100000 – ta’lim;
200000 – gumanitar fanlar va san’at;
300000 – ijtimoiy fanlar;
400000 – fan;
500000 – muhandislik, ishlov berish va qurilish tarmoqlari;
600000 – qishloq xo‘jaligi;
700000 – sog‘liqni saqlash va ijtimoiy ta’minot;
800000 - Xizmatlar;
Tasniflagichdan quyidagi vazifalarni hal etishda foydalaniladi
Hududiy bandlik dasturlarini ishlab chiqish;
Milliy va hududiy mehnat bozorlarida ijtimoiy mehnat sohasidagi jarayonlarni
taxminlash va tartibga solish;
Ish kuchining samaradorligini va ish kuchiga ketadigan sarflarni aniqlash;
Mehnatga haq to‘lashni tartibga solish va me’yorlashtirishni takomillashtirish;
Xalq xo‘jaligining kadrlarga bo‘lgan ehtiyojini ta’minlash va asoslangan
uzluksiz ta’lim dasturini ishlab chiqish;
Mehnat statistikasi sohasida axborotning xalqaro miqyosda taqqoslanishini
ta’minlash.
48
«Kichik mutaxassis» malakasi toifasiga kirmaydigan shaxslarni
mutaxassisliklarining belgilanishi
Tasniflagichning 4-ustunida intellektual layoqati (aqliy rivojlanish
xususiyatlari) buzilgan shaxslarni o‘qitish mumkin bo‘lgan birdan-bir ixtisosliklar
bitta yulduzcha (*) bilan ko‘rsatilgan. Ushbu mutaxassisliklar O‘zbekiston
Respublikasi mehnat va ijtimoiy ta’minot vazirligi tomonidan tasdiqlangan aqliy va
jismoniy jihatdan kamchilikka ega shaxslarni o‘qitish mumkin bo‘lgan kasblar va
mutaxassisliklar asosida belgilangan. O‘qish muddati kasallik darajasiga qarab 1
yildan 2 yilgacha.
Tasniflagichning 4-ustunida ikkita yulduzcha (**) bilan jismoniy rivojlanish
o‘ziga xos xususiyatlarga ega bo‘lgan va imkoniyatlari cheklangan shaxslarni
o‘qitadigan birdan-bir ixtisosliklar ko‘rsatilgan. Mazkur mutaxassislar O‘zbekiston
Respublikasi Sog‘liqni saqlash vazirligi tomonidan tasdiqlangan, jismoniy
rivojlanishida kamchiligi bor va bolalikdan nogiron shaxslar uchun mo‘ljallangan
maxsus maktablarning bitiruvchilari uchun tuzilgan hamda kasblar va
mutaxassisliklar ko‘rsatilgan ro‘yxat asosida belgilangan. O‘qish muddati 2 yil.
Tasniflagichning 4-ustunida uchta yulduzcha (***) bilan akademik
litseylarning bitiruvchilari egallaydigan kasbga yo‘naltiruvchi ixtisosliklar
belgilangan. O‘qish muddati 3 yil (chuqurlashtirilgan umumta’lim tayyorgarligi bilan
qo‘shib olib borilgan holda).
Tasniflagichning 4-ustunida to‘rtta yulduzcha (****) bilan 11 yillik
umumta’lim maktablarining bitiruvchilari oliy o‘quv yurtiga kirolmagan hollarda,
yangi bozor munosabatlariga o‘tish davrida ularni ijtimoiy himoya qilish maqsadida
mo‘ljallangan ixtisosliklar ko‘rsatilgan. Tasniflagich bunday shaxslar toifasiga
nisbatan to‘qqiz yillik ta’limga to‘liq o‘tgunga qadar amal qiladi. O‘qish muddati 1
yil.
O‘qishni tugatadigan bitiruvchilarga O‘zbekiston Respublikasi Oliy va o‘rta
maxsus ta’lim vazirligi tomonidan belgilangan namunada tasdiqlangan diplomlar va
sertifikatlar beriladi.
3. O‘MKHTda kichik mutaxassis tayyorlash tizimi
Hozirgi ishlab chiqarishga kelayotgan mutaxassislarning uchdan bir qismi
avval maktabda mehnat va kasbgacha tayyorlanmoqdalar, keyin kasb-hunar kollej
tizimida kichik mutaxassis darajasigacha tayyorgarlik ko‘rmoqdalar. Buning vazifasi
va sababini shu bilan izohlash mumkinki, jamiyatimiz rivojlanishining hozirgi
bosqichida fan-texnika taraqqiyotining jadallashuvi kichik mutaxassislar turli soha va
ularning tarmoqlari bo‘yicha madaniy texnik-texnologik saviyasini oshirishga,
ularning tayyorgarligini tubdan yaxshilashga e’tiborni kuchaytirishni taqozo etmoqda.
"Ta’lim to‘g‘risida"gi qonun va qarorlar, “Kadrlar tayyorlash milliy dasturi” xalq
xo‘jaligining barcha tarmoqlaridagi har bir kichik mutaxassis mehnatining mazmunini
tubdan o‘zgartirishni talab qilmoqda. Ularning aqliy va jismoniy faoliyati elementlari
o‘rtasidagi nisbat ancha o‘zgarmoqda. Hozirgi zamon kichik mutaxassis mehnati
intellektual mazmun bilan tobora boyimoqda va ilmiy asosda tashkil topmoqda. Aqliy
hamda amaliy ishlarning o‘zaro uzviy bog‘lanishi bilan xarakterlanmoqda. Kichik
mutaxassis o‘z vazifalarini bajarishlari uchun, shuningdek, ishlab chiqarishni amalga
49
oshirishda ommaviy ravishda qatnashayotganlarida nazariy izlanishlari uchun chuqur
va puxta bilimlarga, ularni amalda qo‘llab olish mahoratiga ega bo‘lishlari kerak.
Shunga ko‘ra, kichik mutaxassislarning hozirgi ishlab chiqarishda ishtirok
etishlari murakkab va tez o‘zgaradigan aniq mehnat sharoitlarida chuqur bilimlarini
ijodiy qo‘llashlarini talab qilmoqda. Shuning uchun umumta’limiy va keng politexnik
asosdagi kasbiy tayyorgarlikka ega bo‘lish majburiyati vujudga kelmoqda. Bularning
hammasi maktabdan boshlab kasb-hunar kollej tayyorgarchilikka kadrlar ta’limi
tizimini jiddiy qayta qurish jarayoni o‘tmoqda. Shuningdek, bu ish faqat bizda
muayyan bilimlar majmuasini o‘zlashtirgan kishi sifatida emas, balki eng avvalo
g‘oyaviy maqsadga, yuksak axloq va mehnat madaniyatiga ega bo‘lgan O‘zbekiston
mustaqil davlat va jamiyat fuqarosi, hamda faol quruvchisi sifatida tarbiyalangan
insonning o‘zini umumiy kamol toptirish bilan ham bog‘liqdir.
Bu borada kasb ta’limi o‘qituvchisi mehnat ta’limi va kichik mutaxassisi
tayyorgarlikning
o‘zaro
bog‘lanishining
takomillashtirishning
muhim
yo‘nalishlaridan biri tayyor metodik tavsiyalar bo‘yicha ishlashdan metodik
qo‘llanmalarning optimal variantlarini ongli ravishda tanlashga o‘tishdir.
Tavsiya shaklidagi ana shu tajriba sinov qo‘llanma olimlar bajargan
tadqiqotlarning, so‘nggi yillarda to‘plagan ilg‘or pedagogik tajribalarni
umulashtirishning natijalari asosida tuzilgan. Mehnat va kichik mutaxassislik
tayyorgarlik ta’limdagi o‘zaro bog‘lanishning maqsadga muvofiqligini kuchaytirish
uchun har bir darsda ta’limning, O‘zbekistonning mustaqillik mafkura asosida
shakllanayotgan ta’lim-tarbiyaning va ularni rivojlantirishning eng muhim
vazifalarini majmuaviy hal qilishni ta’minlash kerak. Bu ish har bir darsning mazkur
yo‘nalishdagi vazifalarini bosqichma-bosqich hal qilishni izchil yo‘lga qo‘yishni
to‘g‘ri xulosalar chiqarishni taqozo qiladi.
O‘zaro bog‘lanish qonunlari bo‘yicha tashkil etilgan dars mazmunida
axborotlar hajmini oshirish uchun umumlashtirish, natijalaridan foydalanish,
o‘quvchilarni asosiy tushunchalarni ajratishga, nazariy qoidalarni tuzishga, qo‘yilgan
vazifalarni hal qilishning to‘g‘ri yo‘llarini izlashga yo‘naltirish kerak.
Mehnat va kichik mutaxassislikka tayyorgarlik ta’limdagi o‘zaro bog‘lanish
bo‘yicha o‘quv operatsiyalarini bajarish suratini tezlashtirish uchun ularni har bir
mavzuda ishning har bir turida mustaqil ishlashda, o‘quvchilarning ham yoshiga, ham
aqliy rivojlanishiga bog‘liq ratsionalizatorlik faoliyatida anglab borish lozim.
O‘z- o‘zini tekshirish uchun savollar:
1. Ijtimoiy mehnat taqsimotiga muvofiq xalq xo‘jaligi qanday sohalarga
bo’linadi?
2. Moddiy ishlab chiqarishning tarmoqlarini aytib bering.
3. Tasniflagichda qaysi bilim sohalari nazarda tutilgan?
4. Tasniflagichdan qanday vazifalarni hal etishda foydalaniladi?
5. Kichik mutaxassislarni tayyorlash jarayoni nimalardan iborat?
6. Tasniflagichda «Kichik mutaxassis» malakasi toifasiga kirmaydigan
shaxslarning mutaxassisliklari qanday belgilangan?
?
50
2.2. KADRLAR TAYYORLASH MILLIY DASTURINING O’ZIGA
XOSLIGI
Reja:
1. Kadrlar tayyorlash milliy dasturining maqsad va vazifalari.
2. Kadrlar tayyorlash milliy dasturini amalga oshirish bosqichlari.
3. Kadrlar tayyorlash milliy modelning tarkibiy qismlari.
1. Kadrlar tayyorlash milliy dasturining maqsadi va vazifalari
«Kadrlar tayyorlash milliy dasturi» «Ta’lim to‘g‘risida»gi Qonunining
qoidalariga muvofiq holda milliy tajribaning tahlili va ta’lim tizimidagi jahon
miqyosidagi yutuqlari asosida tayyorlangan hamda yuksak umumiy va kasb-hunar
madaniyatiga, ijodiy va ijtimoiy faolikka, ijtimoiy-siyosiy hayotda mustaqil ravishda
mo‘ljalni to‘g‘ri ola bilish mahoratiga ega bo‘lgan, istiqbol vazifalarini ilgari surish
va hal etishga qodir kadrlarning yangi avlodini shakllantirishga yo‘naltirilgandir.
Mazkur dasturning maqsadi – ta’lim sohasini tubdan isloh qilish, uni
o‘tmishdan qolgan mafkuraviy qarashlar va sarqitlardan to‘la xalos etish, rivojlangan
demokratik davlatlar darajasida, yuksak ma’naviy va ahloqiy talablarga javob
beruvchi yuqori malakali kadrlar tayyorlash Milliy tizimini yaratishdir.
Ushbu maqsadni ro‘yobga chiqarish quyidagi vazifalarni hal etilishini nazarda
tutadi:
«Ta’lim to‘g‘risida»gi Qonunga muvofiq ta’lim tizimini isloh qilish, davlat va
nodavlat ta’lim muassasalari hamda ta’lim va kadrlar tayyorlash sohasida raqobat
muhitini shakllantirish negizida ta’lim tizimini yagona o‘quv-ilmiy-ishlab chiqarish
majmui sifatida izchil rivojlantirishni ta’minlash;
ta’lim va kadrlar tayyorlash tizimini jamiyatda amalga oshirilayotgan
yangilanish, rivojlangan demkoratik huquqiy davlat qurilishi jarayoniga moslash;
kadrlar tayyorlash tizimi muassasalarini yuqori malakali mutaxassislar bilan
ta’minlash, pedagogik faoliyatning nufuzi va ijtimoiy maqomini ko‘tarish;
kadrlar tayyorlash tizimi va mazmunini mamlakatning ijtimoiy va iqtisodiy
taraqqiyoti istiqbollaridan, jamiyat ehtiyojlaridan, fan, madaniyat, texnika va
texnologiyaning zamonaviy yutuqlaridan kelib chiqqan holda qayta qurish;
ta’lim oluvchilarni ma’naviy-ahloqiy tarbiyalashning va ma’rifiy ishlarning
samarali shakllari hamda uslublarini ishlab chiqish va joriy etish;
ta’lim va kadrlar tayyorlash, ta’lim muassasalarini attestatsiyadan o‘tkazish va
akkreditatsiya qilish sifatiga baho berishning xolis tizimini joriy qilish;
yangi ijtimoiy-iqtisodiy sharoitlarda ta’limning talab qilinadigan darajasi va
sifatini, kadrlar tayyorlash tizimining amalda faoliyat ko‘rsatishi va barqaror
rivojlanishining kafolatlarini, ustuvorligini ta’minlovchi normativ, moddiy-texnika va
axborot bazasini yaratish;
ta’lim, fan va ishlab chiqarish samarali integratsiyalashuvini ta’minlash,
tayyorlanayotgan kadrlarning miqdori va sifatiga nisbatan davlatning talablarini,
shuningdek, nodavlat tuzilmalari, korxonalar va tashkilotlarning buyurtmalarini
shakllantirishning mexanizmlarini ishlab chiqish;
51
uzluksiz ta’lim va kadrlar tayyorlash tizimiga byudjetdan tashqari
mamblag‘lar, shu jumladan chet el investitsiyalari jalb etishning real mexanizmlarini
ishlab chiqish va amaliyotga joriy etish;
kadrlar tayyorlash sohasida o‘zaro manfaatli xalqaro hamkorlikni rivojlantirish.
2. Kadrlar tayyorlash milliy dasturini amalga oshirish bosqichlari
Milliy dasturning maqsad va vazifalari bosqichma-bosqich ro‘yobga
chiqariladi.
Birinchi bosqich (1997-2001 yillar)-mavjud kadrlar tayyorlash tizimining
ijobiy salohiyatini saqlab qolish asosida ushbu tizimni isloh qilish va rivojlantirish
uchun huquqiy, kadrlar jihatidan, ilmiy-uslubiy, moliyaviy-moddiy shart-sharoitlar
yaratish.
Ushbu bosqichda quyidagilarni amalga oshirishi zarur:
«Ta’lim to‘g‘risida»gi Qonunga muvofiq, ta’lim tizimi mazmunini tarkibiy
qayta ko‘rish va tubdan yangilash;
- pedagog va ilmiy-pedagog kadrlar tayyorlash hamda ularning malakasini
oshirishni zamon talablariga javob beradigan darajada tashkil etish;
- ta’lim oluvchilarning yuksak tayyorgarlik darajasi, malakasi, madaniy va
ma’naviy-ahloqiy saviyasining sifatiga nisbatan qo‘yiladigan zarur talablarni belgilab
beruvchi davlat ta’lim standartlarini yaratish va joriy etish;
- o‘quv-uslubiy majmualarning hamda ta’lim jarayoni didaktik va axborot
ta’minotining yangi avlodini ishlab chiqish va joriy etish;
- o‘rta maxsus, kasb-hunar ta’limi uchun zarur moddiy-texnika, o‘quv-uslubiy
va kadrlar bazasini tayyorlash;
- ta’lim va kadrlar tayyorlashga byudjetdan tashqari mablag‘lar jalb etishning
mexanizmlarini takomillashtirish, davlat ta’lim muassasalari bilan birgalikda nodavlat
ta’lim muassasalarini rivojlantirishni ham nazarda tutgan holda ta’lim xizmati
ko‘rsatish sohasida raqobatga asoslangan muhitni vujudga keltirish;
- ta’lim muassasalari faoliyatiga baho berishning reyting tizimini, kadrlar
tayyorlash sifati va ularga bo‘lgan ehtiyojning monitoringini olib borish tizimini
ishlab chiqish va joriy etish;
- xalqaro aloqalarni kengaytirish va kuchaytirish, kadrlar tayyorlashda xalqaro
donorlik tashkilotlari fondlari faoliyatiga tegishli sharoitlar yaratish, shuningdek,
respublika ta’lim sohasiga chet el investitsiyalarini jalb etish bo‘yicha real chora-
tadbirlar ishlab chiqish va ularni amalga oshirish;
- Kadrlar tayyorlash milliy dasturini ro‘yobga chiqarishning monitoringini olib
borish.
Ushbu bosqichda bolalarni olti-yetti yoshdan maktabga qabul qilish, ularning
jismoniy va aqliy jihatdan rivojlanganligini e’tiborga olgan holda amalga oshiriladi.
Taqozo etilayotgan, o‘quvchi o‘rinlari zarur moddiy-texnika shart-sharoitlari va
pedagog kadrlar bilan ta’minlangan holda izchil tayyorlanadi.
Ikkinchi bosqich (2001-2005 yillar) - Milliy dasturni to‘liq ro‘yobga
chiqarish, mehnat bozorining rivojlanishi va real ijtimoiy-iqtisodiy sharoitlarni
hisobga olgan holda unga aniqliklar kiritish.
52
Majburiy umumiy o‘rta va o‘rta-maxsus, kasb-hunar ta’limiga, shuningdek,
o‘quvchilarning qobiliyatlari va imkoniyatlariga qarab, tabaqalashtirilgan ta’limga
o‘tish to‘liq amalga oshiriladi.
Ta’lim muassasalarini maxsus tayyorlangan malakali pedagog kadrlar bilan
to‘ldirish ta’minlanadi, ularning faoliyatida raqobatga asoslangan muhit vujudga
keltiriladi.
Ta’lim muassasalarining moddiy-texnika va axborot bazasini mustahkamlash
davom ettiriladi, o‘quv-tarbiya jarayoni yuqori sifatli o‘quv adabiyotlari va ilg‘or
pedagogik
texnologiyalar
bilan
ta’minlanadi.
Uzluksiz
ta’lim
tizimini
axborotlashtirish amalga oshiriladi.
Uchinchi bosqich (2005 va undan keyingi yillar) - to‘plangan tajribani tahlil
etish va umumlashtirish asosida, mamlakatni ijtimoiy-iqtisodiy rivojlantirish
istiqbollariga muvofiq kadrlar tayyorlash tizimini takomillashtirish va yanada
rivojlantirish.
Ta’lim muassasalarining resurs, kadrlar va axborot bazalari yanada
mustahkamlanadi, o‘quv-tarbiya jarayoni yangi o‘quv-uslubiy majmualar, ilg‘or
pedagogik texnologiyalar bilan to‘liq ta’minlanadi. Milliy (elita) oliy ta’lim
muassasalarini qaror toptirish va rivojlantirish amalga oshiriladi. Kasb-hunar ta’limi
muassasalarining mustaqil faoliyat yuritishi va o‘zini o‘zi boshqarishi shakllari
mustahkamlanadi.
Ta’lim jarayonini axborotlashtirish, uzluksiz ta’lim tizimi jahon axborot
tarmog‘iga ulanadigan kompyuter axborot tarmog‘i bilan to‘liq qamrab olinadi.
3. Kadrlar tayyorlash miliy modelining tarkibiy qismlari
Ular quyidagilardan iborat: shaxs, davlat va jamiyat, uzluksiz ta’lim, fan va
ishlab chiqarish.
Shaxs - kadrlar tayyorlash tizimining bosh sub’ekti va ob’ekti, ta’lim
sohasidagi xizmatlarning iste’molchisi va ularni amalga oshiruvchisi;
Davlat va jamiyat – ta’lim va kadrlar tayyorlash tizimining faoliyatini tartibga
solish va nazorat qilishni amalga oshiruvchisi, kadrlar tayyorlash va ularni qabul qilib
olishning kafillari;
Uzluksiz ta’lim – malakali raqobatbardosh kadrlar tayyorlashning asosi bo‘lib,
ta’limining barcha turlarini, davlat ta’lim standartlarining kadrlar tayyorlash tizimi
tuzilmasi va uning faoliyat ko‘rsatish muhitini o‘z ichiga oladi;
Fan – yuqori malakali mutaxassislar tayyorlovchi va ulardan foydalanuvchi
ilg‘or pedagogik va axborot texnologiyalarini ishlab chiquvchi;
Ishlab chiqarish - kadrlarga bo‘lgan ehtiyojni, shuningdek, ularning
tayyorgarlik sifati va saviyasiga nisbatan qo‘yiladigan talablarni belgilovchi asosiy
buyurtmachi, kadrlar tayyorlash tizimini moddiy-texnik jihatidan ta’minlash
jarayonining qatnashchisi.
Davlat va jamiyat uzluksiz ta’lim va kadrlar tayyorlash tizimi barcha uchun
ochiq bo‘lishini va hayot o‘zgarishlariga moslanuvchiligini ta’minlaydi.
Kadrlar tayyorlash sohasidagi davlat siyosati insonni intellektual va ma’naviy-
ahloqiy jihatdan tarbiyalash bilan uzviy bog‘liq bo‘lgan uzluksiz ta’lim tizimi orqali
har tomonlama barkamol shaxs, fuqaroni shakllantirishni nazarda tutadi. Shu tarzda
53
fuqaroning eng asosiy konstitutsiyaviy huquqlaridan biri bilim olish, ijodiy
qobiliyatni namoyon etish, intellektual jihatdan rivojlanish, kasbi bo‘yicha mehnat
qilish huquqi ro’yobga chiqariladi.
«Ta’lim to‘g‘risida»gi Qonun umumiy o‘rta va O‘rta-maxsus, kasb-hunar
ta’limi standartlari orqali sifatli ta’lim olish, shuningdek, ta’lim va kasb-hunar
jihatdan tayyorgarlikning shakllari va turlarini tanlashni, uzluksiz malaka oshirib
borish, zarurat taqozo etsa, tegishli qayta tayyorgarlikdan o‘tish huquqini va keng
imkoniyatlarini nazarda tutadi.
Ta’lim xizmatlarining iste’molchisi sifatida shaxsga davlat tomonidan ta’lim
olish va kasb-hunar tayyorgarligini ko’rish kafolatlanadi. Ta’lim olish jarayonida
shaxs davlat ta’lim standartlarida ifoda etilgan talablarni bajarishi shart.
Shaxs ta’lim xizmatlarining yaratuvchisi sifatida tegishli malaka darajasini
olgach, ta’lim, moddiy ishlab chiqarish, fan, madaniyat va xizmat ko‘rsatish sohasida
faoliyat ko‘rsatadi va o‘z bilimi va tajribasini o‘rgatishda ishtirok etadi.
Davlat va jamiyat - kadrlar tayyorlash tizimi amal qilishi va rivojlanishining
kafillari, yuqori malakali raqobatbardosh mutaxassislarni tayyorlash bo‘yicha ta’lim
muassasalarining faoliyatini uyg‘unlashtiruvchi sifatida faoliyat ko‘rsatadi.
Davlat va jamiyat quyidagilarga, chunonchi:
• fuqarolarning bilim olish, kasb tanlash va o‘z malakasini oshirish huquqlari
ro‘yobga chiqarilishiga; ,
• majburiy umumiy o‘rta ta’lim hamda akademik litsey yoki kasb-hunar
kollejida ta’lim olish yo‘nalishini tanlash huquqi asosida majburiy o‘rta maxsus,
kasb-hunar ta’limi olishga;
• davlat grantlari yoki pullik-shartnomaviy acosda oliy ta’lim va oliy o‘quv
yurtidan keyingi ta’lim olish huquqiga;
•
davlat ta’lim muassasalarini mablag‘ bilan ta’minlashga;
•
ta’lim oluvchilarning o‘qishi, turmushi va dam olishi uchun shart-
sharoitlar yaratish borasidagi vazifalarni hal etilishida jamoatchilik boshqaruvini
rivojlantirishga, ta’lim jarayoni qatnashchilarini ijtimoiy jihatdan qo‘llab-
quvvatlashga;
• sog‘liq va rivojlanishda nuqsoni bo‘lgan shaxslarning ta’lim olishiga kafolat
beradilar.
Uzluksiz ta’lim - kadrlar tayyorlash tizimining asosi, O‘zbekiston
Respublikasining ijtimoiy-iqtisodiy taraqqiyotini ta’minlovchi, shaxs, jamiyat va
davlatning iqtisodiy, ijtimoiy, ilmiy-texnikaviy va madaniy ehtiyojlarini qondiruvchi
ustuvor sohadir.
Uzluksiz ta’lim ijodkor, ijtimoiy faol, ma’naviy boy shaxs shakllanishi va
yuqori malakali raqobatbardosh kadrlar tayyorlash uchun zarur shart-sharoitlar
yaratadi.
Uzluksiz ta’lim tizimining faoliyat olib borishi davlat ta’lim standartlari
asosida, turli davrlardagi ta’lim dasturlarining izchilligi asosida ta’minlanadi va
quyidagi ta’lim turlarini o‘z ichiga oladi:
maktabgacha ta’lim;
umumiy o‘rta ta’lim;
o‘rta maxsus, kasb-hunar ta’limi;
54
oliy ta’lim;
oliy o‘quv yurtidan keyingi ta’lim;
kadrlar malakasini oshirish va ularni qayta tayyorlash;
maktabdan tashqari ta’lim.
Kadrlar tayyorlash milliy modeli salmoqli element sifatida fanni o‘z ichiga
oladi, bu sohada:
tabiat va jamiyat taraqqiyoti qonuniyatlari to‘g‘risidagi yangi fundamental va
amaliy bilimlar shakllanadi, kadrlar tayyorlash tizimida ommalashtirish, o‘rganish va
foydalanish uchun kerakli ilmiy natijalar jamlanadi:
oliy malakali ilmiy va pedagog kadrlar tayyorlash amalga oshiriladi;
kadrlar
tayyorlash
jarayonini
ilmiy-tadqiqot
jihatidan
ta’minlash
infrastrukturasi vujudga keltiriladi, ta’limning axborot tarmoqlaridan foydalanish
maqsadida bilimning turli sohalari bo‘yicha axborot bazasi shakllantiriladi;
mamlakatimiz ilm-fanining jahon ilm-faniga integratsiyasi sodir bo‘ladi,
zamonaviy ilm-fan va texnologiyalarning eng muhim muammolarini hal etish uchun
ilmiy yutuqlar va kadrlarni xalqaro miqyosda almashinuvi amalga oshiriladi.
Kadrlar tayyorlash tizimiga ilm-fanning uzviy ravishda kirib borishi uchun
quyidagilar zarur:
ilg‘or pedagogik texnologiyalarni yaratish va o‘zlashtirish yuzasidan maqsadli
innovatsiya loyihalarini shakllantirish va amalga oshirish yo‘li bilan ilm-fanning
ta’lim amaliyoti bilan aloqasini ta’minlash chora-tadbirlarini ishlab chiqyapti;
ilg‘or axborot va pedagogik texnologiyalarni joriy etish uchun eksperimental
maydonchalar barpo etish orqali ilmiy tadqiqotlar natijalarini o‘quv-tarbiya
jarayoniga o‘z vaqtida joriy etish mexanizmini ro‘yobga chiqarish;
Kadrlar tayyorlash milliy dasturini samarali tarzda bajarishni ta’minlash
yuzasidan ilmiy-tadqiqot ishlarini olib borish;
yuqori malakali kadrlar tayyorlash sifatini oshirish, yoshlarning ilmiy
ijodiyotini har tomonlama qo‘llab-quvvatlash;
ta’lim muassasalarida ilmiy-tadqiqot va ilmiy-pedagogik ishlar darajasini
baholashga zamonaviy yondashuvni ro‘yobga chiqarish, ilmiy tadqiqotlar .va
texnologik ishlanmalar natijalari tijoratlashuvi asosida olimlarning obro‘-e’tibori va
ijtimoiy maqomini oshirish;
mamlakat ilm-fanining xalqaro ilmiy hamjamiyatga integratsiyasini
faollashtirish, ta’lim sohasi va kadrlar tayyorlashni takomillashtirish maqsadida ilmiy
yutuqlar va olimlarning bunda o‘zaro almashinuv jarayonini kuchaytirish;
fan va texnologiyalar sohasidagi faoliyatni ma’naviy va moddiy
rag‘batlantirish tizimini ishlab chiqish, talabalar va yosh olimlarning ilmiy yutuqlari
uchun maxsus mukofotlar va sovrinlar ta’sis etish, maxsus stipendiyalar sonini
ko‘paytirish, yoshlar ilmiy-texnika ijodiyotining doimiy ishlaydigan ko‘rgazma va
ekspozitsiyalarini tashkil etish.
Kadrlar tayyorlash tizimida ishlab chiqarish - ishlab chiqarishning talab-
ehtiyojlari kadrlar tayyorlash tizimining yo‘nalishi, darajasi va miqyoslarini
shakllantiradi, kasb tayyorgarligining maqsadi, vazifalari va mazmunini belgilaydi,
malaka talablarini ilgari suradi, ta’limning muvoziy texnologiyalari va shakllarini
55
tanlashni taqozo etadi. Ishlab chiqarish pirovard natijada kadrlarning sifati va
raqobatbardoshligiga baho beradi.
Ishlab chiqarishning kadrlar tayyorlash tizimidagi vazifalari quyidagilar bilan
belgilanadi, chunonchi u:
turli saviya va malakadagi mutaxassislarga bo‘lgan talab-ehtiyojni
shakllantiradi;
o‘z ixtiyoridagi moddiy-texnika, moliya, kadr resurslari hamda kadrlarni
o‘tish, malakasini oshirish va qayta tayyorlash uchun zarur boshqa resurslarni berish
bilan uzluksiz ta’lim tizimiga ko‘maklashadi;
muassis, vasiy, donor, homiy tariqasida ayrim mutaxassislarni va guruhlarni
maqsadli tayyorlashni, shuningdek, turli tip va darajadagi o‘quv yurtlarini
moliyalashda qatnashadi;
ta’lim va ilm-fanning turli shakllardagi integratsiyasini (muvaqqat ijodiy
jamoalar, o‘quv-ilmiy-ishlab chiqarish majmualari, markazlari, texnoparklar,
texnopolislar) rivojlantiradi.
Ishlab chiqarishning kadrlar tayyorlash tizimidagi mavqeini kuchaytirish
quyidagi yo‘llar bilan ta’minlanadi:
ta’limni korxonadagi unumli mehnat bilan, shu jumladan, ishlab chiqarish
amaliyoti jarayonidagi mehnat bilan qo‘shib olib borish asosida yuqori malakali
kadrlar tayyorlash;
kadrlar tayyorlash hamda birgalikda ilmiy-texnologiya ishlanmalarini olib
borishda korxonalarning ishlab chiqarish salohiyatidan foydalanish;
ta’lim oluvchilarni mehnat jamoalarida tarbiyalash (mehnat, ma’naviy va
jismoniy tarbiyalash);
ishlab-chiqarishning
talab-ehtiyojlarini
inobatga
olib,
texnika
va
texnologiyalarni rivojlantirishning yangi yo‘nalishlari bo‘yicha kadrlarni tayyorlash,
qayta tayyorlash va ularning malakasini oshirish;
ishlab chiqarishning iqtisodiy va texnologiya muammolarini hal etish uchun
oliy ta’lim muassasalari va ilmiy tashkilotlarning ilmiy salohiyatini jalb etish;
pedagog kadrlarning ilg‘or texnologiyalar sohasidagi malakasini bevosita
ishlab chiqarishda muntazam oshirib borish;
ishlab chiqarishning yuqori malakali kadrlarini ta’lim jarayoniga va pedagogik
faoliyatga jalb etish;
ishlab chiqarish amaliyotini o‘tish uchun ta’lim oluvchilarni ish joylari bilan
ta’minlash;
o‘zaro integratsiyalangan ta’lim muassasalarini zamonaviy uskunalar,
apparatlar va asboblar bilan jihozlash.
O‘z- o‘zini tekshirish uchun savollar:
1. Kadrlar tayyorlash milliy dasturini amalga oshirish bosqichlarini aytib bering.
2. Kadrlar tayyorlash milliy dasturini amalga oshirishning 1-bosqichida qanday
vazifalar belgilangan?
3. Kadrlar tayyorlash milliy dasturini amalga oshirishning 2-bosqichida qanday
vazifalar belgilangan?
?
56
4. Kadrlar tayyorlash milliy dasturini amalga oshirishning 3-bosqichida qanday
vazifalar belgilangan?
5. Kadrlar tayyorlash miliy modelining tarkibiy qismlarini aytib bering.
6. Uzluksiz ta’lim turlarini aytib bering.
2.3. TA’LIMNI STANDARTLASHTIRISH. O’RTA MAXSUS, KASB-HUNAR
TA’LIMI MAZMUNI, MAQSAD VA VAZIFALARI
Reja:
1. O‘rta maxsus, kasb-hunar ta’limi mazmuni (davlat ta’lim standartlari,
o‘quv rejalari va dasturlari).
2. Kasb-hunar ta’limi mazmunini tanlash mezonlari.
3. O‘rta maxsus, kasb-hunar ta’limi o‘quv muassasalari turlari va
ulardagi ta’lim-tarbiya jarayoni.
1. O‘rta maxsus, kasb-hunar ta’limi mazmuni (davlat ta’lim standartlari, o‘quv
rejalari va dasturlari)
«Kadrlar tayyorlash milliy dasturi» qabul qilingandan keyin uni amalga
oshirish bo‘yicha O‘zbekiston Respublikasi Vazirlar Mahkamasining birinchilar
qatorida qabul qilgan qarori 1998-yil 5-yanvardagi «Uzluksiz ta’lim tizimi uchun
davlat ta’lim standartlarini ishlab chiqish va joriy etish to‘g‘risida»gi 5-sonli
qaroridir.
O‘zbekiston Respublikasining «Ta’lim to‘g‘risida»gi Qonunning 7-moddasiga
ko’ra, Kadrlar tayyorlash milliy dasturiga muvofiq Respublikada idoraviy bo‘ysunishi
va mulkchilik shakllaridan qat’iy nazar ta’lim muassasalarining barcha turlari uchun
majburiy bo‘lgan davlat ta’lim standartlari (DTS) belgilanadi.
- DTS kadrlar tayyorlash sifatiga, ta’lim mazmuniga nisbatan qo‘yiladigan
talablarni;
- ta’lim oluvchilar tayyorgarligining zarur va yetarlicha darajasini hamda ta’lim
muassasalarini bitiruvchilarga nisbatan qo‘yiladigan malaka talablarini;
- o‘quv yuklamasining zarur hajmini; ta’lim muassasalari faoliyatini va kadrlar
tayyorlash sifatini baholash tartibi va mexanizmini belgilaydi.
DTS ta’lim jarayonini va ta’lim muassasalari faoliyatini baholashni tartibga
soluvchi boshqa meyoriy hujjatlarni yaratish uchun asos hisoblanadi.
Davlat ta’lim standartlarining maqsad va vazifalari. Davlat ta’lim standartlari
joriy etilishi quyidagi maqsadlarni nazarda tutadi:
- ta’limning yuksak sifatini hamda mamlakatda amalga oshirilayotgan chuqur
iqtisodiy va ijtimoiy islohotlar, rivojlangan demokratik davlat barpo etish talablariga
javob beruvchi kadrlar tayyorlanishini ta’minlash:
- mamlakatning ijtimoiy va ijtimoiy taraqqiyoti istiqbollaridan, jamiyat
ehtiyojlaridan, fan, texnika va texnologiyaning zamonaviy yutuqlaridan kelib chiqib
kadrlar tayyorlash mazmunini tartibga solish;
- ta’limning demokratiyalashuvi, insonparvarlashuvi va ijtimoiylashuvi, ta’lim
oluvchilarning huquqiy iqtisodiy bilimlari darajasini, shuningdek ta’lim jarayoni
samaradorligini oshirish;
57
- sifatli ta’lim xizmatlarini ko‘rsatish, ta’lim va kadrlar tayyorlash sohasida
shaxsning, jamiyat va davlatning manfaatlarini himoya qilish;
- kadrlar tayyorlash sifatini va ta’lim faoliyatini baholash mezonlarini va
tartibini belgilash;
- ta’lim jarayoni va kadrlar tayyorlashning izchilligi va uzluksizligini
ta’minlash, ta’limning barcha turlari va bosqichlarida o‘quv-tarbiya jarayonini
maqbullashtirish;
- mehnat va ta’lim xizmatlari bozorida raqobatbardoshlilikni ta’minlash.
Davlat ta’lim standartlarining vazifalari:
ta’lim sifatiga va kadrlar tayyorlashga, ko‘rsatiladigan ta’lim xizmatlari
nomenklaturasiga nisbatan qo‘yiladigan maqbul talablarni belgilash;
ta’limga va uning pirovard natijalariga, ta’lim oluvchilarning bilimi va kasbiy
malakasi darajasini vaqti-vaqti bilan baholash tartibi va tartibotiga,
shuningdek, ta’lim faoliyati sifati ustidan nazorat qilishga nisbatan
qo‘yiladigan tegishli talablarni belgilovchi me’yoriy bazani yaratish;
xalqning boy ma’naviy merosi va umuminsoniy qadriyatlar asosida ta’lim
oluvchilarning ma’naviy-axloqiy tarbiyalashning samarali shakllari va
usullarini joriy etish;
ta’limning barcha turlarida ular mazmunini hamda olib boriladigan ta’lim va
tarbiyani kelishib olish, ularning o‘zaro bog‘liqligini, uzluksiz ta’lim tizimida
va kadrlar tayyorlashda izchillikni ta’minlash;
o‘quv-tarbiya va ta’lim jarayoniga, uzluksiz ta’lim tizimining pedagogik
texnologiyalariga va axborot bilan ta’minlanishiga, ta’lim darajasini nazorat
qilishga, ta’lim muassasalarida ta’lim oluvchilar va ularni bitiruvchilarning
malakasiga nisbatan me’yorlar va talablarni belgilash;
ta’lim va kadrlar tayyorlash sifatiga baho berishning xolis tizimini, ta’lim
muassasalarini attestatsiyadan o‘tkazish va akkreditatsiya qilishni joriy etish;
kadrlarni maqsadli va sifatli tayyorlash uchun ta’lim, fan va ishlab
chiqarishning samarali integratsiyasini ta’minlash;
milliy standartlar talabining ta’lim sifati va kadrlar tayyorlashga nisbatan
xalqaro talablarga muvofiqligini ta’minlash;
Ta’limning standartlashtiriladigan turlari.
DTS ta’limning quyidagi turlari uchun belgilanadi:
-
Umumiy o‘rta ta’lim, shu jumladan boshlang‘ich ta’lim;
-
O‘rta maxsus, kasb-hunar ta’limi (akademik litseylar, kasb-hunar
kollejlari);
-
oliy ta’lim (bakalavriat, magistratura).
Maktabgacha, maktabdan tashqari, oliy o‘quv yurtidan keyingi ta’lim, kadrlar
malakasini oshirish va ularni qayta tayyorlash uchun davlat boshqaruvining vakolatli
organlari tomonidan davlat talablari belgilanadi.
O‘rta maxsus, kasb-hunar ta’limi davlat ta’lim standartlarining
vazifalari:
-
O‘MKHT sifatiga va kadrlar tayyorlashga, ko‘rsatiladigan ta’lim
xizmatlari turlariga nisbatan qo‘yiladigan maqbul talablarni belgilash;
58
-
O‘MKHTga va uning pirovard natijalariga, ta’lim oluvchilarning bilimi
va kasb malakasi darajasini vaqti-vaqti bilan baholash tartibiga, shuningdek, ta’lim
faoliyati sifati ustidan nazorat qilishga nisbatan qo‘yiladigan tegishli talablarni
belgilovchi me’yoriy negizni yaratish;
-
xalqning boy aql-zakovat merosi va umuminsoniy qadriyatlar asosida
ta’lim oluvchilarni ma’naviy-axloqiy tarbiyalashning samarali shakllari va usullarini
joriy etish;
-
O‘MKHT o‘quv-tarbiya va ta’lim jarayoniga, pedagogik va axborot
texnologiyalari bilan ta’minlashga, ta’lim darajasini nazorat qilishga, ta’lim
muassasalarida ta’lim oluvchilar va ularni bitiruvchilarning malakasiga nisbatan
me’yorlar va talablarni belgilash;
-
kadrlarni maqsadli va sifatli tayyorlash uchun ta’lim, fan va ishlab
chiqarishning samarali integratsiyasini ta’minlash.
O‘rta maxsus, kasb-hunar ta’limi tayyorlov yo‘nalishlari bo‘yicha o‘quv
reja va dasturlarni ishlab chiqish asoslari
O‘zbekiston Respublikasi Vazirlar Mahkamasining 2000-yil 16-oktabrdagi
«O‘rta maxsus, kasb-hunar ta’limi Davlat ta’lim standartlarini tasdiqlash
to‘g‘risida»gi 400-sonli qarori bilan tasdiqlangan O‘MKHT DTS «Asosiy qoidalar»
standartida O‘MKHT tayanch o‘quv rejasini ishlab chiqish bo‘yicha quyidagilar
keltirilgan:
1. O‘rta maxsus, kasb-hunar ta’limi standartining tayanch o‘quv rejalari ta’lim
mazmunidan kelib chiqib akademik litseylar va kasb-hunar kollejlari tayyorlov
yo‘nalishlari bo‘yicha alohida tuziladi.
Tayanch o‘quv rejalari o‘rta maxsus, kasb-hunar ta’limi muassasalarining
ishchi o‘quv rejalarini ishlab chiqish uchun asos hisoblanadi.
2. Tayanch o‘quv rejasida o‘quv yili 40 hafta va 2 semestrdan iborat. Har bir
semestr 20 haftani o‘z ichiga oladi.
DTS tasdiqlangandan so‘ng 40 hafta semestlarga 20 haftadan taqsimlanganligi
amalda ma’lum bir noqulayliklarga olib kelganligi sababli bugungi kunda 1-semestr
17 hafta va 2–semestr 23 hafta qilib qabul qilingan. Bu asosan 1-semestr dekabr
oxirida o‘quvchilarning yangi yil arafasida 1-semestrni tugatib, ikki haftalik ta’tilga
chiqishlarini ko‘zda tutilib qilindi.
3. Tayanch o‘quv rejalarida umumiy 4560 soatdan 80-220 soat ta’lim
muassasasi ilmiy-pedagogik kengashi qarori bilan kiritiladigan fanlar uchun ajratiladi.
4. Ta’lim muassasalari o‘quvchilarining haftalik yuklamasi 54 soatni tashkil
etadi. Bundan 16 soati mustaqil ishlashga ajratiladi.
5. Ta’lim muassasalari ilmiy-pedagogik kengashlariga ishchi o‘quv rejalarini
tuzishda tayanch o‘quv rejalarini ta’lim standartlari talablari doirasida 15-20% gacha
o‘zgartirish huquqi beriladi.
KASB-HUNAR KOLLEJLARNING O‘QUV REJASI
O‘quv jarayoni grafigi
H a f t a l a r
O‘qish muddati 3 yil
Kurslar
0 1 2 3 4 5 6 7
8 9 0 1 2 3 4 5 6 7 8 9 0 1 2 3 4 5 6 7 8 9 0
59
I
II
III
Sh a r t l i b e l g i l a r
Nazariy va o‘quv
amaliyoti
Ta’til
Ishlab chiqarish
amaliyoti
Diplom ishi
O‘quv jarayoni rejasi
T/r
O‘QUV FANLARI
Jami
soat
Soatlarning kurslar
bo‘yicha taqsimoti
1 kurs
2 kurs
3 kurs
Umumta’lim fanlari
1.
Nutq madaniyati va Davlat tilida ish yuritish
80
40
40
2.
Ona tili va adabiyot
120
80
40
3.
Rus (o‘zbek) tili
120
80
40
4.
Xorijiy til
160
80
40
40
5.
Tarix
160
80
60
20
6.
Shaxs va jamiyat
40
40
7.
Matematika
200
80
60
60
8.
Informatika
120
80
40
9.
Fizika
160
80
80
10.
Astronomiya
40
40
11.
Kimyo
80
80
12.
Biologiya va ekologiya
80
80
13.
Iqtisodiy geografiya
40
40
14.
Yoshlarni chaqiriqqa tayyorlash (YOCHT)
140
70
70
15.
Jismoniy tarbiya
160
80
40
40
16.
Davlat va huquq asoslari
80
80
17.
Ma’naviyat asoslari
40
40
18.
Axborot texnologiyalari
40
20
20
19.
Estetika
40
40
20.
Oila psixologiyasi
40
40
20
20
21.
O‘zbekiston konstitusiyasi
40
40
20
20
22.
Milliy istiqlol g‘oyasi: asosiy tushuncha va
tamoyillar
40
40
20
20
23.
Iqtisodiy bilim asoslari
40
40
20
20
JAMI:
1994
920
530
490
Kasbiy ta’lim fanlari (umumkasbiy va maxsus fanlar)
JAMI:
1300
480
370
450
O‘quv amaliyoti:
480
120
180
180
Ishlab chiqarish amaliyoti
648
360
288
JAMI:
1128
120
540
468
Diplom ishi
76
76
J A M I:
4444
1520
1440
1484
Haftalik yuklama
38
36-38
36-38
Kollej ilmiy-uslubiy kengashi qarori bilan
kiritiladigan fanlar
116
80
36
HAMMASI:
4560
1520
1520
1520
|