Microsoft Word etno kitab son srift 12

ETNOPSİXOLOGİYA 
126 
4. Qəbul etmə. Bu mərhələdə mədəni fərqləri nəinki qəbul 
edirlər, hətta onlara hörmətlə yanaşırlar. Hörmət özünü iki 
səviyyədə göstərir: müxtəlif davranışlarda və mədəni dəyərlər 
səviyyəsində. 
5. Adaptasiya. Bu mərhələdə insanlar müxtəlif mədəni fərqlərə 
uyğunlaşırlar və digər mədəniyyət nümayəndələri ilə əlaqə 
yaratmaq və ünsiyyət saxlamaq üçün vərdişlər əldə edirlər. Bu 
vərdişlərdən biri empatiyadır, yəni digər insanın keçirdiyi emosiya 
və hisslərini başa düşmək qabiliyyətidir. Başqa mədəniyyətlərdən 
olan insanlarla əlaqə yaratdıqda biz bu fərqlərə uyğunlaşırıq. 
İnsanlar situasiyaları təkcə koqnitiv olaraq başa düşmürlər, 
həmçinin də bu situasiyaları hiss edə bilirlər. İkinci vərdiş 
plyuralizm (çoxluq) anlayışıdır. İnsanlar fikrən dəyərlər, fikir, 
ideya və yönəlişlikləri anlamaq üçün çoxlu mədəni kontekstlər 
yaradırlar. 
6. İnteqrasiya. Bu mərhələdə insanlar müxtəlif mədəni fərqləri 
kontekst nöqteyi-nəzərincə qiymətləndirməyə başlayırlar. Fərqlər 
tək bir mədəni mövqedən deyil, kontekst və çoxluluq əsasında da 
qiymətləndirilir. Bu mərhələ konstruktiv kənarlaşdırmaya gətirib 
çıxara bilər və fərdlər müxtəlif mədəni sistemlər daxilində fikrən 
yaşaya bilirlər.
 
4.5. Mədəniyyətlərarası adaptasiyanın 
xüsusiyyətləri 
Müxtəlif ölkə və millətlərin arasında vasitəsiz əlaqələrin 
yaradılması onların arasında daha asan və etibarlı münasibətlərə 
gətirib çıxarar. Bütün miqrantlar yerli əhali ilə qarşılıqlı 
münasibətlərdə olanda çətinliklərlə rastlaşırlar. Həmin ölkənin 
adətləri qəribə, ölkə isə sirli gəlir. Bəzən şəxsiyyətlərarası 
ünsiyyətin çoxalması stereotiplərin daha da güclənməsinə də gətirə 
bilər. Ona görə müxtəlif ölkə və xalqlar arasında daha etibarlı 
ünsiyyətin hansı şərtlərlə qurmasını təyin etmək vacibdir.
Tədqiqatçılar müxtəlif mədəniyyət və etnoslarının 
nümayəndələrinin qarşılıqlı əlaqələrinin əlverişli olması üçün bir 

---