Microsoft Word etno kitab son srift 12

ETNOPSİXOLOGİYA 
208 
mühafizəkarlıq rəqslərə də sirayət etmişdir, belə ki, qədim və 
müasir hind rəqsləri ciddi şəkildə fərqlənməmişdir.
Kollektivçilik hind rəqslərində də özünü göstərmişdir. Ailə 
həyatı ilə bağlı olan rəqslər sərbəstliyi ilə seçilir. Tayfa rəqsləri isə 
sosial əhəmiyyətinə, formalarına görə fərqlənir, müxtəlif dini 
inanclar, rituallar və emosiyalarla müşayiət olunur. 
Hindistanda müxtəlif bаyrаmlаr, mərasimlər böyük təntənə 
ilə qeyd olunur. Burada əksər bayramlar din motivli, dini 
mahiyyətlidir. Müxtəlif xalqların, irqlərin, dinlərin, dini inancların 
cəmləşdiyi Hindistanda bayramların çoxluğu da elə bu 
müxtəlifliklə bağlıdır. Rəqslər, musiqilər, şən əhval-ruhiyyə
bаyrаmlаrın əsas əlamətləridir.
Hindlilərin məşhur bayramlarından biri Rakhi Purnima 
bayramıdır. Bu bayram hindu şravan təqviminin bədirlənmiş ay 
zamanı, yəni iyul-avqust ayında qeyd olunur. Bu bayramda əsas 
tanrı kimi sular tanrısı-Varuna çıxış edir. Dəniz, çay sahillərində 
yarmarkalar təşkil olunur, əhali bura axışır. Varuna tanrısına ibadət 
olunur, qurbanlar verilir, rituallar icra olunur. Bu bayramda əsas 
diqqəti çəkən məsələlərdən biri budur ki, Varuna tanrısına ibadət 
məqsədi ilə suya çoxlu kokos meyvəsi atılır. Rakhi Purnima 
bayramı Narali Purnima (Bədirlənmiş kokos ayı) adlanır, yaxud 
xalq arasında “Kokos günü” kimi tanınır.
Dussehra (Dasera) bayramı hindus bayramları içində ən 
məşhurudur və 10 gün davam edir. Onuncu gün Navaratha ( 
doqquz gecə) bayramının kulminasiyası sayılır. Navaratra aşvin 
ayının (sentyabr-oktyabr) ayının birinci gecəsində başlayır və 
doqquz gün davam edir.
Divali (Dipavali) bayramı hindusların keçirdiyi təntənəli 
gündür. “Divali” sözü “dipavali” sözünün təhrif olunmuş 
formasıdır, “od xətti” deməkdir. Divаli bаyrаmı məhsul bаyrаmı da 
sаyılır. Bayram oktyabr-noyabr aylarında başlayır. Beş gün davam 
edən bu bayramın birinci günü yeni iş ilinin başlanğıcıdır. İkinci 
gün Krişnаyа, üçüncü gün Şivaya, dördüncü gün isə yoldaş kimi 
görünən, lakin şeytanı bir güc olan Baliyə həsr оlunmuşdur.

---