zenza

'Mhlab' owomileyo.


6 Wozanini siyikhonze

Sikhothame kuyo

Kasiguqe phambi kwayo

'Nkosi, 'Menzi wethu.


7 Ngoba unguThixo wethu,

Thina singabantu

Bedlelo lona elakhe,

Njalo siyizo bo


Izimvu ezingezakhe

Lezo izandla bo.

Uba lamuhla lisizwa

Elakhe ilizwi


8 Izinhliziyo ezenu

Lingaziqinisi

Njengasekucaphuleni

Ngomhla wokulinga


9 Enkangala, lapho bona

Oyihlo bang'linga,

Bangihlola-ke, babona

Umsebenzi wami.

10 Iminyaka ematshumi

Amane ubude

Ngacunulwa yilesi bo

Isizukulwana.


Ngathi: Bayona abantu

Kweyab' inhliziyo

Njalo abazazi zona

Izindlela zami.


11 Ngikweyam' intukuthelo

Ngafunga-ke ngathi,

Kabayikungena kukho

Ukuphum'la kwami.


Isihlabelelo 96


1 Hlabelelan' eNkosini

Yon' ingoma entsha

Hlabelani eNkosini

Lina lonke mhlaba.


2 Hlabelani eNkosini

Lidumis' ibizo

Bikan' usindiso lwayo

Insuku ngensuku.


3 Litshumayele udumo

Olwayo phakathi

Kwezizwe, lem'mangaliso

Kubo bonk' abantu.


4 Ngoba iNkosi inkulu

Kufanel' ibongwe

Kakhulu, iyesabeka

Phez' kwez'thixo zonke.


5 Ngob' othixo abezizwe

Bonk' bayizithombe

Kodwa yon' iNkosi yenze

Wona amazulu.


6 Inhlonipho lobukhosi

Kukho phambi kwayo

Amandla labo ubuhle

Busendlini yayo.


7 Phanini yona iNkosi

Lina zizwe lonke

Liyiphe yona iNkosi

Udumo lamandla.


8 Nikan' iNkosi udumo

Lwelayo ibizo

Lethan' umnikelo, liye

Emagumen' ayo.


9 Khonzanin' iNkosi kubo

Ubuhle obabo

Ubungcwele, yesabani

Phambi kwayo lonke.


10 Tshelanini zonk' izizwe:

INkos' iyabusa.

Lalo lona lonke izwe

Uzakulimisa


Lingaze lanyikinyeka.

Yena uzagweba

Ngokulungileyo bona

Bonke abantu bo.


11 Kawathabe amazulu

Lijabule izwe

Kaludume lon' ulwandle

Lokugcwala kwalo.


12 Kayithabe imimango

Lakho okukuyo:

Khona zonke izihlahla

Zegusu zithabe

13 Phambi kwayo yon' iNkosi

Ngokuba iyeza

Iza ukuzakugweba

Lona ilizwe bo.


Izakwahlulela izwe

Ngakho ukulunga

Labo bonke bon' abantu

Ngeqiniso layo.



Isihlabelelo 97


1 UJehova uyabusa

Izwe kalithabe

Lezihlenge ezinengi

Lazo kazithabe.


2 Uphahliwe ngamayezi

Labo ubunyama

Ukulunga lesigwebo

Yibukhosi bakho.


3 Umlilo uhamba phambi

Kwakhe uyatshisa

Uqothul' izitha zakhe

Ezimhanqileyo.


4 Yona imibane yakhe

Yakhanyisa izwe

Umhlaba wabona lokhu

Wasuthuthumela.


5 Kwancibilika intaba

Njengengcino kuye

Ebusweni bay' iNkosi

Eyomhlaba wonke.


6 Amazulu ayabika

Ukulunga kwayo

Bonke abantu babona

Inkazim'lo yayo.


7 Kabathuthazwe bonke nje

'Bakhonz' izithombe

Bezigqaja ngezithixo

Mkhonzen' lonk' zithixo.


8 Yezwa yathab' iZiyoni

'Ntombi zakoJuda

Zathokoza ngezigwebo

Zakho Nkulunkulu


9 Wena Nkosi uphakeme

Kulomhlaba wonke

Uphakanyiswe kulazo

Zonke izithixo.


10 Lina elithand' iNkosi

Zondani ububi

Iyalond' im'phefumulo

Yabangcwele bayo.


Yona iyabakhulula

Bona esandleni

Esingesabo bona-ke

'Bakhohlakeleyo.


11 'Kukhanya kuhlanyelelwe

Abalungileyo

Lenjabulo abaqotho

Kuyo inhliziyo.


12 Thokozani eNkosini

O balungileyo,

Libonge ngokukhumbula

Ubungcwele bayo.



Yüklə 1,69 Mb.

Dostları ilə paylaş:
1   ...   22   23   24   25   26   27   28   29   ...   37




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin