|
Ağız orqanları. Qidanın müxtəlifliyindən asılı olaraq, həşəratda ağız orqanları müxtəlif dəyişikliyə uğramışdır. Lakin, ayrı-ayrı hissələrinin quruluşuna və yerləşməsinə görə bir-birinə oxşardırlar.
Ağız orqanları üst dodaqdan (labrum), 3 cüt ağız ətraflarından və diləbənzər çıxıntıdan (hypopharynx) ibarətdir. 3 cüt ağız ətraflarına bir cüt üst çənələr və ya mandibula (mandibulae), bir cüt alt çənələr və ya maksilla (maxillae) və xaricən cüt olmayan buğumlu alt dodaq (labium) daxildir.
Həşəratın ağız orqanlarının quruluşu onların təsnifatında mühüm əlamət hesab edilir. Qidalanma xüsusiyyətindən asılı olaraq həşəratda bir neçə tip ağız orqanları inkişaf etmişdir: gəmirici, gəmirici-yalayıcı, sorucu, sancıcı-sorucu, kəsici-sorucu, yalayıcı. Hər bir ağız orqanlarının özünəməxsus xüsusiyyətləri və quruluşları vardır.
Döş (thorax) bədənin ikinci hissəsi olub, 3 buğumdan ibarətdir. Bu buğumlar ön (prothorax), orta (mesothorax) və dal (metathorax) döş adlanır. Hər bir buğum üst yarımhəlqədən – terqit və ya arxacıqdan (notum), alt yarımhəlqədən – sternit və ya döşcükdən (sternum) və 2 yan yarımhəlqələrdən – pleyritdən ibarətdir.
Dostları ilə paylaş: |
