Fənn: Tibb bacısının iĢi
ġöbə: “Mamalıq iĢi”
2 nömrəli Bakı Baza Tibb Kolleci
85
MÖVZU 40
QAN DÖVRANI SĠSTEMĠ XƏSTƏLĠKLƏRĠNĠN ƏSAS SĠMPTOMLARI
Qan dövranının xəstəlikləri daxili xəstəliklər arasında aparıcı yerlərdən birini tutur. Əmələ gəlmə
səbəbləri müxtəlifdir. Ürəyin müxtəlif hissələri, həmçinin damarlar da zədələnirlər:miokard, ürəyin tac
damarları, aorta. Ürəyin bir çox xəstəlikləri qan dövranı çatmamazlığına gətirib çıxarır. Qan dövranının
xəstəlikləri müxtəlif cins və yaşlarda rast gəlinir. Qan dövranının xəstəlikləri zamanı xəstələr müxtəlif
şikayətlər edirlər. Lakin bəzi xəstəliklərin ilk dövründə bəzən heç bir şikayət olmur və xəstəlik təsadüfən
aşkar edilir. Əsas simptomlar aşağıdakılardır:taxikardiya, aritmiya, ürəkdə ağrılar, təngnəfəslik, boğulma,
ödemlər, göyərmə (sianoz) və s. Taxikardiya. Məlumdur ki, sağlam adam sakitlikdə öz ürəyinin
döyünməsini hiss etmir. Lakin bununla yanaşı sağlam adam belə fiziki işdən, güclü həyəcanlanmadan
sonra və yüksək temperatur zamanı ürəkdöyünməni hiss edə bilər. Ürək xəstəlikləri zamanı taxikardiyanın
əmələ gəlməsinə səbəb aşağıdakılardır:ürəyin yığılma qabiliyyəti zəifləyir və o bir yığılma zamanı aortaya
lazım olduğundan az qan vurur. Orqan və toxumaların qanla təchizatı azalır. Taxikardiya çox zaman
kompensator mexanizm rolunu oynayır. Lakin, ürəyin bu rejimlə işləməsi onun özü üçün yaxşı deyildir,
çünki taxikardiya zamanı diastola fazası qısalır, onun ürək əzələsində iş qabiliyyətini bərpa edən faydalı
biokimyəvi proseslər gedir.
Dostları ilə paylaş: