Kbt я25 uot (059) Baş redaktor

180

Mədəniyyət.Maarif.Təhsil 

130 

illiyi

Rəhim bəy Məlikov

1886-1936

MA

Y

Rəhim bəy Mehrəli bəy oğlu Məlikov 

1886-cı  il  may  ayının  2-də  Göyçay 

qəzasının  Zərdab  kəndində  (indiki 

Zərdab rayonu) anadan olmuşdur. Atası 

Mehrəli  bəy  ermənilər  tərəfindən  qətlə 

yetirildiyindən yetim qalmış yeddi yaşlı 

Rəhim əmisi - görkəmli maarifçi, ziyalı 

Həsən bəy Zərdabinin himayəsində bö-

yümüşdür.  1906-cı  ildə  Bakıda  realnı 

gimnaziyanı  bitirib  Kazan  Universite-

tinin  fizika-riyaziyyat  fakültəsinə  daxil 

olmuşdur.

1912-ci  ildə    təhsilini    başa  vuran 

Rəhim  bəy  təyinata  uyğun  olaraq  Şi-

mali  Qafqazın  bir  sıra  şəhərlərində 

fəal  pedaqoji  iş  aparmış,  1912-1913-

cü  illərdə  Qroznı,  Maykop  və  Pya-

tiqorsk  şəhərlərində  ali  kurslarda  fi-

zika  və  riyaziyyat,  1920-1923-cü 

illərdə  isə  M.Lermontov  adına  Xalq 

Universitetində fizika fənnini tədris et-

mişdir.

1923-cü  ildə  Azərbaycan  Xalq  Ko-

missarları  Sovetinin  sədri  Nəriman 

Nərimanovun  dəvəti  ilə  Bakıya 

gəlmiş  və  Ali  Pedaqoji  İnstitutda  fizi-

ka  müəllimi  kimi  fəaliyyətə  başlamış-

dır.  1927-ci  ildə  Ali  Pedaqoji  İnstitu-

tun  (indiki ADPU) Azərbaycan  Dövlət 

Universitetinin  (indiki  BDU)  tərkibinə 

qatılması  ilə  əlaqədar  olaraq  (1930-cu 

ilə qədər) Rəhim bəy fəaliyyətini orada 

davam etdirmişdir. 1930-1936-cı illərdə 

Pedaqoji  İnstitutun  fizika  kafedrasının 

müdiri olmuşdur.

1935-ci  ildə  institutun  elmi  şura-

sı  alimin  elmi  və  pedaqoji  sahədəki 

xidmətlərini  nəzərə  alaraq  ona  fizika 

üzrə professor elmi rütbəsinin verilməsi 

barədə qərar çıxarmışdır. Pedaqoji İns-

titutun  tarixində  Rəhim  bəy  Məlikov 

bu ada layiq görülmüş ilk azərbaycanlı 

alim idi.

Onun  yaratdığı  fizika  kabineti 

tələbələrin pedaqoji təcrübəsinə xidmət 

etmiş,  eyni  zamanda  o,  ilk  dəfə  fizika 

terminləri lüğətini də hazırlamışdır.

Görkəmli  pedaqoq  olmaqla  yanaşı, 

mətbuat  səhifələrində  xalqımızın  adət-

ənənələrindən,  mənəvi  dəyərlərindən 

bəhs edən maraqlı məqalələr dərc etdir-

miş, demokratik ideyalı tədqiqatçı kimi 

məşhurlaşmışdır. Kazan Universitetində 

təhsil alarkən “Molla Nəsrəddin” jurna-

lının Kazan regionu üzrə müxbiri kimi 

“Bayquş” imzası ilə də çıxış etmişdir.

Nəcəf  bəy  Vəzirovun  “Müsibəti 

Fəxrəddin”  və  “Ailə  tərbiyəsi” 

əsərlərinin  tatar  dilinə  tərcümə  edilib 

səhnələşdirilməsi  də  Rəhim  bəyin  adı 

ilə bağlıdır. Onun ilk teatr resenziyala-

rı  1905-ci  ildə  “Kaspi”  qəzetində  dərc 

olunmuşdur. 

Repressiya  Rəhim  bəydən  də  yan 

keçməmiş,  Zərdabilər  ailəsinin  digər 

üzvləri kimi, o da bu amansız prosesin 

qurbanı  olmuşdur.  Azərbaycanın  fizi-

ka elmi üzrə ilk professoru Rəhim bəy 

təzyiq  və  ittihamlara  dözə  bilməyərək 

1936-cı il fevral ayının 23-də vəfat et-

mişdir.

Ə d ə b i y y a t

Aydınoğlu, T. 

Azərbaycanın ilk fizi-

ka alimi /T.Aydınoğlu 

//Xalq qəzeti.- 2011.- 

9 iyul.- S.7.

İlyasoğlu, R. 

Azərbaycanın fizika 

elminin görkəmli 

xadimi /R.İlyasoğlu //

Respublika.- 2011.- 

23 iyun.- S.8.

Qurbanov, Ş. 

Azərbaycanda ilk 

fizika professoru - 

Rəhim bəy Məlikov 

/Ş.Qurbanov      //

Müəllimlər.- Bakı, 

2003.- S.75-108.

İ n t e r n e t d ə

www.adam.az

www.anl.az

www.az.wikipedia.

org

2

Alim

181

181

Mədəniyyət.Maarif.Təhsil 

160 

illiyi

Hənifə Məlikova-Abayeva

1856-1929 

MA

Y

Hənifə  Aslan  bəy  qızı  Məlikova 

(Abayeva) 1856-cı il may ayının 5-də 

Şimali  Qafqazda,  Nalçik  şəhərində 

anadan  olmuşdur.  Azərbaycanın  ilk 

maarifçi qadınlarından biri olan Hənifə 

xanım 1872-ci ildə Tiflisdə “Müqəddəs 

Nina” qız məktəbini bitirmişdir.

Həyat  yoldaşı  Həsən  bəy  Zərdabi 

ilə  birlikdə  Azərbaycanın  ilk  mətbu 

orqanı olan “Əkinçi” qəzetinin forma-

laşması və nəşrində fəal iştirak etmiş-

dir.

1880-ci ildə Həsən bəy Zərdabi ilə 

birgə, öz mənzilində Xalq məktəbi aç-

mış,  təqib  və  təzyiqlərə  baxmayaraq, 

heç  bir  təmənna  ummadan  kimsəsiz 

uşaqlara  sahib  çıxaraq,  həyat  yol-

daşı  ilə  birlikdə  onlara  elm,  savad 

öyrətmişdir. 1904-1908-ci illərdə yaş-

lılara da dərs demişdir.

Hənifə  xanım  Bakıda  “Nicat” 

Cəmiyyətinin  qadın  bölməsinin  yara-

dıcılarından  biri  olmuş,  türk  qadınla-

rının mədəni səviyyəsini yüksəltmək, 

onları  təhsilli,  ziyalı  şəxsiyyət  kimi 

yetişdirmək üçün çalışmışdır. 

Böyük  xeyriyyəçi  Hacı  Zeynalab-

din Tağıyevin köməyi ilə 1901-ci ildə 

Bakıda  ilk  qızlar  məktəbi  açılmış, 

1901-1905-ci  illərdə  Hənifə  xanım 

həmin  məktəbin  müdiri  olmuşdur. 

1909-cu  ildən  1919-cu  ilədək  Bakı 

şəhər  Dövlət  birinci  rus-tatar  (rus-

Azərbaycan)  qız  məktəbinin  müdiri 

vəzifəsində çalışmışdır.

Hənifə  xanım  Məlikovanın  (Aba-

yeva)  maarifçilik  fəaliyyəti  qısa  bir 

zamanda bütün Cənubi Qafqazda ge-

niş  vüsət  almış,  1920-1926-cı  illərdə 

Azərbaycan  Xalq  Maarif  Komissarlı-

ğında məsul vəzifədə çalışmışdır.

Milli  maarif  və  mədəniyyətimizin 

inkişafında  misilsiz  xidmətləri  olmuş 

Hənifə  xanım  Məlikova  (Abayeva) 

1929-cu  ildə  Bakıda  vəfat  etmişdir. 

Əvvəlcə  şəhər  qəbiristanlığında  dəfn 

edilən Hənifə xanımın cəsədi sonralar 

həyat  yoldaşı  Həsən  bəy  Zərdabinin 

məzarının yanına köçürülmüşdür.

2011-ci ildə Hənifə xanım Məlikova-

Abayeva  Zərdabinin  anadan  olması-

nın 155 illiyi ilə əlaqədar AMEA-nın 

M.Füzuli adına Əlyazmalar İnstitutun-

da elmi-nəzəri konfrans keçirilmişdir. 

Ə d ə b i y y a t

Məlikova-Abayeva Hənifə 

//Dəyişikliklərə cəsarəti 

çatan örnək xanımlar=Role 

Models: Women daring to 

change /M.Vəzir; Rasional 

İnkişaf uğrunda Qadınlar 

Cəmiyyəti (RİQC).- Bakı, 

2008.- S.63.

Məlikova-Abayeva Hənifə 

xanım //Azərbaycan qadını 

ensiklopediyası /red. hey. R. 

Mehdiyev [və b.]; baş red. 

İ.Vəliyev; [müəl. X.Abbasov 

[və b.]].-Bakı, 2002.- S.272.

Məlikova-Abayeva Hənifə 

xanım //Azərbaycan Sovet 

Ensiklopediyası: 10 cilddə.- 

Bakı, 1982.- C.6.- S.491.

Fərəcov, S. Müqəddəs 

əməllərin böyüklüyü 

/S.Fərəcov //Mədəniyyət.-

2012.-27 iyul.- S.14.

İ n t e r n e t d ə

www.anl.az

www.az.wikipedia.org

5

Maarifçi

182

Mədəniyyət.Maarif.Təhsil 

MA

Y

Mahmud Allahverdiyev 

1931-1999

Ə d ə b i y y a t

Azərbaycan teatrı bu 

gün /M.Allahverdiyev; 

AzSSR “Bilik” 

Cəmiyyəti.- Bakı: [Kom-

munist], 1984.- 54 s.

Azərbaycan və 

xalq teatr tarixi 

/M.Allahverdiyev.-Bakı: 

Marif, 1978.- 238 s.

Mirzağa Əliyev: 

[monoqrafiya] 

/M.Allahverdiyev.-Bakı: 

İşıq, 1988.-110 s.

Teatr tənqidi və 

müasirlik: İncəsənət 

institutunun tələbələri 

üçün dərs vəsaiti 

/M.Allahverdiyev; rəyçi: 

İ.Rəhimli; elmi red. 

A.Səfiyev.- Bakı: Maarif, 

1990.- 192 s.

Rəis, X. Görkəmli 

teatrşünas Mahmud 

Allahverdiyev /Xəyalə 

Rəis  //Kaspi.- 25-27 

avqust.- S.22.

İ n t e r n e t d ə

www.anl.az

www.az.wikipedia.org

Mahmud  Qara  oğlu  Allahverdiyev 

1931-ci  il  may  ayının  15-də  Gürcüs-

tan Respublikasının Bolnisi rayonunun 

Mirhəsənli kəndində anadan olmuşdur.

1952-1956-cı  illərdə  Azərbaycan 

Dövlət  Teatr  İnstitutunun  (indi-

ki  Azərbaycan  Dövlət  Mədəniyyət 

və  İncəsənət  Universiteti)  aktyor-

luq  fakültəsində  təhsil  almış,  sonra 

M.Əzizbəyov adına Azərbaycan Dövlət 

Dram Teatrına aktyor kimi qəbul edil-

mişdir.

Onun  səhnədə  ilk  rolu  1955-ci 

il  dekabr  ayının  27-də  “Tədris”  Te-

atrının  səhnəsində  rejissor  Mehdi 

Məmmədovun  quruluşunda  F.Şillerin 

“Qaçaqlar”  pyesindəki  Karl  Moor  ob-

razı  olmuşdur.  Həmin  vaxtdan  Ədil 

İsgəndərov bu gənc aktyorda yüksək is-

tedadı duyaraq onun Azərbaycan Dövlət 

Dram Teatrında aktyor kimi işləməsinə 

razılıq vermişdir.

Lakin  elmi  işə  marağı  olduğundan 

Azərbaycan  Elmlər  Akademiyasının 

(indiki AMEA) Memarlıq və İncəsənət 

İnstitutunun Teatr və kino şöbəsinin as-

piranturasına qəbul olunmuşdur.

1966-cı ildə “Müasir aktyor yaradıcı-

lığı - Ələsgər Ələkbərov” mövzusunda 

namizədlik  dissertasiyası,  1991-ci  ildə 

Daşkənddə “Azərbaycan xalq teatrının 

kökləri və müasirlik” mövzusunda dok-

torluq dissertasiyası müdafiə etmişdir. 

1970-ci  ildən  Azərbaycan  Dövlət 

İncəsənət  İnstitutu  (indiki  ADMİU) 

Teatr  tarixi  kafedrasında  (indiki  Te-

atrşünaslıq)  fəaliyyətini  davam  etdir-

mişdir. 1972-ci ildə ilk elmi əsəri olan 

“Ələsgər  Ələkbərov”  monoqrafiyasını, 

1988-ci ildə isə SSRİ Xalq artisti Mir-

zağa  Əliyevin  həyat  və  yaradıcılığına 

həsr olunmuş monoqrafiyanı nəşr etdir-

mişdir. 

1993-cü ildə Teatr tarixi kafedrasının 

müdiri,  həmçinin  universitetin  tədris 

və  elmi  işlər  üzrə  prorektoru  (1978-

1993) vəzifələrində işləmişdir. 1993-cü 

ildə İstanbul şəhərindəki Memar Sinan 

Universitetinə  dərs  deməyə  dəvət  al-

mışdır.

Mahmud Allahverdiyev teatr prosesi-

ni izləyən, onu müasir tələblər baxımın-

dan təhlil edən nəzəriyyəçi, tədqiqatçı, 

böyük  alim  idi.  İstər  müasir  teatr, 

istərsə də milli teatrımızın qaynaqlarını 

araşdıran  mütəxəssislər  üçün  sanballı 

mənbələr  hesab  olunan  “Azərbaycan 

xalq teatr tarixi” (1978), “Teatr tənqidi 

və  müasirlik”  (1990),  “Müasir  teatrda 

ənənə və novatorluq məsələləri” (1974) 

və digər əsərləri ilə milli teatrşünaslığı-

mızı zənginləşdirmişdir.

Kitablarla  yanaşı,  həmçinin  bir  sıra 

resenziyaların da müəllifidir. Buna mi-

sal  olaraq  “Şəbehkərdanlıq  haqqında 

bir  neçə  söz”,  “Gənc  kollektivin  axta-

rışları”,  “İki  pyes,  iki  tamaşa”,  “Kiçik 

torpağın  böyük  qəhrəmanları”,  “Kim-

dir müqəssir?”, “Şəhərin yay günləri”, 

“Mənsiz dünya” və s. adlarını çəkmək 

olar.

Görkəmli  teatrşünas  alim  Mahmud 

Allahverdiyev 1999-cu il dekabr ayının 

2-də Bakı şəhərində vəfat etmişdir.

85 

illiyi

15

Teatrşünas

183

Mədəniyyət.Maarif.Təhsil 

Ofeliya Sənani 

1941

MA

Y

Ofeliya Hacağa qızı Sənani 1941-ci il 

may ayının 26-da Bakı şəhərində anadan 

olmuşdur. Hələ 10-cu sinifdə oxuyarkən 

Respublika Radiosunda təcrübəçi diktor 

kimi fəaliyyətə (1959) başlamışdır. 

1959-1975-ci  illərdə  bir  sıra  radio 

tamaşalarında  baş  rolları  səsləndirən 

Ofeliya  Sənani  1975-ci  ildə  televiziya-

da  diktor  kimi  fəaliyyətə  başlamış  və 

1978-ci  ildə  ali  dərəcəli  diktor  adına 

layiq görülmüşdür. Eyni zamanda 1960-

1990-cı illərdə “Azərbaycanfilm” kinos-

tudiyasının  dublyaj  şöbəsində  işləmiş, 

100-dən artıq filmin baş qəhrəmanını - 

“Yeddi oğul istərəm” (1970 - Humay), 

“Tütək  səsi”  (1978  -  İsmət),  “Qayna-

na” (1978 - Sevda) və b. qəhrəmanları 

səsləndirmişdir. 

Bir neçə filmdə rol almış - “Dağlarda 

döyüş”  (1967),  “O  qızı  tapın”  (1970), 

“Ulduzlar  sönmür”  (1971)  və  s.  bədii 

filmlərində,  “Mücrü”  (1973),  “Bakı 

bulvarı”  və  s.  televiziya  filmlərində 

çəkilmişdir.

Ofeliya Sənani 1975-ci ildə “Əməkdar 

artist”,  1991-ci  ildə  isə  “Xalq  artisti” 

fəxri adlarına layiq görülmüşdür. 

Azərbaycan  efir  məkanında  diktor 

məktəbinin aparıcı şəxsiyyətlərindən biri 

kimi  yeni  diktor  nəslinin  yetişməsində 

böyük rol oynamışdır. 

Kütləvi  informasiya  vasitələrinin 

mühüm  qollarından  biri  olan  Milli  Te-

leviziyanın  inkişafındakı  xidmətlərinə 

görə  Ofeliya  Sənani  1994-cü  ildə 

Azərbaycan Respublikası Prezidentinin 

Sərəncamına əsasən Fərdi təqaüdə layiq 

görülmüşdür.

26

Ə d ə b i y y a t

Sənani Ofeliya Hacağa qızı //Azərbaycan qadını ensiklopediyası Azərbaycan Milli Ensiklopediyası Nəşriyyat –Poliqrafiya birliyi/ Bakı, 

2002.- S.357.

Allahverdiyev, E. Bizim ali dərəcəli diktorumuz /E.Allahverdiyev //Ekran.Efir.- 2011.- 30 may-5 iyun.- S.7.

Əhmədli, Z. Ekran və efirin Ofeliyası  /Z.Əhmədli //Ədəbiyyat qəzeti.-2013.- 1 noyabr.- S.6.

İ n t e r n e t d ə

www.anl.az

www.az.wikipedia.org

www.kino-teatr.ru 

75  

illiyi

Diktor

184

Riyaziyyat.Fizika.Astronomiya

65 

illiyi

Asəf Hacıyev

1951

MA

Y

Asəf  Hacı  oğlu  Hacıyev  1951-ci  il 

may ayının 29-da Gəncə şəhərində ana-

dan olmuşdur.

1968-ci  ildə  Gəncədə  4  saylı  orta 

məktəbi bitirdikdən sonra M.V. Lomo-

nosov  adına  Moskva  Dövlət  Universi-

tetinin mexanika-riyaziyyat fakültəsinə 

daxil olmuş, 1973-cü ildə fərqlənmə dip-

lomu ilə bitirmişdir. 1979-cu ildə Mosk-

va Dövlət Universitetinin ixtisaslaşdırıl-

mış şurasında “Cihazları hərəkətdə olan 

kütləvi xidmət sistemləri” mövzusunda 

namizədlik  dissertasiyası,  1992-ci  ildə 

isə  N.Bauman  adına  Moskva  Dövlət 

Texniki  Universitetinin  Elmi  Şurasın-

da  “Cihazları  əlaqəli  olan  mürəkkəb 

kütləvi  xidmət  sistemlərinin  analizi” 

mövzusunda  doktorluq  dissertasiyasını 

müdafiə etmişdir.

1996-cı ildən AMEA-nın Kibernetika 

İnstitutunda laboratoriya müdiri, 2001-

ci ildən Bakı Dövlət Universitetində ka-

fedra müdiri vəzifələrində çalışır.

130  dan  çox  elmi  əsərin,  bir 

neçə 

monoqrafiyanın 

müəllifidir. 

