Qo'shma korxonalar infratuzilmasi - bu oʻzida mavjud boʻlgan hozirgi zamon aloqa, transport vositalari, korxona ixtiyorida boʻlgan imorat va inshootlar, koʻrgazmalar zali, servis xizmati, reklama- axborot ta'minoti, madaniy-maishiy binolar va mehmonxonalar- dan tashkil topadi. Qo'shma korxonalar infratuzilmasining tashkil etilishi ushbu bozorda korxona mavqeining yuksalishiga olib keladi, ular mahsulot ishlab chiqarish va uni iste'molchilarga yetkazib berish jarayonining mukammallashuviga xizmat qiladi.
Hozirgi kunda respublikamizda faoliyat koʻrsatayotgan qo'shma korxonalarda infratuzilmaning yaratilish holati sust kechmoqda. Bunga bir qator obyektiv va subyektiv omillar ta'sir etadi. Ular jumlasiga qo'shma faoliyatni yoʻlga qoʻyish va boshqarish sohasida malakali kadrlar yetishmasligi, qo'shma korxonalarni tashkil etishda ayrim byurokratik to'siqlar mavjudligidir.
Qo'shma korxonalar tashkil etish jarayonida birinchi navbat- da ta'sis shartnomasi tuziladi. Ta'sis shartnomasi ta'sischilar tomonidan tuzib chiqiladi va ta'sis yig'ilishida tasdiqlanadi.
Ta'sis shartnomasida ta'sischilar haqidagi asosiy ma'lumotlar qo'shma korxonaning tashkil etilishi va ularga doir barcha zaruriy ma'lumotlar, korxonaning nizom jamg'armasi va ularning joylashtirilish tartibi, ta'sischilarning huquq va majburiyatlari hamda boshqa turdagi masalalar yoritiladi. Quyidagi 2-jadvalda «Alisher Navoiy Interneshnl» yopiq turdagi aksiyadorlik jamiyati shaklidagi Amerika - O'zbek qo'shma korxonasi ta'sis shartnomasi misol keltirilgan.
2-jadval
“Alisher Navoiy Interneshnl” yopiq turdagi aksiyadorlik jamiyati shaklidagi O’zbek – Amerika qo’shma korxonasini tashkil etish to’g’risidagi ta’sis shartnomasini mazmuni
