Zədələnmənin ilk mərhələlərində hüceyrənin səthində sitoplazmatik çıxıntıların meydana çıxmasısitozoldakı zədələnmələr iləəlaqədardır. Proses inkişaf etdikcə zülalların denaturasiyası nəticəsində sitozolun koaqulyasiyası, fraqmentlərə parçalanıb dağılması (plazmoreksis), sonra isə hidrolitik fermentlərin təsirindən plazmolizi baş verir.
Nüvənin zədələnməsi. Zədələnmə zamanı nüvədə hidrolazalar fəallaşır, nuklein turşuları depolimerizasiyaya uğrayır, nüvənin membranında geridönməyən dəyişikliklər baş verir. Bu zaman nüvə lizisə uğrayır və sitoplazmaya qarışır. Karioliz zamanı nüvədə olan DNT sitoplazmaya və hüceyrəarası mühitə keçir. Bəzən nüvə qırışır, sərtləşir (kariopiknoz) və daha intensiv boyanır. Sərtləşmiş nüvə parçalanaraq (karioreksis)dağılır.
