Kurs ishining maqsadi va vazifalari. Mintaqalarning raqobatbardoshlik afzalliklari va omillaridan samarali foydalanish bo‘yicha ilmiy asoslangan taklif va tavsiyalar ishlab chiqishdan iborat. Qo‘yilgan maqsadga erishish uchun quyidagi vazifalar belgilab olindi:
mintaqalar raqobat afzalliklaridan samarali foydalanish yo‘llarini belgilash;
mintaqalarning raqobatbardoshligini belgilovchi asosiy omillar tizimini takomillashtirish bo‘yicha amaliy tavsiyalar ishlab chiqish.
Kurs ishining ahamiyati. Ushbu kurs ishi materiallaridan mintaqalarning raqobatbardoshligini belgilovchi omillarini tahlil qilishda qo‘llanishi mumkin. Mazkur kurs ishi natijalaridan Oliy o‘quv yurtlarida «O‘zbekiston milliy iqtisodiyoti», «Marketing», «Makroiqtisodiyot», «Raqobat va uning turlari», «Xalqaro raqobat» kabi fanlar, mintaqalarning raqobatbardoshligini belgilovchi omillarni o‘rganishga qaratilgan maxsus kurslar orqali bir qator mavzularni o‘qitish, amaliy mashg‘ulotlar olib borish, shuningdek, mazkur muammoni tadqiq etishga bag‘ishlangan izlanishlarda ilmiy va uslubiy ma’lumotlar sifatida foydalanish mumkin.
Kurs ishi tarkibining qisqacha tavsifi.Kirish, asosiy mazmunni yorituvchi 4 ta savol, xulosa va foydalanilgan adabiyotlar ro‘yxatidan iborat.
Kurs ishining xulosa qismida mavzu bo‘yicha ilmiy asoslangan taklif va tavsiyalar berilgan.