SLK (suyuq lizin konsentrati) preparatini sanoat miqyosida ishlab chiqarish SLK ni sanoat miqyosida ajratib olish texnologiyasi mikrob o`stirilgan
suyuqlikni mutloq quruq modda darajasining 40 % darajasigacha bug`lantirishga
asoslangan. Buning uchun muayyan suyuqlikni oldindan 95-100
0
C gacha
qizdiriladi so`ng ko`p korpusli vakuum-bug`latkqich qurulmaga yo`naltiriladi va 3,5-
4 soat mobaynida bug`lantiriladi. Uzoq muddat bug`lantirilganda lizin kamayishi
mumkin, shuning uchun aralashmani oldin suyuq fazani uning hajmiga nisbatan 0,4
% miqdorda 25 % li natriy giposulfit yordamida stabillanadi, keyin esa xlorid kislota
yordamida pH ni 4,5-5,0 ga yetkaziladi. Bunda lizinning monoxlorgidrati termik
ta`sirga chidamli bo`lib qoladi. Shu xildagi stabilizatsiya va nordonlashtirish tadbiri
lizinni 5-15 % gacha yo`qotmasdan saqlab qolish imkonini beradi. Bu texnologiya
asosida ajratib olingan SLK ni qayshqoqligi 0,65x10-3 kg (m.s) ga, muzlash harorati
-18
0
C, solishtirma og`irligi 1,15-1,30 ga pH 4,5-5,0 ga teng bo`lib, o`zining
xossalarini o`zgartirmasdan 3 oy saqlanishi mumkin ekan. Bu mahsulot LQK ga
nisbatan biologik qimmati yuqoriroq sanaladi. Tayyor mahsulot temir yo`l
sisternalariga solib ist`emolchiga yuboriladi
LEOK (lizinning yem-oziqa konsentrati) preparatini sanoat miqyosida ishlab chiqarish LEOK preparatini sanoat miqyosida ishlab chiqarish SLK asosida amalga
oshiriladi.
Buning uchun suyuq konsentrat purkagich quritqichda 90
0
C dan oshiq
bo`lmagan issiq havoda 4-8 % namlik darajasigacha quritiladi, 20 kg dan etib
polietilen xaltachalarga joylashtiriladi. Bu xil konsentrat quruq modda hisobiga 15-
20 % gacha lizinning monoxlorgidrati, 14 % gacha boshqa aminokislotalar, 15-17 %
gacha oqsil, 10-13 % gacha betain va 20-25 % gacha kul moddalaridan tashkil topadi,
o`zining tarkibi bo`yicha amaliy jihatdan SLK dan farq qilmaydi. Lekin bu
texnologiya asosida ajratib olingan LEOK juda gigroskopik bo`lib saqlash jarayonida
yirik bo`lakchalarga aylanadi va undan kombinatsiyalab yem-oziqa tayyorlashda
qiyinchilik tug`iladi. Bu kamchilikdan xolis bo`lish uchun SLK ni bug`lantirib
quritish vaqtida unga suyak uni, so`ndirilmagan ohak, bentonit, bug`doy kepagi
qo`shiladi. Ko`pincha bug`doy kepagi qo`shiladi. Buning uchun SLK ni 35-40 %
gacha konsentrlab unga kepakni shunday hisobda qo`shiladiki, aralashmaning
namligi 70 % ga yetsin va hosil bo`lgan massa granula hosil qilish darajasida bo`lsin.
Shu xil qo`shimcha qo`shilgan LEOK tarkibida 7-10 % gacha lizin bo`ladi, u sepilib
ketadigan va nogigroskopik xossaga ega.