Asəf  Hacıyev  dünyanın  aparıcı  elmi 

mərkəzlərinin  dəvəti  ilə  -  1998-ci  il 

Lissabon  Universitetində,  2002,  2003, 

2008-ci  illərdə  Stokholm  Kral  Univer-

siteti, 2000, 2001, 2004, 2009-cu illərdə 

Cənubi  Kaliforniya  Universitetində, 

mütəmadi  olaraq  Türkiyə  və  digər 

ölkələrin universitetlərində mühazirələr 

oxumuşdur.

Dörd  dildə  (Azərbaycan-ingilis-rus-

türk) “Ehtimal nəzəriyyəsi və riyazi sta-

tistika üzrə terminlər lüğəti”nin (2002) 

həmmüəlliflərindəndir. 

Azərbaycan 

əlifbası  hərflərinin  optimal  düzülüşü-

nün  yaradılması  üçün  yeni  universal 

statistika  metodu  təklif  etmiş  və  bu 

istiqamətdə tədqiqatları başa çatdırmaq 

üçün ABŞ-ın CRDF fondunun qrantına 

layiq görülmüşdür. Görkəmli alim 2000-

ci ildən İsveçrədə yerləşən Ümumdün-

ya İntellektual Mülkiyyətinin qorunma 

təşkilatının üzvüdür. 

Ehtimal  Nəzəriyyəsi  və  Riyazi  Sta-

tistika üzrə Ümumdünya Cəmiyyətinin, 

2004-cü ildə isə Nobel Mükafatı Laure-

atı Abdüs Salmanın yaratdığı İnkişafda 

olan  ölkələrin  Elmlər  Akademiyasının 

Qafqaz və Orta Asiya regionlarından ilk 

və hələ yeganə üzvü seçilmişdir.

1980-cı  ildə  Asəf  Hacıyev  ehti-

mal  nəzəriyyəsi  və  riyazi  statistika 

sahəsində  əldə  etdiyi  elmi  nəticələrə 

görə Azərbaycan Lenin Komsomolunun 

mükafatına layiq görülmüşdür.

1995-2005-ci  illərdə  Azərbaycan 

Respublikası  Milli  Məclisinin  deputatı 

olmuşdur. 2001-ci ildə Qara Dəniz İq-

tisadi  Əməkdaşlıq  Təşkilatının  Parla-

ment  Assambleyasının  vitse-prezidenti 

seçilmişdir.  Bu  təşkilatdakı  səmərəli 

fəaliyyətinə görə xüsusi diplomla təltif 

edilmişdir. 

2001-ci ildə AMEA-nın müxbir üzvü, 

2014-cü ildə həqiqi üzvü seçilmişdir.

Ə d ə b i y y a t

Azərbaycanca-Türkcə-

rusca-ingiliscə ehtimal 

nəzəriyyəsi və riyazi 

statistika terminləri 

lüğəti /tərt. ed.: 

A.Hacıyev və b.- Bakı: 

Gənclik, 2002.- 436 s.

Ehtimal nəzəriyyəsi və 

riyazi-statistika ensiklo-

pediyası /A.Hacıyev, 

C.Allahverdiyev; 

H.Əhmədova (tərt 

ed).-Bakı: Elm, 2010.- 

1183 s.

Hacıyev Asəf //Ə.

Əli-zadə XX əsr 

Gəncənin görkəmli elm, 

mədəniyyət, partiya və 

dövlət xadimləri.- Bakı, 

2008.- S.116-118.

İ n t e r n e t d ə

www.anl.az

cs.bsu.edu.az/az/

content/_hacyev_asf_

hac_olu

www.az.wikipedia.org

adam.az/index.

php?option=com...61

29

Akademik

MA

Y

31

185

MA

Y

31

Kimya.Biologiya.Tibb

115 

illiyi

Cahangir Abdullayev

1901-1973

MA

Y

Cahangir  Məmməd  oğlu  Abdulla-

yev 1901-ci il may ayının 1-də Gəncə 

şəhərində anadan olmuşdur. Gəncə gim-

naziyasında təhsil almışdır. Azərbaycan 

Dövlət  Universitetinə  (indiki  BDU) 

qəbul  olunmuş,  1925-ci  ildə  oranı 

fərqlənmə diplomu ilə bitirdikdən son-

ra  Leninqrad  (indiki  Sankt-Peterburq) 

kardioloji 

mərkəzində 

məşhur 

kardioloq-akademik 

K.F.Langenin 

rəhbərliyi  altında  fəaliyyətə  başlamış 

və ürək-damar xəstəlikləri üzrə 14 elmi 

əsər çap etdirmişdir.

1932-ci  ildə  Bakıya  qayıtmış  və 

Azərbaycan  Dövlət  Tibb  İnstitutun-

da  (indiki ADTU)  dosent  vəzifəsində 

çalışmışdır.  1936-cı  ildə  “Malyariya 

xəstəliyi  zamanı  ürək-damar  sistemi-

nin  vəziyyəti”  mövzusunda  doktorluq 

dissertasiyasını  müdafiə  etmiş,  1-ci 

Qospital  terapiya  kafedrasının  profes-

soru seçilmiş, 1943-cü ildən ömrünün 

sonuna qədər 2-ci Qospital terapiya ka-

fedrasının müdiri vəzifəsində çalışmış-

dır.  Eyni  zamanda  Azərbaycan  Elmi 

Tədqiqat Klinik və Eksperimental Tibb 

İnstitutunun  Kardiologiya  şöbəsinə 

rəhbərlik etmişdir.

Böyük  Vətən  müharibəsi  illərində 

Semaşko  adına  xəstəxananın  (indiki 

M.Nağıyev  ad.  1  saylı  Şəhər  Klinik 

Xəstəxanası) baş həkimi olmuşdur.

Terapevtlərin  (1960)  və  Hemato-

loqların  (1963)  Beynəlxalq  Assosia-

siyalarının,  Terapevtlərin  (1961)  və 

Kardioloqların  (1965)  Ümumittifaq 

Elmi  Cəmiyyətlərinin  üzvü,  Respub-

lika  Kardioloqlar  Cəmiyyətinin  sədri 

(1966)  və  “Kardiologiya”  jurnalının, 

eləcə də “Azərbaycan tibb jurnalı”nın 

redaksiya heyətinin üzvü olmuşdur.

RSFSR terapevtlərinin 1958-ci ildə 

keçirilən I qurultayında professor Ca-

hangir  Abdullayev  “Koronor  çatız-

mazlığı  zamanı  strofantin  tətbiqinin 

bəzi təsirləri” mövzusunda məruzə ilə 

çıxış  etmişdir.  Həmin  çıxış  tibb  elmi 

ictimaiyyəti  tərəfindən  maraqla  qarşı-

lanmış və dövri mətbuatda dərc olun-

muşdur.

150-dən artıq elmi işin, o cümlədən 

10 monoqrafiya və dərsliklərin müəllifi 

olmuş,  kardiologiya  sahəsində  öz 

məktəbini  yaratmış,  13  tibb  elmləri 

doktoru, 46 tibb elmləri namizədi ha-

zırlamışdır. 

Akademikin  Azərbaycan  dilində 

nəşr etdirdiyi “Daxili xəstəliklər” dərs 

vəsaiti  bu  gün  də  həkim  və  tələbələr 

üçün əsas dərs vəsaiti hesab olunmaq-

dadır. 

“Qırmızı  Əmək  bayrağı”  ordeni 

və  bir  sıra  medallarla  təltif  edilmiş-

dir.  1940-cı  ildə  “Azərbaycan  SSR 

Əməkdar  elm  xadimi”,  1959-cu  ildə 

Azərbaycan  Elmlər  Akademiyasının 

müxbir  üzvü,  1968-ci  ildə  isə  həqiqi 

üzvü seçilmişdir.

Cahangir  Abdullayev  1973-cü  il 

yanvar  ayının  4-də  72  yaşında  vəfat 

etmiş, Bakıda I Fəxri Xiyabanda dəfn 

edilmişdir. 

Bakıda Elmi-Tədqiqat Kardiologiya 

İnstitutu  onun  adını  daşıyır.  Gəncədə 

büstü  qoyulmuş,  küçələrdən  birinə 

onun  adı  verilmişdir.  2001-ci  ildə 

100 illik yubileyi Bakıda və Gəncədə 

təntənəli şəkildə qeyd olunmuşdur.