Pedaqoji qiymətləndirmə – müəllimin məqsəd qoyması, kontrol tapşırıqlar, suallar hazırlaması, təlim fəaliyyətinin nəticələrini yoxlaması və təhlil etməsi, yoxlama və nəhayət, tələbəyə qiymət yazması kimi bir-birilə vəhdətdə olan əməliyyatlatı reallaşdırmaq deməkdir. Qiymətləndirmə – pedaqoji prosesin məqsədəuyğunluğunu, obyektivliyini, səmərəliliyini, həyatiliyini, və sistemliliyini aşkarlamağa, nəticələri yoxlamağa imkan verən mürəkkəb bir sistemdir.
Qiymət – tələbənin təlim fəaliyyətinin nəticələrinin (müvəffəqiyyətinin) son göstəricisidir. Qiymət – tələbənin təlim fəaliyyətinin həm keyfiyətcə, həm də kəmiyyətcə ölçüsüdür. Kəmiyyət ölçüsü keyfiyyət ölçüsündən törəyir. Pedaqoji qiymətləndirmə – keyfiyyət və kəmiyyət göstəricilərinin müqayisəsi, ümumiləşdirilməsi və mücərrədləşdirilməsi nəticəsidir və bu əməliyyatlar bir-birilə vəhdətdədir.
Təlim prosesində pedaqoji qiymətləndirmənin obyekti – tələbənin fəaliyyətidir, predmeti isə fəaliyyətin müxtəlif keyfiyyət xarakteristikalarında ifadə olunan nəticələridir.
Dostları ilə paylaş: |
