Mövzu 1 Mikroiqtisadiyyatın predmeti və metodu. Plan

Mövzu 10 BİZNES PLAN
PLAN
l.Biznes- planın tərtib edilməsi prinsipləri

2. 
   Biznes - planın tərtib edilməsi texnikası
   
3. 
   Biznes - planın məzmunu
   

İstifadə edilən ədəbiyyat
1. O.Məmmədli,M.İsmayılov,F.İ.İsmayılov.İqtisadi nəzəriyyə.Dərs vəsaiti,. Bakı 2010.

2. M.Meybullayev.Mikroiqtisadiyyata giriş.Dərs vəsaiti,.Bakı 2010.

3. E.Kərimov,B.Osmanov. İqtisadi nəzəriyyə.Dərslik, Bakı 2010.

1. Biznes - planın tərtib edilməsi prinsipləri

Firmalar (müəssisələr) öz fəaliyyətlərində biznes-plandan geniş istifadə edirlər. Bu, bir tərəfdən, ölkədən-kənar investisiya mənbələrinin cəlb edilməsinə, digər tərəfdən isə firmaların təsərrüfat fəaliyyətlərinin planlaşdırılmasına xidmət edir. Buna uyğun olaraq iki biznes-plan tərtib olunur. Bunlardan biri ölkədənkənar maliyyə vəsaitlərinin cəlb edilməsi, digəri isə firma daxilində istifadə olunmaq üçündür. Bunların arasında həm quruluşlarına, həm də məzmunlarına görə əhəmiyyətli fərqlər vardır.

Ölkədənkənar maliyyə vəsaiti mənbələrini müəyyənləşdirmək və onları cəlb etmək üçün biznes-planı tərtib edərkən bir sıra prinsiplərdən istifadə olunur.

Bu prinsiplərdən biri ondan ibarətdir ki, biznes-plan özündə investorun, yaxud da kreditorun firma haqqında rəyini və vəsait ayrılmasına dair qərarını əks etdirdiyinə görə tərtib olunarkən onun məhz kimə- kreditora, yoxsa investora ünvanlandığı dəqiq müəyyən edilməlidir.