Hüceyrə zədələnməsinin protein mexanizmi. Zülallar yüksək temperatur, asidoz, sərbəst radikallar, ağır metal duzlarının təsiri nəticəsində denaturasiyaya uğrayır. Zülalların funksiyalarından asılı olaraq müxtəlif pozulmalar meydana çıxır. Reseptor vəzifəsi daşıyaraq, hüceyrənin müəyyən siqnala cavab verməsini təmin edən zülalların ilkin strukturunun dəyişməsi sitoresepsiyanın pozulması ilə nəticələnir. Hüceyrəöz ixtisaslaşmış funksiyasını yerinə yetirə bilmir. İon kanallarınıəmələ gətirən zülalların denaturasiyası baş verərsə, hüceyrənin elektrolit mübadiləsi pozulur, ion disbalansı yaranır və membran potensialı dəyişir. Bu zaman membran keçiriciliyi pozulur, hüceyrədaxili ödem, asidoz, membranın osmotik gərilməsi və tamlığının itməsi baş verir. Fermentlərin denaturasiyası nəticəsində hər hansı bir fermentativ reaksiya inhibə olunur. Sitoskelet zülallarının parçalanması hüceyrənin hərəki funksiyasının itməsinə səbəb olur.
